Harry H. Metuku/

Thelbi i ketyre lehtesimeve eshte: “Rishikimet në Formularin N-648 reduktojnë barrën për aplikantët dhe agjencinë duke eliminuar pyetjet dhe gjuhën që nuk kanë më dobi praktike ose ishin të tepërta. Ndryshimet më të dukshme përfshijnë eliminimin e pyetjeve se si çdo paaftësi përkatëse ndikon në funksione specifike të jetës së përditshme të aplikantit, duke përfshirë aftësinë për të punuar ose për të shkuar në shkollë. Rishikimet e formularit eliminojnë gjithashtu datat e diagnozës, përshkrimin e ashpërsisë së çdo paaftësie dhe nëse profesionisti mjekësor certifikues ka një marrëdhënie paraekzistuese me aplikantin. Më tej, rishikimi i formularit i lejon profesionistit mjekësor mundësinë për të treguar nevojën e një aplikanti për një heqje dorë nga betimi, duke eliminuar kështu nevojën për dokumentacion të veçantë mjekësor”. Per me teper, lexoni te plote lajmin e Sherbimit Amerikan te Shtetesise dhe Emigracionit (USCIS) dhe na kontaktoni per sqarime me te hollesishme ne numrin e telefonit te Zyres Ligjore:
Metuku Law P.C. : 212-480-4242 ose Email: Hhm@metukulaw.com. UASHINGTON-SHBA Shërbimet e Shtetësisë dhe Imigracionit (USCIS) njoftuan dje udhëzimet e përditësuara të politikave, për të sqaruar dhe përputhur me rishikimin e Formularit N-648, Certifikata Mjekësore për Përjashtimet e Aplikanteve me Aftësi të Kufizuar.
Në përputhje me qëllimin e kësaj administrate për heqjen e barrierave ndaj emigracionit të ligjshëm sipas Urdhrit Ekzekutiv të Presidentit Biden 14012, Rivendosja e Besimit në Sistemin tonë Ligjore të Emigracionit dhe Forcimi i Përpjekjeve të Integrimit dhe Përfshirjes për Amerikanët e Rinj, Formulari N-648 është shkurtuar dhe thjeshtuar më tej dhe ka udhëzime të reja per heqjen e barrierave për aplikantët dhe profesionistët mjekësorë.
Rishikimet e formularit janë gjithashtu në përgjigje të qëllimit të kësaj administrate për të hequr barrierat për popullsitë e pashërbyera sipas Urdhrit Ekzekutiv 13985, Përparimi I Barazisë Rracore dhe Mbështetja për Komunitetet e Pashërbyera Përmes Qeverisë Federale.
Ndryshimet u udhëzuan nga komentet publike dhe reagimet e marra në përgjigje të një njoftimi të Regjistrit Federal në lidhje me formularin dhe një Kërkesë për Input Publik (RPI), Identifikimi i Barrierave Përmes Përfitimeve dhe Shërbimeve të USCIS, të dyja të publikuara në prill 2021.
“Ky është një shembull i mrekullueshëm se si Shërbimet e Shtetësisë dhe Imigracionit (USCIS) po dëgjon publikun të cilit i shërben për të adresuar më mirë nevojat e tyre, duke përmbushur njëkohësisht përgjegjësitë si agjenci,” tha drejtori i USCIS Ur M. Jaddou. “Ndryshimet e bëra në Formularin N-648 janë një mënyrë tjetër në të cilën USCIS po heq barrierat ndaj natyralizimit, në përputhje me Urdhrin Ekzekutiv të Presidentit Biden 14012 dhe OE 13985.”
Aplikantët e natyralizimit me një paaftësi fizike ose zhvillimore, ose dëmtim mendor që i pengon ata të përmbushin kërkesat e testimit të gjuhës angleze dhe qytetare për natyralizim, mund të paraqesin formularin N-648 për të kërkuar një përjashtim nga këto kërkesa. Formulari duhet të plotësohet dhe vërtetohet nga një profesionist mjekësor.
Bazuar në komentet publike, rishikimet në Formularin N-648 reduktojnë barrën për aplikantët dhe agjencinë duke eliminuar pyetjet dhe gjuhën që nuk kanë më dobi praktike ose ishin të tepërta. Ndryshimet më të dukshme përfshijnë eliminimin e pyetjeve se si çdo paaftësi përkatëse ndikon në funksione specifike të jetës së përditshme të aplikantit, duke përfshirë aftësinë për të punuar ose për të shkuar në shkollë. Rishikimet e formularit eliminojnë gjithashtu datat e diagnozës, përshkrimin e ashpërsisë së çdo paaftësie dhe nëse profesionisti mjekësor certifikues ka një marrëdhënie paraekzistuese me aplikantin. Më tej, rishikimi i formularit i lejon profesionistit mjekësor mundësinë për të treguar nevojën e një aplikanti për një heqje dorë nga betimi, duke eliminuar kështu nevojën për dokumentacion të veçantë mjekësor.
Politika e përditësuar ofron gjithashtu udhëzime për ekzaminimet mjekësore teleshëndetsore dhe lejon USCIS të pranojë Formularin N-648 të aplikantit edhe pasi ata të depozitojnë Formularin N-400, Aplikim për Natyralizimin (Shtetesine).

