Romët e Tiranës i kanë ndarë ndërveti me legalizim e hipotekim kanunor kazanat e plehrave ndanë rrugëve të Metropolit Shqiptar. Sonte, me një mikun tim poet e studjues nga Dibra, pamë njërin prej tyre që po kërkonte tek “kazanat e tij” dhe shante me za të lartë mbarë e mbrapsht sikur ta dëgjonin të gjithë me të gjallë e të vdekun.
– C’ka kie o djalosh – i thamë e ai u kthye drejt nesh me thesin bosh e na tha plot revoltë:
– O lale, po njerëzit nuk kanë për të hedhur tek mbeturinat si dikur. Thonë se është krizë gjithkund dhe këtë krizë po e vuajmë edhe ne, o lale…!
Po. Kriza ka mbrri deri tek kazanat e mbeturinave (!)
Kjo është Protestë e një romi të Tiranës, i vetpunësuar tek “Kriza e Kazanave” të Tiranës.
Kjo është një Krizë e Protestë klasike e moderne, që as Migjeni nuk do ta çonte nëpër mend as në kohën e djehit e as në kohën e Sodit, që rrallkund e gjen në tjetër vend të Globit…!
Kjo është një Parathanie e pazakontë e tragjike e Protestës të 8 Dhjetorit 2015.(R.L)
