• Home
  • Politics
  • Opinion
  • Culture
  • Sports
  • Economy
  • Interview
  • Reporting
  • Community
  • Vatra

Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Departamenti Amerikan i Shtetit kritikon Qeverinë Rama për zgjedhjet dhe korrupsionin

March 3, 2017 by dgreca

Departamenti Amerikan i Shtetit ka publikuar raportin për vitin 2016 për Shqipërinë. Në këtë raport ka një shuplakë të fortë për organizimin e zgjedhjeve lokale.

1 departament i Shtetit

Sipas DASH, në zgjedhjet lokale të vitit 2015 pati kepqedrim të pushtetit nga partitë kryesore, si edhe presione mbi votën. Sa i përket korrupsionit, DASH vëren se prokurët kanë ende frikë që të hetojnë rastet e peshqve të mëdhenj.Gjithashtu, në 14 mijë raste denoncimi për korrupsion, vetëm 94 janë proceduar për hetime.

Zgjedhjet e Fundit:

Zgjedhjet kombëtare parlamentare më të afërta u zhvilluan në vitin 2013. Misioni i vëzhgimit të zgjedhjeve i OSBE­së raportoi se ato “ishin konkurruese me pjesëmarrje aktive të shtetasve përgjatë gjithë fushatës dhe me respekt të vërtetë për liritë themelore.” OSBE­ja vërejti: “Atmosfera e mosbesimit ndërmjet dy forcave kryesore politike ndikoi mjedisin zgjedhor dhe sfidoi adiministrimin e të gjithë procesit zgjedhor.” Në shtator u mbajtën zgjedhje të posaçme për kryetarin e Bashkisë Dibër pas pushimit nga puna të kryetarit të mëparshëm për abuzim me detyrën.

Vëzhduesit ndërkombëtarë vlerësuan ngjarjet e ditës së votimit si të qeta dhe të mirë­ organizuara. Megjithatë, në javët para zgjedhjeve, procesi u shënua nga akuza të blerjes së votës dhe kërcënim I votuesve nga të dyja partitë politike.

Në qershor 2015 vendi zhvilloi zgjedhjet lokale në mbarë vendin për kryetarë bashkie dhe këshilla bashkiakë. OSBE­ja e vlerësoi Ditën e  Zgjedhjeve përgjithësisht pozitivisht, por vërejti se ndonëse kuadri ligjor “mund të kishte siguruar bazën për zgjedhje demokratike”, partitë kryesore keqpërdorën pushtetin dhe përgjegjësitë e tyre të gjera brenda administrimit të zgjedhjeve dhe nuk patën vullnetin politik të zbatonin kuadrin ligjor me efektivitet.

Në raportin përfundimtar misioni i vëzhguesve të OSBE­së raportoi akuza të përhapura për presion mbi votuesit, të cilat, bashkë me raste të vëzhguara në ditën e zgjedhjeve, ngritën shqetësime për mundësinë e votuesve për të votuar lirisht. Misioni i vëzhgimit raportoi gjithashtu se mjedisi i fushatës ishte paqësor, me përjashtim të disa incidenteve të shkëputura, dhe se liritë themelore të shprehjes dhe grumbullimit u respektuan. Pjesëmarrja e grave dhe pakicave: pjesëmarrja e grave në qeveri u rrit në mënyrë të qëndrueshme deri sa arriti një rekord prej 23 përqind të deputetëve gr në parlament dhe 30 përqind të ministrave.

Ligji drejtues i zgjedhjeve parlamentare të vitit 2013 kërkonte që 30 përqind e kandidatëve të ishin gra dhe që ato të përbënin 30 përqind të posteve me emërim dhe me zgjedhje. Gratë përbënin 18 përqind të anëtarëve të zgjedhur në parlament në vitin 2013. Sipas raportit të OSBE­së për zgjedhjet, sidoqoftë, tre partitë kryesore nuk e përmbushën kuotën 30­ përqindëshe të detyruar për gratë. Komisioni Qendror i Zgjedhjeve i gjobiti këto parti por gjithsesi i pranoi listat e tyre.

