Politike – Page 479 – Dielli

GJYKATЁSJA RUMUNE KUNDЁR KORRUPSIONIT QЁ BЁN TЁ DRIDHEN PALLATET E PUSHTETIT

July 3, 2018 by dgreca

Shkruar nga FRANCESCO BATTISTINI/

Perktheu:Eugjen MERLIKA/

Mbeskё e Stalinit. Motёrz e Hitlerit. Trashёgimtare e denjё e Ҫausheskut. Mё e etur se Drakula. Dhe,natyrisht autore grushti shteti, e paguar nga Soros, por kush tё çon?….. Ka njё gjykatёse nё Bukuresht, njё gjykatёse kundёr korrupsionit qё, nё pesё vjet, ka hetuar 1200 funksionarё publikё dhe ka arrestuar mё shumё se njёmijё. Kjo gjё pёrbёn tashmё njё problem politik, nё njёrin nga Vendet mё tё korruptuara t’Evropёs, ku (citim i New York Times) tё japёsh njё rushfet pёr provimin e patentёs ose njё vizitё mjekёsore, quhet njё rregull e jetёs, njёlloj si pagimi i taksave ose si vdekja.Di Pietro e Karpateve quhet Laura Codruta Govezi, ёshtё 45 vjeçe dhe ёshtё gruaja mё e urryer dhe mё e frikshme e Rumanisё. Pёr t’a ndaluar, udhёheqёsi i sё majtёs, Liviu Dragnea, pёr tё cilin Kovezi ka dyshim se ka kryer mashtrime zgjedhore, shpёrdorime pushteti e ka vjedhur fondet e BE, dhjetё ditё mё parё grumbulloi nё shesh 100 mijё rumunё kundёr “sektit kriminal” tё gjykatёsve, qё kёrkon tё krijojё “njё Shtet paralel” dhe rimerr sistemet e Securitate, policisё sё fshehtё tё kohёve tё Ҫausheskut. Thuhet kjo nga njё parti, socialdemokratja fituese e zgjedhjeve tё fundit, tё mbushur me ish komunistё. “Securitate? – u pёrgjigj e qetё gjykatёsja – po un jam diplomuar mё 1995, dhe komunizmi kishte mbaruar prej gjashtё vitesh…”

Njё ndeshje politike e tillё nuk shihej qё nga koha e Revolucionit. Ndёrmjet arrestimesh dhe hetimesh, kanё rёnё nё hall 14 ministra, 39 zёvendёsministra, 14 senatorё, njё eurodeputet. A mund tё qёndronte i palёvizshёm pushteti? Nё njё skenar prej Tanxhentopoli italian, nuk kursehet asgjё : teori pёrbetuese, fushata shtypi t’orkestruara nga botues tё rrasur nё burg pёr korrupsion, nxjerrje dosiesh, ministri i Drejtёsisё qё kёrkon tё silurojё Kovezin, Gjykata kushtetuese qё i jep tё drejtё, deri dhe padija ndaj gjykatёses se ka kopjuar tezёn e diplomёs… Dragnea qё, prej mё shumё se njё viti po pёrpiqet t’a kufizojё rёndё rolin e gjykatёsve, pёr t’i vёnё ata nёn kontrollin e ekzekutivit, duke ndryshuar dhe Kushtetutёn, frymёzohet haptas nnga Vendet evropiane (Polonia, Hungaria, RepublikaҪeke, Sllovakia) qё tashmё e kanё fituar kёtё luftё kundёr gjykatёsve, dhe nga Trumpi: “Dijmё sa forca janё rrjeshtuar kundёr presidentit amerikan – thotё njё besnik skajor i drejtuesit rumun – Pёrshёndesim luftёn e tij ndaj komplotistёve.” (Edhe se pikёrisht dje njё zёvendёs sekretar Shteti i SHBA, West Mitchell, ka inkurajuar punёn e prokurorёve rumunё). Ёshtё e lehtё tё tunden fantazmat: “Mos t’u gёnjejё mёndja se vetёm politikanёt dhe funksionarёt e lartё janё viktima tё padive e tё provave tё rreme. Sot, cilido qytetar mund tё goditet nga njё hetim e tё pёrfundojё i shkatёrruar”. Shumё e lehtё tё kapesh nё ndikimet e huaja: “Mbas Revolucionit tonё tё 89, Nato dhe BE duan tё na japin mёsime demokracie?”

