DHE GLAUK KONJUFCA TAKUAN – Dielli

TRI KRONIKA NGA KOSOVA/

*Kosovë-KFOR-i, një forcë e fuqishme dhe e besueshme/

*I nominuari i Vetëvendosjes për Kryeministër takon ambasadorin amerikan/

-Komandanti Suprem i NATO-s për Evropë vizitoi Kosovën/

PRISHTINË, 21 Korrik 2017-Gazeta DIELLI/ Komunikata e dërguar nga KFOR ben te ditur: Sot më 21 korrik, Komandanti i KFOR-it, gjeneramajor Giovanni FUNGO priti Komandantin Supreme të NATO-s për Evropë, gjeneral Curtis M. SCAPARROTTI.

Komandanti i KFOR-it dhe stafi i tij njoftuan Komandantin Supreme për përmirësimin e situatës së tanishme në Kosovë dhe në Ballkanin Perëndimor. Ata nënvizuan rëndësinë e përkushtimit të vendosur, të drejtë dhe të paanshëm të KFOR-it në ruajtjen e mjedisit të qetë dhe të sigurt dhe lirinë e lëvizjes për të gjithë në Kosovë. Ai shprehu mirënjohjen e tij për përkushtimin dhe dedikimin e trupave të KFOR-it. “KFOR-i luan rol të rëndësishëm në situatën stabile të sigurisë në mënyrë që të ofrojë kohë dhe hapësirë të nevojshme për përparim diplomatik”, tha Komandanti Suprem i NATO-s.

Përveç kësaj, gjatë vizitës së tij, gjeneral SCAPARROTTI mori pjesë në disa takime me udhëheqësit kyçë të Kosovës, me të cilët diskutoi rëndësinë e stabilitetit në rajonin e Ballkanit Perëndimor. Takimi i tij i parë ishte me Presidentin Hashim THAÇI në zyrën e tij, në Prishinë dhe nga aty, ai shkoi në Shtabin e Përgjithshëm të Forcës së Sigurisë së Kosovës, ku u mirëprit nga garda e nderit dhe u takua me Komandantin e FSK-së, gjeneral Rrahman RAMA.

Gjatë vizitës së tij dyditore, Komandanti Suprem i NATO-s, i shoqëruar nga Komandanti i KFOR-it, pati gjithashtu edhe një takim të dobishëm me kryesuesit e UNMIK-ut, OSBE-së, BE-së dhe EULEX-it, si dhe me ambasadorët e shteteve të QUINT-it (Francë, Gjermani, Itali, Mbretëri e Bashkuar dhe Shtete të Bashkuara).

Gjenerali SCAPARROTTI përmbylli vizitën e tij me një konferencë për shtyp, në të cilën tha se “KFOR-i do të mbetet një forcë e fuqishme dhe e besueshme, e cila është në gjendje të kryejë misionin e saj për sa kohë që është e nevojshme”./b.j/

***

NATO përkushtim për paqen dhe sigurinë në Kosovë e rajon/

2. Komandanti i NATO-s viziton MFSK-n 21.07.2017 (1)

-Komandantin Suprem i Forcave Aleate për Evropë pritet nga Komandanti i FSK-së. Gjenerali amerikan shprehu përkushtimin e NATO-s për paqen dhe sigurinë në Kosovë e rajon/

-Komandanti i FSK-së, gjeneral Rama, gjithashtu e njoftoi gjeneralin Scaparrotti për zhvillimin dhe profesionalizmin e FSK-së, kapacitetet ekzistuese dhe gatishmërinë operacionale të sajë, si dhe për planet e udhëheqësve të MFSK/FSK dhe institucioneve më të larta të vendit për avancimin e misionit dhe detyrave, pra në përgjithësi, për transformimin e FSK-së në Forca të Armatosura të Kosovës/

PRISHTINË, 21 Korrik 2017-Gazeta DIELLI/ Komandanti i Forcës së Sigurisë të Kosovës (FSK), gjenerallejtënant Rrahman Rama, priti sot në Ministri Komandantin Suprem të Forcave Aleate për Evropë, njëherësh edhe Komandant i Komandës së SHBA-ve për Evropë, gjeneralin Curtis M. Scaparrotti të shoqëruar nga komandanti i KFOR-it, gjeneral majori Giovanni Fungo. Gjenerali Scaparrotti u prit me ceremoni solemne nga Togu Ceremonial dhe Orkestra frymore e FSK-së e cila edhe ekzekutoi, për herë të parë, Himnin e NATO-s, si dhe Himnin e Republikës së Kosovës.