 “Shkolla shqipe” në Zvicër jo vetëm që një është një vlerë e shtuar në ruajtjen e gjuhës dhe kulturës kombëtare, por tani lirisht mund të themi se nën drejtimin e profesor Dr. Vaxhid Sejdiut, i cili arriti t`i bashkoj prindërit dhe mësuesit rreth shkollës shqipe është shndërruar në lider të organizimit të mësimit plotësues në gjuhën shqipe në Zvicër dhe shembulli më i mirë i punës dhe angazhimit të këtij organizimi në mbarë mërgatën shqiptare.  

Nxënësit e shkollës shqipe së bashku me mësuesen Leonora Zoto dhe koordinatorin e shkollës shqipe në Zvicër Dr. Vaxhid Sejdiun

Dje, me datën 19 tetor 2022 ishim në hapjen e pikës shkollore në gjuhën shqipe në Langnau të Kantonit të Bernës.  Klasa ku zhvillohej mësimi në gjuhën amtare ishte shndërruar në “zgjua bletësh”. Nxënës të cilët kishin ardhur në ditën e parë të mësimit ishin mjaft të motivuar nga dëshira e madhe për ta mësuar sa më mirë gjuhën e nënës.  Buzëqeshjet e tyre ishte diçka të veçanta, të bukura, hyjnore. Fytyrat iu shndrisnin nga gëzimi. Ata edhe pse për nga mosha dalloheshin, të gjithë për një ditë po fillonin mësimin në gjuhën amtare. 

Nxënësit  e grupit të parë, të shkollës shqipe në Langnau, të Kantonit të Bernës

Fakt është se  “Shkolla shqipe” në Zvicër jo vetëm që një është një vlerë e shtuar në ruajtjen e gjuhës dhe kulturës kombëtare, por tani lirisht mund të themi se nën drejtimin e profesor Dr. Vaxhid Sejdiut, i cili arriti t`i bashkoj prindërit dhe mësuesit rreth shkollës shqipe është shndërruar në lider të organizimit të mësimit plotësues në gjuhën shqipe në Zvicër dhe shembulli më i mirë i punës dhe angazhimit të këtij organizimi në mbarë mërgatën shqiptare..  

Klasa ku gjithë ata nxënës mësonin të dallonin shkronjat e shqipes, fjalët dhe gjërat elementare të saj dukej si një “zgjua bletësh” ku secili mundohej të punonte më shumë apo të merrte me vete sa më shumë shkronja dhe fjalë nga gjuha amtare. Një atmosferë mbresëlënëse ku Amelia, Ensari, Tara, Tuana, Amara, Aroni, Andi, Grita, Arjana, Alea, Riadi, Leona, Leonisi, Leo, Bleroni, Alina, Lediana, Eliana, Elisa, Lauresa, Diari, Edoniti, Ledioni etj. të cilët me përkushtim mundoheshin të merrnin sa më shumë dituri nga orët e para mësimore. 

“Shqiponjat” e shkollës shqipe në Langnau të lumtur, të gëzuar me rastin e fillimit të mësimit në gjuhën shqipe

Javëve të fundit prindërit së bashku me koordinatorin e “Shkollës shqipe” në Zvicër, Dr. Vaxhid Sejdiun pas disa konsultimeve dhe angazhimeve me prindërit e tjerë, së bashku edhe me mësuesen Leonora Zoton arritën suksesshëm t`i hapin dyert e shkollës shqipe me qëllim që fëmijët ta kenë sa më afër shkollën ku do të mësojnë në vazhdim gjuhën amtare. Ajo që bie në sy ishte gatishmëria e prindërve për t`i dërguar fëmijët në shkollën shqipe si dhe të lumtur që fëmijët e tyre shkollën e kanë shumë afër dhe vetë mund të shkojnë në shkollë. Pas mësimit, mësuesi dhe koordinatori i “Shkollës Shqipe” në Zvicër  së bashku me mësuesen Leonora Zoto i njoftuan prindërit për rregullat e shkollës, detyrat e përbashkëta me qëllim që pika shkollore të funksionoj sa më mirë. Siç u tha dhe nga prindërit në ditët në vazhdim do të vijnë edhe fëmijë të tjerë, si dhe nga java  e ardhshme mësimi fillon në dy grupe, në grupin e parë janë nxënësit nga klasa e parë deri në klasën e tretë dhe në grupin e dytë nga klasa e katërt deri në klasën e gjashtë. 

