• Home
  • Politics
  • Opinion
  • Culture
  • Sports
  • Economy
  • Interview
  • Reporting
  • Community
  • Vatra

Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

KUVENDI I TETE ZGJEDHOR I LDK-SE NE SUEDI

February 23, 2014 by dgreca

Njoftim nga punumet e Kuvendit të VIII zgjedhor të Degës së LDK në Suedi/

Nga Qibrije HOXHA/

Sot me 22 shkurt 2014, në Landskrona të Suedisë,  Dega e LDK në Suedi mbajti kuvendin e VIII zgjedhor.Kryesia e punës e përbërë nga Qibrije Hoxha, Jusuf Bajraktari dhe Osman Ahmetgjekaj hapi punimet e kuvendit.Në fillim të punës së kuvendit u aprovua rendi i ditës i propozuar nga komisioni konsultativ i përbërë nga anëtarët e e kryesisë së Degës së LDK në Suedi.Menjëherë në vijim komisioni verifikues konstatoi legjitimitetin e Kuvendit të VIII zgjedhor të Degës së LDK në Suedi.U zgjodh Saranda Iseni për mbajtjen e procesverbalit si dhe dy verifikues.

Në fillim të punimeve të Kuvendit, ish kryetari i Degës së LDD në Suedi, Hysen Ibrahimi edhe formalisht njoftoi delegatët e pranishëm për aderimin e Degës së LDD në Degën e LDK në Suedi, ku  për dy dekada më parë e kishin filluar aktivitetin si veprimtarë të LDK.

Ky veprim u aprovua pa kundërshtime dhe me duartrokitje nga të gjithë të pranishmit.

Menjëherë u aprovua rregullorja e punës së Kuvendit Zgjedhor.

Në një frymë demokratike dhe konstruktive,  kuvendi  zgjodhi  kryesinë e re me kryetar Zymer Qupevën – veprimtar i shquar shumëvjecar i Degës së LDK në Suedi.

Nënkryetar u zgjodhën Qibrije Hoxha dhe Osman Ahmetgjekaj ndërsa sekretar Jusuf Bajraktari.

Arkëtar u zgjodh Avdi Rama.

Kuvendi zgjodhi edhe një përfaqësues per rini, Fitim Sejdiun. Ndërkaq Saranda Iseni u zgjodh përgjegjëse e komisionit për informim dhe Jusuf Bajraktari anëtar i këtij komisioni.

Rrahman Rrahmani u zgjodh kryetar i komisionit revizionues kurse anëtarë Naser Leci dhe Arif Ismajli.

Poashtu anëtarë të komisionit statutar u zgjodhën Saranda Iseni , Idriz Gashi dhe Rushit Imeri.

Kuvendi morri vendim që Qibrije Hoxha dhe Hysen Ibrahimin të jenë delegat për Kuvendin përgjithshëm të LDK.
Në mes tjerëve Remzi Basha dhe Shefqet Tafilaj poashtu u zgjodhën anetarë të Kryesisë së Degës së LDK në Suedi.  Duhet të përshëndetet edhe aderimi dhe zgjedhja i disa të rinjve në kryesinë e Degës së LDK në Suedi.

Në këtë kuvend zgjedhor morrën pjesë delegatë nga nëntë nëndegë të LDK në Suedi: Landskrona,  Lund, Kristianstad,  Malmö, Båstad, Höor, Halmstad,  Hässleholm dhe Stockholm.
Delegatët e Kuvendit përshëndetën Kryesinë e LDK dhe njëkohësisht shprehën gadishmëri për bashkëpunim me Kryesinë e LDK ne Prishtinë. Kuvendarët u zotuan se i mbesin besnik veprimtarisë institucionale gjë që gjithmonë ka qenë karakteristikë e degës së LDK në Suedi, duke punuar gjithmonë në vijën institucionale dhe demokratike të cilën e projektoi dhe e la amanet, Presidenti Historik, dr.Ibrahim Rugova.

Delegatët i shprehën mbështetje të plotë kandidimit të Kryetarit të LDK z. Isa Mustafa për Kryeministër të ardhshëm të Republikës së Kosovës, që është edhe vendim i Këshillit të Përgjithshëm të LDK.

