Flamur Vezaj – Mashqip.com/

Federata Pan-Shqiptare e Amerikës “VATRA” në Boston, në bashkëpunim me Kishën Ortodokse Shqiptare “Holy Trinity”, organizuan promovimin e librit “Saint Paul in Dyrrach” të profesor Thanas Gjika përpara komunitetit shqiptar në Boston, në një atmosferë të ngrohtë dhe familjare që bashkoi besimtarë, intelektualë dhe dashamirës të historisë.

Në këtë aktivitet u prezantua ribotimi i korrigjuar i veprës, i pasuruar me të dhëna të reja historike dhe me hartografi të detajuar mbi udhëtimet misionare të Shën Palit në territoret iliro-shqiptare. Libri sjell një rishikim të thelluar të burimeve, duke synuar të saktësojë itineraret dhe datimet e predikimeve të Apostullit të Kombeve.

Për librin foli edhe peshkopi i Kishës Shqiptare “Shën Trinia”, Theofan Koja, i cili mbajti një recension vlerësues duke e cilësuar veprën si një studim të bazuar në fakte, data dhe harta konkrete që ndriçojnë më qartë udhëtimet e Shën Palit. Sipas tij, përkthimet dhe interpretimet e mëparshme nuk kishin arritur të saktësonin këto detaje, ndërsa puna kërkimore e Gjikës sjell një qartësi të re historike, veçanërisht në lidhje me vizitat në Durrës dhe në qytete të tjera ilire gjatë shekullit të parë.

Një vlerësim i veçantë për librin erdhi edhe përmes kumtesës së Sokol Paja, e cila u lexua nga gazetari Flamur Vezaj. Në këtë analizë theksohet se vepra përbën një dëshmi historike dhe biblike që vendos trojet shqiptare në hartën e studimeve ndërkombëtare, duke identifikuar ndalesat e Shën Palit në qytete si Dyrrach (Durrësi), Lissus (Lezha), Apollonia, Buthrotum (Butrinti) dhe Nikopoli i Epirit. Dy hartat e reja të udhëtimeve misionare konsiderohen një kontribut i rëndësishëm për studiuesit dhe institucionet fetare.

Vetë autori, profesor Thanas Gjika, shpjegoi se ribotimi është rezultat i një pune shumëvjeçare kërkimore dhe korrigjuese mbi botimin e parë të vitit 2022, duke theksuar se libri synon të plotësojë boshllëqet dhe pasaktësitë që kanë ekzistuar në studimet mbi udhëtimet e Shën Palit. Ai theksoi rëndësinë e analizës së burimeve të Dhjatës së Re dhe përpjekjen për të identifikuar me saktësi vendet dhe datat e vizitave të apostullit në rajon.

Aktiviteti u zhvillua në ambientet e Kishës “Holy Trinity” dhe u moderua me profesionalizëm nga Elisabeta Gaço, ndërsa në fund të pranishmit patën mundësi të bashkëbisedojnë me autorin dhe të marrin librin të firmosur prej tij.

Ky promovim përbën një tjetër dëshmi të angazhimit të VATRA-s në Boston për të mbështetur studimet historike dhe trashëgiminë kulturore shqiptare, duke sjellë në vëmendje figura dhe tema që lidhin rrënjët shpirtërore të kombit me historinë e krishterimit në trojet shqiptare.

Federata Pan-Shqiptare e Amerikës “VATRA” në Boston së bashku me Kishën Ortodokse Shqiptare të “Shën Trinisë” dhe dega e VATRES në Worcester, fton komunitetin në promovimin e librit “Saint Paul in Dyrrach” (“Shën Pavli në Durrës”) nga autori Prof. Asoc. Thanas Gjika.

E diel, 29 mars 2026

Ora 12:30

245 D Street, South Boston, MA

Një aktivitet kulturor dhe historik me vlerë, i hapur për të gjithë ata që dëshirojnë të njohin më shumë mbi rrënjët e hershme të krishterimit dhe historinë tonë kombëtare.

Pas aktivitetit do të shërbehen ushqime dhe pije të lehta.

Mos mungoni!

mashqip.com

Një nga figurat më të rëndësishme të historisë së Kosovës, William Walker, pritet të vizitojë Bostonin, ku do të zhvillojë dy aktivitete të rëndësishme me komunitetin shqiptar.