Në takimin e përbashkët të gjeneral Ramës dhe gjeneralit Scaparrotti, u bisedua për çështjet e sigurisë në Republikën e Kosovës, në rajon dhe më gjerë, gjithashtu u bisedua edhe për profesionalizimin e institucioneve të sigurisë të vendit tonë, si dhe për zhvillimin dhe avancimin e marrëdhënieve të FSK-së me KFOR-in dhe NATO-n, në përgjithësi.Në këtë takim, komandanti i FSK-së, gjeneral Rama e falënderoi komandantin Suprem të Forcave Aleate për Evropë, gjeneralin Scaparrotti për angazhimin e NATO-s nëpërmjet KFOR-it, në ruajtjen e paqes dhe garantimin e sigurisë në Kosovë, e gjithashtu edhe për rolin e NATO-s, nëpërmjet Ekipit Këshillues dhe Ndërlidhës të NATO-s për këshillimin dhe zhvillimin e Ministrisë për Forcën e Sigurisë së Kosovës.

Komandanti i FSK-së, gjeneral Rama, gjithashtu e njoftoi gjeneralin Scaparrotti për zhvillimin dhe profesionalizmin e FSK-së, kapacitetet ekzistuese dhe gatishmërinë operacionale të sajë, si dhe për planet e udhëheqësve të MFSK/FSK dhe institucioneve më të larta të vendit për avancimin e misionit dhe detyrave, pra në përgjithësi, për transformimin e FSK-së në Forca të Armatosura të Kosovës.Gjeneral Rama siguroi gjeneralin Scaparriotti se FSK-ja është e gatshme të filloi procesin e transformimit menjëherë pasi të merret vendimi politik. Njëkohësisht, gjeneral Rama i shprehu gjeneral Scaparriottit gatishmërinë e FSK-së që me kapacitetet ekzistuese po edhe ato të ardhshme të jetë garantuese e paqes në vend si dhe të kontribuojë dhe të jetë krah për krah me partnerët në misione jashtë vendit.

Nga ana e tij, komandanti Suprem i Forcave Aleate të NATO-s për Evropë, gjeneral Curtis Scaparrotti shprehu përgëzime për lidershipin, profesionalizimin si dhe bashkëpunimin e mirë që FSK-ja ka me KFOR-in, për angazhimet e saj, në të mirë të komunitetit dhe zhvillimit të Kosovës në përgjithësi duke premtuar përkrahjen e NATO-s për ushtrimet fushore dhe stërvitjet e përbashkëta, trajnime dhe operacione si dhe shkollim profesional të pjesëtarëve të FSK-së.Gjenerali amerikan shprehu përkushtimin e NATO-s për paqen dhe sigurinë në Kosovë e rajon, se paqja, siguria dhe prosperiteti janë edhe në interes të NATO-s dhe vendeve anëtare të saj e më gjerë. Në takim me gjeneralin amerikan ishin edhe Sekretari i përgjithshëm Shkelzen Sylaj, drejtori për operacione gjeneral brigade Zymer Halimi, zëvendës komandanti i Komandës së Forcave Tokësore, gjeneral brigade Gëzim Hazrolli dhe asistenti ushtarak i KOMFSK, major Berat Shala./b.j/

ALBIN KURTI DHE GLAUK KONJUFCA TAKUAN AMBASADORIN AMERIKAN/

1 VV-takim-ambasador-SHBA

Sot, në Ambasadën e ShBA-ve në Prishtinë, i nominuari i Lëvizjes VETËVENDOSJE! për kryeministër të Kosovës, z.Albin Kurti, dhe deputeti i Lëvizjes VETËVENDOSJE!, z.Glauk Konjufca, takuan ambasadorin amerikan z.Greg Delawie.

Në këtë takim u vlerësua mbarëvajtja e zgjedhjeve të 11 qershorit, u diskutua procesi i formimit të institucioneve të legjislaturës së gjashtë si dhe sfidat e punët që e presin qeverinë e ardhshme dhe shtetin e Kosovës në përgjithësi. U trajtuan shumë tema si ajo e sundimit të ligjit dhe luftës kundër korrupsionit, zhvillimit ekonomik dhe investimeve të diasporës, marrëdhënies së Kosovës me Serbinë etj.

Përfaqësuesit e Lëvizjes VETËVENDOSJE! përsëritën gatishmërinë dhe interesimin e tyre për zgjerim të partneritetit dhe thellim të aleancës së Republikës së Kosovës me ShBA-të.