Julia Gjika/

I dashur Frank, realizimi i aktivitetit për mbledhje fondesh për kampin veror të fëmijeve pranë kishës ishte një sukses që vetëm ti mund ta bëje dhe e bëre. Të lumtë! Vërtet u lodhe, por ia dole me sukses.Të urojmë shëndet dhe clodhje të shpejtë.

Sa i urtë që është babai yt! Na pëlqen shumë, zotni i vërtetë, pa mburrma, vetëm punë dhe përballim hallesh shëndetesore të familjes. I ngjan nga karakteri. Jepi të fala nga unë dhe Julia.

Mirë u pafshim e javë të mbarë. Të urojmë shëndet dhe clodhje të shpejtë.

Ky ishte urimi dërguar nga ne në një mesazh dhe padyshim nga cdo pjesmarës , me mendje, me zemër për organizatorin, punonjësin e palodhur të “Ilirian Gardenit” pranë Kishës shqiptaro-amerikane, “Fjetja e Shën Marisë” në Worchester MA, z. Franklin Zdruli., për mbrëmjen festive të datës 4 Qershor 2022, në orën 6PM-10.PM

E kemi ndjekur nga afër dhe kemi parë me sy aftësitë organizuese të z. Frank edhe më parë kur janë zhvilluar Festivalet shqiptare këtu në Worchester MA, pranë Kishës shqiptaro-amerikane. Kemi parë punën e palodhur dhe rezultatin. pëkushtimi i tij ka sjellë suksesin. Këtë radhë pamë përkushtimin e gjithë familjes së tij, që nga bashkëshortja, znj. Ina Zdruli, dy djemtë dhe babai i nderuari z. me kamerë në dorë nga tavolina filmonte mbrëmjen e gëzuar festive..

Qëllimi i këtij aktiviteti i ideuar nga organizatorët u bë për mbledhje fondesh në hapjen e kampit të fëmijëve për muajt e verës pranë Kishes “Fjetja e Shën Mërisë”,dhe në kuadrin e 100 vjetorit të mardhënieve midis Worchesterit dhe Amerikës. Kampi veror do të funksionoje për fëmijë të moshës nga 7-10 vjec dhe nga 11-13 vjec, për muajin Korrik në dt 5-8; 11-15; 18-22;25-29. Për cdo fëmijë pagesa do të jetë $150.

Organizimi i mbrëmjes festive me këngëtaren e talentuar të ftuarën e nderit znj. Ermira Babaliu, lindur në Korcë dhe ritur në Pogradec, e palodhura, e qeshura e ëmbla, për katër orë, nuk pushonin bilbilat në zërin e saj. Orkestra e mbrekullueshme që e shoqëronte, me serenatat korcare, ishte mahnitëse, percillte mall e dashuri për cfarë kanë lënë përtej oqeanit emigrantët e rinj pas vitit 1990. Skena me dekorin fliste nëpërmjet zbukurimeve, ishte Korca, qyteti i serenatave, shtëpitë e bukura me ballkone, rrugicat me kalldrëm , pikturuar trëndafilat që derdheshin mbi avllitë, mbi kangjallat të cdo shtëpie.Imazhi sillte kaq pranë vendlindjen e shumë të pranishmëve që ishin në sallë. Këngëtarja do të hapte programin pikërisht me këngët më të bukura të këtij qyteti, me serenatat korcare që i kanë dhënë famën qytetit dhe këngëtares znj. Ermira Babaliu. Kënga “Dua më shumë Shqiperinë”,’Një ditë Maji ty të takova” u duartrokitën nga të gjithë pjesëmarsit nxehtësisht duke bashkuar zërat me këngëtaren, për të vazhduar me shumë këngë të tjera që ngritën peshë pjesëmarsit. Shpesh herë këngëtarja ndau mikrofonin me pjesëmarsit, si psh me Jani Kotnanin, Andrea Keithi nga Korca disa herë bashkuan zërat e përcollën mallin për Korcën.

Më shumë se 150 bashkëkombas ardhur nga Bostoni dhe rethinat, Michigani, New Yorku, Albani, Filadelfia, krijuan atmosferën e këndshme e cila u regjistrua në memorien e cdo pjesëmarësi si edhe u fiksua nga kameramanët e New Yorkut, Michiganit dhe Worchesterit.

