Politike – Page 304 – Dielli

“KAMPIONËT E REFORMËS NË DREJTËSI” TË SHQIPËRISË

April 9, 2021 by dgreca

Nga Frank SHKRELI/

Shqiptarë, flini rehat! Jeni në duar të sigurta, të pakën sa i përket reformës në drejtësi, dua të them, se probleme të tjera që ua lenë natën pa gjumë ka mjaft. 6 javë më parë u njoftuam se Shqipëria kishte një “kampion të drejtësisë”, madje të dalluar në nivel ndërkombëtar, ndërsa këtë javë morëm haberin e ri se në këtë ndërkohë qenkan shtuar “kampionët” e reformës dhe mbrojtësit e zellshëm të drejtësisë në Shqipëri. Frank Shkreli: Një prokuror i ish-regjimit komunist dekorohet nga Departamenti Amerikan i Shtetit | Gazeta Telegraf – Thuhet se Shqipëria tani ka të pakën dy dyzina “kampionë” të drejtësisë. Çfarë suksesi i madh! A thua se pas 30-vjet post-komunizëm, më në fund shohim, në anën tjetër të tunelit të errët të drejtësisë shqiptare, dritën e reformës përfundimtare të drejtësisë në Shqipëri? Ku ishin këta “kampionë” të drejtësisë më heret? Si nuk i janë bashkuar kampionatit 30-vjeçar për reformën në drejtësi këta burra e burrëresha gjatë gjithë këtyre viteve. Por pyetja më e madhe është se cilat janë meritat e këtyre “kampionëve” për reformën në drejtësi.

Por sidoqoftë, nëse vazhdon kështu të rritet numri i “kampionëve të drejtësisë” nga java në javë në Shqipëri, kujdes Danimarkë se po vjen Shqipëria dhe ta ze vendin e parë për drejtësi shoqërore në botë. Për më tepër, Shqipëria ka prokurorë e gjykatës me përvojën më të madhe se çdo vend tjetër ish-komunist n[ Evrropën Lindore due Qendrore, me edukatë dhe përvojë në “drejtësinë e popullit”, të “diktaturës kushtetuese” të komunizmit enverist.

Ambasada e Shteteve të Bashkuara anë Tiranë në një njoftim në fejsbuk njofton se, “Gjatë “vizitës së tij virtuale” në Shqipëri , Zv. Ndihmës Sekretari i Shtetit Matthew Palmer u takua me Kampionë të Reformës në Drejtësi nga institucionet shtetërore, institucionet e pavarura të drejtësisë, media, shoqëria civile dhe fusha akademike. Gjatë diskutimit të tyre, Zv. Ndihmës Sekretari Palmer ritheksoi mbështetjen e Shteteve të Bashkuara të Amerikës për zbatimin e reformës në drejtësi dhe përkushtimin e tyre për demokratizimin, forcimin e sundimit të ligjit dhe luftën ndaj korrupsionit në Shqipëri. Ai njohu punën e të gjithë pjesëmarrësve në përparimin e reformës në drejtësi dhe sundimin e ligjit, duke u thënë se përkushtimi i tyre është thelbësor për të çuar më tej përparimin e Shqipërisë për anëtarësimin në BE dhe po i mundëson vendit të bëhet një demokraci më e fortë. Reforma në drejtësi nuk është e lehtë, e shpejtë apo e përsosur, por ajo ka filluar të tregojë rezultate tashmë – dhe ne do të vazhdojmë t’ju mbështesim ndërsa ju ecni përpara për të zbatuar reformat, si me përkrahjen tonë, ashtu edhe me programet tona të ndihmës… Shtetet e Bashkuara do të qëndrojnë krah jush ndërsa ju ndryshoni kulturën e ngulitur të korrupsionit dhe pandëshkueshmërisë në Shqipëri”, u ka thënë Zv. Ndihmës Sekretari Palmer, atyre që u cilësuan si kampionë të reformës në drejtësi në Shqipëri, gjata[ vizitës së tij virtuale në atë vend.