Kundёrveprimi nuk ka munguar. Nё shkurt, me manifestimin mё tё madh kundёr qeveritar qё nga epoka Ҫaushesku. Tani me Kryetarin e Shtetit, liberalin Klaus Johannis, qё mbron Kovezin: “Nuk mund tё lejojmё qё Rumania tё largohet nga vlerat demokratike, qё gjykatёsit tё kёrcёnohen apo tё frikёsohen”. Nё zyrёn e saj, tё mbushur me ikona dhe fotografi tё vjetra kur ishte kampione basketbolli, bija e njё gjykatёsi dhe nune e Drejtorisё kombёtare tё antikorrupsionit, Laura ёshtё njё gjykatёse e gjatё (mё shumё se njё metёr e tetёdhjetё) qё nuk duket se shqetёsohet. Jeton çdo ditё me roje mbrojtёse, ёshtё e ndarё nga burri, por vazhdon tё shkojё nё kinema dhe nё palestёr. E din se loja ёshtё rёnduar: “Tё mё vrasin? Nuk u leverdis tё krijojnё martirё….” Dhe qё mbi reformёn e kёrkuar nga Dragnea luhet gjithshka: “Nёse zhduket pavarёsia e gjykatёsve, puna ime nuk do tё bёhet mё e vёshtirё. Do tё bёhet e pamundur”.

Marrё nga “Corriere della Sera”, 19 qershor 2018 E pёrktheu nga italishtja Eugjen Merlika

A janë “problem” nacional bisedimet me Serbinë?

July 2, 2018 by dgreca

Miqtë tanë ndërkombëtarë, e sidomos ata amerikanë, flasin se një pjesë domethënëse e klasës politike në Kosovë, sikur kurrë nuk ka kuptuar se procesi i pavarësisë së Kosovës ka edhe disa “rrugica” për t’i kaluar drejtë ratifikimt ndërkombëtar final me ulëse në OKB…./

Nga Faton Bislimi */

Tehu i bisedimeve me Serbinë kërkon një punë të përkushtuar ekipore te ekspertëve nga më të mirët në vend, pse jo edhe nga miqtë e Kosovës nëpër gjithë botën.

Te bisedosh për nje problem duhet të jeshë i përgatitur të njohësh nga afër materjen e temës, e kjo rrjedhimisht kërkon sforcim profesional dhe legjimitet të përfaqësimit.

Karl Poper, në parafrazimin e tij të problematikave filozofike, thotë se të detekstosh apo definosh mirëfillini një problem dmth të mos jetë me ai problemi! A i ka futur Kosova në objektivën e problemeve parësore bisedimet me Serbinë? Nëse po, atëherë nuk do të duhej të ishtë “problem” kjo çështje, ngase do të duhej të ishim të përgatitur siç duhet!

Nëse nuk i kuptojmë mirë rrugicat që duhet t’i kalojë Kosova, do të mund që rrëshqitazi ta fusim në “qorr sokak” ardhmërinë e vendit tonë!

Klasa poltike në vend, përfaqsuesit e zgjedhur të popullit, edhe pse të vonuar tanimë, përsëri kanë edhe pak kohë që të ngrisin kapacitete ekspertësh për t’u përballë me “problemin” që nuk do të duhej të jetë problem.

Lufta e vitit 1998-1999, Plani i Ahtisarit, shpallja e pavarësisë, njohja nga mbi 115 shtete të botës, dhe vendimi i GJND-së, janë boshti kurrizor se Serbia dhe bisedimet me të nuk do të duhej të jenë “problem” i Kosovës.

