Sadik Elshani – Page 14 – Dielli

Vaçe Zela, valsi yne i lumturise

February 7, 2017 by dgreca

Me rastin e 3 vjetorit te ndarjes nga kjo bote te artistes sone te madhe, Vaçe Zela (7 prill, 1939 – 6 shkurt, 2014)/

Nga Sadik ELSHANI/*Sot, me 5 shkurt, 2017 iu dha lamtumira e fundit poetit, shkrimtarit, gazetarit, publiçistit, dramaturgut, skenaristit, njeriut, Dritero Agolli. Nena Shqiperi, “Hallemadhja jone shekullore” e futi ne gjirin e saj te ngrohte per ta mbajtur ne perjetesi. Ndersa tri vite me pare, me 5 shkurt te vitit 2014, na la Vaçe Zela, kengetarja, artistja jone e madhe. Edit Piafi yne u nda nga kjo bote per t’u ngritur ne qiellin e perjetesise prej nga eshte duke shendritur si nje yll qe nuk shuhet kurre. Eshte zeri i saj, Jane kenget e saj qe do ta mbajne ate gjithmone te gjalle ne mesin tone.

Vaçe Zela u lind me 7 prill te vitit 1939, te njejten dite kur Shqiperia u pushtua nga Italia fashiste. Atdheu u pushtua, humbi pavaresine, por po ne ate dite te veshtire, ai vend lindi Vaçe Zelen, e cila pak vite me vone do te behej krenaria, Nderi i Kombit. Kjo mund te jete vetem nje rastesi, por eshte me shume se nje rastesi, eshte nje metafore e ngadhnjimit te se bukures mbi te keqen. Ajo ishte nje dhurate per kombin tone.

Vaçe Zela ishte nje artiste e perkryer me plot kuptimin e fjales. Ajo nuk ishte interpretuese mekanike e kenges, ajo i jepte shpirt kenges me zerin e saj te vecante, melodioz e plot muzikalitet. Per arritjet e perkryera artistike, ajo ishte mjaft kembengulese dhe e vendosur. Siç tregonin, poeti Dritero Agolli dhe kompozitori Tish Daija, ajo kishte kerkesa te larta artistike si per tekstin, ashtu edhe per muziken – luftonte per çdo varg, luftonte per çdo note. Gjithmone do te mbetet model i persosmerise profesionale e artistike.

Si nje artiste e pashoqe ne hapesirat tona dhe si nje grua fisnike me vlera te larta njerezore, u be shembull, u be burim frymezimi per shume vajza te reja, artiste te ardhshme – ka qene percaktuese e fateve te jetes se tyre. Shume vajza te reja thonin se do te beheshin si Vaçe Zela dhe shume prinder u thonin vajzave te tyre: Te me behesh si Vaçe Zela. Ky eshte nje nga vleresimet me te larta qe mund t’i behen nje artisti.

Kenga e saj gjithmone sjell optimizem, hov rinor, te merr ne krahet e saj magjik e te shpie ne nje bote magjepse, t’i largon per nje çast hallet, brengat e jetes. Ja si shprehet per kete kengetari Sherif Merdani: “Ne jetuam ne nje Shqiperi qe lengonte, qe renkonte. Ku kengetari burgosej per kengen e tij, poeti pushkatohej per vepren e tij. Zoti nuk na i vrau shpresen, dergoi nje ze qe na i zbuti dhimbjen dhe na dha shprese, kjo ishte Vaçja.”

Vaçe Zela eshte vlere kombetare, eshte diamanti i kurores se muzikes se lehte shqiptare. Kenget e saj jane nje copez e shkelqyer, e arte e mozaikut te kultures sone kombetare. Me kenget e Vaçe Zeles shpirti i kombit tone eshte me i pasur, me fisnik. Kenget e saj jane per te gjitha brezat, te gjitha koherat – kenge qe pelqehen e kendohen ne te gjitha trevat shqiptare. Jo me kot ajo kishte lene amanetin, porosine e saj qe arkemorti me trupin e saj te zbriste ne aeroportin Prishtines e pastaj te vazhdonte per ne Tirane me makine, ashtu, mespermes Shqiperise, si kenga e saj qe jehonte ne gjithe Shqiperine Etnike.

Ajo u paraqit me plot sukses edhe ne skenat e huaja dhe me interpretimet e saj plot elegance, me zerin e saj te vecante ajo i magjepsi edhe artdashesit joshqiptare, shpalosi vlerat shpirterore te popullit tone para botes. Jane kenget e vendit tone, kenget e shpirtit tone.

Jeta e nje artisti, shkençetari, madje edhe e çdo njeriu, eshte vepra e tij. Njerezit jetojne me vepren e tyre, mbahen mend per vepren e tyre. Vaçe Zela krijoi nje art me vlera te veçanta artistike. Kenget e saj, zeri i saj i embel, i ngrohte, i veçante e plot muzikalitet do te jehoje nder vite e shekuj. Teksti i zgjedhur, muzika plot ritem, e rrjedhshme, interrpretimi me gjithe shpirt – keto jane kenget e Vaçe Zeles. Kenget e saj jane valsi i lumturise, optimizmit dhe krenarise se kombit tone. Kenget: “Valsi i lumturise”, Rrjedh ne kenge e ligjerime”, “Djaloshi dhe shiu”, “Kenget e vendit tim” e shume e shume te tjera, qe jane margaritare te muzikes sone, do te mbeten gjithmone me ne e do te kendohen gjithmone me shume dashuri, respekt e mirenjohje ndaj Vaçes. Ne skenen muzikore shqiptare ajo ishte dhe do te mbetet e vetme (unike), e paperseritshme, e pakrahasueshme, e paimitueshme, e paarritshme. Kengetare te reja, behuni me te mira se Vaçe Zela, por mos u mundoni ta imitoni ate! Ajo ishte dhe do te mbetet njeshi.

