Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

“MIQTE E FEDERATES VATRA” IA NISIN NGA TETOVA

by

1-ok-miqte-e-vatres

Fillimi i Nëntorit 2016, nisi më një nismë atdhetare me shumë vlera për shqiptarët e Maqedonisë. Në Tetovë, kryeqendra e shqiptarëve, një grup intelektualësh, në përbërje të një komisioni nismëtarë, u mblodhën për të krijuar Shoqatën”Miqtë e Federatës Panshqiptare të Amerikës VATRA”. Ideja  nisi para  dy vitesh gjatë vizitës që bëri në Selinë e Vatrës në Nju Jork, Zonja Elita Masha. E mirëpritur nga Kryetari i Federatës Vatra,  dr. Gjon Buçaj dhe Kryetari i degës së Vatrës në Queens, NY, njëkohësisht anëtar i Kryesisë Federatës Vatra, dr. Skënder Murtezani dhe Editori i Diellit, Dalip Greca, ideja erdhi duke u forcuar.Idesë iu bashkuan historiani Arben Llalla me zonjën e tij Teuta Llalla, Arsim Sinani, Dr. Bashkim Pollozhani, Shpëtim Murtezani,  dhe shumë intelektualë të tjerë, të cilët e quajnë këtë nismë të domosdoshme për të ngjallë frymën Kombëtare, karakteristikë e vatranëve të Amerikës për më shumë se një shekull.  Dr. Skënder Murtezani vazhdoi kontaktet për dy vjet dhe këto ditë u realizua takimi i parë i Komisionit Nismëtar në qytetin e Tetovës.

Në këtë takim nismëtar ishin të pranishëm 22 vetë. Takimin e hapi i dërguari i Kryesisë së Federatës Panshqiptare të Amerikës “VATRA”, personalisht i dërguari i dr. Gjon Buçaj , Kryetar i Vatrës,  dr. Skënder Murtezani. Ai përcolli mesazhin me shkrim të dr. Gjon Buçaj.

Në mesazhin e dr. Buaçajt, ndër të tjera shkruhej: “Të dashtuna motra dhe vllazën shqiptarë, në emën të Kryesisë së VATRËS dhe timin personal ju përgëzoj me mirënjohje për idenë shumë pozitive me formue nji grup me emin “Miqtë e  VATRËS”, për bashkëpunim të ngushtë për të mirën e përbashkët.

Meqenëse, simbas Kanunores së VATRËS, nuk parashihet themelimi i degëve të saj jashtë kontinentin amerikan, ju keni gjetë mënyrën ma të përshtatshme për t’u lidhë me këtë Federatë ma se njishekullore dhe me shndërrue mendime dhe me kordinue qendrime e veprime të përbashkëta saherë që e lypë nevoja e interesavet kombëtare.

Fryma e VATRËS asht idealizmi kombëtar, mbi dhe jashtë rrymave të ndryshme që identifikohen me programet e tyne politike kombëtare, por edhe specifike, shpeshherë në kundërshtim me njena-tjetrën. Qendrimet dhe veprimet e VATRËS synojnë vetëm interesin kombëtar, pa marrë parasyshë kujë i shkon përshtat e kujë jo. ..”

Më pas Dr. Murtezani u fokusua tek fryma Kombëtare e VATRËS, frymë që ia plazmuan vatranëve, themeluesit e saj, dhe vazhdon për 104 Vjetë.  Ai theksoi se të jesh vatran do të thotë te jesh luftëtar i çështjes kombëtare, të jesh vullnetar i Kombit tënd, të dalësh mbi partitë politike, se Kombi është mbi të gjitha.

Dr. Murtezani shprehu shpresën dhe dëshirën që kjo Shoqatë e miqëve të Federatës Vatra të nis të transmetojë një kulturë të re komunikimi dhe t’u hapë rrugë ideve pozitive demokratike dhe kombëtare.

Dr Myrtezani i pyetur nga pjesmarrësit per menyren e strukturimit dhe të funksionimit të shoqatës, tha se gjithçka është, në  kompetencat e vetë shoqatës. Ne kete tubim, edhe pse shumë i zene me aktivitetin e tij kombetar ne Diber, Z. Ibrahim Kolari, anëtar i Keshillit Drejtues të Vatrës,i pranishëm në takim,  nuk mungoi t’u urojë nismëtarëve pune te mbare dhe suksese shoqates“Miqte e Federates Vatra”.