Zgjedhjet lokale të qershorit 2015 u organizuan pas ndryshimeve të kodit zgjedhor që u kërkonin partive të alternojnë kandidatët burra dhe gra në listat e tyre. Sipas raportit përfundimtar të OSBE­së për vëzhgimin e zgjedhjeve, gratë u zgjodhën në më shumë poste, pothuajse një e treta, në këshillat lokale. Kërkesat për regjistrim civil, përfshirë tarifat dhe mungesën e dokumenteve të identifikimit vështirësuan mundësitë e anëtarëve të komunitetit rom të votonin në zgjedhjet lokale të qershorit 2015. Disa vëzhgues deklaruan se partitë politike ofruan të paguanin këtë tarifë në shkëmbim të votës. Deri në tetor nuk pati ministra apo deputetë romë.

Korrupsioni dhe mungesa e transparencës në qeveri

Ligji parashikon dënime penale për korrupsionin e zyrtarëve, por qeveria nuk e zbatoi ligjin me efektivitet dhe zyrtarët shpesh u përfshinë në praktika korrupsioni pa ndëshkueshmëri. Në dhjetor të vitit 2015 Kuvendi miratoi legjislacionin e dekriminalizimit që parandalon individët me dënime penale nga shërbimi si kryetarë bashkish, deputetë, apo në qeveri dhe poste të tjera shtetërore. Gjatë viti autoritet ndërmorën hapa shtesë për të luftuar korrupsionin. Në korrik Kuvendi miratoi unanimisht amendamete kushtetuese për të aprovuar një reformë të gjerë të gjyqësorit që përfshinte krijimin e institucioneve të reja antikorrupsion. Këtu përfshihet ngritja e një zyre të pavarur prokurori dhe një nëjsie hetimore, përgjegjësia e vetme e të cilave do të jetë hetimi dhe ndjekja penale e korrupsionit në nivele të larta dhe e krimit të organizuar. Në gusht, Kuvendi miratoi një ligj për vetingun që synon pakësimin e korrupsionit mes prokurorëve dhe gjykatësve. Qeveria gjithashtu zgjeroi përdorimin e kamerave të trupit tek oficerët e policisë për të shkurajuar korrupsionin e rrugës. Një numër agjencish qeveritare hetuan raste korrupsioni por burimet e kufizuara, rrjedhjet e hetimeve, presione të vërteta ose të perceptuara poltiike dhe një sistem i çrregullt riemërimesh penguan hetimet. Ministria e Drejtësisë raportoi se dënimet në gjykatat e rretheve u ulën me 37 përqind në vitin 2015 krahasuar me vitin 2014. Nuk pati të dhëna përsa i përket dënimeve në gjykatat e apelit. Në raste selektive që përfshinin aktorë ndërkombëtarë, agjencitë e antikorrupsionit bashkëpunuan me shoqërinë civile.

Korrupsioni:

Korrupsioni ishte i përhapur në të gjitha nivelet e qeverisjes. Në fillim të vitit, 75 raste korrupsioni ishin ende pa gjykim, me 29 raste shtesë të filluara në qershor. Deri në gusht gjykatat dënuan 76 të pandehur për korrupsion? 25 raste u pushuan. Mbetën 121 raste për korrupsion që prisnin gjykimin. Deri në korrik, faqja e internetit ngritur në 2015 për të lejuar qytetarët të denonconin korrupsionin nga zyrtarët publikë kishte marrë 14,752 ankesa, 94 prej te cilave koordinatori i referoi për ndjekje penale.

Ndërsa prokurorët shënuan përparim në ndjekjen e korrupsionit në raste me profil të ulët publik, përfshirë gjykatës dhe prokurorë, ndjekja penale për krime të nivelit të lartë mbeti e papërfillshme për shkak të frikës së hetuesve për hakmarrje, mungesën e përgjithshme e burimeve, dhe korrupsionit brenda vetë gjyqësorit. Në shtator një gjykatë dënoi Spiro Kserën, ministër i punës nga qeveria e mëparshme, me 20 muaj burg për abuzim me detyrën pasi kishte përvetësur 30 milionë lekë ($240,000) që duhej të shkonin për përfitimin e komunitetit rom. Në maj autoritetet shkarkuan kryetarin e bashkisë së Dibrës, Shukri Xhelili, pas publikimit të pamjeve filmike në të cilat ai dukej se kërkonte favore seksuale nga një femër në shkëmbim për një vend pune. Xhelili apeloi vendimin në Gjykatë Kushtetuese e cila e mbështeti shkarkimin e tij.

