Nga Fadil LUSHI/
Ky Rufati nga Tetova, që e kam shok nga fëmijëria ime, një ditë më mori në telefon për të më thënë diçka. Çuditërisht nuk e zgjati muhabetin, i ra “shkurt telit”, sepse u “tut” se po ia përgjojnë llafet. Se ç’llafe ishin nuk e kuptova dot. Erdhi me vrap në zyrën time. Ishte mbushur me frymë dhe, ende pa u ulur në ndenjësen e gjerë dhe të butë (të cilën, sa herë më viziton, aq herë e koncepton si kolltuk berberi), pos të tjerash më tha: “Ti miku im që merresh me “thashetheme”, hap veshët dhe më dëgjo me vëmendje! Më lejo që për shkrimin tënd të radhës të të sugjeroj një ide frytdhënëse, andaj do të ishte mirë që një pjesë të kësaj ideje ta hedhësh në të”. Tërë sy e veshë, ia ktheva: ”Po hajde, or qerrata, pa ma thuaj idenë që e bëre tërkuzë!? “Ja, po ta shpjegoj unë!”, vijoi ai duke më thënë mes të tjerash: “…, nuk është keq që në opinionin në vijim t’i përdorësh foljet, siç janë – ngul e shkul”(!?). Hajde mendje, hajde! Ç’më polli belaja me këtë gjysh “belaqar!”. Po si do e bëj këtë punë! A mos vallë do më duhet që këtij shkrimi t’ia ngul gozhdën, vallë do më duhet t’ia ngul hunin, ose do më duhet t’ia ngul shtyllat, apo do t’ia ngul kazmën, po do t’ia ngul thellë a cekët, do e rëndoj me forcë, e të tjera “ngulje”(!?). Vallë ky vështrim do të ketë “takat” që t’i durojë gjithë këto “ngulje”…. Hajt, ta marrim me mend, se këtij shkrimi do t’ia “ngulim të tërat”, por ama pastaj si do t’ia shkulim hunin, gozhdën, “thashethemin a sajimin”, do t’ia shkulim gardhin, thinjat e tjera të tilla që ndoshta nuk i meriton t’ia shkulësh. Meqenëse për një moment më “vajti” mendja te “Gomari i Buridanit”, mikut tim ia parashtrova mëdyshjet e mia: “Ja, po themi se do të veproj ashtu si më sugjeron, atëherë ku do më dalë ky shkrim…, po edhe sikur ta bëjmë këtë, a mendon se e gjithë kjo do t’i hyjë në punë dikujt…, po kujt i plas e gjithë kjo vaki, kush është ai lexues që do të çajë kokën për këtë!?“… “Po, po!”, ma ktheu, “Ka të tillë që u plas…,” Pastaj e pyeta se kush janë ata. “Janë sehirxhinjtë dhe ata që para se të bëhen atdhetarë, ashtu padrejtësisht parapëlqejnë të bëhen nacional-shovinistë provincialë, folkpatriotë a edhe burra që rrahin gratë e tyre kur ato ua vonojnë çorbën e sabahit”(!?). M’u duk ide e mirë, por ama, thashë, sikur këtij shkrimi t’ia kisha “futur” foljet ngul e shkul, a thua vallë do të bëhej hataja!? Besoj se jo. Pavarësisht se kjo punë a mesele mund të na “sjellë ndonjë ngatërresë”, vendosëm që këtij shkrimi, të mos ia heqim foljet e lartpërmendura me qëllim që t’i “japim frymë” paragrafit në vijim.
Mes një pazari të shehrit, ku nuk ka rend, e ku ka sa të duash hallakamë mendimesh gjithsesi të shtrembëruara dhe ku ka ca mallra “paksa të veçanta” që shiten nën dorë, ishin ngatërruar dy shqiptarë me profesion prej gazetari. Ata që i njihnin për së afërmi thoshin se që të dy kishin “zbritur nga fshati” para një çerekshekulli dhe ishin sistemuar pranë “vendalinjve” të cilët u kishin “hipur sipër” dhe i “mbanin nën tutelë”(!?). Muhabeti i tyre kishte filluar me “ngul e shkul”. I pari, ishte arsimuar në oksident dhe hiqej me kulturë katolike , kurse i dyti, karakterizohej me“tabiate” orientale. Origjina fetare e të të dyve konsistonte me islamin. Njëri prej tyre kishte devijuar pak nga “fiqiri!”. Si duket nuk merreshin vesh më zë të ulur andaj, kishin “vendosur” të ngritin tonet duke menduar se ashtu do t’i vinin pikë konfliktit mes tyre. Edhe përtej kësaj, asnjëri nuk e kuptonte tjetrin, ndonëse që të dy flisnin me atë dialektin e tyre krahinor, njëri me pak theks anglez e tjetri me atë turk. Njëri ngulte hunin, tjetri shkulte gardhin dhe kështu vazhduan të ofendohen si kalamajtë e mëhallës së… Njëri i tha se ç’pat me atë dhe me mbiemrin e tij…, kurse tjetri i tha se nuk u bë hataja…, po të marrë mushkën dhe t’i ngarkojë drutë…, po të mos harrojë e ta lërë vetë atë, po të shkojë t’ia tregojë rrugën…, pastaj tjetri i thotë që të marrë gomarin dhe t’ia ngarkojë mendtë e tij!? Ky “orientalisti” sikur qenkësh ndier i ofenduar pse ky “shqiptari evropian” i ishte drejtuar me atë fjalinë: “Ik o anadollak dhe qeleshexhi i Perandorisë Otomane”(!?). “Anadollaku” nuk ia paska vonuar “xhevapin” duke i thënë: “Ti i përngjan asaj letre tualeti të prodhuar diku në Evropë”(!?).