Unë nuk dëshiroj të denigroj seriozitetin me të cilin ambasada amerikane e ka marrë reformën në drejtësi dhe nuk dua të nënçmoj as punën që mund të ketë bërë ndonjëri prej këtyre “kampionëve” pjesëmarrës në atë takimin virtual me Z. Palmer, por kurioziteti, për të mësuar diçka më shumë për kontributin e tyre, nuk të le rehat për të mësuar diçka amë shumë për këta kontribues të refomrës në drejtësi. Në njoftimin e Ambasadës thuhet se, “Ai (Z. Palamer) njohu punën e të gjithë pjesëmarrësve në përparimin e reformës në drejtësi dhe sundimin e ligjit, duke u thënë se përkushtimi i tyre është thelbësor për të çuar më tej përparimin e Shqipërisë për anëtarësimin në BE dhe po i mundëson vendit të bëhet një demokraci më e fortë”. Unë, si një taksa pagues amerikanë do të doja të dija se cili është kontributi i këtyre pjesëmarrësve në drejtësi – si individë dhe si grup — ashtuqë që të festojmë me ta së bashku arritjet e tyre due të shoqërisë shqiqtare në fushën e reformës në drejtësi dhe t’i nxisim ata, siç tha edhe zyrtari i lartë amerikan Z. Palmer, këta “Kampionë të Reformës në Drejtësi”, në përpjekjet e tyre, në mënyrë që populli shqiptar të ketë drejtësi të vërtetë”. Por, fatkeqsisht, ka shumë njerëz në Shqipëri – në politikanë, prokurorë dhe gjykatës — që gjatë këtyre tre dekadave kanë penguar zhvillimin e reformës në drejtësi në Shqipëri, disa prej të cilëve edhe mund të konsiderohen sot si “kampionë” të drejtësisë. Këtë nuk e them unë, por janë, pikërisht, ndërkombëtarët e të gjitha niveleve, që vit pas viti kanë shënuar shkeljet flagrante të drejtave të njeriut dhe të sistemit të drejtësisë në Shqipëri, të zhytur në korrupsion. S’do mend se Shqipëria ka nevojë për ndryshime radikale në sistemin juridic, por nuk besoj se një paradë e tillë në televizion me njerëz që nuk kanë të bejnë me drejtësinë dhe me disa përfaqsues të drejtësisë ish-komuniste, i shërben kauzës së reformës në drejtësi në atë vend. Pa dashur të përmend të pakën tre raporte ndërkombëtare të kohëve të fundit mbi problemet serioze të drejtësisë shqiptare deri më sot, përfshirë Raportin Vjetor të Departamentit Amerikan të Shtetit mbi të Drejtat e Njeriut, ku përmendet pa-pandërshkueshmëria si një problem serioz– për mua është e pakuptimt një shfaqje e tillë në këtë mënyrë dhe në këtë kohë – 2-3 javë para zgjedhjeve të përgjithëshme.

Të gjithë ia duam të mirën Shqipërisë dhe shqiptarëve kudo që janë. Në të vërtetë, duam që Shqipëria të bëhet si Danimarka ose si Zvicra. Por duam që drejtësia të mbretërojë dhe të zbatohet për të gjithë njësoj, veçanërisht, një shoqëri si Shqipëria që ç’prej themelimit të saj nuk ka parë kurrë drejtësi, e sidomos për pothuaj gjysëm shekulli komunizëm. Të gjithë jemi të vetdijshëm se drejtësia, liria dhe barazia janë faktorë të rëndësishëm që një shoqëri të përparojë dhe të shkojë përpara. Pyetja është se si të arrihet deri tek ky qëllim. Unë nuk besoj se duke venë në detyra me përgjegjësi për reformën në drejtësi, përfaques të “gardës së vjetër” të diktaturës, është mënyra për të siguruar reformën në drejtësi dhe për të sjellur paqën dhe pajtimin në Shqipëri. Një lëvizje për një sistem juridik më efektiv duhet që të bashkojë të gjitha palët e spektrit politik me qëllim që të lehtësohet krijimi i një atmosfere të re pajtimi kombëtar, kushtuar forcimit të dialogut se si mund të çohet përpara drejtësia, siguria dhe barazia për të gjithë shqiptarët, pa dallim. Barazi dhe drejtësi do të thotë trajtim i barabart nga shteti dhe shoqëria, mundësi për përparim për të gjithë pa dallim dhe mbrojtje nga drejtësia, sidomos për ata që në të kaluarën kanë qenë viktima të sistemit. Barazi e drejtësi do të thotë zhdukja e pengesave që kanë bërë të pamundur deri më tani pjesëmarrjen e plotë të disa grupeve – siç janë ish-të përndjekurit dhe pasardhësit e tyre – në sistemin juridik dhe në reformën e drejtësisë. Diversiteti ose gjithëpërfshirja krijon, detyrimisht, një mjedis në të cilin individët dhe grupet e ndryshme të lëna pas dore dhe të shtypura, historikisht, ndjehen të mbështetura, të respektuara dhe të vlerësuara nga sistemi në fuqi, për pjesëmarrjen e tyre në vendimet për zgjidhjen e problemeve me të cilat përballen sot shqiptarët.