 

 

 

Filed Under: Opinion Tagged With: Departamenti amerikan i shtetit, korrupsioni, qeveria, Rama

UNDP: Korrupsioni, problem i dytë pas papunësisë në Kosovë

October 24, 2016 by dgreca

1-korrupsioni
PRISHTINË, 24 Tetor 2016-Gazeta DIELLI/ Korrupsioni radhitet si problem i dytë më madhor në Kosovë, menjëherë pas papunësisë.
 Ky është raporti i Programit të Kombeve të Bashkuara për Zhvillim (UNDP), i cili analizon të dhënat e mbledhura nga anketa me 1300 respondentë/qytetarë dhe 500 intervista me përfaqësues të institucioneve publike të Kosovës.
 UNDP, përmes projektit Përkrahje Përpjekjeve Kundër Korrupsionit në Kosovë (SAEK)  lançoi sot botimin special të Pulsit Publik për korrupsionin, në një konferencë shtypi në Prishtinë./b.j/

Filed Under: Ekonomi Tagged With: korrupsioni, ne Kosove, UNDP

AAK: Vlerësimi i DASH-it për korrupsionin endemik në Kosovë, tepër shqetësues

April 14, 2016 by dgreca

PRISHTINË, 14 Prill 2016/ Partia opozitare kosovare, Aleanca për Ardhmërinë e Kosovës, deklaroi sot se “Departamenti Amerikan i Shtetit, edhe një herë vlerësoi,  se kjo qeveri e korruptuar në Kosovë po shkel të drejtat e njeriut, përmes aferave të shumta korruptive të pandëshkuara”.

 “Korrupsioni endemik qeveritar dhe i sektorit privat, dhe mungesa e ndëshkimit të akteve korruptive mbetet një problem i rëndësishëm i të drejtave të njeriut”, ka shkruar qartësisht Raporti i DASH-it për të Drejtat e Njeriut, për Kosovën në vitin 2015, citon AAK.

Sipas kësaj partie, padyshim një cilësim kaq i ashpër nga SHBA-të, i nxjerr krejt të pakuptimta pohimet e zyrtarëve qeveritar, se qeveria e Kosovës nuk ka asnjë skandal korrupsioni.

 Sikurse ka shkruar DASH, “ligjet mundësojnë ndëshkimin e korrupsionit, por Qeveria nuk ka zbatuar efektivisht ligjin, dhe korrupsioni mbetet një problem serioz. Mungesa e mbikëqyrjes efektive gjyqësore dhe, në përgjithësi, dobësitë në sundimin e ligjit, kanë kontribuar në këtë problem”.

Aleanca për Ardhmërinë e Kosovës shprehet se, është e përkushtuar që të zhbëjë korrupsionin në Kosovë, duke vendosur mekanizma institucionalë të specializuar për të luftuar këtë kancer në qeverinë e Kosovës.

“Aleanca, me programin e saj, synon të themelojë Byron Nacionale të Hetimeve, që do të jetë mekanizëm i sistemit të drejtësisë penale të Republikës së Kosovës, i vendosur te Zyra e Prokurorit të Përgjithshëm dhe të jetë i specializuar për të hetuar krimet; do të ketë homologun e vet në Departamentin e Hetimeve në Policinë e Kosovës, që do të të ketë emër të ngjashëm – Policia BNH; si dhe në sistemin gjyqësor – Departamenti Gjyqësor për Rastet Penale nën Juridiksionin e BNH-së. BNH do të jetë përgjegjëse për luftimin e terrorizmit, krimit të organizuar dhe korrupsionit në nivel të lartë”, thekson AAK.

