Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

NJOFTIM MORTOR-KA NDËRRUAR JETË VICTORIA ÇUPI

by

Familja Çupi njofton Komunitetin se pas një sëmundje të gjatë ka ndërruar jetë zonja Victoria Çupi, e shoqja e  z. Ndrec Çupi(Gjergji).

Komuniteti ftohet që t’i shpreh ngushëllimet familjes ÇUPI ditën e Djelë, 9 Shkurt 2020,  nga ora 2.00 PM deri në 9.00 PM  në Shtëpinë Mortore” PARK FUNERAL CHAPEL”, që ndodhet në adresën 2175 Jericho Turnpike

Garden City Park, Neë York.

Mesha funerale organizohet ditën e Hënë, 10 Shkurt 2010, Ora 10 e 30 në Our Lady Queen of Martyrs Church Queens Boulevard, Forest Hills, Neë York, NY .

Pas meshës varrimi do të kryhet në Lutheran of All Saints Cemetery ne Queens 67-29 Metropolitan Avenue, Middle Village.  

Federata Pan Shqiptare e Amerikës VATRA dhe Gazeta e saj DIELLI i shprehun ngushëllimet më të thella Familjes ÇUPI. Shpirti i Victorias pushoftë në Paqe!

OSMANI: PARTNERITETI ME SHBA, EKZISTENCIAL PËR KOSOVËN

by

Kryetarja e Kuvendit, Vjosa Osmani në takim me ambasadorin e Shteteve të Bashkuara të Amerikës në Kosovë,  Philip S. Kosnett: Partneriteti me SHBA është ekzistencial për Kosovën/

PRISHTINË, 4 Shkurt 2020 -Gazeta DIELLI/ Kryetarja e Kuvendit të Republikës së Kosovës, Dr. Vjosa Osmani, në takimin e parë zyrtar, takoi sot ambasadorin e Shteteve të Bashkuara të Amerikës në Kosovë,  Philip S. Kosnett.

Ambasadori Kosnett uroi kryetaren Osmani për detyrën e re, duke ofruar përkrahje dhe bashkëpunim.

Në takim me ambasadorin amerikan, kryetarja Osmani diskutoi prioritetet e Kuvendit, rritjen e efikasitetit dhe mbikëqyrjes së Kuvendit në raport me Qeverinë, avansimin e diplomacisë parlamentare, bashkëpunimin me opozitën si dhe me të gjithë akterët e tjerë relevant.

Kryetarja Osmani e vlerësoi si ekzistencial bashkëpunimin dhe partneritetin me Shtetet e Bashkuara të Amerikës, duke u zotuar që ky bashkëpunim të thellohet edhe më tej në të ardhmen./b.j/

AMBASADORI AMERIKAN URON KRYEMINISTRIN E RI TË KOSOVËS

by

-Kryeministri Kurti takon ambasdorin amerikan Kosnett: Miqtë tanë do t’i mbajmë shumë afër/

Prishtinë, 4 Shkurt 2020-Gazeta DIELLI/ Kryeministri i Republikës së Kosovës, Albin Kurti, bashkë me Ministren e Drejtësisë, Albulena Haxhiun, kanë pritur sot në takim, ambasadorin e Shteteve të Bashkuara të Amerikës në Kosovë, Philip S. Kosnett dhe këshilltaren politike Alison Storsve të cilët shprehën urimet e tyre për këtë detyrë me shumë përgjegjësi.

Me këtë rast, kryeministri Kurti, tha se ishte nder takimi me ambasadorin Kosnett me të cilin edhe u dakorduan që të dy institucionet tona t’i vazhdojnë takimet  dhe ato të përkthehen në punë konkrete për qytetarët e vendit tonë.

“Miqtë tanë do t’i mbajmë shumë afër. Ata janë aleatë të cilët do t’i nderojmë me bashkëpunimin tonë të sinqertë e serioz”, ka thënë kryeministri Kurti në takimin me ambasadorin Kosnett./b.j/

SHEFQET MEKO VJEN ME “I TILLE JAM”

by

”I tillë Jam” Libri i dytë i Shefqet Mekos në Minneapolis të Amerikës/

Nga Sami Hidri/ Shefqet Meko prezantohet tek publiku me librin e tij të dytë “I tillë Jam“.
Njoheja me Shefqetin eshte shume e larget që ne vitet kur ishte botues i gazetes “Studenti i Bujqesise” në Kamëz te Tiranës ne Shqipëri. Nje djale korrekt dhe pune madh. Ate e gjeje neper auditoret e tij që studjonte në degen e Veterinarisë si dhe pergatiste gazeten e studentëve për botim. E gjeje deri vone prane shtypshkronjës derisa delte gazeta “Stdenti I Bujqësisë” ne Tirane dhe qe andej kthehej perseri ne auditoret e tij nga ku merrte mesimet në degen e tij.
Tekimet qe ai zhvillonte me studentët e tjerë si dhe me profesorët e degëve te ndryshme e bënte ate qe te njihëte me mire gjendjen dhe aktivitetin e Institutit. Shefqetin e gjeje gjithashtu edhe duke trokitur neper dyert e gazetave si “Zeri I Rinise” apo edhe ne gazeta dhe revista te tjera qe botoheshin në atë periudhe,për të botuar ndonje tregim apo skicë që ai kishte përgatitur ne qytezën e tij studentore.
Ardhja ne Minneapolis te Amerikes qe ne vitin 1999 nuk e ndau ate te shkruante per kujtimet qe ai ruan neper dosjet e tij shume vjecare. Pervec punës  qe ai ka, ai gjen kohë për te shfletuar edhe këto kujtime dhe për ti hedhur në letër.
-Ahmet Prenci më “zgjoi“ dhe u hoqi pluhurin te gjithë këtyre kujtimeve që unë mbaja prej kohësh në sirtar,-më thote Shefqeti gjatë nje bisede që unë bëra me te.
Ne librin e tij afer 600 faqesh tregon me hollesi kujtime dhe mbresa nga e  kaluara shume vjecare, qe i ka mbajtur dhe shkruar me nje krijimtari te larte.
-Për mua ai eshtë nje roman i tere ne duart e lexuesve,-i thosha Shefqetit gjate bisedes.
Shefqeti gjen kohe jo vetem te beje punen e tij te perditëshme por edhe të shpenzojë kohë edhe me Almën si dhe me dy djemtë e tij, si dhe te komunikoje me shume shokë dhe miqtë e tij këtu në Amerikë si dhe në Shqipëri.
Suksese Shefqet Meko në krijimtarinë tënde të përditshme!