Shkruan: Isuf Ismaili

Ambasadori i Republikës së Kosovës në Tiranë, Shkëlqesia e Tij z. Skënder Durmishi priti në një takim pune delegacionin e Shoqatës së Shkrimtarëve dhe Artistëve Shqiptarë ”Papa Klementi XI Albani”  të Suedisë, në përbërje të të cilit ishin z.Hysen Ibrahimi, kryetar i Shoqatës dhe z.Viron Kona, shkrimtar dhe anëtar nderi i Shoqatës. 

Gjatë takimit u diskutuan çështje me interes të ndërsjellë mes Ambasadës së Kosovës në Shqipëri dhe Shoqatës së Shkrimtarëve dhe Artistëve Shqiptarë “Papa Klementi XI Albani”, e cila është rezidente në Mbretërinë e Suedisë.

Kryetari i Shoqatës informoi gjerësisht z. Ambasador për veprimtaritë social-kulturore dhe letrare që zhvillon Shoqata e Shkrimtarëve dhe Artistëve Shqiptarë “Papa Klementi XI Albani” të Suedisë, siç janë probleme të ruajtjes së gjuhës shqipe, veçanërisht për fëmijët e mërgimtarëve shqiptarë; çështje të botimeve letrare e publicistike, të traditave dhe të trashëgimisë kulturore e popullore shqiptare; çështje të integrimit sa më të mirë të mërgimtarëve shqiptarë në Suedi; përkujtimin dhe kremtimin e ngjarjeve madhore e festive të kombit shqiptar, etj.       

Ambasadori i Republikës së Kosvës z. Skënder Durmishi shfaqi interes për veprën “Thesari Kombëtar”, e si rrjedhojë u zhvillua një bashkëbisedim interesant rreth përurimit që iu bë kësaj vepre në Akademinë e Shkencave të Shqipërisë, më 15 korrik 2022 dhe vlerësimeve të kryesisë së Akademisë për këtë vepër me rrezatim të gjerë kulturor, letrar, gjuhësor dhe atdhetar.

Ambasadori Durmishi siguroi anëtarët e delegacionit për mbështetjen e Shoqatës së Shkrimtarëve dhe Artistëve Shqiptarë “Papa Klementi XI Albani” të Suedisë nga ana e Ambasadës së Kosovës në Tiranë, forcimin e lidhjeve dhe bashkëpunimit të mëtejshëm mes tyre, si dhe shprehi dëshirën për të marrë pjesë në ndonjë nga aktivitet kulturore të Shoqatës që do të organizohen në të ardhmën në Suedi.

I gjithë takimi u zhvillua në një atmosferë shumë të ngrohtë dhe vëllazërore.

              Administrata e Shoqatës   

“Shumë i privilegjuar të pritesha nga Ambasadori i Ukrsinës, Sh.T.Z Volodymyr Shkurov si dhe mundësinë për të ndarë Konsiderata Strategjike për disa nga opinionet e publikuara, mbi:

Dinamikën e përballjes përgjatë 235 ditë/netë luftime heroike; marrjen nga Rusia të inisiativës strategjike të luftës si dhe riciklimin e kërkesës zyrtare të Ukrainës për t’ju bashkuar NATO-s.

Solidaritetin, kohezionon historik si dhe mbështetjen e jashtëzakonshme të Aleancës Transatlantike, USA/NATO/BE dhe mbarë bota e qytetëruar.

Referendumet nën tanke, mobilizimin me pranga dhe sulmet fashiste (rashiste) mbi popullsinë civile, spitalet, shkollat dhe banesat e civilëve janë prova të bishës së tërbuar nga humbja turpëruese që e pret Kremlinin për pushtimin nje vendi sovran, por dhe të diskretitimit gjeopolitik të Rusisë Putiniste në mbarë Botën, përfshi Detin e Zi, Mesdhe, Ballkan, etj!

Shqipëria mbështetje jo vetëm me solidaritet të pakushtëzuar dhe ndihma më shumë se modeste por edhe të aspiratës zyrtare të Ukrainës për anëtarësimin në Aleancën e Atlantikut të Veriut (NATO)!

Përulje për të renët në luftë, respekt për sakrificat sublime dhe nderim për qëndresën martire të kombit Ukrainas !

Ret.Gen Piro Ahmetaj,

Expert për SK, Rajonin & NATO;

Zv/President i AtlanticCounsil”!