Erdhi në Athinë Abetaria e re mbarëkombëtare, e cila është e përpiluar nga dy shtetet tona, Shqipëri – Kosovë.
Abetaria erdhi dhuratë edhe nga Kosova nëpërmjet nismës së z. Fitim Gllareva , Udhëheqës i Selisë së Zyrës së Interesave të Kosovës në Athinë , i cili prezantoi kompletet me tekstet: Abetare, Fletore Pune, Gjuhë Shqipe në Pikën Shkollore të Gjuhës Shqipe në Rendi-Athinë..
Megjithëse bashkëpunimet me z. Fitim Gllareva dhe projektet e tij për nxënësit e mësimit të gjuhës shqipe në Greqi në këto kater vite kanë qënë të shumta e të larmishme ku ka treguar dhe gatishmërinë e tij…
Mësuese ! Ju lutem , sa herë të keni nevojë për ndihmën tonë ne jemi të gatshëm të ndihmojmë fëmijët sipas mundësive që kemi…
Por ku falenderim i veçantë është për nismën e z. Fitim ku bëri të mundur ardhjen nga Kosova në Greqi të Abetares së Përbashkët Shqipëri – Kosovë dhe shpresoj të hyjë në çdo familje shqiptare aty ku dëshira është të flitet , të lexohet dhe të shkruhet shqip.
Z. Fitim asnjëherë nuk i ka ndalë kontaktet me nxënësit e mësimit të gjuhes shqipe në Athinë dhe është kujdesur pët ta .
Sa hyri në klasë të gjithë nxënesit e njohin, të qeshur e përshëndetën dhe filluan të thoshin është nga Kosova…është nga Kosova !
Hyri në klasë ,krahët i kishte mbushur plot me Abetare, me shumë dashamirësi na uroi: MËSIM TË MBARË !!!
Pasi i vendosi tekstet mbi tryezë shkoi nëpër banka duke përkëdhelë kokat dhe supet e nxënësve ,shihte me sy përgezimi çfarë kishin shkruar në fletoret e tyre. Kryefjala e asaj dite mësimi ishte dhe 17 vjetori i amshimit të Presidentit të parë të Kosovës ku nxënësit u njohën me jetën dhe veprimtarinë e Doktor Ibrahim Rugovës.
I entuziasmuar pasi i vlerësoi nxënësit për vullnetin dhe dashurinë që kishin për të mësuar Gjuhën Shqipe, hapi kutitë me tekste dhe duke mbajtur në duar kompletin e Abetares filloi të shprehej duke u drejtua herë nga nxënësit dhe herë nga unë : -Këto Abetare kanë ardhur nga Kosova !
-Me këto Abetare do të mësojnë Gjuhën Shqipe edhe shumë fëmijë të tjerë si ju.
– Kjo Abetare është shenja identitare e kulturës dhe e kombit tonë.
Këto Abetare do të shkojë në ato familje që i ushqejnë fëmijët me ndjenjën e dashurisë për Atdheun tonë, me ndjenjën e përkushtimit dhe dashurisë për Gjuhën Shqipe që është baza mbi të cilën mbështetet identiteti i këtyre fëmijëve….dhe shumë fjalë të tjera tha ku më ngjallën emocione si shtetase shqiptare dhe si mësuese e Gjuhës Shqipe.
E mora në duar Abetaren duke u menduar që të gjeja fjalët më të mira shqip që të falenderoja dhe të përgëzoja për këtë nismë z.Fitim.
E falenderova për vëmëndjen që tregoi Shteti i Kosovës për nxënësit në Greqi duke i shprehur dhe mirënjohjen ku nuk e ka ndalur asnjëherë interesimin e tij për misionin e gjuhen shqipe ; ku krahas detyrave të tij diplomatike ka gjetur kohën dhe mundësinë të jetë vazhdimisht i pranishëm ne cdo fillim te vitit shkollor , midis aktiviteteve shkollore ,festave kombetare , festes se Abetares, konkurseve te nxënësve të gjuhes shqipe .
Duke e falenderuar , me modesti më thotë ; nuk është nevoja të më falenderosh dhe as të shkruash për mua ; është obligim dhe detyrë kombëtare të sjell nga Kosova Abetaret për të ndihmuar mësuesit dhe fëmijët e bashkatdhetareve të mësojnë gjuhën shqipe .
Shumë u lumturova kur pashë Abetaren e re ,e kisha kërkuar shumë e vlerësoja si gjë të shenjtë këtë Abetare simbolike të unitetit tonë
Shqipëri-Kosovë.
Duke e lëmuar me dorë këtë Abetare u ndjeva e përtërirë, kjo Abetare tani është udhëheqëse në arsimin tonë mbarëkombëtar për gjuhën shqipe.
Kjo nismë tregon përgjegjësinë dhe seriozitetin dhe nuk është hera e parë qe z.Fitim është treguar i gatshëm . Para tri vite ka sjellë përsëri 30 Abetare dhe materiale didaktike nga Kosova. Të gjitha këto janë burime ku kanë shërbyer që nxënësit të duan Kosovën dhe te zhvillojnë identitetin e tyre kombëtar, gjithashtu e falenderova për vlerësimin që u bëni gjithë mësuesve të gjuhës shqipe ne Greqi.
Sa e thjeshtë kjo nismë por dhe aq e domosdoshme që nderojnë e vlerësojnë z.Fitim Gllareva kur sheh që ka persona që marrin të tilla iniciativa si dhe vleresoj kujdesi që ka treguar perhere Shteti i Kosovës për shqiptarët e Greqisë.
Le të shpresojmë që të mos mbetet i vetëm por të hapen rrugë nismash në dobi të kurseve të gjuhës shqipe në Greqi.
Nuk mund të besoni sa të bukura mu dukën Abetaret mbi tryezën e punës , sa shkëlqim dhanë klases dhe mua.
Duke shfletuar Abetaren të vijnë para syve shkronjat e Alfabetit Shqip si flutura ngjyra – ngjyra ku mbushin klasën me zërat tinguj : A ; B ; C ;…
Neper faqe lexon emra qytetesh Vlorë, Prizren, Tiranë, Prishtinë, Tetovë, Ulqin, Shkup… Sheh njohuri gramatikore gjuhësore, foto me ilustrime nga festat kombëtare kuq e zi, si dhe kostumet tona popullore qëndisur me ornamente.
Por Abetares së re nuk i mungonin as dy vargjet e këngës më të dashur ku nxënësit i këndojnë me krenari duke bërë me duar shqiponjën mbi gjoksin e tyre të vogël …
XHAMADANI VIJA – VIJA
ËSHTË KOSOVA
O ËSHTË SHQIPËRIA….
Faleminderit dhe shumë urime KOSOVË E DASHUR , ku së shpejti do të festojmë së bashku Jubilenë e
15-të vjetorit të Pavarësisë dhe të Lirisë.