Gjate karrieres se saj te shkelqyer ajo u nderua me shume mirenjohje, çmime, urdhra e dekorata: Artiste e Merituar, Artiste e Popullit, Nderi i Kombit – e vetmja grua shqiptare qe u nderua me kete titull per se gjalli. Por çmimi me i larte e me domethenes per te dhe çdo artist te vertete, ishin duartrokitjet e zjarrta te publikut, adhurimi per zerin, kenget, artin e saj.

Tani ka tri vite qe ajo prehet e qete ne token shqiptare, ne zemrat e shqiptareve dhe te gjithe adhuruesve te muzikes, artit dhe vlerave te larta te bukurise njerezore!

Gjithmone ne zemrat tona!

Filadelfia, 5 shkurt, 2017

*Sadik Elshani eshte doktor i shkencave te kimise dhe veprimtar i bashkesise shqiptaro – amerikane.

Çameri, moj Çameri…

January 30, 2017 by dgreca

Jemi mbushur plot me kryeministra, gjenerale e komandante te veteshpallur, por jane sherbestaret ata qe sot po i duhen me shume se kurre kombit tone/

Nga Sadik ELSHANI/*Filadelfia/

Nga te gjitha trevat shqiptare, jashte kufijve te Shqiperise londineze dhe Kosoves, gjendja, pozita, ceshtja kombetare me e mjerueshme eshte ne Çameri. Te gjithe e dime se gjendja e shqiptareve ne Luginen e Presheves, Mal te Zi e Maqedoni nuk eshte ne nje gjendje te lakmueshme, ashtu sic deshirojme ne qe te jete. Pork jo as qe mund te krahasohet me gjendjen e veshtire te vellezerve came ne Greqi, te cileve u mohohet edhe identiteti kombetar, te qenit (ekzistenca) e tyre. Shteti grek nuk njeh asnje pakice kombetare, per ta te gjithe jane greke. Keto probleme jane rrahur mjaft dhe per to eshte shkruar shpesh ne shtypin shqiptar, prandaj nuk eshte nevoja qe te perseriten ne kete shkrim. Gjendja e mjerueshme e Camerise po dihet mire, por ajo qe po mungon eshte perpjekja kembengulese, vizioni per zgjidhjen e ceshtjes came.

Ajo qe me shtyri qe t’i shkruaj keto radhe jane disa deklarata qe po degjoja per here te pare ne nje bashkebisedim, veprimtari qe u zhvillua dite me pare ne Filadelfia. Me kryetarin e Akademise Shqiptaro – Amerikane te Shkencave dhe Arteve, profesor Skender Kodren, ishim marre vesh se ate dite ne Filadelfia do te bente nje visit zoti Eduard Ndocaj, deputet i Kuvendit te Shqiperise. Dhe ashtu ndodhi: ser bashku me deputetin Ndocaj dhe profesor Kodren nga Nju Jorku erdhen edhe nje grup bashkatdhetaresh dhe te gjithe se bashku zhvilluam nje bisede vellazerore per problemet me te cilat po ballafaqohet Shqiperia, shqiptaret ne trojet etnike si dhe ne diaspore. Te pranishmit shprehen pakenaqesine me atmosferen jo te mire e aspak parlamentare qe po ndodh ne Kuvendin e Shqiperise. Ne grupin e bashkatdhetareve bente pjese edhe zoti Festim Lato, kryetar i Partise Demokratike te Camerise, me seli ne Hage te Holandes. Te gjithe ne ne Filadelfia, zotit Lato po ia degjonim zerin, po ia shihnim fytyren per here te pare. Ai foli per veprimtarite, angazhimet e tij dhe te shoqates se tyre qe lidheshin me problemet e ceshtjes se Camerise. Por ai na habiti te gjitheve kur deklaroi se Pavaresia e Camerise ishte shpallur ne Hage ne tetor te vitit te kaluar dhe se ai na qenka kryeministri i Camerise?!