Në një atmosferë konstruktive dhe demokratike të bazuar në Statutin e LDK, Kuvendi përfundoi punimet.

Fjalën përmbyllëse e mbajti kryetari i posagjedhur i Degës së LDK për Suedi, z. Zymer Qupeva.

_________________________________________________________________________________

Anëtarët e Kryesisë së Degës së LDK në Suedi:

Zymer Qupeve -Kryetar

Qibrije Hoxha -nënkryetare e parë Delegat

Osman Ahmetgjekaj- nëkryetar i dytë

Isuf Bajraktari-Sekretar-komisioni informativ

Avdi Rama-Arkëtar

Fitim Sejdaj -përgjegjës për rini

Hysen Ibrahimi-delegat

Remzi Basha – anëtarë

Rizah Zejnullahu-

Shefqet Tafili

Emin Rrustemi

Saranda Iseni-komisioni informativ

Idriz Gashi

Rashit Gashi

Adem Ahmeti

Bislim Zogu

Naser Leci

Filed Under: Politike Tagged With: Ldk ne Suedi

Berisha sqaron gazetarët për protestën e nesërme

February 19, 2014 by dgreca

Rama shpalli votën si shuplakë për opozitën/

Një ditë para marshimit protestë të paralajmëruar nga opozita, në përkujtim të përvjetorit të rrëzimit të bustit të diktatorit Enver Hoxha, ish-kryeministri Sali Berisha ka bërë një analizë të ngjarjeve të fundit të ndodhura në vend, duke shpjeguar dhe arsyet e protestës. Berisha tha se kryeministri Rama po noton në të njëjtat ujëra me paraardhësit e tij, duke e akuzuar se që në ditën e tij të parë të instalimit si Kryeministër i shpalli luftë opozitës . Sipas tij, 5 muaj qeverisje kanë faktuar se Rama dhe qeveria e tij çdo gjë e bazojnë mbi mashtrimin, fallsitetin dhe dhunën ndaj opozitës dhe qytetarëve.

“Ata që përmbysën me 20 shkurt të ’91, ata votën e konsideronin plumb për armikun. Në atë sistem vota e qytetarëve shpallet me parulla të mëdha si plumba për armikun. Për ironi të fatit por jo pa lidhje, 23 vjet më vonë forca politike që fitoi zgjedhjet në 23 qershor dhe kryetari i saj shpalli votën pro tyre si shuplakë për opozitën. Ishte më i njerëzishëm nuk e quajti plumb, por shuplakë. Mbi bazën e 1 milion shuplakave bazoi qëndrimin dhe strategjinë ndaj opozitës dhe kur konsideron votën pro teje shuplakë ndaj kundërshtarit, automatikisht kundërsharin e ke armik, ka vetëm një platformë, vereviktis( mjerë i munduri). Kjo është platformë e pushtuesve në kohërat e hershme, kjo është platforma që adaptoi Edi Rama që ditën e parë të instalimit të tij në pushtet. Populli opozitar, demokratët , u përballën me një platformë e cila në shumë aspekte ngjasonte me platformën e regjimit komunist ndaj opozitës. Ne në opozitë pranuam humbjen në mënyrë më të civilizuar, bëmë rrotacionin e pushtetit, shfaqëm vullnetin tonë për një bashkëpunim pa kushte në projektin numër një të shqiptarëve , integrimin.Por ne një afat kohor më pak se 5 mujor, Edvin Krisraq Rama, është faktuar sëbashku me qeverinë e tij një kryeministër që bazon çdo gjë mbi mashtrimin, fallsitetin dhe dhunën ndaj opozitës dhe qytetarëve. Kanë ndodhur shumë gjëra, por më kryesore është mashtrimi që Edi Rama u bëri qytetarëve shqiptarë duke përmbysur platformën e tij elektorale dhe duke vepruar në drejtim të kundërt. Këtu fillon delitigjimimi i shpejtë dhe i sigurtë i kësaj qeverie. 23 vjet më parë përmbysëm shtatoren e diktatorit dhe bustet e gjalla pasi në 45 vite çuan në mjerim të paimagjinueshëm sot një popull përmes terrorit dhe mashtrimit. Asgjë nuk lëndon, rrënon më shumë dinjitetin e njeriut sesa mashtrimi” tha ai.