Besoj fuqishëm që ka ardhur koha e fundit për krijimin e një Instituti Kombëtar elitar ekspertesh, për marrëdhënjet Kosovë-Serbi. Ky institut do të trajtonte problemet socio-politike, juridike, kuktuore e ekonomike aktuale, por edhe bisedimet e trajtimin e marredhenjeve pas traktatit të paqës që pritet të arrihet në mes Kosovës e Serbisë. Realisht, ka shembuj të shumtë nëpër botë, kur edhe shtetet më të fuqishme e me histori të gjatë të demokracisë e lirisë, për tema madhore të interesit nacional kanë dale nga petku politik dhe janë konsultuar e këshilluar edhe nga elita akademike e profesionale e vendit dhe nga jashtë. Në SHBA, në kuadër të përgjegjësive të Shtëpisë së Bardhë ekziston dhe funksionin Këshilli Kombëtar i Ekspertëve të Ekonomisë (National Council of Economic Advisors), organ ky që përshkruan, paraqet, dhe vlerëson të gjitha nismat ekonomike të ndërmarra nga ekzekutivi amerikan, duke përfshirë edhe vet Presidentin e SHBA-ve. Në fqinjin verior të SHBA-ve, në kuadër të Zyrës së Kryeministrit të Kanadasë, funksionin Këshilli Kombëtar Këshillimor (National Privy Council) që kryen funksionin e institutit kombëtar për politika në nivel nacional e strategjik të Kanadasë. Njejtë sikur Kanadaja, një institucion të tillë e ka edhe Britania dhe të gjitha vendet tjera të Komonuelthit.

Por, ka edhe shembuj tjerë të rendësisë së vecantë sikur që janë negociatat ndërkombëtare për klimën, ose ato për parandalimin e armëve bërthamore, apo edhe për tregëtinë e lire (sic eshtë NAFTA për shembull), ku shtetet pjesëmarrëse në këtë procese janë ndihmuar e këshilluar kryekëput nga institucione prestigjioze të tyre të pandikuara politikisht.

Përgjerësa procesi tanimë i stërzgjatur e kompleksuar i bisedimeve me Serbinë po shkon drejt fundit, dhe përgjerësa barra e bartjes së tij bie mbi supet e politikanëve, ata duhet të jenë të vëmendshëm që me kujdesin më të madh të marrin platëformë të mirëqenë nga një institut kombëtar ekspertësh duke i lënë anash ngarkesat dhe preferencat politike. Fundja, Kosova është e qytetarëve të vet, jo vetëm e politikanëve.

Marrëdhënjet Kosovë-Serbi janë shumë të rendësishme për paqën dhe stabilitetin në rajon! Nëse duhet të falim, nuk duhet assesi të harrojmë!

*Autori është ligjërues në Universitetin Amerikan në Kosovë, si dhe shërben si Shef i Kabinetit të Kryetarit të Komunës së Gjilanit.

Presheva në rrezik, seancë urgjente e këshilltarëve shqiptarë

July 1, 2018 by dgreca

Preshevë,1 korrik -Kryesia e Partisë Demokratike Shqiptare, në mbledhjen e mbajtur, më 30 qershor 2018, shqyrtoi situatën aktuale politike në Luginë të Preshevës, duke e vlerësuar atë të rëndë e me përmasa të keqësimit të mëtejmë, njoftn agjencia e lajmev “Presheva Jonë”…

Kjo gjendje kaq e rënduar, thuhet më tej në kumtesën e PDSH-së, vjen si rezultat i largimit të shqiptarëve nga trojet e tyre autoktone, në mungesë të perspektivës për një jetë më të mirë.