Për derisa politika dhe drejtësia shqiptare nuk merren seriozisht me trashëgiminë dhe me të kaluarën e krimeve të regjimit komunist të Enver Hoxhës, prej gjysëm shekulli – ashtu siç kanë bërë shumica e ish-vendeve komunkiste të Evropës – në Shqipëri nuk do të ketë drejtësi. Kjo nuk është vetëm një çeshtje drejtësie, por është edhe një çeshtje morale, që kërkon përgjegjësi dhe zgjidhje nga ana e organeve të shtetit dhe të drejtësisë. Në Amerikë përdoret fraza: “Drejtësia e vonuar është drejtësi e mohuar”. Për viktimat e regjimit komunist të Enver Hoxhës drejtësia është vonuar për një kohë të gjatë tashti. “kampionët “ e drejtësisë mund të menodjnë ndrxyseh, por drejtësia është diçka më tepër se të burgosësh hajdutin dhe të korruptuarin. Drejtësia, mbi të gjitha, ka të bejë me jetën dhe me vdekjen. Nuk e kam fjalën për hakmarrje, por pa-ndëshkueshmëria dhe mos llogaridhënia për krimet e komunizmit nuk mund të pres më gjatë. Shoqëria shqiptare duhet të përballet me atë histori të hidhët, sa më parë aq më mirë. Deklaratat e fundit nga figura publike dhe politike shqipotare duke glorifikuar komunizmin janë tepër të dëmshme dhe përçarëse. Edhe drejtësia e re shqiptare ka rolin dhe përgjegjësinë e saj në këtë mes. Prandaj nuk janë nostalgjikët e atij sistemi kriminal, qofshin ata në politikë ose në sistemin juridik, që mund të bejnë ndryshimin e madh. Thjesht, kjo është një çështje kredibiliteti! Prandaj, nëqoftse dëshironi që të siguroni drejtësi për brezat e ardhëshëm, është e nevojshme që të vendosni drejtësinë për të kaluarën dhe për të tanishmën. Unë do të dëshiroja që disa prej këtyre “kampionëve të drejtësisë”, disa prej të cilëve i njoh si gazetarë, të luajnë rolin që mund të luajnë në mediat e tyre në mbrojtje të të drejtave të viktimave të komunizmit, si një kusht paraprak për një shoqëri më të drejtë dhe më të barabart për të gjithë.

Unë e kam thenë edhe më përpara dhe do vazhdoj ta them deri sa të kem mundësi se nëqoftse reforma në drejtësi do të jetë e besueshme, efektive dhe serioze, ajo duhet të jetë gjithëpërfshirse në Shqipëri. Duhet të përfshij edhe prokurorë e gjykatës nga shtresat jo të përfaqësuara deri më tani, siç janë ish-të përndjekurit e komunizmit. Ky është standardi amerikan, sistemi duhet të jetë gjithëpërfshirës, për ndryshe nuk ka kredibilitet. Shqiptarët e dinë mirë se kush janë e kush nuk janë kampionët e drejtësisë. Po e përfundoj me një koment të marrë nga një lexues në fejsbukun e Ambasadës amerikane në Tiranë, pyetje që edhe unë vet e kam bërë edhe herë tjera, por duket se është një ndjenjë që ndahet nga shumë të tjerë, siç pasqzrohet edhe nga komentet në faqen fejsbuk të ambasadës:

Nga US Embassy Tirana Facebook:Atdheu jonë loton: A ka ndonje prokuror te persekutuar te rregjimit komunist kjo reforma ne drejtesi e nderueme Zonja Yuri Kim? Nese me ktheni pergjigje ju falenderoje shume. Na thoni emrat ju lutem. Te behet e besueshme reforma ne drejtesi duhet te kete prokuror nga klasa e perndjekureve politike, perndryshe eshte fallco,ashtu sic nisi demokracia ne 1991 dhe na doli diktature e dyte 30 vjecare!!

“Kampionët e reformës në Drejtësi” në Shqipëri gjatë një takimi virtual organizuar nga Amabsada e Shteteve të Bashkuara në Tiranë me Zv. Ndihmës Sekretarin e Shtetit, Z. Matthew Palmer

Drejtësi për të gjithë dhe pa dallim, përfshirë shtresat e të përndjekurve politikë të periudhës së komunizmit

SONDAZHI I EURONEWS ALBANIA- FITON OPOZITA

April 8, 2021 by dgreca

Sondazhi i katërt kombëtar i Euronews Albania në bashkëpunim me kompaninë prestigjioze të sondazheve MRB, zbulojnë këtë prirje vote të shqiptarëve nëse zgjedhjet parlamentare do të mbaheshin të dielën.