Një i moshuar që ishte dukur atypari dhe që hiqej si puro shehërli i vjetër, u paska hyrë ndërmjet me qëllim që t’i qetësojë “gazetarët e ngatërruar” (Stërgjyshë-rit tanë dikur moti kishin thënë se ku janë dy vetë, mos u bëj i treti). Ky “shehër-liu“ që kishte rastis ta dëgjonte këtë “muhabet ngul e shkul”, i kishte pyetur për “sebepin” e kësaj ngatërrese. Njëri që dukej më “fodull dhe që çante trapin, po edhe që i binte fyellit në një vrimë”, i përgjigjet “… e gjithë kjo mesele ka të bëjë me bombat, gjegjësisht me skandalin e përgjimeve “të prodhuara nga ana e kryeparit të partisë politike maqedonase në opozitë”(!?). Shehërliu tha: “Po çfarë të keqe ka këtu!?” Që të dy ashtu në kor dhe ashtu me një zë, ia kthyen: “Të gjitha këto përgjime dhe bomba janë njënacionale…, përse nuk ka një bombë edhe për ne shqiptarët”(!?). Eh, ju “axhaminjtë e mi”, po ç’na duhet bomba e Zaevit, kur ne kemi një të tillë tonin, ua ktheu “shehërliu“.
Para se ta përfundojmë ne këtë “muhabet ngul e shkul”, do ta lakojmë atë meselenë e fshatarëve të cilëve dikur moti mbreti u kishte dhuruar një elefant.., por ama elefanti si elefant, u kishte bërë shumë “zullume”. Një ditë, fshatarët kishin vendosur që të shkojnë te mbreti për t’ia shpjeguar “dertet” e tyre. Fshatarët, kishin emëruar kryeplakun e katundit i cili do t’i rrëfehej mbretit për shqetësimet e tyre. Por ama gjatë rrugëtimit, numri i fshatarëve kishte filluar pak nga pak të “shterej”…, dhe në fund kryeplaku kishte mbetur vetëm. Dhe kur futet në oborr, mbreti e pyeti: “Ç’hall të solli këtu?” Kryeplaku i kishte thënë: “Lartmadhëria Juaj, bashkëfshatarët e mi, kërkojnë prej jush t’ua sjillni edhe dy elefantë”(!?)
Ky Rufati, që nuk është i kompleksuar e as i frustruar, para se të ikte më pyeti: “Hë, mor jaran, pa më thuaj kujt do t’ia “ngulësh“ këtë shkrim?!” Ia ktheva – ideatorit!?
HARRESË E QËLLIMSHME PËR “ANËN E ERRËT TË HËNËS” SË KORRUPSIONIT SHQIPTAR?!
Njohësit e yjeve thonë se Hëna, planeti ynë, ka dy anë, të dukshmen dhe të padukshmen, të ndritshmen dhe të errëtën.
Të ndritshmen, asaj që çdo katërmbëdhjetë ditë ndërron formë; herë hollohet, hollohet sa bëhet drapër gati të korrë yjet, e herë mbushet e mbushet për tu shndërruar në “Hëna pesëmbëdhjetë” e për të joshur penat e poetëve dhe muzën e të dashuruarve. E kush poet nuk i ka thurë vargje Hënës! E kush i dashuruar nuk ka folur me të për të përcjellë dashurinë pa kufi!
E errëta, e errët ka qenë, është dhe do të mbetet. Të paktën e errët do të mbetet për njerëzit e thjeshtë, se njerëzit e ditur ia dinë boll mirë të fshehtat…
Nga valët satelitore që vijnë e zbresin nga kamerat e televizioneve të mëdhenj e të vegjël, një mori e tërë “opinionistësh” e politikanësh të dëshpëruar po flitet zellshëm për Doshin dhe Frrokun, për skenarë vrasjesh të mbetura në mes të rrugës, për arrestime e dënime me “arrest shtëpie”, për sekrete hetimesh zbrazur rrugëve.
Nga tërë kjo pulari mediatike nuk merr vesh se kush kakaris më shumë, pulat apo gjelat e politikës.
Të duket sikur të gjithë, opinionistë e politikanë, kanë vënë përpara nga një dybek të mbushur me ujë dhe e tundin kush e kush të nxjerrë më shumë gjalpë. Nuk nxjerrin asgjë veç stërkala që pasi u përplasen në fytyrë rrjedhin rrobave sa i bëjnë qull.
Ajo që nuk flitet është “ana e errët e hënës”, burimet e pasurimit galopant ngjitur deri në aulën e parlamentit. Prokuroria kërkon që Doshi e Frroku të mbahen në burg sepse me pasurinë marramendëse që kanë. Kësaj nuk i hullet askush, nuk e prek se “djeg e përvëlon”.
