• Home
  • Politics
  • Opinion
  • Culture
  • Sports
  • Economy
  • Interview
  • Reporting
  • Community
  • Vatra

Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

NJE VIT I RI MES DY KONTINENTEVE

January 7, 2014 by dgreca

Shkruan: Gjergj LACUKU/ JACKSONVILLE/ FLORIDA/

Aroma e vitit të ri është përhapë kudo në këtë pranverë Floridiane , si një erë e këndshme që sjellë freski në zemrat e çdo njeriu të dashurur mbas së mirës dhe së bukurës , duke frymëzuar qiell e tokë . Në natën e ndarjes së viteve, në këtë natë rrezatuse , këtu në Jacksonville , Florida , pranë brigjeve të Atlantikut, që e josh me valët eternale , nën organizimin e ngrohtë të “Vatrës”, Shqiptarët e të gjitha trevave , si nji familje e madhe, janë mbledhë së bashku për të festuar këtë ndërrim të moteve.Në organizime të tilla, merr kuptim të plotë shprehja” O sa mirë me ken’ Shqiptare” por edhe vargjet e poetit lirik, Dom Ndre Mjedës ; “Gegë e Toskë, Toskë e Gegë , jem nji Komb m’u nda s’duron, fund e majë nji a Shqipnija, gjthëve nji gîuh na bashkon”.

Dega e Vatrës në Jacksonville edhe pse është motake për nga mosha e ka treguar veten se di t’i bëjë bashkë shqiptarët. Shqiptarët që duan bashkimin dhe jo përcarjen kanë gjetë tek dega e Vatrës, arkitekten e bashkimit për këtë zonë.

Edhe pse kjo degë kishte tubuar më shumë se 450 vetë me rastin e përvjetorit të saj dhe festës të 101 vjetorit të Pavarësisë, sërish bashkoi qindra vetë në natën e ndërrimit të viteve. Ishte një organizim i bukur ku shqiptarët festuan në mënyrën tradicionale shqiptare natën e Vitit të Ri.Nën jehonën e fjalëve mallëngjyese të kangës “Shqipëri o Nëna ime” e mori fjalën e rastit, Kryetari i degës së Vatrës, Z. Adriatik Spahiu , duke përshëndetur të gjithë të pranishmit dhe duke u uruar një vit të mbarë e të begatë të gjithë Shqiptarëve të kudondodhur, si atyre në trojet etnike po ashtu edhe atyre në Diasporë……Atmosfera e festës është me të vërtetë e mrekullueshme, e veshur me buzëqeshje të të gjitha moshave. Të gjithë e dimë se nji vit i ri që vjen na gjen më të moshuar, por më duket se çdo vit i ri na ban të ndjehemi edhe më të motivuar, është një shprese e re, një shans i ri , një nxitje për të bërë diçka ma tepër, për të hedhë një hap më përpara në udhëtim pa kthim sepse jeta nuk është një destinacion por një rrugë e pafund. Sonte në këtë natë plot shkëlqim , dritë e shpresë, me një kuzhinë autentike Shqiptare të përgatitur nga Shefi Robert Koçi,e gërshetuar aq bukur me kangë e valle , me muzikën e bukur Shqiptare , ne ndjehemi më të obliguar për ta çuar më tej këtë dhuratë të Zotit, që quhet jetë.Në këto momente po më vjen ndërmend nji mesazh filozofik që asht shprehur aq bukur në gjuhën angleze ” We are only given today and never promised tomorrow… So be sure to tell someone you love them”. Le të jetë ky moment historik edhe një moment reflektimi për vitin që po lëmë mbrapa, e le të kujtojmë një thënie të filozofit Seneca se sjellja e njeriut asht ma e randësishme se fjalët.Pra vetëm me dashuri mund të ndërtojmë nji parajsë në tokë, ajo asht e vetmja ndjenjë që shemb çdo mur, që kalon çdo kufi sepse fuqia shpirtnore asht ma madhe se forca fizike.Në sajë të atyre që sakrifikuan për dashurinë e lirisë, u rrëzua Muri i Berlinit , u zhdukën telat me gjemba, që na kishin marrë frymën për dekada me radhë. Duhet të jemi mirënjohës ndaj atyre që e bën të mundur këtë liri që ne gëzojmë sot. Le të jetë ky vit i ri një vit ndërgjegjësimi për obligimet tona si qytetar jo vetëm të vendit më demokratik në botë për mbi të gjitha si qytetar universal se liria dhe të drejtat arrihen me dashuri dhe respekt të përbashkët , se paqja dhe liria nuk ka kuptim kur mungojë virtytet e hiret.

Në Orën 12 të natës , fishekzjarret e hedhura përpara lokalit, si qindra e mijra mesazhe u përhapën nalt në qiell , ndërsa në anën tjetër të oqeanit , Dielli kish celë sytë , duke shikue nga Perëndimi ,për të ngrohë sadopak bijtë e asaj toke të shenjtë që ndodhen këtu në brigjet e Atlantikut .

Në emër të “Vatrës” ju urojmë një vit të lumtur në çdo aspekt të jetës suaj .Urimit i bashkohen edhe vatranët me të rinj, Znj. Jola Hodo , Z. Lush Corri, Z. Arjan Dumi, Z .Kastriot Kore, Z.Edi Rrukaj.