Se pari, zoti Lato dhe ata pak perkrahesit e tij duhet ta dine mire se, pavaresia e Camerise nuk shpallet ne Hage, por ne Janine, Preveze, Arte, apo ne ndonje vend tjeter te Camerise. Pavaresia e Shqiperise u shpall ne Vlore, ne prani te perfaqesuesve te te gjitha trojeve shqiptare, ndersa pavaresia e Kosoves u shpall ne Prishtine, ne Kuvendin e Kosoves e ne prani te deputeteve qe perfaqesonin popullin e tere Kosoves. Prandaj, shpallja e pavaresise ne Hage, ne prani te nje grushti njerezish, nuk eshte kurrefare pavaresie. Veprime te tilla jane te pamatura, te papjekura e donkishoteske, sepse nuk e ndryshojne fare gjendjen ne terren, pra ne Cameri. Kjo tregon qarte se disa individe nuk e cajne koken per gjendjen e njemendte (reale), por vetem per nevojat e tyre egoiste e karrieriste. Me brohorima, me rrahagjoksje, me deklarata bombastike nuk mund te zgjidhet ceshtja e Camerise dhe asnje ceshtje tjeter kombetare, por vetem me pune te perkushtuar e veprimtari te panderprere atdhetare. Ata qe punojne per kombin nuk bejne zhurme, nuk e rrahin gjoksin, nuk flasin per punen e tyre, nuk vetemburren – historia flet per ta, kombi mburret me ta. Gjendja e sotme e cameve dhe arvanitasve ne Greqi mund te krahasohet me gjendjen ne te cilen ndodhej Shqiperia ne kohen e para fillimit te Periudhes se Rilindjes Kombetare. Ah, sa bukur tingellon: Kryeministri shqiptar i Camerise se pavarur, por sa e mjerueshme eshte pozita kombetare e cameve ne Greqi! Eshte veshtire te pershkruhet me fjale. “Petullat me uje nuk mbarohen”, thote nje fjale e urte shqiptare.

Pasta jai vazhdoi, duke thene se tani kishte ardhur ne Amerike per ta hapur ambasaden e Camerise ne Washington. Kjo eshte teper naïve, sepse askush nuk mund te vije ne Washington per te hapur ambasade kur t’i teket dikujt. Ky shtet nuk eshte “Banana Republik”, nuk eshte shtet bashibuzukesh. Dihet fare mire protokolli per hapjen e ambasadave ne vende te huaja: ambasadat happen kur shteti nikoqir e njeh pavaresine e shtetit perkates. Fatkeqesisht, Cameria ende eshte shume, shume larg nga ky hap.

Dihet se gjendja e Camerise eshte e veshtire, por ke ta fajesojme tani qe Cameria na qenka e pavarur?! “Kryeministrin” dhe “qeverine” e tij apo Greqine?! Si mundet ky “Kryeminister” te ankohet te nderkombetaret per gjendjen e rende ne Cameri, kur vete na qenka derejtues i asaj krahine shqipate?! Ka absurd me te madh?! Ceshtja e Camerise eshte nje problem shume serioz kombetar qe kerkon nje qasje, nje perkushtim teper serioz e jo te bie ne keso nivele teper te uleta. Veprime te tilla te pamatura jane deshmi se ne vuajme nga sindromi i heroit, udheheqesit, i te qenit i pari, duke mos patur parasysh se, a jemi te afte, te zotet per t’i dale ne balle detyrave kaq serioze e te veshtira.

Kosova dhe Cameria paten fatin e perbashket e te dhimbshem: te dyja u shkeputen padrejtesisht nga trungu i Dheut Meme. Por paralelizmat nuk shkojne gjate, sepse gjendja ne Kosove ka qene dhe eshte ndryshe nga ajo e Camerise. Kosova e fitoi pavaresine fale perpjekjeve dhe lufterave te brezave te tere shqiptaresh, ndihmes nderkombetare dhe faktit se Jugosllavia si shtet u shkaterrua. Ketu nuk ka nevoje te zgjatemi se historia i ka thene te tjerat. Prandaj zgjidhje e problemit te Camerise kerkon nje qasje pak me ndryshe nga ceshtja e Kosoves, edhe pse ka mjaft ngjajshmeri.

Se pari, partite came duhet te bashkohen, t’i bashkerendojne punet e tyre, te flasin me nje ze, nga mesi i tyre te nxjerrin nje udheheqes qe ia mbushe syrin dikujt, te bindshem e me autoritet e respekt si Ibrahim Rugova. Pastaj te ushtrojne trysni mbi qeverine e Shqiperise, ne BE, ne Parlamentin Europian qe si hap i pare, te njihet kombesia shqiptare ne Greqi. Pakica greke ne Shqiperi i gezon te gjitha te drejtat s ite gjithe qytetaret tjere. Jane pikerisht te njejtat institucione europiane qe per nje grusht serbesh, te cilet i gezojne te gjitha te drejtat, jane duke e paralizuar jeten politike te Kosoves. Ndersa Greqia, nje anetare e BE-se, as qe i njeh pakicat kombetare ne teritorin e saj, lere me t’u garantoje atyre te drejtat me themelore, ekzistencen e tyre. Te kerkohet perderimi i gjuhes shqipe ne publik, te happen shkolla shqipe, t’u njihet e drejta e prones cameve te debuar me dhune nga vatrat e tyre me 1944. Keto kerkesa sa per fillim, pastaj vijne te tjerat, dalengadale apo shpejt e shpejt, varesisht nga rrethanat e caktuara historike.

Ndertimi i shtepise fillon nga hedhja e themeleve dhe jo nga venja e kulmit. Ka shume pune per t’u kryer para se dikush ta shpalle veten “Kryeminister”. Clirohet vendi, pastaj zgjidhen drejtuesit e shtetit me voten e lire te popullit. Per fat te keq, nga perspektiva, kendveshtrimi i sotit, Cameria eshte shume larg nga ky cast. Endrren gjithmone duhet ta mbajme gjalle dhe ne nderkohe duhet t’I kryejme punet qe duhen kryer se pari.

