Dr. Luan Topçiu/
Po përgatitemi për edicionin e VIII-të të „Ditëve të Kulturës Shqiptare“!
Këtë vit, veprimtaritë do të zhvillohen në periudhën 18 shtator – 15 tetor 2026, në Bukuresht dhe Krajovë. Në Krajovë, veprimtaritë do të zhvillohen në selinë e re të Qendrës Kulturore të Shoqatës „Lidhja e Shqiptarëve të Rumanisë“.
Programi i këtij edicioni përfshin pesë veprimtari kulturore, që do të mbledhin së bashku përfaqësues të Lidhjes së Shqiptarëve të Rumanisë, anëtarë dhe miq të komunitetit shqiptar, artistë, personalitete të kulturës dhe të ftuar të veçantë nga Rumania dhe Shqipëria.
Serinë e veprimtarive e çelim më 18 shtator, në Bukuresht, me koncertin e jashtëzakonshëm „Zëri i Miqësisë“, që do të mbahet në Teatrin Kombëtar të Operetës dhe Muzikalit „Ion Dacian“. Më pas, deri në mesin e muajit tetor, do të vijojmë me veprimtari kushtuar letërsisë, artit dhe kulturës shqiptare.
Hollësitë për secilën veprimtari do të publikohen në vijim në faqen e Facebook-ut të Lidhjes së Shqiptarëve të Rumanisë.
Ju presim të jeni me ne në „Ditët e Kulturës Shqiptare“ – edicioni i VIII-të!