“Duke qenë se bisedimet Prishtinë-Beograd të udhëhequra e të lehtësuara nga Brukseli zyrtar janë në përmbyllje e sipër sidomos në raportin shqiptaro-serb, në kuadër të kësaj: Partia Demokratike Shqiptare bën thirrje subjekteve politike shqiptare për mbajtjen e seancës së Kuvendit të Këshilltarëve shqiptarë të Luginës së Preshevës brenda pesëmbëdhjetë ditësh, për të sjell vendime kruciale për shqiptarët e Luginës së Preshevës, duke fuqizuar dhe sinkronizuar dokumentet e mëhershme të miratuara në këtë organ të shqiptarëve të Luginës së Preshevës përfshirë dhe asociacionin e komunave me shumicë shqiptare autoktonë në Luginë të Preshevës”, thuhet në vazhdimin e Kumtesës së PDSH-së.

Lidhur me përgatitjen dhe organizimin e seancës së Kuvendit të Këshilltarëve shqiptarë të Luginës së Preshevës, Partia Demokratike Shqiptare gjatë ditëve në vazhdim do të organizoj një takim të përbashkët me liderët e subjekteve politike në Luginë të Preshevës, shoqërisë civile dhe personaliteteve tjera me karakter kombëtar, përfundon kumtesa e PDSH-së, të nënshkruar nga kryetari i aj Dr.sc. Ragmi Mustafa/ Sevdail Hyseni

KAMPI FAMËKEQ I TEPELENËS DHE SQARIMI I NJË KEQKUPTIMI

June 30, 2018 by dgreca

NGA ASLLAN BUSHATI/*

Në kohën e Luftës Dytë Botërore (LDB), pranë Qytetit të Tepelenës, forcat pushtuese italiane, kishin ndërtuar për nevojat e tyre ushtarake disa baraka. Menjëhërë pas mbarimit të LDB-së, regjimi komunist (i insaluar në Shqipëri me ndihmën e jugosllavëve), i këtheu këto baraka në një vend grumbullimi , për familjet e krerëve antikomunist, duke e emërtuar “Kampi i Tepelenës”. Sipas dëshmive të të mbijetuarve (por edhe dokumentave të arkivit), në këto baraka të rrethuar me tel me gjemba , ishin grumbulluar qindra njerëz (vecanërisht gra, pleq dhe fëmijë). Ai ishte (sipas tyre, kuptohet dhe të së vërtetës), jo kamp, por një ferr i vërtetë në të cilin gjetën vdekjen shumë prej tyre. Humbja e jetës së tyre ,erdhi si nga torturat e trajtimi cnjerëzor,por dhe nga urija. Madje të vdekurve edhe sot pas shtatëdhjetë vitesh nuk u janë gjetur edhe varret.

Për pjesën e të të përndjekurve politik të regjimit komunist, (por dhe gjithë shqiptarët e ndershëm e të drejtë),Kampi i Tepelenës, nuk ishte vetëm vuajtje, por torturë njerzore e bërë nga shteti kundër qytetarëve të vet. Për këtë krim shtetëror, asnjë drejtues i regjimit komunist nuk ka kërkuar falje publike deri më sot, madje as pinjollët e tyre dhe as Partia Komuniste e këthyer tashmë në Socialiste nuk e ka bërë një gjë të tillë. Në këndshikimin tim ky është akoma një konflikt shoqëror i pa mbyllur (shto këtu edhe shumë kampe e burgje të tjerë). Ngritja e një muzeu në atë hapsirë (sic pretendohet nga qeveria), nuk e zgjidh problemin. Duhet të dalë një ligj i posacëm, që kësaj pjese të shoqërisë të prekur nga ky krim shtetëror, jo vetëm tu kërkohet falje publike por të dëmshpërblehen dhe si krim i kryer të njihet e të shkruhet edhe në librat e tekstet shkollore. Tendenca e disave për ta fshirë nga kujtesa historike, ose për ta zvogëlur në minimum, është e papranueshme, e dëmëshme dhe me pasoja për të ardhmen.