Shqiptarëve nuk mund tua zhvoshkës kujtesën e njëzet e pesë viteve të shkuara kur të gjithë hynë në “shekullin e demokracisë” me nga “dy divane” e “dy palë ndërresa”, me “një dhomë e një kuzhinë” apo “dy dhoma e një kuzhinë”…
Në një bisedë të lirë pas bisedës zyrtare midis P., asokohe Ministër i Jashtëm i Greqisë dhe N. asokohe (1997) Kryeministër i Shqipërisë, fjala u ndal edhe tek shqetësimi i Kryeministrit tek pritat në rrugë, zhveshjet e udhëtarëve në autobusë e në mjete transporti nën grykën e kallashnikovëve, prita deri me viktima me marrje jetësh e plagosje të rënda. Një mik imi, kompozitor i njohur shkodran, më ka ngjethur mishtë tek më përshkruante (në një intervistë me Të) plumbat e kallashnikovit mbi trupin e tij në autobusin e linjës Tiranë-Athinë dhe “bukën e dhënë” që e nxori nga koma dhe e risolli në jetë.
P., një filiz i njohur i familjes së madhe arvanitase i thotë N.
“Mos u mërzisni! Kështu do të krijohen të pasurit e rinj edhe në Shqipëri. Të parë e mi, katër apo më shumë breza më parë, kishin “çelësat e Athinës ”. Karvanët nuk mund të kalonin Elefsinën pa paguar haraç. Kështu ne u bëmë të pasur. Ka kaluar shumë kohë dhe të gjithë grekët na quajnë të pasur, nuk merret kush me burimin e pasurisë sonë, e quajnë atë të ligjshme. Edhe tek ju, pas një apo dy brezash, kështu do të ndodhë, pasuria e krijuar me vjedhje, vrasje, mashtrime do të quhet e ligjshme…”
Thuhet si në legjenda se Onasi i famshëm, një ndër më të pasurit në botë, një ditë takohet me një shok të fëmijërisë, një njeri me autoritet të lartë në fushën e shkencës. Tek pinin kafe shoku i thotë:
“Unë punova tërë jetën dhe nuk u bëra i pasur. Si vihet pasuria?”
Onasi buzëqesh dhe i thotë:
“Pasuria nuk vihet me punë”…
Një specialist ndërtimi në mërgim, punë kjo nga më të paguarat, merr më shumë euro se sa merr zyrtarisht një deputet i Kuvendit të Shqipërisë. Ai ka arritur të ketë një shtëpi të veten në vendlindje, e ka kompletuar atë në mënyrë modeste dhe i gëzohet sa herë shkon të shuajë mallin në Atdhe. Vetëm kaq i ka dhënë puna e tij me djersën e ballit shkrirë në llaçin me gëlqere dhe çimento. Ndërkohë që deputetët, ministrat, kryetarët e bashkive…në vendin e tij kanë vila në bregdet e pasuri marramendëse depozituar në banka të Zvicrës.
Në Shqipëri komentatorë, politikanë, njerëz në rrugë, njerëz me vështrim në katrorin e vogël të televizorit shtëpiak flasin për “bishtin e dhelprës” sipas motivit “E lagu, s’e lagu” por askush nuk flet për dhelprën në gojën e së cilës jeton grahmat e fundit pula.
Në Shqipëri flitet për anën e dukshme të Hënës, atë që shkëlqen natën në qiell të pastër, nganjëherë edhe për atë që fshihet midis reve, por askush nuk flet për anën e errët të saj, gjysmën e padukshme.
Mbase Shqipëria do të nisë të ngrihet një ditë nga udhëtimi barkas e gjunjazi e do të ngrihet në këmbë. Kjo do të ndodhë kur njerëzit të kërkojnë të shohin në dritë të diellit “anën tjetër të Hënës”, pasurimin e pushtetarëve nëpërmjet vrasjeve, vjedhjeve, drogës, prostituimit, mashtrimit…
Kjo do të ndodhë kur prokurorët ta nisin hetimin tek “Ora e dorës njëqindmijë euro”, tek makinat e blinduara dyqind mijë euro, tek vilat në Gjirin e Lalëzit, Malin e Robit, Himarë, Razëm…tek “kryeministrat, gjyqtarët, ministrat, bosët e mediave…” dhuna pasurore e të cilëve është marramendëse.
Njohësit e yjeve thonë se ma sa mund të dalë në dritë të diellit “ana tjetër e hënës” aq do të dalë në dritë ana tjetër e medaljes së korrupsionit.
Të parën e mbrojnë ligjet e natyrë…
Të dytën e mbrojnë ligjet e pashkruara të korrupsionit…
Abdurahim ASHIKU
Athinë, prill 2015
SHSHA NË ÇIKAGO REAGON NDAJ DEKLARTATËS TË PRESIDENTIT TË SHQIPËRISË
…Nuk e dimë se a është në dijeni presidenti shqiptar me të dhënat aktuale të Kushtetutës në Maqedoni,ku populli shqiptar si popull i dytë shumicë me një përberje kombëtare prej 40 për qind,ende e ka shenjën e ,,barazisë,,kombëtare pakicë me pakicta tjera dhe në takimet e këtij niveli ndërshtetror Shqipëri-Maqedoini,ai kërkon nga perferia e kabintetit të tij që të ,,zbatohet Marrëveshje e Ohrit,,(!)./
Shkruan: Skënder Karaçica/
Executive Director/
Tirana zyrtare e ka bërë refren,,politik,,çështjen e Marrëveshjes së Ohrit dhe mos gadishmëria e saj politike dhe diplomatike që çështjen e (pa)zgjidhur shqiptare ta shohë në dritën e ligjeve kushtetuese.Më këto të dhëna e nisë reagimin SHSHA në Çikago që ka të bëjë me takimin e presidentit shqiptar Bujar Nishani me presidentin e Maqedinisë Gjorgje Ivanov në Tiranë.Saherë që zyrtarët e shtetit shqiptar takohen me përfaqësuesit e shtetit të Maqedonisë,nuk harrojnë të përmendin Marrëveshjen e Ohrit,që sipas tyre është i vetmi ,,mekanizëm ligjor,,(sic!)që do të zgjidhë çështjen e lirive dhe të drejtave të popullit shqiptar në hapësirën e vet etnike,thuhet në reagimin e SHSHA-së.