Kjo vizitë organizohet nga Vatra – Dega Boston, në bashkëpunim me Fan S. Noli Cultural Center & Library pranë Kishës së Shën Gjergjit dhe Shoqatën e Studentëve Shqiptarë të Harvard University, duke sjellë kështu në Boston një figurë historike që lidhet drejtpërdrejt me ngjarjet më të rëndësishme të Kosovës.

Vizita e Walker vjen si pjesë e një serie aktivitetesh që Vatra po organizon për të sjellë në Boston figura kyçe që kanë kontribuar për çështjen shqiptare. Vetëm pak kohë më parë, në kuadër të festës së Pavarësisë së Kosovës, Vatra solli në Boston ish-kongresmenin amerikan Joseph DioGuardi dhe bashkëshorten e tij Shirley DioGuardi, dy prej mbështetësve më të mëdhenj të shqiptarëve në SHBA.

Aktiviteti i parë do të zhvillohet të shtunën, më 28 mars 2026, në orën 10:00 AM në Harvard University (Boylston Hall 105, 5 Harvard Yard, Cambridge, MA), ku ambasadori Walker do të flasë për Kosovën, rolin e tij historik dhe zhvillimet aktuale. Moderimin e këtij takimi do ta bëjë gazetarja Entela Sula Prifti.

Më pas, në orën 12:30 PM, aktiviteti do të vijojë në Fan S. Noli Cultural Center & Library (523 E. Broadway St., Boston), ku do të zhvillohet një diskutim mbi librin “Reçaku – Historia e një krimi lufte”. Moderimin e këtij aktiviteti do ta bëjë editorja e gazetës “Dielli”, Rafaela Prifti.

Aktivitetet do të përfshijnë diskutim, shfaqje filmi dhe mundësinë për të marrë librin me firmën e Ambasadorit Walker.

Kjo vizitë konsiderohet një moment i rëndësishëm për komunitetin shqiptar në Boston, ndërsa organizatorët bëjnë thirrje për pjesëmarrje sa më të madhe në këto aktivitete.

Federata Pan-shqiptare e Amerikës “Vatra” shpreh urimet më të përzemërta, vlerësimin më të lartë e respektin më të thellë për patriotin e nderuar, atdhetarin e shquar Xhim Xhema me rastin e ditëlindjes së tij të 84rt. Ky moment festiv shënon një jetë dedikimi e shërbimi të palodhur shpirtëror e material ndaj çështjes kombëtare. Xhimi Xhema si figurë e shquar e diasporës shqiptare në Shtetet e Bashkuara të Amerikës ka qenë me dekada një zë i fuqishëm, autoritet moral e institucional jo vetëm në mbrojtje të çështjes kombëtare por dhe të ndërkombëtarizimit të saj.

Xhim Xhema është krenari kombëtare dhe referencë e përjetshme atdhetare.

Me dedikimin, aktivizmin, vizionin, diplomacinë dhe kontributin e tij të vazhdueshëm e të pandërprerë ka lënë gjurmë të pashlyeshme në historinë kombëtare. Kontributi i tij është monumental dhe frymëzues për brezat që vijnë.

Në këtë ditë të veçantë festimi e gëzimi, Federata “Vatra” i uron Xhim Xhemës shëndet të plotë, jetë të gjatë, ditë të lumtura e të bukura.

Me respekt të veçantë dhe mirënjohje të thellë

Kryetari i Vatrës

Dr. Elmi Berisha

Federata Pan-Shqiptare “VATRA” në Boston, Së bashku me me degën e Worcesterit dhe Kishën Ortodokse Shqiptare të “Shën Trinisë”, ju fton në prezantimin publik të librit “Saint Paul in Dyrrach” (Shën Pavli në Durrës) nga Prof. i Asoc. Thanas Gjika.

E diel, 29 mars 2026, Ora 12:30pm

Adresa: 245 D Street, South Boston, MA

Parkingu:Përballë ose në rrugë falas

Një aktivitet me vlera historike dhe shpirtërore për të gjithë komunitetin shqiptar.

Jeni të mirëpritur!