Këto janë rezultatet e sondazhit që u bë publik sot në studion e emisionit Barometri Politik, moderuar nga gazetarja Ilva Tare në panelin e analistëve politikë.

43% – PS

35.4% – PD

5.2% – LSI

3.8% – Parti të Tjera

Nga ana tjetër, 3.6% e qytetarëve janë shprehur se nuk do të marrin pjesë në votime, ndërsa numri i të pavendosurve është 8.5%, pra, shifra e dalë nga prirja e votës nuk llogarit votuesit e papërcaktuar.

Në zgjedhjet e vitit 2017, PS doli forcë e parë me 48.3% të votës së qytetarëve, PD forcë e dytë me 28.9% të mbështetjes, LSI mori 14.3% të votës popullore, ndërsa 3.7%

Përveç Lëvizjes Socialiste për Integrim e cila ka pësuar një përgjysmim të mbështetjes që nga publikimi i sondazhit të parë, PS dhe PD kanë shënuar një rritje në prirjen e votës së shqiptarëve, respektivisht me 1.2% dhe 7.2%.

3,5 milionë shqiptarë, nga të cilët 50.5 % e tyre janë votues meshkuj dhe 49.5 % e tyre janë votuese femra kanë të drejtën e votës në zgjedhjet e 25 prillit 2021 në Shqipëri për të votuar parlamentin e radhës.

Metodologjia

Sondazhi kombëtar mori në analizë 2500 të intervistuar në periudhën 17-31 mars 2021 në zona rurale dhe urbane në Shqipëri.

Si ka ndryshuar mbështetja për partitë në 4 sondazhet e Barometrit Politik (Grafik)

Nga sondazhi i parë kombëtar i realizuar nga MRB për Euronews Albania më 21 janar deri në sondazhin e katërt të publikuar sot më 8 prill, dy partitë e mëdha, ajo Socialiste dhe Demokratike janë rritur.

Por nga ana tjetër diferenca mes dy partive kryesore është ngushtuar ndërsa Lëvizja Socialiste për Integrim ka pasuar rënie të fortë. Hendeku mes Partisë Socialiste dhe asaj Demokratike nga sondazhi i parë që ishte me 13.6% është ngushtuar në 7.6%.

Kurba e mbështetjes së PS njohu një rënie të vogël në sondazhin e dytë ku nga 41.8% shkoi në 39.9% dhe më pas në sondazhin e tretë shkoi në 41.3% për të përfunduar në sondazhin e fundit në nivelin e 43%.

Nga ana tjetër, PD e nisi sondazhin e parë me një pëlqim prej 28.2% në prirjen e votës për të shkuar në 30.6% në të dytin dhe 30.8% në sondazhin e tretë dhe tashmë ka shkuar në sondazhin e katërt në 35.4%.

Për LSI, kurba e ndryshimit është në rënie ku nga 10.3% të votave që kishte në sondazhin e 21 janarit, në sondazhin e fundit ka shkuar në 5.2%, duke shënuar në total një rënie prej 50% të mbështetjes.

Ndërkohë që mbështetja për forcat e tjera ka mbetur në nivelin nën 4%, në sondazhin e fundit vihet re që përqindja e të pa përcaktuarve ka rënë duke bërë që më shumë njerëz të pozicionohen në prag të mbajtjes së zgjedhjeve. Pikërisht kjo shpjegon që rritja e PD dhe PS është më shumë përqindje se sa vetë rënia e LSI.

Thirrje shqiptarëve të Amerikës: Shpëtoni Shqipërinë nga pengmarrja!