Berisha tha se Rama po vendos me shpejtësi të rrufeshme monopolet dhe familjes dhe të klanit të tij dhe po e kthen në Shqipërinë në Republikën e Skafeve.

“Vendimi i qeverisë për ndalimin e furgonëve taksi ka për qëllim të fusë monopolin e Koços në transportin e furgonëve. Katandisi Shqipërinë si të ishte Republika e skafistëve. Nëse nuk ngrihemi për të vendosur dinjitetin tonë Shqipëria kurrë zgjedhje nuk do të jenë më. Do të jenë thjesht panair i mashtrimit, do i fitojë ai që gënjen në shumë”- tha Berisha duke ftuar në protestë popullin opozitar por edhe atë të zhgënjyerit nga qeverisja e kryeministrit Rama për t’u bërë pjesë e protestës së nesërme antiqeveritare që është parashikuar të zhvillohet në sheshin “Skënderbej”.

Ish-Kryeministri akuzoi shefin e qeverisë, Edi Rama, se e ka kthyer kryeministrinë në klinikë për t’u shëruar.

” U dha poste burrave e grave të tij. Burri i Belinës bëhet ministër. Burri i Lindës emërohet drejtor i rëndësishëm në një firmë të Ahmetit. Kryeministrinë e ka shtëpinë e Kristaqit.Zotëria mendon si kryeministër kryeministria dhe shteti është pronë e tij. Ka 6 muaj që punon dhe gdhend zyra, hap klinika brenda kryeministrisë sepse e ka të rëndë të kurohet aty ku kurohen të tjerët. Po vendos me shpejtësi të rrufeshme monopolet dhe familjes dhe të klanit të tij”- tha Berisha.

 

Filed Under: Politike Tagged With: Berisha takon, gazetaret, nje dite, para protestes

Basha: Të bashkuar në 20 shkurt

February 16, 2014 by dgreca

Partia Demokratike mblodhi të dielën aktivin e Tiranës, gjatë të cilit kryedemokrati Lulzim Basha bëri thirrje për pjesëmarrje masive në protestën parlajmëruar, në 20 shkurt në Tiranë. “Në 20 shkurt, në 23 vjetorin e rrëzimit të monumentit të dikatorit Enver Hoxha, nga sheshi kryesor i Tiranës, nisim marshimin e protestës së madhe popullore kundër mashtrimeve të maxhorancës Rama-Meta”, tha kryetari Basha në fjalën e tij.

Sipas tij, 20 shkurti është gdhendur në histori si dita e madhe e Tiranës demokratike, që 23 vite më parë bëri e para hapin për një Shqipëri pa diktaturë. “Ftoj të gjithë në sheshin historik,  23 vjeçaret e sotëm që lindën në liri. Të gjithë në shesh për t’i përcjellë zërin e fuqishëm të bashkimit qeverisë Rama- Meta”, tha më tej kryedemokrati.

Gjatë aktivit të Tiranës, Basha bëri të ditur anëtarësimin e një numri të rinjsh në Partinë Demokratike, që sipas tij bashkohen me të djathtën si reagim përballë një qeveri që po shkel me këmbë aspiratat e tyre.

 

Filed Under: Politike Tagged With: Lulzim Basha, me 20 shkurt, te bashkuar

Basha në Kavajë: Me 20 shkurt shkundim qeverinë

February 15, 2014 by dgreca

Kryetari i Partisë Demokratike, Lulzim Basha ka zhvilluar sot një takim me demokratët e Kavajës. Basha i ka bërë thirrje mbështetësve të Partisë Demokratike të marrin pjesë në protestën e 20 shkurtit.