Gjithë elegancë e dashuri, shtruar- shtruar, dorë për dore, jo vetëm korcarët e serenatave, por krahina të Shqipërisë, kërcyen vallet popullore. Pjesëmarja në to e grave dhe vajzave ra në sy për lëvizjet e tyre, treguan edhe njëherë mallin për vendlindjen, e kemi marë me vehte dhe e shpalosim në cdo kohë e vend kur na jepet mundësia, ndërsa burrat i pamë në vallzime burrërore, .spektakël trimerie për të na kujtuar trimëritë shqiptare ne shekuj. Nga orkestra që shoqëronte këngëtaren, u shkput këngëtari Alket Nickaj I cili pasuroi repertorin me zërin e tij të vecantë..

Ciftet ngriheshin në kërcim njëri pas tjetrit si Albano Lubonja me bashkëshorten,Gjergji Disho me bashkëshorten Kreuza, Andrea Keithi me bashkëshorte Kozetën, Ilir Danga me bashkëshorten Brixhidën e tjerë. Kërcimi i tyre me elegancë bëri që të duartrokiteshin gjatë nga të pranishmit

Pas një pushimi të shkurtër Father Mark Doku përshëndeti organizatorët dhe pjesëmarsit duke i bekuar në një lutje, bekoi ushqimin dhe ata që kishin punuar në kuzhinë për përgatitjen e darkës. Pas lutjes, të gjithë morën ushqimin, shijuan mishin e pjekur nga vullnetari Klodi Melka dhe ndihmësi Gaqo dhe Pavlina Ghylapi, zarzavatet e pjekura dhe sallatën me spinaq, domate, kastravec e qepë.

E gjithë darka ishte dhuruar nga Edi dhe Eva Postol Boomer’s Pizza Sub &Deli si edhe pijet e bollshme. Znj Ina Zdruli, bën sutprizën mv të bukur në këtë mbrëmje me një dhuratë në duar fton Father Markun dhe gruan e tij për të uruar 25 vjetorin e martesës së tyre. Të gjithë respektuan duke u ngritur në këmbë dhe uruar jetë të gjatë dhe shëndet..

Tani vec energjive që kishin shpenzuar duke kërcyer, biseduar , aroma e ushqimit ju kish dhënë kënaqësinë tjetër e të qenit sëbashku, e bisedave që nuk mund te mbaroheshin, miqësi të reja të sa po lindura aty për aty, të tjera që u takuan pas shumë vitesh si takimi ynë me komshiun e rinise Vangjo Loli i cili tregoi për miqësinë e nënave tona të mira. Janë këto aktivitete që bashkojnë dhe forcojnë komunitetin . Pas ushqimit nën tingujt e muzikës u shpallën dhe fituesit e llotarisë tradicionale që bëhen në këto aktivitete.

Nga shporta e vogël prisnin të tërhiqeshin numurat e llotarisë nga dora e mbarë e djalit të vogël të z. Frank . Ai lexoi numurat e fituesëve. Të lumturuar nga fitorja, të kurorëzuar me një dhuratë përgatitur nga znj Ina, falenderuan organizatorët. Piktori Shkodrani erdhi nga Bostoni me gjithë bashkëshorten, nje grua zonjë e respektuar na afroi bisedë të ngohtë ku mësuam për jetën e tyre në Boston pranë fëmijëve, Piktori Shkodrani fali për llotarinë një prej pikturave të tij e cila u fitua nga një person i ardhur prej New Yorkut. znj Ina Zdruli kishte përgatitur dy pako të mëdha, bukur, me kulturë dhe dashuri duke kënaqur kështu dy fitues të tjerë dhe pjsëmarsit sigurisht, Fitoren e duartrokasin të gjithë.

U larguam nga kjo mbrëmje e bukur me një qëllim të madh , për fëmijët e komunitetit, të arthmen tonë, për tu siguruar pushime të gëzuara gjatë verës, clodhje aktive, pranë shkollës së Kishës Fjetja e Shën Mërisë . Ndjemë nga afër kënaqësinë që të jep një komunitet i bashkuar, organizatorët e përkushtuar për të ndihmuar cdo njeri që është në nevojë, për të forcuar mardhëniet, miqësitë, për të lënë emerin e nderuar këtij qyteti i cili na priti, na dha strehë, punë, edukim, shkollim. Si të parët tanë emigrantë që erdhën nga fundi i shekullit 19-të, aty nga viti 1915, ne erdhëm pas 1990, kohë ku jetuam, punuam, ritëm dhe shkolluam femijët tanë të cilët na nderuan dhe po bëhen dikushi këtu në Atdheun e ri, duke nderuar vendlindjen nga erdhëm. Falenderojmë Amerikën, vendin e të gjitha mundësive për të ecur përpara. Zoti e bekoftë këtë vend përparimtar, paqedashës që nga hici të ngre atje lart dhe të vesh me dinjitet.

6/8/2022