 Duke qenë të ballafaquar me një Qeveri të cilën Departamenti Amerikan i Shtetit e cilëson si të zhytur në “korrupsion endemik qeveritar”, Aleanca shprehet se e ka të qartë se zëri i qytetarëve do të dëgjohet përmes protestave masive dhe paqësore qytetare.

 “Korrupsioni endemik qeveritar është edhe një arsye e rëndësishme për protestën masive të 14 majit 2016, e cila do të mbahet në Prishtinë, duke filluar në orën 14:00”, përfundon deklarata e dërguar nga AAK./b.j/

Filed Under: Komente Tagged With: AAK, korrupsioni, Shqetësim, Vleresimi i DASH

Sot, Ambasadori Lu, bashkëbisedim me shqiptarët për korrupsionin

December 15, 2015 by dgreca

Një ditë pas deklaratave të drejtëpërdrejta dhe të forta në adresë të gjyqtarëve shqiptarë, ambasadori Donald Lu do të zhvillojë një bashkëbisedim pyetje-përgjigje me qytetarët shqiptarë. Ky bashkëbisedim, i fundit për këtë vit mes Lu dhe qytetarëve shqiptarë, i është dedikuar luftës kundër korrupsionit.  Në njoftimin e Ambasadës Amerikane në Tiranë thuhet se “9 dhjetori ishte Dita Ndërkombëtare kundër Korrupsionit. Bashkohuni me ambasadorin Donald Lu të martën, 15 dhjetor, në orën 15:30, për të biseduar mbi përpjekjet e vazhdueshme kundër korrupsionit dhe për të mësuar se çfarë mund të bëni ju këtu në Shqipëri”.  Bashkëbisedimi do të zhvillohet përmes faqes në Facebook të Ambasadës Amerikane. {Sh.K}

Filed Under: Featured Tagged With: ambasadoi Lu, korrupsioni, shqiptaret

Fjalet Kundrejt Premtimeve

June 9, 2015 by dgreca

Shkruan: Kuqelim Dreshaj/
Te shkruash eshte mire sidomos kur e ndjen nevojen dhe mbi te gjitha ke arsyen per ta bere nje gje te tille.Shkrimi im kesaj rradhe do kete me shume analize te asaj se cfare po ndodh mijera kilometra larg meje- gjeografikisht, mirepo shume afer meje me zemer dhe mendje, sepse eshte vendlindja ime.Do fokusohem ne disa pika te rendesishme dhe kyce per jeten atje sic eshte varferia,korrupsioni,keqeverisja,pazaret e ndyera,emigracioni e deri tek rreziku i madh qe ka kape kohet e fundit Kosoven e qe eshte terrorizmi.Duke filluar nje e nga nje sigurisht ma e veshtira eshte varferia qe dita dites po behet rrezik per egzistence ,familjet kane numer te madh te papunesuar dhe si pasoje e kesaj lindi dhe emigracioni ilegal ne numer shume te madh pa dhene shifra te sakta nga pushtetaret mirepo bazuar ne statistikat e organizatave te huaja qe jane marre me emigrantet shkojn deri ne 100.000 persona, shumica te rinj nga mosha 20 deri ne 30,kjo ndodhi si pasoj e keqeverisjes dhe pazareve qe ata po bejne me popullin dhe te ardhurat e ketij vendi.Nje here PDK-ja e tash ju eshte bashkngjitur edhe LDKja si dy partite qe ne pune duhet te jene vetem argate te tyre, e madje dhe pa kaluar neper konkurse,pastaj keqmenaxhimi i organeve ma te larta, duke filluar nga Prokurorija, ku Prokurori zgjidhet pa kunderkandidat dhe shoqerija civile ka ngritur zera se keqperdorimet kan qene shume te medha.Pastaj edhe Eulex ka pase raporte se zgjedhja eshte bere pa kuorum e ku neper gjykatat kryesore ka lande te panumerta qe nuk perfundojn kurr mirepo vetem grumbullohen si te vjetra.Nje tjeter hallke e korrupsionit dhe pazaereve sigurisht mbetet edhe privatizimi i shume ndermarrjeve ne menyra nga me te keqijat e mundshme.Dhe gjeja ma e rendesishme qe Kosoven po e rrezikon shume eshte dhe do te mbetet keshtu ne qoftese nuk veprohet terrorizmi sipas raportit te Shtetit Amerikan, ky vit ka qene me i keqi per Kosoven,per te ardhmen dhe per rregullin dhe rendin ne vend duke qene te paret ne Ballkan, qe po i bashkohen terroristeve ne lindje kjo ndodh sepse jeta sociale dhe ligjore ne Kosove ka degraduar dhe matrapazet udheheqin vendin dhe si te tille kohe per nje jete me te mire per ne nuk kane dhe idete dhe qellimet e tyre jane se si te pasurohen e jo se si ta nxjerrim vendin nga humnera.E deri ne nje ndryshim te afert na mbetet qe vetem te kemi nje jete qe ka nje shprese diku nen hije po prap se prap eshte shume e vyshkur.