“Duhet të mblidhemi për t`i treguar forcën vendimtare të opozitës dhe popullit të lirë, që nuk pranojnë që të qeverisen pa ligje demokratik, për ta detyruar qeverinë të kthehet në binarët e ligjit ose të ik. Prandaj kemi thirrur edhe marshimin në datën 20 shkurt në orën 14:00. Do të jetë një manifestim i fuqishëm i shpirtit të lirë 23 vite nga rrëzimi i bustit të Enver Hoxhës. Të gjithë të rinjtë dhe të rejat që janë mashtruar nga ky kryeministër të vijnë në protestë për ti thënë fjalën e tyre me zërin e tyre rinor” u shpreh Basha.

Basha ka akuzuar kryeministrin Rama se me arrogancën e tij ka goditur konsensusin ndërsa ka shtuar se në këto muajt e fundit dyshja Rama-Meta kanë treguar se çfarë është ligjore është e papranueshme për ta.

“Arroganca e tij kronike dha goditjen e radhës në atë që duhet të jetë panetoni ynë si vlerë: Po sulmojnë ligjin konsensucional për nënpunësin civil. Kemi arsye të plota të presim surpriza të tjera nga ky kryeministër, nëse nuk ngrihemi në këmbë të tregojmë forcën vendimtare të qytetarëve të lirë, që nuk pranojnë asnjë sekondë të qeverisen pa ligjin demokratik” shtoi ai.

Gjithashtu kreu i PD-së pasi vlerësoi anëtarësimet e reja në Partinë Demokratike theksoi se kjo forcë politike është e pakonkurueshme sa ipërket intergimit europian dhe europianizimit të vendit

Gjithashtu kreu i PD-së pasi vlerësoi anëtarësimet e reja në Partinë Demokratike theksoi se kjo forcë politike është e pakonkurueshme sa ipërket intergimit europian dhe europianizimit të vendit

“Forca e PD-së është e lidhur pazgjidhshmërisht me demokracinë e vendit. Takimi i sotëm ka në fokus të sotmen e të ardhmen e Partisë Demokratike dhe të Shqipërisë. Duhet t`i presim  krahapur të gjithë qytetarët që duan të jenë pjesë e Partisë Demokratike. Krahapur është fjala që dua të shoh në çdo strukturë të Partisë Demokratike për çdo të ri dhe për çdo shqiptar që do të bëhet pjesë e saj. Sa më shumë rritet arroganca e qeverisë aq më shumë rriten anëtarësimet në Partinë Demokratike. Sa më rëndë godet paligjshmëria e qeverisë aq më shumë rritet kohezioni i demokratëve ndaj rrezikut që i kanoset” u shpreh Basha.

 

Filed Under: Politike Tagged With: Basha ne Kavaje, me 20 shkurt, shkundim qeverine

PD: Qeveria mban peng hyrjen në fuqi të vendimit të Gjykatës Kushtetuese

February 15, 2014 by dgreca

Nga B.Kastrati/Partia Demokratike e cilësoi  antikushtetues projektligjin e qeverisë për disa ndryshime në statusin e nëpunësit civil, që sjell shkatërrimin e administratës dhe konsensusit historik. Me anë të një deklarate për shtyp, deputeti i PD-së, Oerd Bylykbashi,  tha sot se “Kryeministri Rama shkeli Kushtetutën, përbuzi Gjykatën Kushtetuese dhe nuk hoqi dorë nga qëllimi i tij antikushtetues për të zhbërë me çdo kusht administratën publike dhe për ta mbushur atë me militantë socialistë”.  Ai vlerësoi se  “ky projektligj është antikonsensus, sepse jo vetëm është gatuar pa asnjë konsultim publik dhe pa opozitën, por ai po ndryshon tashmë edhe vetë ligjin, që u bë me konsensus një vit më parë. Me këtë akt, duke prishur një konsensus historik në të shkuarën, Kryeministri po i vë minat përsëri konsensusit politik për të ardhmen. Ky projektligj është antireformë”. Për PD-në, tha Bylykbashi, ky projektligj shkon kundër kërkesës së Komisionit Europian që reforma e miratuar në maj 2013 të zbatohet me shpejtësi. Në deklaratë thuhet gjithashtu se “Qeveria po mban peng hyrjen në fuqi të vendimit të Gjykatës Kushtetuese, në mënyrë të paprecedente”. Ministrja e Shtetit për Inovacionin dhe Administratën Publike, Milena Harito, tha dje në një konferencë shtypi, se    ndryshimet që Qeveria ka propozuar në ligjin për Nëpunësin Civil janë konsultuar edhe me partnerët ndërkombëtarë, edhe është tentuar të diskutohen me opozitën në Shqipëri. Por, opozita e PD tenton të bllokojë e të mos dëgjojë, me shpresën se gjërat në Shqipëri do të ngecin, tha Harito. Ajo shprehu vendosmërinë për të ndërmarrë reformat e nevojshme, brenda kornizës ligjorë, në përputhje me standardet ndërkombëtare, në konsultim me partnerët e huaj, e për aq sa mundemi, në konsultim edhe me opozitën.