Duke hedh dritë për aktualitetin shqiptar në Maqedini,SHSHA rithekson se nuk ka vend dhe popull në botë që vlerat e lirisë dhe të demokracisë mund ti gëzojnë vetëm përmes marrëveshjeve politike e ushtarake!Atëherë pse Tirana zyrtare dhe presidenti Bujar Nishani janë kapur aq shumë në ,,kornizën ligjore,,të Marrëveshjes së Ohrit që për kohën shqiptare nuk ka asnjë vlerë juridike,politike dhe diplomatike,ngaqë edhe ata që e përgatitën MO-në nuk besoj se ju bjen nërmend se paskësh një marrëveshje që ,,garantojnë liritë dhe të drejtat e shqiptarrëve,,(sic!),thonë zëshëm në SHSHA.Nuk e dimë se a është në dijeni presidenti shqiptar me të dhënat aktuale të Kushtetutës në Maqedoni,ku populli shqiptar si popull i dytë shumicë me një përberje kombëtare prej 40 për qind,ende e ka shenjën e ,,barazisë,,kombëtare pakicë me pakicta tjera dhe në takimet e këtij niveli ndërshtetror Shqipëri-Maqedoini,ai kërkon nga perferia e kabintetit të tij që të ,,zbatohet Marrëveshje e Ohrit,,(!).
Për orët politike të aktualitetit shqiptar në Maqedoni,po i tregojmë presidentit shqiptar Bujar Nushani se ,,kornizën ligjore,,të Marrëveshjes së vdekur të Ohrit nuk e kanë në sirtarët e veta të kabinetit asnjë zyrtar të Maqedonnisë,ndërsa Tirana zyrtare në margjinat e diplomacisë për ruajtjen e barmetrit me fqinjët e thotë në formë refreni Marrëveshjen e Ohrit e harron aty ku duhet të bisedohet pozita(jo)kushtetuese e popullit shqipatar në Maqedoni që pdrejtësisht ka mbetur në kodet e ligjeve tash e njëqind vjet (vetëm)si pakicë me pakicat tjera e jo me shenjën e vertet të barazisë kombëtare të shtetndërtimit në këtë vend me një rrugë të brishtë të proceseve demokratike,thuhet në fund të këtij reagimi nga Çikago.
Betim primitiv i deputetit Mark Frrokut me Kanun dhe si malësor
Nga Arben Llalla/
Fjalimi i deputetit Mark Frrokut për betimin primitivë me Kanun dhe si malësor më duket një fjalim amator që i përket shekullit 19. E çfarë kanë më tepër malësorët se krahinat e tjera të Shqipërisë që duhet tu besojmë betimit të tyre? Tek e fundit malësorët janë shqiptar, njerëz që para ligjit duhet të jenë të barabartë si katundarët, fshatarët dhe qytetarët.
Në sallën e Kuvendit të Shqipërisë deputeti Mark Frroku u betua për pastërti malësori, por kujtesa e historisë së tij na thotë se ky malësor brenda sofrës të biznesit ka goditur në sy të gruas dhe fëmijës mysafirin që kishte bujtur për të ngrënë.
Deputeti Mark Frroku u betua se thotë vetëm të vërtetën, por sa i sinqertë është betimi i tij?
Në historinë personale Mark Frroku ka vërtetuar se ka gënjyer të paktën dy herë institucionet shtetërore të Belgjikës dhe Shqipërisë. Ai në Belgjik është deklaruar para autoriteteve me identitet të rremë, pra ka vjedhur identitetin e dikujt. Ndërsa autoritetet shqiptare i ka gënjyer në deklarimin ku ka marrë mandatin si deputet për fshehjen e dënimit më gjobë për plagosje në restorantin e tij në vitin 2012. Për deri sa ka gënjyer dy herë se ka problem të gënjejë edhe për herë të tretë deri në pafundësi.
Në një shtet demokratik nuk luajnë rol ligjor betimi njerëzor, betimi në Zot, në Kanun apo ligjet primitive. Nëse Shqipëria dëshiron të jetë pjesë e BE, ajo duhet ti flaki tej zakonet kanunore që i përkasin shekujve të shkuar dhe betimit në Zot, sepse është shtet Laik dhe jo fetar.
Ka ardhur koha që politika shqiptare të zhvishet nga elementet mafioze dhe kriminale, ne të gjithë i dimë, i njohim, por është marrëveshja mafioze midis gjykatësve dhe avokatëve që bëjnë të mundur që kjo mafie mos të zhduket, mos të burgoset përjetësisht. Sepse policia e arreston në flagrancë mafiozin e mbrojtur nga politike, prokuroria e dërgon në gjyq, ndërsa gjykatësi i jep dënimin e ulët pasi ka përfituar miliona lek me ndërmjetësimin e avokatit.