Filed Under: Opinion Tagged With: fjalet, korrupsioni, Kuqelim Dreshaj, premtimet

  • 1
  • 2
  • Next Page »

Artikujt e fundit

  • AMBASADOR BLERIM REKA VIZITON VATRËN TË MËRKURËN NË ORËN 2 PM
  • PROF.DR. ZYMER NEZIRI LIGJËRATË NË VATËR TË ENJTEN MË 30 MARS ORA 6.30 PM
  • “Fëmijët shqiptarë të Kosovës – viktima të gjenocidit shtetëror të Serbisë 1981 – 1999”
  • BOKSIERI SHQIPTAR KRISTIAN PRENGA — NJË MOMENT KRENARIE PËR TË GJITHË SHQIPTARËT KUDO
  • Dashuri dhe vdekje – Fati tragjik i prindërve të Karl Thopias
  • Kryeministri Kurti: Masakra ndaj familjeve Bogujevci, Duriqi dhe Llugaliu dëshmi e gjenocidit të Serbisë në Kosovë
  • Kosovë-Homazhe te Memoriali në Izbicë
  • Kryetari Glauk Konjufca takoi Zëvendës Ndihmës Sekretarin e SHBA-së, Gabriel Escobar
  • DR. ELONA SHEHI, A STORY OF SUCCESS AND INSPIRATION IN NEW YORK
  • Albania
  • 1 Prill “Bashkë për Drejtësi”, në mbështetje të ish-krerëve të UÇK-së
  • Kryeministri Kurti përkujtoi 40 të vrarët në masakrën e lagjes “Dardania” në Pejë
  • JA PËRSE PUTINI NA KËRCËNON TË GJITHËVE NE
  • KUJTESA HISTORIKE NGA FRANK SHKRELI
  • What We Need Is Albanians of Fan Noli’s Stature, What We Have are the Words of his “Albumi”

Kategoritë

Arkiv

Tags

alfons Grishaj Anton Cefa arben llalla asllan Bushati Astrit Lulushi Aurenc Bebja Behlul Jashari Beqir Sina dalip greca Elida Buçpapaj Elmi Berisha Enver Bytyci Ermira Babamusta Eugjen Merlika Fahri Xharra Frank shkreli Fritz radovani Gezim Llojdia Hazir Mehmeti Ilir Levonja Interviste Keze Kozeta Zylo Kolec Traboini kosova Kosove Marjana Bulku Murat Gecaj nderroi jete ne Kosove Nene Tereza presidenti Nishani Rafaela Prifti Rafael Floqi Raimonda Moisiu Ramiz Lushaj reshat kripa Sadik Elshani SHBA Shefqet Kercelli shqiperia shqiptaret Sokol Paja Thaci Vatra Visar Zhiti

Log in

This website uses cookies to improve your experience. We'll assume you're ok with this, but you can opt-out if you wish. Cookie settingsACCEPT
Privacy & Cookies Policy

Privacy Overview

This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary
Always Enabled
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Non-necessary
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
SAVE & ACCEPT