Sic permenda ne fillim te shkrimit, ne u tubuam ne Filadelfia per nje qellim tjeter, prandaj ishte e pamundur t’i shprehja mendimet e mia te cilat i hodha ne kete shkrim. E bera kete shkrim jo per te kritikuar ndonje person te caktuar, por vetem per t’i shprehur pikepamjet, shqetesimet e mia per ceshtjen e Camerise, si nje shqiptar qe gjithmone ka qene i brengosur, i shqetesuar me fatet e kombit tone, duke filluar nga nje moshe teper e re; si nje njeri qe kurre nuk ka qendruar indifferent para sfidave te ndryshme dhe gjithmone eshte munduar te bej dicka brenda aftesive dhe mundesive te veta. Ketu nuk po zbuloj asgje konspirative, asnje fshehtesi (kete nuk do ta beja kurre), sepse keto te dhena per Shpalljen e “Pavaresise” se Camerise ne Hage jane bere publike, gjinden ne internet. Ky shkrim eshte vetem nje keshille e cilter e shume dashamirese: “Te mos bejme hop pa e kercyer gardhin” – sic thote nje fjale tjeter e urte e jona.

Filadelfia, 29 janar, 2017

*Sadik Elshani eshte doktor i shkencave te kimise dhe veprimtar i bashkesise shqiptar – amerikane.

Asociacioni pavaresoka serbet nga Beogradi?!

January 21, 2017 by dgreca

Lunacek

*Deri kur do t’i degjojme e durojme marrezite e zonjes Lunacek dhe kolegeve te saj?!/

1 Sadik-Elshani Nga Sadik ELSHANI/ Filadelfia-USA/Kur ne gazeten “Bota Sot” lexova artikullin: “Lunacek: Asociacioni pavareson serbet nga Beogradi”, nuk m’u durua pa u ulur per t’i shkruar keto radhe. Njeriu mbusht plot mllef: cfare papergjegjesie, cfare marrezie, cfare idiotesie! Keto fjale i thote nje zonje qe eshte nenkryetare e Parlamentit Europian dhe Raportuesja per Kosoven ne kete Parlament.Kjo deklarate eshte nje deshmi per nivelin e ulet te njohurive te kesaj zonje per Kosoven dhe rajonin. Por ne cfare menyre, ne cilen forme, cila eshte ecuria qe do t’i pavaresoka serbet e Kosoves themelimi i ketij asociacioni? Per kete zonja Lunacek nuk e thote asnje fjale, sepse as vete nuk e di se cka eshte duke thene. Dhe nuk e di se a e ka sfiduar dikush zonjen Lunacek per kete qendrim te pakuptimte, per kete marrezi. Problemi eshte se vete serbet nuk duan te pavaresohen nga Beogradi. Kjo eshte teper e thjeshte: ku ka pavaresim me te mire per serbet e Kosoves sesa te jetojne ne nje shtet te pavarur nga Serbia? Ceshtja qendron krejt ndryshe, sepse as serbet e Kosoves dhe as Serbia nuk e pranojne shtetin e pavarur te Kosoves. Nder te tjera ne artikullin ne fjale thuhet: “Ajo ka nenvizuar se ky asociacion nuk do te kete mandate ekzekutiv dhe thekson se komunat jane per te ofruar sherbime ndaj qytetareve dhe jo te bejne politika kombetare”. Keto perralla, Zonja Lunacek le t’ia tregoje dikuj tjeter. Serbet i kane komunat e tyre ne ato vende ku jane shumice dhe u ofrojne sherbime qytetareve. Serbet i shfrytezojne te gjitha sherbimet sikur cdo qytetar tjeter i Kosoves edhe ne komunat ku ata jane pakice. Qellimi i formimit te ketij asociacioni eshte qe, permes ketij organizimi Serbia te fuse kemben ne Kosove e pastaj te ulet edhe kembekryq. Ky eshte Kali Trojan i Serbise. Thene me mire, ky eshte njeri nga shume kuajt trojane te tyre, tani kane filluar ta perdorin edhe trenin. Kur Serbia ngul kembe per dicka qe Kosova duhet ta bej, eshte fare lehte te kuptohet se ato kerkesa nuk jane ne dobi, ne te miren e Kosoves, sepse eshte pikerisht kjo Serbia qe per me shume se nje shekulli po mundohet te na zhduk nga faqja e dheut. Kjo na kujton ngjarjet nga e kaluara jo e larget e historise se Kosoves. Na kujton kohen kur Serbia ngulte kembe per ndryshimet kushtetuese, duke u munduar te na bindtte se me keto ndryshime asgje nuk do te ndryshntje. Nese asgje nuk do te ndryshonte, atehere perse i benin ato ndryshime?! Por historia na tregon ndryshe. Ndryshimet u ben dhe i kushtuan shume shtrtenjte popullit tone. Ne formen e tanishme ky asociacion eshte shtet brenda shtetit. Komunat serbe mund te kene nje asociacion per t’i bashkerenduar punet e tyre, por jo nen kontrollin e Sebise. Populli yne ka nje pervoje te hidhur me serbet e Serbine, prandaj nuk e ka krijuar kote thenien: “Shkau (serbi) bese nuk ka”.