QEVERITARË TË KOSOVËS, PO KEQTRAJTONI QYTETARËT QË JU KANË DHËNË VOTAT
Letër e hapur zonjës Atifete Jahjhaga ,Kryeministrit Isa Mustafës, qeveritarëve dhe institucioneve të Kosovës!/
Shkruan: ASLLAN BAJRAMI/
Presidentes së Republikës së Kosovës,
Znj. Atifete Jahjhaga,
Zoti Kryeministër Isa Mustafa ,qeveritar,parti në opozitë dhe jo opozitë,institucione dhe organe drejtuese të Kosovës me lejoni t’ju drejtohem me këtë letër të hapur mbi zërin e arsyes nga diaspora shqiptare nga shtetet e Evropës ku jemi ne të përqendruar përkohësisht,reagoj në emrin tim por edhe në emër të shumë biznesmenëve mërgimtarë,po edhe masës së gjerë të Diasporës shqiptare mesa vijon:
Duke u mbështetur në situatën e rënd ekonomike , politike dhe kulturore në atdheun tonë me një gjendje ekonomike të keqe dhe të pa shpresë,vendosa t’u drejtohem publikisht,sepse koha po tregon paaftësinë tuaj vepruese si udhëheqëse shteti me pasuesit e juaj qeveritar në krye me Isa Mustafen me ish Zotin Thaqi dhe të tjerë. U krijuar një hendek paralizues i institucioneve,po thuajse jo funksionale në të gjitha strukturat e tij.Sot populli i Kosovës ,qeveria institucionet e saj kanë humbur trendin politik për çka janë mandatuar,po edhe me fajin e popullit që ju dhanë votën në zgjedhjet elektorale duke vepruar sipas proverbit “Dikush thumbit e dikush patkoit”ma në fund s’dihet ma kush është zot shtëpie,të zhytur në korrupsion,kriminalitet dhe vjedhje!.Ka kohë që kam menduar t‘ju drejtohem me një shkresë apo më mirë me thënë me një letër të hapur,ngase shpresat , durimi dhe pritja e gjatë dhe e stërgjatë skadojë, pa as edhe një shpresë që situata do të përmirësohet në të mirën,fillimisht të popullit në Kosovë,po edhe pozicioni i mërgatës tonë të mrekullueshme. Ajo prej jush është gjithnjë duke u keqtrajtuar,injoruar dhe shfrytëzuar nga karagjozë të pa ndërgjegjësohem pranë jush zonja Presidente dhe juve zoti Mustafa me kompaninë tuaj”Politike”.
Shkaku dhe arsyet e letrës?
Shkas-motiv i kësaj letre të hapur ishte vizitat e juaja zonja presidente dhe shumë qeveritarë dhe delegacioneve të Kosovës tek diaspora shqiptare këto ditë!?. E harruar Diasporën shqiptare duke e zhgënjyer, pos në rastet e tilla të vizitave të ndryshme duke luajtur rolin e lypsarëve! Vizitat e juaja tash janë pas orës dymbëdhjetë , pasi u zhvesh i gjithë kapitali dhe djersa e mërgimtarëve nga Diaspora. Investimet e tyre u zhduken,nga ju që në emrin e lirësie e shkatërruat qenien shqiptare si emigrant.Ju ishit ata qe themeluar edhe partitë e rrejshme në Diasporën shqiptare sa për ta dobësuar dhe përçarë në mes vete.Praktika e juaj ka sjellë një përçarje në gjithë shtetet ku jeton ky komunitet. U përçamë deri në Amerikën e largët që ishim vepruam dhe kontribuuam për populli,lirinë dhe “Pavarësinë e Kosovës”!Sot në saje të politikës së juaj “mbi tre shqiptar,s’mund të bashkohen!.
Edhe unë isha viktimë e atij terrori serb,andaj emigrova ,si ish i burgosur politik,bashkë me mijëra student,profesor dhe intelektual për “Republikën e Kosovës të Pavarur!
-E kujtoj me dhimbje, i thyer në shpirt,i lënduar në zemër të kaluarën dhe sakrificat shekullore të mërgimtarëve. E kujtoj me dhembje nocionin refugjat që ta vret vëmendjen t’i kthehesh të kaluarës së tyre, që ikën nga vendi i vet për t’i shpëtuar presioneve dhe represioneve,personale dhe familjare, po edhe kolektive,nga tokat tona në Greqi, në Serbi,në Maqedoni nga Mali i zi, por me thekës të veçan,me rrëqethet lëkura ,kur kujtoj represionet e serbeve kundër popullit shqiptar të Kosovës. Edhe unë isha viktimë e atij terrori dhe ish i burgosur politik me vuajtje dënimi me vite bashkë me mijëra student,profesor dhe intelektual tjerë qe u dergjëm në kazamtet serbe për Republikën e Kosovës!. Ishim në burgje për një ditë ma të mirë për këtë populli .Represioni dhuna dhe terrori serb, na përplasi si refugjatët rrugëve të Evropës,duke ja kthyer shpinën Kosovës, kah këmbët edhe sytë!Koha i përplasi në të gjitha kontinentet. Mërgata shqiptare ,apo si po shprehet sot nëpër media”Diaspora Shqiptare” pati vlerat e përhershme nga të gjitha periudhat ne historinë e sajë,duke përshirë edhe kohën e rilindësve.Ata nuk heshtën,po veprimtarinë e vet kombëtare e shtrinë në gjithë Evropën e më gjerë. Ata ishin dhe luajtën rolin kryesor në “Shpalljen e Pavarësisë së Shqipërisë” në krye me Ismail Qemail Vlorën,që arriti nga mërgimi dhe u bë emblemë e historisë shqiptare.Ky aktivitet nuk u ndal edhe në kohërat e ma vonshme siç është rasti i Kosovës. Diaspora shqiptare ishte bërthama dhe promotori kryesor i aktiviteteve,për themelimin e UÇK-së,që pati rolin kryesor në frontin e luftës. Me mijëra djem edhe luftëtarë nga diaspora u rreshtuan në frontin e luftës,duke e lënë luksin e shteteve perëndimore për çlirimin e Kosovës.Një numër i madh edhe i lanë eshtrat në frontin e luftës dhe nuk u kthyen kurrë ma në gjirin familjar të fëmija e vet. Sot një numër i madh nga ta kanë mbet pa përkrahje dhe pa mbështetje,të varfër dhe në skamje madje edhe të përbuzur nga komandantët e natës të Bllacës dhe të hoteleve në Tiranë!!!???…Sot manipulohet edhe me statutin e veteranëve si pjesëmarrës të luftës frontale duke ja zbehur vlerat nga përfituesit materialist.