April 8, 2021 by dgreca

NGA LISANDER HOXHA/

Të dashur atdhetar të Shteteve të Bashkuara të Amerikës,

Vendi ynë, edhe pse ka 30 vite i shkëputur nga regjimi gjakatar i Enver Hoxhës, vazhdon të jetë i vjedhur, i varfër dhe i marrë peng nga disa zagarë dhe zuzarë, të cilëve iu duket vetja ‘padron’ të së ardhmes së shqiptarëve. Keqqeverisjet kanë prodhuar drama familjare të pakonceptueshme prej asnjë populli tjetër europian. Sot, pas 30 vitesh, jemi akoma nën dilemën e ekzistencës ku familjet shqiptare nuk ia dalin dot të ushqehen, të kenë shëndetësi të denjë, arsim cilësor apo edhe të drejta themelore, si liria, prona, jeta etj. Jemi një vend pa drejtësi edhe pse kishte përpjekje serioze për të ribërë sistemin e korruptuar që mbante vendin në agoninë e pritjes së përjetshme. Jeta këtu të ofron shumë pak mundësi për të jetuar dhe punuar ndershmërisht dhe me dinjitet. Prandaj kemi eksode biblike të të rinjve, duke e shpopulluar Shqipërinë dhe shpresën për të ardhmen. Sot, demokracia në Shqipëri nuk përfaqësohet nga standarde dhe themele të qytetërimit, por përfaqësohet nga surretër batakçinjsh të paskrupult, të cilët, në marrëveshje korruptive me njëri-tjetrin, po e mbajnë vendin peng. Këtu nuk bëhen as zgjedhje të lira dhe as nuk na jepet mundësia të çlirohemi nga rrethi vicioz i Oligokracisë. Sot, nga dhjetë më të pasurit e vendit, nëntë prej tyre nuk kanë asnjë profesion apo zanat, përveç ‘hajnisë’. Pasuria publike është kthyer në një copë torte, e cila ndahet mes politikanëve gjobvënës dhe pseudo biznesmenëve, të cilët e faturojnë çdo punë publike disa dhjetra herë mbi vlerën reale. Këta ujqër të korruptuar kanë blerë çdo aset publik, media apo parti politike duke e lënë Shqipërinë nën mëshirën e tyre. Sot, shqiptarët janë të marrë peng me një thes mielli. Aq vlen jeta e një familëje të varfër në Dukagjin, Pukë, Tropojë, Mallakastër, apo edhe në Petrelë të Tiranës. Aq është ndihma ekonomike për të varfrit e vendit tonë. Aq vlerësohen njerëzit nga kupola e atyre që për vete shpenzojnë miliona dollarë në rimobilime banesash, zyrash apo garderobe. Sot, më shumë se kurrë, na mungon demokracia dhe standardet e shtetit ligjor. Sot po jetojmë në një shtet të padrejtë, ku politika investohet për të penguar drejtësinë dhe për pasojë pengmarrja vazhdon pa afat. Shqiptarët janë një popull pro Amerikan dhe pro Europian. Vlerat dhe traditat e popullit tonë janë skalitur nën diktatin e presioneve shekullore, pa të cilat ne nuk do ishim ata që jemi sot. Ndër më kryesoret, sipas meje, mbetet dashuria e popullit tonë për lirinë që është edhe thelbi i demokracisë. Kjo liri sot është e cunguar nga interesat korruptive të politikës së lidhur me krimin e organizuar dhe mungesës së drejtësisë. Këtë lëmsh e zgjidh vetëm demokracia funksionale. Unë besoj fort tek këto vlera dhe jam i bindur se edhe patriotët tanë pertej Atlantikut ndajnë të njëjtin qëndrim me mua. Ndaj sot, vëllezër është koha që t’i kthejmë atdheut tonë borxhin duke u investuar secili prej jush në lobimin më të madh shqiptar kundër korrupsionit dhe pengmarrjes së një grupi hajdutësh të paskrupult. Sot është koha që t’i japim një dorë Shqipërisë duke kërkuar për vendin tonë arritjen e të gjitha standardeve që shqiptarët meritojnë. Ndaj, besoj fort se faktori shqiptar në SHBA do të lobojë pranë administratës Biden, pranë Departamentit të Shtetit dhe kudo të munden që çështja shqiptare të jetë në fokusin e ditës. Pa një vëmendje të shtuar të SHBA-së ne kurrë nuk do të mund të çlirohemi nga pengmarrja e demokracisë. Kush e ndjen veten patriot, sot le ta marrë vesh se jemi në luftë dhe kërkohet kontributi i gjithësecilit prej nesh! Është koha e të rinjve, të cilët duan ta ndajnë përfundimisht Shqipërinë nga Oligokracia! Është koha që të luftojmë për një Shqipëri në Europë, e cila të mos bëjë dallim prej fqinjëve të saj në standarde dhe në nivel të demokracisë! Është koha që t’i kthejmë dinjitetin shqiptarëve dhe t’i çlirojmë nga uria! Është koha të besojmë se ne mund ta bëjmë këtë vend!