Dhe na vijne bajlozat nga Brukseli e nga Nju jorku, qe deri dje nuk e kane ditur nga i bie Kosova dhe na mbajne ligjerata per ceshtjet tona. Shpesh pa ditur as vete se cka jane duke folur, sikur zonja ne fjale. Zonjen Lunacek dhe zyrtaret tjere te BE-se dhe OKB-se nuk i shqeteson fakti se Serbia ende e konsideron Kosoven pjese te veten. Kete e ka te shkruar edhe ne kushtetuten e saj. Be-ne dhe OKB-ne nuk e pengon muri i ngritur ne Mitrovice. Muret ndajne. Vete Europa e ka patur nje histori muri me Murin e Berlinit. Dihet mire se cka simbolizonte ai mur. Nese muri ne Berlin, me te drejte, nuk ka qene i pranueshem, nuk duhet te jete i pranueshem as ne Mitrovice. Ndoshta sipas logjikes se palogjikshme te zonjes Lunacek, serbet e paskan ndertuar murin per t’u ndare nga Serbia, per ta penguar Serbine per te ardhur ne Kosove! Serbia, e cila ne nje periudhe jo te larget kohore kreu krimet me te tmerrshem pas Luftes se Dyte Boterore, ka filluar te perkedhelet nga disa vende perendimore. Po shihet qart se provokimet e Serbise ndaj Kosoves dhe retorika e saj luftenxitese nuk jane duke e penguar askend. Kjo eshte mjaft shqetesuese, sepse e kaluara e pergjakshme jo e larget, mund te perseritet. Per kete me siguri edhe ne i kemi fajet. Ketu e kam fjalen per drejtuesit e Kosoves dhe anetaret e grupit negociues me Serbine. Perfaqesuesit tane shkojne me duar ne xhepa e jo me canta te mbushura me dosje te krimeve serbe e me dokumente tjera perkatese qe mbeshtesin te drejten tone. Sic duket kundershtaret tane jane me te pergatitur. Edhe pse te fajshem, sillen si te pafajshem dhe na mbajne ligjerata per tolerancen e bashkejetesen. Ne duhet ta paraqesim rastin tone bindshem me dokumente e jo me fjale kafenesh. Ne keto takime te kemi njerez te afte, te bindshem e qe ia mbushin syrin dikujt. Nuk jemi duke i kryer si duhet detyrat e shtepise. Ne kete rast keto detyra jane shume te rendesishme, jane detyra atdhetare nga te cilat varet e ardhmja e Kosoves.

Eshte koha qe t’i ngulim kembet e te mos bejme leshime qe do te kene rrjedhoja te demshme per Kosoven. Ta mbrojme ceshtjen tone me fakte e argumente e te mos bejme vetem amin e te nenshkruajme ato qe na detyrojne te tjeret. Kosova eshte e jona dhe askujt tjeter. Deri kur do t’i degjojme e durojme marrezite e bashkesise nderkombetare?! Serbia eshte ajo qe duhet te jete nen mbikeqyrjen ndrkombetare, ndersa Kosova duhet te ndihmohet per te ecur perpara. Ne kemi nevoje per marredhenie te mira me bashkesine nderkombetare, duhet te bashkepunojme me ta dhe gjithmone t’i mbrojme kerkesat tona, te drejtat tona. Nese e lejojme veten qe te tjeret te na presin rrobat, atehere ato kurre nuk do ta na bien tamam.

Filadelfia, 20 janar, 2017

*Sadik Elshani eshte doktor i shkencave te kimise dhe veprimtar i bashkesise shqiptaro – amerikane.

Gjergj Kastrioti Skenderbeu i lavdise se perjetshme

January 17, 2017 by dgreca

Reflektim ne pervjetorin e vdekjes se Heroit tone Kombetar, Gjergj Kastriot – Skenderbeut (1405 – 17 janar, 1468)/

Nga Sadik Elshani*/Me 17 janar te vitit te larget 1468, Skenderbeu, Heroi yne Kombetar i mbylli syte pergjithmone per te kaluar ne boten e lavdise se perjetshme. Historia e nje vendi, kombi eshte jeteshkrimi, bemat e njerezve te tij te medhenj. Skenderbeu me bemat e tij e shkroi kapitullin me te ndritur, me te lavdishem te historise sone kombetare. U hapi shqiptareve dyert e historise boterore, i futi ne faqet me te lavdishme te saj. Nga largesia shumeshekullore, ne ate erresire shumeshekullore, Skenderbeu perhere i ndricoi rrugen popullit tone. Ishte dhe gjithmone mbeti ylli yne polar qe na orientonte, na drejtonte, na tregonte rrugen e drejte. U be flamur, burim frymezimi per te gjitha brezat e shqiptareve, misherim, personifikim i vlerave tona te larta kombetare e njerezore: trimerise, burrerise, nderit, beses. Skenderbeu simbolizon bashkimin kombetar, synimet e popullit tone per liri e pavaresi. Hapi i pare i rendesishem qe Skenderbeu ndermori pasi y kthye ne Kruje me 28 nentor te vitit 1443, ishte perpjekja e tijper t’i bere se bashku te gjithe princat shqiptare ne Kuvendin e Lezhes me 2 mars te vitit1444, i njohur ne histori si Beselidhja e Lezhes. Ai si nje strateg ushtarak i pashoq, nga me te medhenjte qe ka njohur historia e njerezimit, e dinte mire se bashkimi ben fuqine. Tani jane bere legjendare shtate thuprat e Skenderbeut. Pastaj lidhi aleanca me shume vendet tjera, fuqi te asaj kohe.