Diaspora shqiptare ngritën vëmendjen ndërkombëtare për “Republikën e Kosovës” Kriminalitetin që ju,e prodhuat në qeverisjen tuaj gëlltitët më miliarda euro!
Diaspora shqiptare ishin që ngritën vëmendjen ndërkombëtare me protestat e veta në të gjitha kontinentet e botës për “Republikën e Kosovës”. Ata dhanë kontributin e vet duke e mohuar edhe vet-veten me financa materiale për çlirimin e Kosovës edhe arritjen e Pavarësisë së Kosovës ,nga e cila, ju po e hani nektarin e Pavarësisë në karriget e buta pa e vra ndërgjegjejen për pozitën e vështirë të popullit, që gjendet në skajshme të varfërisë dhe pasigurisë. Kriminaliteti që ju,e prodhuat në qeverisjen tuaj gëlltitët më miliarda euro nga e cila tani edhe faktori ndërkombëtar kërkon llogari se ku i latë paratë dhe miliardat e investuara!?. Kurbetëçarët e ndalen edhe kafshatën e bukës ndaj familjes se vet për ta rindërtuar Kosovën e pasluftës.-Diaspora ishte ajo që furnizoj me armë,Ushtrinë tonë të lavdishme në luftën kundër Serbisë. Kontingjentet e ndihmave shumë kilometrashe,ishte nga mërgimtarët në të gjitha cepet e kufijve për ta rindërtuar Kosovën. Ato mjete u futën në Kosovën tonë të dashur, por u keqpërdoren nga grupe mafioze politikajsh që nuk lanë gjë pa rrokullisur duke e shitur dhe privatizuar!?. Diaspora numëron një numër të madh biznesmenësh që investuan në Kosovë më shpresë se do të rimëkëmbim Kosovën e rrënuar nga pushteti serb-jugosllav.
Investimet e huaja në Kosovë ishin si rezultat i vet Diasporës!
Diaspora shqiptare me miliarda investoj në Kosovë,por kaluan në duart e mafisë që me taktikë,dhunë dhe frikë krijuan panik të biznesmenët,që investuan në Kosovë me qëllim të mos konkurrencës. Ato mjete u avulluan u treten u falimentuan dhe u avulluan nga represioni barbar që ushtuan ndaj tyre në emër të korrupsionit,ryshfetit dhe kriminalitetit ekonomik,duke i kushtëzua,shantazhuar deri me kidnapime dhe vrasje.Investimet e huaja në Kosovë,ishin si rezultat i vet Diasporës duke tërhequr investitorët e huaj me shumë peripeci,mundim edhe dialog deri sa janë bindur qe te investojnë në Kosovë. Kushtëzimet qe ju vuan 20 deri 30%, tu epën në dorë, haraçelinjëve ishte si pozicioni i parë qe u tremben të huajt dhe biznesmenët shqiptarë. Ata dhe biznesmenët shqiptar nga Diaspora u kushtëzuan nga gjysmë analfabetët që e kapen shtetin, e uzurpuan shtetin dhe ekonominë,kulturën dhe vlerat e tij po edhe ne fushën ekonomike të zhvillimit.
Presidentja dhe shumë qeveritarë, po e vizitojnë Diasporën duke luajtur rolin e lypsarëve!
Delegacionet e njëpasnjëshme të Kosovës duke filluar nga Presidentja dhe shumë qeveritarë, po e vizitojnë Diasporën duke luajtur rolin e lypsarëve. Këtë e praktikuan në shumë shtete perëndimore ku është i përqendruar emigracioni shqiptar duke kërkuar edhe ndonjë budalla që t’i hedh parat e veta në zjarr.Nuk ka ma budallenj të derdhin kapitalin e vet në duart e bandave.Paratë mos të harrojnë qeveritarët e Kosovës se me djersë dhe duar të përgjakura dhe mund të madhe i bëjmë. Diaspora nga zhgënjimet,humbjet dhe injoranca që po i bëhet qytetarëve të saj nga tip matrapazësh që nga pika kufitare janë të indinjuar. Atje bëjnë lloj,lloj maltretimesh duke i shkelur edhe ato pak rregulla që janë përligjur për Diasporën. Ne jemi të indinjuar që ta shprehim revoltën tonë edhe në këto momente aktuale. Me keqardhje protestoj në ketë gjendje dramatike që po e përcjell Kosovën. Për atë popull humbëm rininë nëpër burgje,në luftëra që ta sheh një ditë dritën.Atë dritë që e përfituam me gjak dhe e çliruam vendin nga okupatori, karagjozët e Kosovës, pra këtë popull e lanë në terr akoma me të pa drejtë.