Urojmë që Shoqata të tërheqë në radhët e saj sa më shumë intelektualë dhe të kryej misionin e saj fisnik që ka marrë përsipër.(Dielli)

Futbolli kidnapohet nga Politika Antishqiptare dhe anti-NATO e Serbisë

by

Gazeta Serbe shkruan se flamuri u nis nga kisha e Shen Gavril Arhanjelit në rrugën Humska…
Nga SKENDER MURTEZANI/ NEW YORK/
E dimë cdo na thotë Serbia, Shqipëria provokoj Shqipëria ësht fajtore,.. tipike për një shtet politika e së cilës për njëqind vite akoma punon me formulë…një qind rrena bëjnë një të vërtetë.
Si ti besohet edhe sot me cirkuzin tragjik në stadiumin Partizanit në Beograd që kulmojë me djegjen e flamurit të NATO-s dhe “djegies” së rastit të afrimit të dy fqinjve shekullor. Sipas trendit, sjelljes dhe kulturës së politikës ekstreme të Serbisë, me të gjitha symptomat u bë nga forcat ultranacionaliste Serbe. Nga vetë gazeta “Politika” vërehet se kjo që i ndodhi fotbollit ndërkombëtar kishte prapavijë politike. Do ta lexojmë këtë moment historik të futbollit ndërkombëtar më qartë me ardhjen e Putinit në Beograd dhe me shkuarjen e kryeminstrit Rama.
Kjo është krejt e qëllimshme: Së pari të aktualizohet teoria pan/Sllave se Shqipëria e “Madhe” është rrezik për destabilizim e rajonit Kjo krijon “presion” politik të brendshëm Serbia ti largohet kursit perëndimor që të mbetet atje ku e ka zemrën tek krijusi i saj Rusia, dhe e dyta që të forcojë lëvizjen kundër pranimit të shtetësisë së Kosovës.
Gazeta Serbe shkruan se flamuri u nis nga kisha e Shen Gavril Arhanjelit në rrugën Humska, dhe u teledirigjua nga vllau I kryeministrit Olsi Rama. Kjo s’ështe e cuditshmë për politikën “një qind rrena prodhojnë një të vërtetë”. Për fat të keq kjo nuk i ndihmon marrdhënieve të fqinjësisë së të dy kombeve. Shkon në dëm të Serbisë në Rehabilitimin e saj pas krimeve të kryera në Ballkan, po edhe Rusisë në rehabilitimi post Komunist për damin dhe dhimbjen që ua ka shkaktuar popujve të vegjël.

DEGA E VATRËS NË QUEENS,VEPRIMTARI PËR 65 VJETORIN E VDEKJES SË MITHAT FRASHËRIT

by

NJOFTIM/
Ditën e Premte, 3 tetor 2014, Ora 7 e mbrëmjes, Dega e Vatrës në Queens me kryetar dr. Skënder Murtezani, do të organizojë një veprimtari përkujtimore kushtuar figurës së ndritur Kombëtare, Apostullit të Shqiptarizmës, politikanit, diplomatit, shkrimtarit, ish Kryetarit të Komitetit Shqipëria e Lirë, Mithat Bej Frashëri.
Veprimtari nuk do të ketë thjeshtë karakter përkujtimor, por edhe historik e shkencor. Për këtë qëllim janë ftuar figura të njohura të diasporës shqiptare, që të shpalosin përmasat e kësaj figure kombëtare.
Krahas hulumtimeve më të fundit për veprimtarinë në SHBA, dokumentacionit rreth vdekjes me mistere, do të ketë edhe një këndvështrim rreth Mithat Frashërit dhe VATRËS. Sic dihet, kontaktet e Mithat Frashërit me Vatrën janë të hershme, por veprimtaria e tij më e ngushtë me Vatrën ishte HUAJA KOMBËTARE e viteve 1920- 1921, ku Mithat Frashëri ishte i dërguari i Qeverisë Shqiptare për të bashkëpunuar me Vatrën. Ai shëtiti së bashku me vatranët nëpër kolonitë e Amerikës dhe u arrit suksesi i madh, ku vatranët realizuan Huanë me më shumë se 197 mijë dollarë.
Krahas kumtesave do të ketë edhe shfaqje të vidove, do të dëgjohet zëri i Mithat Frashërit gjatë intervistës për BBC, do të ekspozohen dokumente, përfshi edhe ato që kanë bëjnë me rrethanat e vdekjes së tij.
Takimi është i hapur për komunitetin dhe shoqatat.
Adresa, ku do të zhvillohet veprimtaria, është:

IMMACULATE CONCEPTION CENTER
ROOM E Southern entrance
7200 Douglaston Parkëay
Little Neck, NY 11362

U MBLODH KRYESIA E DEGES SE VATRËS NË QUEENS

by

Queens, NY- Të enjten me 18 korrik u mblodh kryesia e zgjeruar e degaës së Vatrës në Queens, New York,  nën drejtimin e kryetarit të saj, Dr. Skënder Murtezani.

Gjatë takimit u diskutuan problemet aktuale të degës, gjetja e rrugëve efikase për një organizim më të mirë dhe shtimi të anëtarësisë. U propozua dhe u miratua që dega të paguaj me kontributet e saj një sekretare që do të punojë me kohë të kufizuar për të kontaktuar me shqiptarët që jetojnë në zonë dhe t’i afrojë ata që të anëtarësohen në Vatër.

Po ashtu u diskutua edhe gjetja e mënyrave dhe rrugëve të përshtatshme për një bashkëpunim më të mirë të degës së vatrës në Queens me shoqatat shqiptaro-amerikane që funksionojë në zonë. U planifikua një takim i afërt me shoqatat dhe fondacionet që veprojnë në Shtetin e New Yorkut.

Dega synon që së shpejti ta dyfishojë anëtarësinë dhe të rrisë aktivitetet për të tërhequr sa më shumë anëtarësi.

Një objektiv tjetër perspektiv i kësaj dege është edhe krijimi i kushteve për hapjen e një shkolle shqipe në Queens.(Korresp i Diellit)

Foto:Arkiv-Nga nje takim I deges se Vatres ne Queens

VATRANËT NË “ALBANIAN EXELLENCE”

by

Vatranët e përfshirë në “100 histori suksesi  në 100 vjetorin e Pavarësisë” / Në prag të 100 vjetorit të pavarësisë së Shqipërisë,Qendra kulturore Albania Excellence ne Tirane përgatiti një studim mbi 100 shqiptarët më të suksesshëm të viteve të fundit në gjithë fushat e dijes kudo në botë. Drejtuesja e projektit është Flora Nikolla, një nga gazetaret më të njohura të Shqipërisë.Ajo dhe bordi i qendrës vendosën lidhje me qindra shqiptarë që kanë shënuar histori suksesi në jetën e tyre të emigrimit. Studimi është botuar në një libër me titull “100 histori suksesi në 100 vjetorin e shtetit shqiptar”. Drejtuesja e projektit, gazetarja Flora Nikolla është shprehur për mediat se “Ky studim me 100 shqiptarët e suksesshëm nisi me synimin që të ruajë dhe të ngrejë lart vlerat njerëzore të shqiptarëve dhe të ndikojë sadopak në kthimin e tyre në Shqipëri apo rivendosjen e kontakteve me publikun e vet kulturor dhe shkencor”.     Me këtë rast u intervistuan qindra shqiptarë dhe u zgjodhën më të susksesshmit. Fituesit në prag të 100 vjetorit u mblodhën në Tiranë dhe ceremonia u trasmetua publikisht nga Televizioni Shtetëror. Fituesit patën nderin që të priteshin edhe nga Kryeministri Sali Berisha. Për secilin nga ata ishte përgatitur  si dhuratë libri me intervistat e 100 fituesëve dhe trofeu fitues. Me 26 dhjetor fituesit ishin ftuar në Prishtinë nga zv/kryeministri i Kosovës, Behget Pacolli,i cili sponsorizoi aktivitetin. Vatranët që u kualifikuan për arritjet në fushat ku kontribuojnë janë: 1- Dr. Skënder Murtezani 2- Dr. Indrit Reso 3-  Menaxheri dhe Kërkuesi Shkencor, Pashko Camaj 4- Kryetarja e degës së Vatrës në Washington, Merita Bajraktari McCormack 5- Kryetari i degës së Vatrës në Michigan, Alfons Grishaj 6. Novruz Nazarko, 7- Editori i gazetës ”Dielli” Dalip Greca