E theksova këtë fakt, sepse kohët e fundit Federata Pan- Shqiptare e Amerikës Vatra, është ballafaquar dy herë me problemin e Kampit të Tepelenës, për të cilin ajo ka një qëndrim shumë të vendosur dhe të prerë në krah të të përndjekurve politik të regjimit komunist. Së pari kjo ndodhi gjatë promovimit të romanit të Dine Dines “Mbi varkën e Karaontit” dhe së dyti në një takim pune me një nga figurat më të spikatura të të përndjekurve politik Zotin Simon Miraka gjatë vizitës së tij në Vatër. Në takimin e dytë pati zëra se ky problem mendohet se i është keq servirur edhe ish Kongresmenit Amerikan Joseph DioGuardi, President i Ligës Qytetare Shqiptaro Amerikane. Marrë shkas nga ky fakt, së bashku me Zotin Zef Balaj (Anëtar i Kryesisë së Vatrës), e ftuam Zotin DioGuardi në një drekë pune për të biseduar rreth kësaj teme. E pyeta atë drejt për së drejti e si i thonë fjalës pa doreza: Joe a keni dhënë Ju kohët e fundit një deklaratë se “ shqiptarët është mirë të mos mbeten peng të së shuarës e të mos merren me muzeun e Kampit të Tepelenës, por të ndërtojnë atje ndonjë shkollë a qender kulturore për edukimin e të rinjëve”? Po më tha. Kam lexuar një material ku thuhej se Kampi i Tepelenës ishte një Aushvic (Auschëitz) Shqiptar. Kushdo njeri në botë që dëgjon fjalën “Aushvic” ka parasyshë cfarosjen e hebrejve. Unë jam marrë gjatë së bashku me ish Kongresmenin Tom Lantosh me dosjen e hebrejve në Shqipëri, me të cilën krenohemi se asnjë hebre nuk u vra gjatë LDB-së në Shqipëri. Tani c’është kjo prrallë për një Aushvic në Shqipëri kur dihet botërisht se kjo nuk ka ndodhur? A mund të ma shpiegoni ju si intelektual i fushës ushtarake këtë dokërr shqiptare të koheve të fundit?

E pashë se paska një keqkupim për dyfjalëshin “Aushvic shqiptar”. Kështu mu desh ti shqiegoja atij (sa është shruar më lart për Kampin e Tepelenës) duke theksuar se fjala “Aushvic” është përdorur vetëm si një krahasim ku shtetit shqiptar komunist ka vrarë njerëzit e vet sic kanë vrarë nazistët hebrejt. Por ky kamp i Tepelenës nuk ka asnjë lidhje me hebrejt se sic e thatë edhe Ju në Shqipëri gjatë LDB-së nuk ka humbur jetën asnjë hebre. Atëhere Joe DioGuardi tha:” Unë jam tërësisht anti komunist dhe këtë e kam vërtetuar me punën e veprimtarinë time. Meqenëse kjo qenka një keqkuptim krahasimor, unë ju kerkoj të falur gjithkujt që është ofenduar nga deklarata ime”.

Tani vazhdoi ai -Ju ishit në Shqipër për më shumë se tri javë. Dëshiroj të dëgjoj opinionin tuaj mbi gjendjen e atjeshme? Përgjigja ime ishte:

Pata rastin të takoj miq, shokë e dashamirë, por edhe të pa njohur në Tiranë, Elbasan, Librazhd, Pogradec, Korce, Durrës, Fush-Krujë, Krujë, Lac, dhe Burrel. Kudo që kam shkuar kam parë e ndjerë se ka një propagandë shurdhuese të Qeverisë Rama (në të gjithë masmedjan), për suksese imagjinare që askush nuk i ndjen e nuk i prek. Duket hapur një imponim i turpëshëm i Qeverisë për gjëra krejt pavlerë e duke përhapur frikë e panik më keq se në kohën e regjimit totalitar. Njerëzit kanë frikë të thonë e të argumentojnë të vërtetën. Njerëzit e thjeshtë trajtohen nga segmentet qeveritare si gjë pa vlerë për të mos thënë si bagëtia. Kërkohet që nëpërmjet batutave, dialekteve krahinore, fjalëve të huazuara nga fjalori i rrugës e deri nga osmanishtja e vjetër ti shpërlahet truri njerëzve. Korrupsioni është galopant dhe nuk mund të zgjidhësh asnjë gjë pa paguar paraprakisht. Sharje pafund nga qeveritarët sikur ata janë ajka e Kombit dhe të tjerët janë fundërrina. Cdo lëvizje e opozitës shihet si antishqiptare, antikombëtare dhe anti BE. Më parë dëgjohej fajin e ka Sali Berisha, pastaj Qeveria e PD-së dhe tani opozita.

Poshtë në bazë ka një rrjet të tërë kriminal të mirëstrukturuar që është pasuruar nga kanabisi, e që është i lidhur ngushtë me segmentet e shtetit . Ai deformon zgjedhjet, bën presion mbi njerëz e biznese të vecanta dhe përdoret si levë frikësimin. Lart ka një rrjet tjetër mafioz të lidhur me trafikun e heroinës e kokainës i cili zotëron mjete të shumta financiare në kesh e që kërkon ta transformojë këtë para të pistë në pasuri të patundëshme. Të dy këto sisteme së bashku i ngjajnë një mulliri që e bluan shoqërin shqiptare për interest e një grupi të vogël njerëzish të inkriminuar. Këta grupe kriminale, krahas drogave kanë filluar edhe trafikimin e qenieve njerëzore e kryesisht të emigrantëve të ardhur nga Afganistani, Siria, Iraku, Libia etj. Shkurt kriminalizim i tejskajshëm në ortakëri me Qeverinë. Kjo tabllo e errët e përgjithëshme, dhe duke mos patur punë e mjete jetese, ka krijuar psikozën se ky vend nuk bëhet. Është vrarë shpresa në rradhë të para për brezin e ri. Jeni të lumtur ju që keni emigruar më parë-thonë njerëzit e pashpresë. Ose si mund të emigrohet ne Amerikë? Me këto pyetje u ballafaqova kudo. Kjo ka vetëm një shpiegim dhe ajo quhet shkurt –keq qeverisje.

Opozita po përpiqet të bëjë detyrën e saj . Por ajo ndodhet përballë një përbindëshi antidemokratik, frenues, regresiv herë-herë dhe antikombëtar që zotron miliarda para të pista. Opozita përpiqet që reforma në drejtësi të eci përpara, por sic thonë njerëzit ajo është deformuar e blerë nga Qeveria. Edhe ndihma e ndërkomëtarëve shpesh eshte perziere me djallëzitë qeveritare e pothuaj është deformuar. Pritëshmëria është e madhe për këtë reforme, por situata e deri tanishme nuk është qartësisht prentuese.

Një grupim jo i vogël njerëzish, janë të inatosur hidhëshëm me qeverinë, por nuk kanë besim edhe tek opozita. Mu desh shesh herë t’i pyesja se kur nuk doni as qeverine e as opozitën, në një kohë që ska sindikata vepruese, ska shoqëri civile reaguese, mos po kërkoni liderë nga kombe të tjera apo nga jashtë toksorët (UFO-t)?

Unë personalisht e shoh zgjidhjen e problemit duke filluar me mbështetjen e gjithanëshme që i duhet dhënë opozitës. Ajo duhet ti marrë punët me radhë dhe në asnjë mënyrë të mos bjerë në leqet e kurthet politike të qeverisë. Veprimtaritë që nisen duhet tu shkohet deri ne fund. Cdo kauz e lënë në mes të rrugës është vrasëse për misionin e opozitës. Shkallë- shkallë duhet të planifikohet të shkohet deri tek mosbindja civile. Atëhetë “kali qveritar” i Edi Ramës i kethe patkonjt nga dielli.