 

Filed Under: Komunitet Tagged With: Gjergj Lacuku, Nje vit i ri mes dy kontinenteve

KRONIKË NGA DEGA E VATRES NE JACKSONVILLE

December 22, 2012 by dgreca

Nga Gjergj Lacuku/

Me 28 Nëntor dega e Shoqatës “Vatra” në Jacksonville, Florida , organizoj kremtimin e 100 vjetorit të Pavarësisë, jubileu që edhe sheshin “Times Square” e veshi kuq e zi. E veçanta e kësaj mbrëmje ishte ngritja simbolike e flamurit , ku nën tingujt e Himnit Kombëtar , 92 vjeçari Asllan Hysaj nga Shkodra , si Shqiptari më i moshuar në Jacksonville, ngriti nalt Flamurin Kuq e Zi. Fjalën përshëndetse mandej e mori kryetari i degës “Vatra” , Z. Adriatik Spahiu, i cili ndër të tjera vuri theksin në mirëkuptimin dhe tolerancën qytetare ndërmjet shqiptarve për të mirën e Kombit. Festimi i 100 vjetorit u shoqnua edhe nga folës të tjerë si avokati Ardian Gjoka, Besim Hasani dhe artisti Shkodran, Aleksandër Ruçi, që me humorin e tij e bani këtë mbramje edhe ma t’kandshme. Përveç muzikës , kangës e valleve , mbramja festive u shoqnue edhe me poezi të poetve ma të mëdhaj të  kombit Shqiptar . Ato u sollën këtu nga recitimet e vet të pranishmëve. Kështu Naim Frashërin  na e solli përmetari Dr . Ali Lushnja ,mandej At Gjergj Fishtën na e solli shkodrani Enrik Baba, Gjirokastrën e përfaqsoj Juli Pollo nën interpretimim e poezisë së Çajupit “Mëmëdheut”.Një moment mallëngjyes ishte recitimi i poezisë së Bilal Xhaferit “Baladë Çame” nga 86 vjeçari , z. Rexhep Cano , tuj pasë parasysh çështjen Çame si nji plag e hapun në trupin e Atdheut. Poezinë kushtue Kosovës nga poeti e filozofi Arshi Pipa, e recitoj Teuta Agovi me origjinë Kosovare. Poetin Asdreni nëpërmjet “Himni i Flamurit” e solli patrioti nga Korça, z. Xhezmi Çuko. Me poezinë e Pashko Vasës ” O moj Shqypni”, recitusja Matilda Moja na kujtoj edhe nji herë se feja e Shqiptarit asht Shqiptarija. Z. Vebi Musta përcolli një fragment të euriditit Faik bej Konica në lidhje me Flamurin tonë si nji ndër ma të vjetrit në Botë. Recitimi i poezive u mbyll nga Gjergj Lacuku me poezinë e Fishtës ” Atdheut” ku nuk harrohen vargjet e pavdekshme ;

Dersá t’mundem me ligjrue

E sá gjáll me frymë un jam,

Kurr Shqypni, s’kam me t’harrue,

Edhe n’vorr me t’përmendë kam.

Filed Under: Kronike Tagged With: Gjergj Lacuku, Jacksonville, kronike, nga Vatra

  • « Previous Page
  • 1
  • …
  • 3
  • 4
  • 5

Artikujt e fundit

  • Frank Shkreli merr titullin ‘Qytetar Nderi’ i Malësisë së Madhe
  • Zgjedhjet piramidë dhe Shkodra
  • KUSH ËSHTË ABDULLAH RAMI?
  • Koncerti Panshqiptar Shpalos Bukurinë e Muzikës së të Gjitha Trevave
  • “Përtej harrimit” dhe përkthimi i “Shekspirit” të Hygoit, një përpjekje në rimëkëmbjen historike të kujtesës sonë të përbashkët
  • Sovraniteti dhe integriteti territorial i Republikës së Kosovës është i pacenueshëm, i patjetërsueshëm dhe i pandashëm
  • “50 VJETORI I REVOLTËS SË SPAÇIT”, HOMAZH DHE NDERIM TE VATRA
  • JU MIRËPRESIM NESËR TE VATRA
  • Shoqatat Shqiptare organizojnë “Piknikun shqiptar” në Staten Island, New York më 28 Maj
  • PAQEJA DHE MBROJTJA, NDESHJA DYFISHE N’EVROPË
  • ME VISARIN…
  • Presidentja Osmani priti në takim ministrin e Jashtëm të Maqedonisë së Veriut, Bujar Osmani, njëherësh kryesues aktual i OSBE-së
  • Misioni fisnik i AFC ndërthuret me simbolikën historike të New England Conservatory, Boston në 27 maj
  • Kryeministri Kurti mirëpriti Komisionerin e Bashkimit Evropian për Fqinjësi dhe Zgjerim, Olivér Várhelyi
  • SI DEGRADOI POZITA E SHQIPTARËVE NË MAL TË ZI GJATË KOHËS SË PUSHTETIT TË MILLO GJUKANOVIQ-it ?

Kategoritë

Arkiv

Tags

alfons Grishaj Anton Cefa arben llalla asllan Bushati Astrit Lulushi Aurenc Bebja Behlul Jashari Beqir Sina dalip greca Elida Buçpapaj Elmi Berisha Enver Bytyci Ermira Babamusta Eugjen Merlika Fahri Xharra Frank shkreli Fritz radovani Gezim Llojdia Hazir Mehmeti Ilir Levonja Interviste Keze Kozeta Zylo Kolec Traboini kosova Kosove Marjana Bulku Murat Gecaj nderroi jete ne Kosove Nene Tereza presidenti Nishani Rafaela Prifti Rafael Floqi Raimonda Moisiu Ramiz Lushaj reshat kripa Sadik Elshani SHBA Shefqet Kercelli shqiperia shqiptaret Sokol Paja Thaci Vatra Visar Zhiti

Log in

This website uses cookies to improve your experience. We'll assume you're ok with this, but you can opt-out if you wish. Cookie settingsACCEPT
Privacy & Cookies Policy

Privacy Overview

This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary
Always Enabled
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Non-necessary
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
SAVE & ACCEPT