Per 25 vite Skenderbeu i beri balle the e shpartalloi ushtrine turke qe ishte shume here me e madhe dhe me e pajisur se ushtria e Skenderbeut. Por Skenderbeu me shkathtesite luftarake perdorte taktika, bente manovrime qe i fuste ushtaret turq ne kurthe per t’i shpartalluar me lehte. Qendresa e Skenderbeut ne Shqiperi ia ndali hovin pushtues ushtrise otomane dhe ne njefare menyre e shpetoi qyteterimin europian.

Poetet dhe shkrimtaret e Periudhes se Rilindjes sone Kombetare e ngriten lart figuren e Skenderbeut per t’ia ngjalle ndjenjat atdhetare shqiptareve, per t’iu dhene zemer per ta ringjallur kohen e lavdishme te Skenderbeut, per t’u treguar shqiptareve se edhe pse jemi popull i vogel, mund ta clirojme dhe ta mbrojme vendin tone. Dikur kete e ka bere Skendrbeu. Edhe nga varri Skenderbeu u printe shqiptareve: “Nje ze i larte qe dolli nga varri i Skenderbeut/Kerkoni ju shqiptare lirine e Memedheut”.

Dita e kthimit te Skenderbeut ne Kruje me 28 nentor te vitit 1443 u be nje dite qe e pershkoi tere historine tone, dite qe perkon edhe me shpalljen e pavaresise se Shqiperise, pikerisht me 28 nentor te vitit 1912. Edhe zgjimi, ringjallja atdhetare e shqiptareve te Kosoves lidhet me emrin e Skenderbeut. Ishte pikerisht manifestimi madheshtor i shenimit te 500 vjetorit te vdekjes se Skendrbeut ne Kosove qe i dha hov levizjes per liri e pavaresi. Keto ngjarje po ndodhnin vetem dy vite pas renjes se Rankoviqit, ministrit famekeq te Puneve te Brendshme te Jugosllavise. Ate vit mori hov edhe botimi i nje vargu te veprave letrare e historike, nder te tjera: “Historia e Skenderbeut” e Marin Barletit, “Historia e Skenderbeut” e Nolit, “Bashkeluftetaret e Skenderbeut” e Ali Hashorves. Keto libra dhe shume te tjera ngjallnin ndjenjat, krenarine kombetare qe kulmuan me demonstratat e studenteve ne Prishtine ne nentor te viti 1968. Dhe 40 vite me vone, me 17 shkurt te vitit 2008 Kosova u shpall shtet i pavarur.

Nuk ka shembull ne historine e kombeve tjera (me ndonje perjashtim te rralle) qe nje figure si Skenderbeu qe ka gati 550 e vite qe nuk eshte ne kete bote e te jete mjaft i pranishem edhe sot ne jeten tone te perditshme. Skenderbeu me teper se nje emer, nje njeri, eshte nje vizion, eshte nje epoke. Skenderbeu nuk simbolizon vetem forcen e muskujve, por edhe mencurine, zgjaresine, urtesine, intelektin. Ishte nje figure interesante qe ka gezuar adhurimin e figuarave te njohura jo vetem te kohes se tij, por edhe koherave te mevonshme dhe vazhdon edhe ne ditet tona. Shkrimtare e filozofe i kushtuan vepra, poetet i thuren vjersha e poema, piktoret ia pikturonin portretin, kompozitoret I thuren vepra muzikore, opera (Vivaldi)

Ne Kohen e Skendrbeut ishte Europa ajo qe i kishte drejtuar syte kah Shqiperia, shpresat per mbriojtjen e saj i kishte mbeshtetur te Skenderbeu. Shqiperia e kohes se Skenderbeut i ofronte Europes vlera te larta morale, qendrese, mbrojtje. Edhe sot Shqiperia duhet te shkoje ne Europe duke i ofruar asja vlerat tona kombetare e njerezore dhe jo duke iu lutur, duke iu perkulur asaj. Kjo eshte ajo porosia e madhe e Periudhes se Lavdishme te Skenderbeut qe vjen ne ditet tona. Kur shqiptaret e ndjekin shembullin, rrugen e Skenderbeut, atehere jane ne rruge te drejte, rruge te mbare. Skenderbeu na ka treguar se edhe nje vend sado i vogel qofte, kur udhehiuqet nga nje udheheqes kembengules, largepames me dinjitet e karakter te forte, atehere edhe ai vend mund te behet nje vend i rendesishem qe gezon autoritet ne arenen nderkombetare.

Kur e shoh gjithe kete anarki, plogeshti qe i ka kapluar dy shtetet shqiptare, udheheqesit e pavendosur e te korruptuar, me vjen te bertas deri ne kup te qiellit: Zgjohu, o Gjergji yne! Ku je, o Skenderbe?

Sadik Elshani eshte doktor i shkencave te kimise dhe veprimtar i bashkesise shqiptaro – amerikane.