 

Filed Under: Politike Tagged With: PD: Qeveria, peng, vendimin e Kushtetuses

  • « Previous Page
  • 1
  • …
  • 440
  • 441
  • 442
  • 443
  • 444
  • …
  • 450
  • Next Page »

Artikujt e fundit

  • DEKLARATA E PAVARËSISË – GURËTHEMEL I SHTETËSISË SË KOSOVËS
  • 2 korrik 1990 – Prishtinë, Shpallja e “Deklaratës Kushtetuese”!
  • Penalizimet e kryeministrit për pyetje ndaj gazetarëve janë rast tipik shqiptar. Këto penalizime duhen refuzuar
  • Në Kroaci u zhvillua shkolla verore e gjuhës shqipe dhe kulturës shqiptare
  • Rinjohja e shtetit shqiptar pas Luftës së Parë Botërore dhe roli i SHBA
  • 2 Korrik 1990 si revoltë ndaj sistemit komunist
  • Përkujtohet veprimtari i shquar i arsimit shqip Ahmet Gashi
  • EMËRTIMET E VENDBANIMEVE,  VLERA ETNO-KULTURORE  TË ÇDO MJEDISI
  • KËSHILLI BASHKIAK LIBOHOVË I JEP TITULLIN “MIRËNJOHJA E QYTETIT” (PAS VDEKJES) ATDHETARIT QERIM BAJRAM HAXHIU
  • LA PATRIE (1920) / IMZOT LUIGJ BUMÇI : “POPULLI SHQIPTAR, ME VULLNETIN E TIJ, NUK DO TA LËSHOJË KURRË VLORËN.” – SHKRESA DREJTUAR KONFERENCËS SË PAQES NË PARIS
  • KOSOVA PARA 32 VITEVE: DEKLARATA KUSHTETUESE PËR PAVARËSI E 2 KORRIKUT 1990
  • Plenumin i Brioneve në fokus të Shërbimit Inteligjencës Amerikane 1 Korrik 1966
  • JETA E NJË FËMIJË “KULAKU” NË DIKTATURË!
  • “MEDIA SHQIPTARE, RRUGËTIMI I VËSHTIRË DREJT LIRISË”
  • “Nuk mund të ketë paqe pa të vërtetën dhe pajtimin”

Kategoritë

Arkiv

Tags

albano kolonjari Albin Kurti alfons Grishaj Anton Cefa arben llalla Astrit Lulushi Aurenc Bebja Behlul Jashari Beqir Sina dalip greca Elida Buçpapaj Enver Bytyci Ermira Babamusta Eugjen Merlika Fadil Lushi Fahri Xharra Frank shkreli Fritz radovani Gezim Llojdia Hazir Mehmeti Ilir Levonja Interviste Kolec Traboini kosova Kosove Marjana Bulku Murat Gecaj nderroi jete ne Kosove Nene Tereza presidenti Nishani Rafaela Prifti Rafael Floqi Raimonda Moisiu Ramiz Lushaj reshat kripa Sadik Elshani SHBA Shefqet Kercelli shqiperia shqiptaret Sokol Paja Thaci Vatra Visar Zhiti

Log in

This website uses cookies to improve your experience. We'll assume you're ok with this, but you can opt-out if you wish. Cookie settingsACCEPT
Privacy & Cookies Policy

Privacy Overview

This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary
Always Enabled
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Non-necessary
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
SAVE & ACCEPT