Në vend që ti stimuloni prodhuesit tanë, ju ja qitni lakun në fyt me prodhimet e huaja posaçërisht nga Serbia!
Mjaft ma ngopnu njëherë,bëtë vila,hotele dhe pompa benzeni pa limit ,ngopnu…Ju nuk keni potencial as dije të hapni fabrika,të futeni në prodhime për hapjen e vendeve të punës dhe sigurimin e ushqimit për popull. Në vend që ti stimuloni prodhuesit tanë, ju ja qitni lakun në fyt dhe i futni prodhimet e huaja pa afat duke i mbledhur mbeturinat e mykura nëpër bodrumet e Evropës,posaçërisht nga Serbia!?. Karagjozët gjysmë analfabet të Kosovës që e udhëheqin sot Kosovën mjaft ndërtuan pallate me blloka të kuq dhe e shëmtuan infrastrukturën e Kosovës në formën ma të egër dhe ma barbare.Ata zunë tokat ma pjellore në Kosovë dhe ngritën pallate pa plane dhe me financa të dyshimta!.Mjaft i nxunë arat dhe tokat e bukës,andaj nuk keni çka kërkoni nga “Sharcat e Perëndimit” që shpesh dëgjohen edhe super fjalë ofenduese “na erdhën Sharcat”apo budallenjtë e Diasporës.
Nuk mund ta ulim kokën nga një klasë politike që lejoj lloj lloj misionaresh të Euleksit të thyejnë ligjet ndërkombëtare me kriminalitet,vjedhje dhe keqpërdorime në Kosovën tonë!
Nuk është për ta ulur kokën sot pran jush,që vratë popullin deri në vdekje në të gjitha sferat. Nuk mund ta ulim kokën pranë intrigantëve qeveritar në Kosovë,kur edhe një rruge nuk i la popullit për një shpresë, që Kosova do të bëjë progres në interesin e qytetarit.Nuk mund ta ulim kokën nga një klasë politike që keqpërdori vlerat dhe institucionet tona duke i lejuar lloj lloj misionaresh të Euleksit të thyejnë ligjet ndërkombëtare me kriminalitet,vjedhje dhe keqpërdorime siç ishte rasti i vjedhjes se miliona eurosh që ishin dedikuar për pasaportat biometrike. Ku mbeten miliona euro që u vodhën në Elektro-Kosovë nga punonjësi i Euleksit, ku mbeten me miliona të diasporës shqiptare nga e gjithë bota sot përballen populli me mbijetesë!.Shtrohet pyetja a me i ruajt dhitë ju votoj populli ju qeveritarë dhe deputet të Kosovës.Mos të harrojnë qeveritarët aksidental që po e qeverisni vendin,se “Diaspora Shqiptare ka qenë ,është dhe do te jetë me timonin flamurtar për të mirën e atdheut edhe atë, deri në Bashkimin përfundimtar të Shqipërisë,që pulpat e këmbëve u dridhen nga këto mesazhe madhore,kur i dëgjoni,e lere ma me marre iniciativa zyrtare qe juve u takon ta mekanizoni në instancat ndërkombëtare pasi Republike e Kosovës e keni bërë mish mashë. Ajo gjithmonë në gjirin e vet,ka pas intelektual,biznesmen dhe krijues. Çdo fëmijë i yni sot din dy e tri gjuhë të huajt,ndërsa deputetet e Kosovës as edhe gjuhen e vet shqipe,nuk e njohin mirë. Larg mbani shpresat,se do të gjeni ma budallenj, që nën tavolina i keni kërkuar përqindjen dhe haraçet.Biznesmenët shqiptarë nga diaspora ma mirë i fusin paratë në shtetet që kanë siguri financiare sesa bandave kriminale për trashjen e xhepit të tyre manë fund si dhuratë falin rininë dhe popullin ma vital Evropës,edhe atë përmes Serbisë ish pushtuese që zhvilloj terror me shekuj ndaj këtij populli.Edhe biznesmenët shqiptarë nga jashtë ndiqen nga Kosova duke i ngarkuar me lloj, lloj akuzash si pretekst mos konkurrence me teknologji moderne evropiane pikërisht me atë gjermane. Zonja Atifete,ku pate fytyrë me vizituar Zvicrën?,kur pikërisht nga Zvicra biznesmeni zviceran u kushtëzuar ta lëshoj vendin me mbi 300 punëtor dhe i bëri thirrje opinionit zviceran mos të investohet në Kosovë!!!.Atij ju lypen me qindra e mijëra euro haraç,nëse donte me vazhdoj veprimtarinë duke ju kërcënuar edhe me vrasje.Ai iu shmang vrasjes dhe mafisë kosovare,po mbeten 300 familje pa bukë,mbet Kosova me imazh të keq para Zvicrës, që sot jetojnë mbi 500,000 shqiptarë në atë vend.
Ju ishit ata që e anashkaluat Diasporën edhe në votime,por edhe në regjistrimin e saj.