Ndaj, thirrja ime për ju është të bashkoheni në aleancën më të madhe qytetare dhe patriotike kundër hordhisë së kusarëve! Të shpëtojmë atdheun nga korrupsioni që e la vendin të varfër, të vjedhur dhe në padrejtësi! Të lobojmë në të gjitha institucionet e partnerëve tanë ndërkombëtar që t’i kemi në krah në këtë përpjekje epike për të mbyllur tranzicionin 30 vjeçar të pazareve dhe padrejtësive! Ne e duam Shqipërinë dhe jemi krenar të punojmë për të!

SIGURIMI SHENDETESOR NE SHTETIN E NJU JORK-ut- INFORMOHU NE GJUHEN SHQIPE

April 7, 2021 by dgreca

Portali i shtetit të Nju Jorkut jep informata të dobishme në shqip për sigurimin shëndetsor për ata që nuk kanë mbulim, për ata që po e humbasin mbulimin nga punëdhënësi, dhe për shkak të ndryshimit të të ardhurave. Aty mund të gjeni nëse ju takon të merrni kompensim të papunësisë gjatë emergjencës së Koronavirusit, a llogaritet pagesa stimuluese në aplikimin për sigurim shëndetësor, te dhena per programet dhe planet shendetesore, kohëzgjatjen e afateve dhe periudhave të pagesave të kësteve me leverdi për ju. Departmenti i Shërbimeve Financiare ka nxjerrë udhëzues për individët që paguajnë këste të plota për sa i takon sigurimit shëndetësor. Disa nga pyetjet që hasen më shpesh po i rendisim më poshtë:

Çfarë duhet të bëj nëse kam humbur mbulimin e sigurimit shëndetësor të punëdhënësit tim apo nëse nuk mund ta përballoj “COBRA” të ofruar nga punëdhënësi im?

• Ju mund të keni të drejtë për ndihmë për të paguar mbulimin e sigurimit shëndetësor nëpërmjet “NY State of Health” ose mund të keni të drejtë për mbulim falas.

• Mos prisni për të aplikuar. Duhet të aplikoni brenda 60 ditëve nga humbja e mbulimit të sigurimit shëndetësor për t’u siguruar që jeni në gjendje të regjistroheni në mbulimin për këtë vit.

Çfarë duhet të bëj nëse të ardhurat e mia kanë ndryshuar dhe jam tashmë i regjistruar për mbulim të sigurimit shëndetësor nëpërmjet “NY State of Health”? A mund të marr më shumë ndihmë për të paguar mbulimin tim?

• Mund të keni të drejtë për të paguar mbulimin tuaj. Përditësoni llogarinë tuaj me të ardhurat tuaja të reja brenda 60 ditëve nga ndryshimi. Mund të kualifikoheni për më shumë ndihmë financiare që mund të ulë koston e mbulimit tuaj.

Kam marrë një pagesë nga Dekreti federal CARES Act (referuar përgjithësisht si një pagesë stimuluese). A llogaritet kjo shumë si e ardhur në aplikimin tim të “NY State of Health”?

• Jo. Pagesa stimuluese nuk llogaritet si e ardhur për ndonjë nga përdoruesit e “NY State of Health”. Përdoruesit përfitues do të marrin një pagesë të vetme nga Departamenti i Thesarit i Sh.B.A. Këto pagesa do të shpërndahen bazuar në një ligj të ri federal, njohur si Dekreti CARES Act, miratuar si përgjigje ndaj pandemisë së COVID-19. Përdoruesit përfitues do të marrin një pagesë të vetme prej $1,200 për çdo të rritur dhe $500 për çdo fëmijë.

Jam duke marrë nga shteti Pandemic Unemployment Compensation si shtesë së përfitimeve të rregullta të papunësisë time. A ta raportoj atë si të ardhur kur të aplikoj për sigurim shëndetësor nëpërmjet “NY State of Health?

• Kjo varet nga ju. Pandemic Unemployment Compensation së Pandemisë ($600 në javë) llogaritet si e ardhur për disa të regjistruar të “NY State of Health”, por jo për të tjerët.• Raportoni Kompensimin tuaj të Papunësisë së Pandemisë (Pandemic Unemployment Compensation) nëse:

• Nuk keni fëmijë* në shtëpinë tuaj DHE • Të ardhurat tuaja vjetor janë më shumë se $25,520 për një individ të vetëm ose $34,480 për një çift.• Mos e raportoni Kompensimin tuaj të Papunësisë së Pandemisë (Pandemic Unemployment) Mos e raportoni Kompensimin tuaj të Papunësisë së Pandemisë (Pandemic Unemployment Compensation) nëse:

• Keni fëmijë.* • Të ardhurat tuaja të pritshme vjetore janë më pak se $25,520 për një individ të vetëm ose $34,480 për një çift.• Nëse duhet të përditësoni aplikimin tuaj për të shtuar si të ardhur (Pandemic Unemployment Compensation, ndihmësit e “NY State of Health” dhe Shërbimi ndaj Klientit janë në dispozicion për t’ju ndihmuar të plotësoni apilikimin tuaj.