Këto mendime ja thashë ish kongresmenit DioGuardi , të cilit i kërkova që në se ka mundësi ato t’ju a përcielli edhe miqëve tanë republikanë në Kongresin Amerikan. Po ashtu të njejtat gjëra ju a thashë edhe miqve të mi në Vatër.

*A S L L A N B U S H A T I

Vo. Ky artikull është shkruajtur në fundin e muajt maj 2018. Por për të mos e shfrytëzuar ndonjë tifoz i Edi Ramës se edhe diaspora po hedh baltë mbi Qeverinë që Shqipëria të mos hap bisedimet me BE-në në qershor, (shkrim që nuk do të kishte asnjë ndikim) po e dërgoj për publikim pas vendimit të ministrave të jashtëm të BE-së që e shtyu hapjen për në qershor 2019.

Kosovë-Dialogu mbështetet fuqishëm nga SHBA

June 29, 2018 by dgreca

-Presidenti Thaçi informon kabinetin qeveritar për procesin e dialogut Kosovë-Serbi në Bruksel: Procesi i dialogut mbështetet fuqishëm nga Shtetet e Bashkuara të Amerikës, të cilat gjatë çdo raundi të bisedimeve e kanë gjithmonë përfaqësuesin e tyre në Bruksel, për të koordinuar procesin me palët e përfshira dhe për t’i dhënë përkrahje konkrete këtij procesi/PRISHTINË, 29 Qershor 2018-Gazeta DIELLI/ Presidenti i Republikës së Kosovës, Hashim Thaçi, sot ka informuar kabinetin qeveritar për fazën e fundit të dialogut për normalizimin e marrëdhënieve ndërmjet Kosovës dhe Serbisë. Presidenti Thaçi ka thënë se procesi i dialogut mbështetet fuqishëm nga Shtetet e Bashkuara të Amerikës, të cilat gjatë çdo raundi të bisedimeve e kanë gjithmonë përfaqësuesin e tyre në Bruksel, për të koordinuar procesin me palët e përfshira dhe për t’i dhënë përkrahje konkrete këtij procesi.“Kështu ka qenë edhe kësaj here dhe unë kam zhvilluar dy takime pune me përfaqësuesin e SHBA-së përpara mbajtjes së takimit zyrtar. Këto takime të rregullta koordinuese me partnerin tonë kryesor strategjik, SHBA-në, si dhe me shtetet e tjera të fuqishme evropiane të cilat luajnë një rol mbështetës për këtë proces, janë tepër të rëndësishme”, u shpreh ai.Presidenti Thaçi ka paralajmëruar se puna e delegacionit të Kosovës në kuadër të këtij dialogu do të jetë transparente, me raportime të rregullta përpara qytetarëve dhe institucioneve.“Për këtë qëllim, edhe përpara nisjes në takimin e parë e kam bërë të qartë gatishmërinë time për të raportuar përpara Kuvendit të Kosovës sa herë që kërkohet një gjë e tillë”, ka thënë ai.Kreu i shtetit ka shtuar se Kuvendi i Kosovës duhet të jetë i përfshirë në këtë proces në mënyrë të drejtpërdrejtë, derisa koalicioni qeveritar, në bashkëpunim me partitë politike parlamentare, ato të opozitës dhe pozitës, do të arrijnë që të përcaktojnë modalitetet e kësaj përfshirje sa më shpejt që të jetë e mundur.“Them kështu, sepse koha është duke ecur dhe ky proces nuk mund të ndalet për shumë arsye”, ka thënë presidenti Thaçi.Konsensusi sa më i gjerë politik dhe shoqëror në këtë fazë të dialogut, sipas presidentit Thaçi, jo vetëm që do ta rriste besueshmërinë ndaj këtij procesi, por do ta forconte delegacionin e Kosovës.