Filadelfia, 16 janar, 2017

Zgjohuni shqiptare: Pavaresia e Kosoves eshte ne rrezik!

January 15, 2017 by dgreca

Serbia nuk e dine kur eshte mjaft: Sot treni, neser tanket e autoblindat/

Nga Sadik ELSHANI/USA/*

Ka kohe qe ne drejtim te Kosoves jane duke lundruar re te zeza, por koheve te fundit keto re jane bere me te dendura, edhe me te zeza, me kercenuese qe po paralajmerojne ardhjen e nje furtune te tmerrshme per popullin tone. Jane re intrtigash e provokimesh qe jane duke e cenuar dhe rrezikuar pavaresine e shtetit te Kosoves. Te behemi gati e te mos ia hapim deren kesaj furtune.Para disa diteve, zoti Ramush Haradinaj, deputet i Kuvendit te Kosoves dhe kryetar i partise Aleanca per Ardhmerine e Kosoves u arrestua ne France, bazuar ne nje urdher-arrest te leshuar nga Serbia ne vitin 2004. Ky ishte nje akt i papranueshem, nje njolle e zeze ne sistemin e drejtesise se Frances, njeheresh edhe nje shuplake, goditje e rende per shtetin e Kosoves. Tani zoti Haradinaj eshte i liruar nga paraburgimi, por ai ende ne njefare menyre eshte i burgosur derisa nuk lejohet te kthehet ne Kosove. Zoti Haradinaj nuk i iku drejtesise, por si burrat u ballafaqua me drejtesine ne Gjykaten Nderkombetare te Hages dhe doli i pafashem. Ky veprim i pamatur i organeve franceze eshte edhe nje mosperfillje e kesaj Gjykate Nderkombetare, pjese e se ciles eshte edhe Franca. Pajtohet apo nuk pajtohet dikush me qendrimet politike te zotit Haradinaj, veprimet e tij , kjo ne kete cast nuk ka rendesi, sepse kjo ngjarje e papritur ka te beje me tere Kosoven, gjithe shqiptaret. Ndersa udheheqesit tane, institucionet tona u sollen si te hutuara, te paorganizuara e te percara, deshtuan te dalin me nje resolute te perbashket ne Kuvendin e Kosoves. Madje sikur ndihej nje pershtypje, sikur dikush i gezohej arrestimit te zotit Haradinaj. Qendroni te bashkuar e mos i ferkoni duart se, sot i ka ndodhur zotit Haradinaj, neser mund te ndodh e ty.

Gjate gjithe konfliktit te pergjakshem te viteve te 90-ta te shekullit te kaluar ne teritorin e ish Jugosllavise, bashkesia nderkombetare, sidomos shtetet europiane, me heshtjen e tyre, mosveprimet e tyre ne njefare menyre e perkrahen Serbine dhe fushaten e saj gjenocidale kunder popujve te tjere te ish Jugosllaviose, kryesisht shqiptareve, kroateve e myslimaneve te Bosnjes e Hercegovines. Arsyetimi i turpshem i tyre ishte se keta te gjithe jane njesoj. Per ta lare ndergjegjen e tyre te vrare, ata po mundohen qe te vene nje shenje barazimi: te githe jane njesoj, te gjithe jane fajtore. Pra, sipas tyre fajtor eshte edhe sulmuesi edhe viktima. Nese Serbia eshte e interesuar t’i ndjeke kriminelet e luftes, te tille ka mjaft ne teritorin e saj. U arrestuan e u burgosen kriminelet qe masakruan familjen Berisha te Suharekes, bashkevendesit e mi?! E shume e shume kriminele te tjere qe Serbia jo vetem qe nuk i denon, por i mbron.

Arrestimi i zotit Haradinaj dhe disa veprime te BE-se ndaj Kosoves jane te papranueshme, jane simptome te nje semundje te rende qe e ka kapluar edhe Kosoven edhe BE-ne, perkatesisht marredheniet, raportet reciproke te tyre. Me veprimet dhe mosveprimet e tyre sikur te dyja palet jane duke e nenvleresuar, mohuar shtetin e Kosoves. I kane bllokuar qytetaret e Kosoves, duke mos e hequr regjimin e vizave. Me demagogji e dyfytyresi (hipokrizi) trumpetojne se qytetaret e Kosoves jane pjese e Europes, qytetare te Europes. Dhe vertet jemi. Por sic duket, per ta jemi ajo pjesa e padeshiruar e Europes, sepse dy milione banoreve te Kosoves u mohohet levizja e lire ne kontinentin e tyre. Ishte pikerisht kjo bote e qyteteruar qe ishte kunder “perdes se hekurt”, murit te Berlinit qe e ndanin kontinentin tone, por po kjo Europe e ka vendosur nje “perde te hekurt” per qytetaret e Kosoves, toleron bllokimin e urave, ngritjen e mureve ndares ne Kosove. Si mund te keshe marredhenie te mira me nje vend qe bllokon ura, nderton mure ndares, sic eshte duke bere Serbia ne token e Kosoves, shtet i pavarur, i njohur nga ShBA-te dhe nje pjese e mire e shteteve te Europes dhe te botes?!