Po regjistrohem në Essential Plan (EP) dhe kam një këst $20 në muaj.

A duhet ta paguaj këstin tim të parë brenda 10 ditësh që të më fillojë mbulimi?

• Gjatë periudhës së emergjencës së Koronavirusit, planet shëndetësore do të mundësojnë një periudhë më të gjatë kohore për të bërë pagesën tuaj të parë. Duhet të flisni me planin shëndetësor ku jeni regjistruar.Po regjistrohem në një “Qualified Health Plan (QHP)”. A duhet ta paguaj këstin tim të parë brenda dhjetë ditësh që të më fillojë mbulimi?

• Po. Të gjithë të regjistruarit në QHP, përfshirë ata që paguajnë këstin e plotë dhe ata që marrin kredite paraprake tatimore të këstit (APTC), u kërkohet të bëjnë pagesën e tyre të parë të këstit në mënyrë që të fillojë mbulimi i tyre. Disa plane mund ta shtyjnë periudhën 10-ditore. Duhet të flisni me planin shëndetësor ku po regjistroheni.

Jam regjistruar tashmë në një plan “Qualified Health Plan” dhe po marr ndihmë për të paguar për mbulimin tim me APTC-të. Për sa kohë duhet t’i paguaj këstet e mia mujore?

• Gjatë periudhës së emergjencës së Koronavirusit, periudha kohore që duhet të paguani për mbulimin tuaj mujor, e quajtur “periudha e lehtësimit”, është zgjatur nga 90 ditë në 120 ditë. Nuk keni nevojë të demonstroni se keni probleme financiare për t’u kualifikuar për periudhën e zgjatur të lehtësimit. Fatura që merrni nga plani juaj shëndetësor do t’ju tregojë datat e pagesave.

• Nëse nuk paguani këstet gjatë periudhës së lehtësimit prej 120 ditësh, plani juaj shëndetësor mund të përfundojë mbulimin tuaj në ditën e 60-të të periudhës së lehtësimit dhe ju nuk do të keni mbulim për shërbime që keni marrë pas asaj date dhe mund të mos jeni në gjendje të merrni mbulim për pjesën e mbetur të vitit, përveç nëse keni një ngjarje kualifikuese jetësore.

Gjatë periudhës së emergjencës së Koronavirusit, planet shëndetësore do të mundësojnë një periudhë më të gjatë kohore për të bërë pagesën tuaj të parë. Duhet të flisni me planin shëndetësor ku jeni regjistruar.Po regjistrohem në një “Qualified Health Plan (QHP)”. A duhet ta paguaj këstin tim të parë brenda dhjetë ditësh që të më fillojë mbulimi?

Jam regjistruar tashmë në një “Qualified Health Plan” dhe po marr ndihmë për të paguar për mbulimin tim me APTC-të. Për sa kohë duhet t’i paguaj këstet?

– Nuk keni nevojë të demonstroni se keni probleme financiare për t’u kualifikuar për periudhën e zgjatur të lehtësimit. Fatura që merrni nga plani juaj shëndetësor do t’ju tregojë datat e pagesave. • Nëse nuk paguani këstet tuaja gjatë periudhës së lehtësimit prej 120 ditësh, plani juaj shëndetësor mund të përfundojë mbulimin tuaj në ditën e 60-të të periudhës së lehtësimit dhe nuk do të keni mbulim për shërbime që keni marrë pas asaj date dhe mund të mos jeni në gjendje të merrni mbulim për pjesën tjeter të vitit, përveç nëse keni një ngjarje kualifikuese jetësore që shkakton një Periudhë Speciale të Regjistrimit (SEP). • Nëse keni probleme të paguani për mbulimin tuaj, kontaktoni “NY State of Health” ose flisni me planin tuaj shëndetësor. Mund të ketë të tjera alternativa më të përballueshme për ju.

