Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Një terrorist shqiptar më pak në radhët e ISIS-it

by

Terroristi shqiptar i ISIS Almir Daci vritet në Siri/

Nje terrorist shqiptar me pak ne radhet e ISIS-t ne Siri. Sic njofton media, ish Imami i  xhamisë së Leshnicës, në Pogradec, Almir Daci nga Pogradeci, i cili luftonte ne Siri ne radhet e shtetit terrorist islamik ka mbetur i vrare.Terroristi shqiptar, Almir Daci i cili luftonte përkrah militantëve të shtetit islamik është vrarë në Siri. Lajmi është bërë me dije nga familjarët e Dacit, nga Leshnica e Pogradecit.

Almir Daci, ish-imami i xhamisë së Leshnicës, Pogradec ka qenë një nga më aktivët në radhën e shqiptarëve të rekrutuar në ISIS. Ai u bë i njohur pas publikimit të një videoje në qershor të vitit  2015 ku kërcënonte në gjuhën shqipe jomyslimanët shqiptarë …/

Arkiv-Shtetit Islamik – Rekrutimet për IS, dërgohet për gjykim dosja për Almir Dacin/

Një tjetër imam i vetëshpallur do të gjykohet në Gjykatën e Krimeve të rënda për rekrutim të personave me qëllim kryerjen e veprimeve terroriste. Bëhet fjalë për ish-imamin e vetëshpallur të xhamisë së Leshnicës në Pogradec, Almir Daci, i cili dyshohet se është një nga organizatorët, financuesit dhe drejtuesit e grupit të shqiptarëve që luftojnë në Siri. Gjykimi ndaj tij do të zhvillohet në mungesë pasi 34 vjeçari vazhdon të jetë pjesë e formacioneve luftarake

Almir Daci i njohur me emrin  fetar si Ebu Belkisa, që për organet e rendit njihet si ish-imami xhamisë së Leshnicës së Pogradecit, është ende në arrati

Ashtu si dhe  për nëntë të pandehur të tjerë besimtarë mysliman që janë  duke u gjykuar në Gjykatën e Krimeve  të  Rënda pasi akuzohen se kanë rekrurtuar dhjetra  lufëtarë  për në  Siri, edhe ndaj Dacit rëndojnë të njëjtat akuza.

Megjithë kërkimet e shumta policia ende nuk ka bërë të mundur arrestimin e 34 vjeçarit nga Pogradeci, ndaj gjykimi për të do të kryhet në mungesë.  Sipas prokurorisë Daci rezulton se ndodhet në Siri ku  është bërë edhe pjesë e formacioneve luftarake.

Ish-imami i xhamisë së Leshnicës, dyshohet si një nga organizatorët, financuesit dhe drejtues i grupit të shqiptarëve që luftojnë në Siri.

Sipas organit të akuzës ai ka dërguar në Siri disa besimtarë që frekuentonin xhaminë e tij,  mes të cilëve edhe ish komandon e Zallherrit  Erjon Alinj,  i cili rezulton i zhdukur.  Denoncimi është bërë nga familjarët e tij.

Pranë Gjykatës për Krimet e Rënda, prej disa muajsh po vazhdon procesi gjyqesor ndaj 9 të pandehurve, mes tyre dy imamëve të vetëshpallur te xhamisë së Unazës së re dhe asaj të Mëzezit.

Të pandehurit e kësaj dosje kanë rekurtuar e dërguar në Siri rreth 90 shtetas shqiptarë, të cilët i janë bashkuar grupeve terroriste.

 

/Oranews.tv/

Idajet Balliu, nga Librazhdi, vritet në Siri

by

Xhaxhai: E mashtruan me para pasi ishte i varfër, mashtruesit te burgosen…/
“Vëllai jonë Ebu Derda esh Shami ka rënë shehid. All’llahu i Madhëruar i dhëntë shpërblim në xhenetin më të lartë”. Ky është mesazhi me të cilën miqtë e tij njoftuan sot vrasjen në Siri të Idajet Balliut.
Djaloshi 24 vjeçar nga Librazhdi u vra paraditen e 15 gushtit 2014 në Aleppo, (alias.Haleb) të Sirisë gjatë betejës që po zhvillohet në këtë qytet prej disa ditësh. Balliu i cili luftonte në radhët e Shtetit Islamik, njihej me emrin Ebu Derda esh Shami. Mësohet se ndodhej në Siri prej disa muajsh ku luftonte në radhët e Shtetit Islamik, ose siç njohet nga tani Hilafeti Islam.
Miqtë e tij që njoftuan vdekjen në rrjetet sociale duke publikuar dhe një foto pas vdekjes. Gazetari Fatos Mahmutaj na ndihmoi me informacionin por dhe duke i vënë në dispozicion redaksisë Ora News një seri fotosh nga jeta e Idajetit gjatë luftimeve në Siri.
Kush është Idajet Balliu
I riu, lindi më 10 maj 1990 në Librazhd. Prej disa vitesh familja e tij banon në periferi të kryeqytetit. Në Tiranë Balliu kreu edhe shkollën e mesme, ndërsa ashtu siç bën të ditur në profilin e tij në Facebook studimet e larta i kreu në Universitetin e Medinës në Arabinë Saudite. Gjatë luftës ai është njohur me emrin Ebu Derda esh Shami, dhe ndodhej në Siri prej disa muajsh ku luftonte në radhët e Shtetit Islamik, ose siç njihet tani Hilafeti Islam.
Synimi ynë është jeta e përhershme
Ndërsa vetë i ndjeri, vetëm pak ditë më parë kishte publikuar në profilin e vet në rrjetin social Facebook një shprehje të dijetarit islam Ahmed Jasin: “Ne jemi kërkues të shehidllëkut, nuk kujdesemi për jetën e kësaj bote, sepse ajo është e mangët dhe e lirë, synimi jonë është jeta e përhershme”.

Rrëfehet xhaxhai i të riut që u vra në Siri: E mashtruan me para pasi ishte i varfër
Tahir Balliu, xhaxhai i Idajet Balliut tregon për News24 mbi nipin tashmë të vrarë në Siri.
Sipas Tahirit, persona që mashtrojnë duhet të futen në burg. Idajeti, thotë xhaxhai, ishte një djalë që arsimin e mori në Arabi dhe gjithë të afërmit kujtonin se i riu ndodhej ende në këtë shtet për studime. Me vete ka marrë dhe prindërit.
“Nipi është larguar herët nga fshati, bashkë me familjen e tij. Ka mbaruar arsimin e mesëm në Berat dhe konkurroi për studime në Arabi. Pasi fitoi të drejtën e studimit në Arabi, të gjithë kemi menduar se ndodhet ende atje për studime. Besoj se është mashtruar për dhe joshur nga paratë sepse ka pasur një gjendje të vështirë ekonomike. Vëllezërit dhe familjarët e tjerë jetojnë në Lushnje, babai dhe nëna e tij ndodhen në Xhihad në Arabi”.
“Nipi im ishte një djalë i ri që u vra për dicka të gabuar. Nga mediat mësuam se ai luftonte në Siri. Ne jemi ojash besimtar, por jo ekstremistë. Sinqerisht kërkoj ndëshkimin e personave që mashtrojnë për para, ata përfitojnë nga gjendja tepër e keqe e personave”.