Ne u jemi mirenjohes perjete te gjithe miqve tane qe na perkrahen ne ditet tona me te veshtira, por sot disa nga ata nuk jane duke u sjellur si miq te vertete. Miku i mire, miku i vertete nuk te ve ne pozite te palakmueshme, ne pozite te veshtire. Kerkesa e nderkombetareve per Asociacionin e Komunave Serbe dhe shenjezimin (demarkacionin) me Malin e Zi ne format e tanishme jane te papranueshme, e demtojne Kosoven. Asnjeri nga keto shtete nuk do te pranonte nje gje te tille ne teritorin e shtetit te tyre. Udheheqesit e Kosoves duhet t’i ngulin kembet dhe t’i mbrojne interest e Kosoves. Ne i dime me mire problemet tona sesa nderkombetaret. Ata nuk do te jetojne ne Kosove, ne do te jetojme dhe do te ballafaqohemi me keto problem tere jeten tone. “Mikun prite mire, nderoje, por zot shtepie mos e bej”, thote nje fjale e urte shqiptare. Ne duhet te keshillohemi me ta, t’i degjojme kur e kane mire e me vend, por vendimet perfundimtare duhet t’i marrim vete.

Shqiptaret ndoshta jane te varfer, e sipas disave, “te prapambetur”, por shqiptaret kane nje kod moral e etik te larte, kane shpirt njerezor e fisnik – jane te meshirshem. Kur Europa e “qyteteruar” po shfaroste hebrenjte, shqiparet e “prapambetur” i shpetuan ata nga vdekja e sigurt. Kur gjate Luftes se Dyte Boterore, pas kapitullimit te Italise, shqiptaret i mbrojten dhe i strehuan ushtaret italiane, ish pushtuesit e tyre, bashkekombasit e Komisioneres Mogherini.

Udheheqesit tane nuk i rrezatojne, nuk i paraqesin vlerat tona kombetare e njerezore te popullit tone, prandaj sillen me perulje, me servilizem. Ata nuk jane duke i mbrojtur interest e Kosoves, por interest e tyre vetanake (personale) dhe te klaneve te tyre. Udheheqesit e kompromituar, te korruptuar e te nje mendesie provinciale askush nuk i merr seriozisht. Pranimi, nenshkrimi i marreveshjeve te demshme, te papranueshme per Kosoven, do te kete rrjedhoja shume negative per te ardhmen tone dhe gjithmone do te jene burim i trazirave dhe konflikteve

Erdhem edhe te provokimi me i ri qe eshte duke ndodhur tani: nisja e trenit pa orar nga Beogradi per ne Mitrovice, trenit “Kosova eshte Serbi”. Nisja e ketij treni per ne teritorin e Kosoves eshte cenim i shtetesise se Kosoves. Kur jam duke shkruar keto radhe, mediat jane duke njoftuar se ky tren eshte kthyer me biusht nen shale prej nga eshte nisur. Ky eshte veprim i drejte dhe i domosdoshem per t’i trguar Serbise, perkrahesve te tyre dhe gjithe botes kembenguljen tone, se ne jemi zot ne token tone. Ne duhet t’i njohim mire serbet dhe Serbine: ata nuk dine kur eshte mjaft. Sot treni, neser tankset. Koheve te fundit eshte shtuar bashkepunimi dhe jane shpeshtuar bashkeveprimet, angazhimet e Serbise me Rusine e Putinit. Bashkeveprimi i politikes gjenocidale te Serbise me carizmin shtrires, zgjerues (ekspansionist) te Putinit jane nje kombinim shume i demshem per Kosoven dhe paqen ne rajon.

Serbia me keto provokime eshte duke i provuar ujerat, eshte duke e matur pulsin e shqiptareve dhe te bashkesise nderkombetare: BE-se dhe ShBA-ve. Fatkeqsisht, ne kete cast po duket se ky puls eshte ne gjendje te vdekjes klinike. Serbet e vune kete tren ne binaret drejt Kosoves, sepse po shohin se treni i politikes se Kosoves dhe BE-se ndaj Serbise e Kosoves eshte jashte te gjitha binareve.

Zoti Vuciq, Kosova nje dite do t’i lejoje trenat nga Serbia, kur ju te vini me trenin e paqes e te kerkoni falje per krimet e shtetit tend e te perkulesh perpara viktimave te panumerta, t’i paguani demet e luftes, ta nijhni shtetin e Kosoves dhe te betoheni se gjera te tilla nuk do te ndodhin me kurre. Per te tjerat miund te flasim me vone.

Eshte koha qe Kosova te qendroje ne kembet e veta. T’i hapim veshet e syte se kembanat po bien kumbueshem per ne, pert Kosoven. Shqiptare zgjohuni: Pavaresia e shtetit te Kosoves eshte ne rrezik! Ndoshta kjo dikujt i duket e pabesueshme, por shume gjera te papritura e te pabesueshme kane ndodhur ne hapesirat tona, gjate gjithe historise sone. Pozite, opozite leni zenkat meskine e te pakuptimta dhe merruni seriozisht me ceshtjet madhore te Kosoves e te kombit tone. E ardhmja e Kosoves eshte ne pikepyetje, neser mund te jete teper vone.

Filadelfia, 14 janar, 2017

*Sadik Elshani eshte doktor i shkencave te kimise dhe veprimtar i bashkesise shqiptaro – amerikane.