OF POLITICS AND SCIENCE

April 7, 2021 by dgreca

by Rafaela Prifti/

The collision of medical science, political beliefs and public health policy – to the extent that one exists – is not a new topic. Politics and science often have been at odds. The confrontation resurfaced in a pronounced form in the pandemic era concerning various issues related to health and scientific data. The interplay between politics and science is a hotly debated issue and will likely get more heated in the US and around the world. It might lighten the mood to remember an anecdote about a member of Congress who told a scientist that was testifying at a hearing: “You got your science, I have mine!”

I write this because, in its essence, the recurring battle between politics and science may not be about either one of them but rather a mere manifestation of a deeply rooted human desire for power.

History of science is riddled with denial and opposition that vary in nature and outcome but mostly fall in one or more categories associated with ideological, political, religious or scientific domains. Discoveries from evolution to gravity and so on have been initially objected to and objected by fellow scientists and science community before being embraced by society. The rise of policy reports issued by ideologically based think tanks and more scientific advancement coming on the horizon are bound to raise political questions with severe social implications. I asked Sulejman Rushiti, University Lecturer at State University of Tetova and former Minister of Education, Northern Republic of Macedonia, to explain how the public narrative of the issue takes shape. “In general, politics is regarded as sinister whereas science as inherently virtuous, therefore politicians are often viewed as malicious in contrast with a benign nature of scientists. Yet history offers plenty of exemptions in both categories,” he said. In his view, in the past as in the present, certain conditions meet at one point to fuel an extreme kind of polarization. “The Middle Ages is the best illustration of state and church opposition towards science. Fast forward to the present, when scientific advancement and political ambition clash in societies that have seen the rise of troubled personalities and inept individuals.” Mr. Rushiti argued that the politicization of science, particularly medical, has been particularly present in times of war. “One example is the notorious case of the Nazi doctors who performed horrible medical experiments violating ethics and human rights in the name of science and its advancement. They went a step further in justifying these atrocities based on some cultural constructs and man-made beliefs about race and social systems.” The convergence comes to surface once it is realized that the pursuit of knowledge in turn provides power. In politics, the love of power is a very strong motive. One of the best analysis of power as “the singular most powerful motive among human desires” is Bertrand Russell’s Nobel Prize acceptance speech in 1950. A British philosopher, mathematician, social critic, and political activist, Russell is considered to be one of the founders of analytic philosophy and one of the most important logicians in the 20th century. “Economic facts, population statistics, constitutional organization, and so on, are set forth minutely. If politics is to become scientific, and if the event is not to be constantly surprising, it is imperative that our political thinking should examine the springs of human action. What is the influence of hunger upon slogans? If one man offers you democracy and another offers you a bag of grain, at what stage of starvation will you prefer the grain to the vote?” asks Russell before setting out to give a presentation that should be, in my opinion, a recommended reading in school curricula.

Bertrand Russell argues that all human activity is prompted by desire. He decries the theory advanced by moralists purporting that it is possible to resist desire in the name of duty and principle. He does not deny that man actions stem from a sense of duty yet he looks further into it. His main theses is that “If you wish to know what men will do, you must know not only, or principally, their material circumstances, but rather the whole system of their desires with their relative strengths.”

To look at the comparison between scientists and politicians, Mr. Rushiti opined that “they are driven by their ambition, and capabilities, just as they are conditioned by their personal upbringing and education, yet they may rise above them.” Since he is a prolific theater director, he offered a literature reference that is both recognizable and influential. “Lets take the Faust legend as an example of the scientist driven by political ambitions who cuts a deal with Mephisto to drive away the passions of personal pleasures. Mephisto is the metaphor for a social system, patterns of behavior and collective norms that cultivate personal drive and individual success. On the other hand, Thomas Jefferson, is the case of a statesman with a mind of a scientist.”

Powered by a strong motive and shaped by their own capacities, strengths and shortcomings, scientists and politicians are led to actions which may be useful or pernicious. “In a manner of speaking,” Mr. Rushiti argued, “a politician and a scientist carry out experiments that have a direct impact on our lives or quality of life. So it is important to adhere to an ethical society based on accepted humane values as a premise for individuals that believe in something bigger than themselves. In the flip side, history provides plenty of examples of personalities whose mission has been to restrict freedom and object science.”

Across the world, the response of countries and leaders to the pandemic offered more evidence of the troubling relationship between politics and science. The controversies surrounding each one are likely to increase as pursuits in either field are fueled by powerful motives and actors. A reformer or a despot may be led to actions motivated by power, yet the nature of their actions depends upon the social system, their abilities and ethics.