“Shpresoj se liderët e partive politike ta kuptojnë përgjegjësinë e tyre ndaj institucioneve shtetërore dhe mbi të gjitha, ndaj qytetarëve të vendit”, ka thënë ai.Megjithatë, presidenti Thaçi ka theksuar se Kosova i ka institucionet e veta shtetërore legjitime dhe demokratike, prandaj askush nuk duhet të pretendojë të vendosë në pikëpyetje legjitimitetin kushtetues dhe ligjor të tyre.I pari i vendit ka shtuar se para nisjes në takimin e parë në Bruksel, u ka bërë thirrje publike subjekteve politike për t’iu bashkuar delegacionit të Kosovës, duke përsëritur të njëjtën gjë edhe sot.“Ejani dhe bëhuni pjesë e delegacionit të Kosovës dhe jepni dijen dhe patriotizmin tuaj, në tryezë të bisedimeve. Ky do të ishte veprimi i duhur, veprimi më racional dhe i guximshëm të cilin e presin qytetarët e Kosovës. Gjithçka tjetër, të gjitha kritikat e pabaza dhe pamatura, tregojnë vetëm shenja lodhjeje dhe mungesë të përgjegjësisë e guximit”, ka thënë presidenti Thaçi para kabinetit qeveritar.Duke folur për takimin që ka zhvilluar në Bruksel, presidenti Thaçi ka thënë se e ka bërë të qartë se Kosova është e përcaktuar dhe thellësisht e interesuar për të arritur marrëveshje përfundimtare obliguese dhe ligjore me Serbinë.“Ne kemi bërë të qartë se Kosova ka shteruar kompromiset e veta të cilat janë të konkretizuara në Planin Gjithëpërfshirës të presidentit Ahtisari, respektivisht në Kushtetutën dhe ligjet e Kosovës. Rrjedhimisht, ne kemi thënë se hapësira për kompromise shtesë nga ana e jonë është shumë minimale”, ka theksuar ai.Presidenti Thaçi ka thënë se të dy palët e përfshira në dialog janë pajtuar për të vazhduar përpjekjet e mëtejme për të arritur marrëveshje dhe do të vazhdojnë përpjekjet që të mos lejohet rritje apo përshkallëzim i tensioneve apo provokimeve ndërshtetërore, me qëllimin e vetëm që të ruhet paqja dhe stabiliteti.“Për më tepër, të dy palët jemi krejtësisht të vetëdijshme se e ardhmja evropiane e të dy shteteve varet nga kualiteti i arritjes së marrëveshjes përfundimtare. Në rastin e Kosovës, marrëveshja përfundimtare dhe njohja eventuale nga Serbia, ka një dimension shumë të gjerë, sepse ne mendojmë se një situatë e tillë, krijon një mundësi reale për Kosovën që të bëhet edhe anëtare e OKB-së dhe të njihet nga pesë shtetet e BE-së të cilat ende nuk e kanë bërë një gjë të tillë”, ka shtuar presidenti.Kosova duhet të pranojë dialogun si mjetin e vetëm për normalizimin e marrëdhënieve me Serbinë, sipas presidentit Thaçi, sepse në rast se ne refuzojmë të bëjmë këtë dialog, atëherë BE-ja dhe partnerët tanë do të fajësojnë Kosovën për dështimin e tij.“Për më tepër, dështimi eventual i arritjes së marrëveshjes nënkupton paqe të brishtë, marrëdhënie të tensionuara ndërshtetërore të cilat do të kenë efektin e tyre negativ në rajon dhe më gjerë. Mendoj se të gjitha këto arsye dhe shumë të tjera që nuk po i përmend, na detyrojnë ne të gjithëve, që të punojmë me vendosmëri për të gjetur mënyrën dhe guximin për të arritur marrëveshje përfundimtare”, ka shtuar ai.Në fund, presidenti Thaçi ka thënë se Kosova mbetet konstruktive edhe e përkushtuar për të arritur marrëveshje përfundimtare në fund të këtij procesi./b.j/