Institucionet e Kosovës e harruat “Diasporën Shqiptare” për ta ruajtur karrigen tuaj. Organet dhe institucionet qendrore të Kosovës nuk janë preokupuar fare me këtë projekt delikat dhe me rendësi. Regjistrimi i popullsisë së fundit në Kosovë mbeti mjaft komplekse dhe konfuze. Projekti i shumë pritur nga populli i Kosovës për regjistrimin e popullatës pa u përfshire “Diaspora Shqiptare” krijoj një dilemë se ne shërbimin e kujt jeni ju?!. Aty mbeti pa u përfshirë gjithë territori i Kosovës pikërisht veriu i Mitrovicës. Në regjistrimin e fundit të popullsisë në Kosovë ,ajo ngeli pa miliona banorë që ju i mohuat, prandaj ajo po i kushton Kosovës edhe me numër që ja përgjysmuat… Për përjashtimin e diasporës nga procesi i regjistrimit si popullsi e përgjithshme e Kosovës, përveç Ministrisë së Administratës Publike dhe Entit Statistikor të Kosovës, përgjegjësi kanë pas në radhë të parë Kuvendi i Kosovës,me organet kompetente dhe veçanërisht Zyrëja e Regjistrimit të Popullsisë!.
Qeveria e Kosovës duhet të ketë edhe përfaqësuesit e vet nga Diaspora!
Prandaj kërkesat nga ne që të financojmë mos pritni. Ju fillimisht ndërgjegjësoni dhe ndërtoni institucionet e juaja që ta favorizoni qytetarin, po edhe Diasporën Shqiptare. Kriminelët burgosni,apo eliminoni nga skena politike me kusht që të kthehet besimi i humbur në organet e juaja. Qeveria e Kosovës duhet të ketë edhe përfaqësuesit e vet nga Diaspora. Me këtë rast ftoj edhe popullin që skamjen,varfërinë,pasigurinë edhe ekonominë tuaj në buzëgreminë edhe për një kafshatë bukë,bëni revolucion dhe ndryshone situatën,dhe këtë të keqe që ju mbeti në derë edhe me fajin e juaj përmirëson. Popull merrnju kapitalin kriminelëve qe u pasuruan në shpinën tonë dhe tuajën. Me votën e juaj i rritët,po rrënoni vet siç i rritët për kokën tuaj!.Bashkë me qeverinë duhet të ndërgjegjësohen,të gjitha institucionet tjera që mërgimtarit apo një investitori të huaj t’i sigurohet kapitali i tyre,jeta dhe lehtësimi deri në operimet e tyre në veprimtaritë që mendojnë të investojnë. Po,që kërkohet edhe kafen,ju duhet t’u qitni në kufi e lere qe t’i pengoni duke ju kërkuar “hise”pa qenë aksionar fare. Sot”Diaspora Shqiptare”sipas statistikave të lartshënuara ka me miliona njerëz jashtë vendi pa kurrfarë përfaqësimi në organet e Kosovës as në Parlamentin e Kosovës!?.
Ju ishit kasap ndaj biznesmenëve te Diasporës,por edhe ndaj vendaseve ndryshoni, ligjet në të mirën e ekonomisë!
-Juve ju dha rasti të bëheni kasap ndaj biznesmenëve te Diasporës por edhe atyre vendas, siç ishte rasti i një biznesmeni kosovar që me lot në sy e lëshoj Kosovës dhe mësyu Bullgarinë nga super politikajtë që qeverisin vendin,ma në fund me vetëdije apo pa të,po i mihin varrin Kosovës. “Mërgata ka investuar ma parë ,po tash do të hezitoj të investojë për shkak të burokracisë, korrupsionit, haraçit dhe sistemit të drejtësisë qe 16 vjet është fajtore si pozitë ashtu edhe opozitë të dobët.
Me shpërnguljen e popullatës nga Kosova,po i realizohen planet Serbisë me parullën “Vellika Serbija” Serbia e madhe!
-Këtë ma se miri i tregon fenomeni e boshatisjes së Kosovës nga populli ma vital për punë.Po i realizohen planet Serbisë që një ditë,pa popull nuk mundet t’i rezistohet nga shprehjet hegjemoniste të saj dhe antishqiptar. Zotërinj qeveritarë,po qe vazhdoni kështu me këtë politikë qyqare do ta rrezikoni edhe parlamentin nga një grusht serbësh unik që me një të ardhme të shkurt do të jenë faktor vegimtar për Kosovën.Ata po e shfrytëzojnë përçarjen e partive tuaja politike,të shumta në numër, po pa vlera në politikë,madje edhe si veprimtare,deri në ato islamike me aktivitete ekstremiste qe e mohojnë çdo gjë shqiptare. “Diasporën shqiptare ”, me gjithë kompleksivitetin e vet dhe zhgënjimin shumë vjeçar në qeveritë e Kosovës, ajo është thellë e indinjuar. Në këtë rast sa vjen e rritet akoma pakënaqësia duke konsideruar që të gjitha investimet e tyre në Kosovë janë të dështuara,mospërfillja e tyre gjatë pushimeve dhe vizitave në atdhe, keqtrajtimi i tyre nëpër pika kufitare ,(për një dokument terë familja ka pas rast qe e ka humbur pushimin pa kurrfarë arsye ku në shtetet perëndimore mund të zgjat vetëm 5 minuta rregullimi i tij )A do të mundin qytetarët e diasporës me i përballua këtij terrori psikik dhe fizik,le të mbetet ta shohim në të ardhmen,por me këtë politikë që ndiqet tani në “Shtetin tonë e pavarur të Kosovës” së përgjakur dhe të shtrenjtë e paguam ,ne të Diasporës. Prapë po ia lëmë kohës se apo del ndonjë forcë politike t’u ndalë hovin kësaj “Qeverie të Kosovës”apo për ndryshe do ta qoj popullin edhe ma thellë në qorrsokak duke u nxitur shpërngulja ,skamje dhe mjerimi…
*Autori i letrës është gazetar,publicist,ish i burgosur politik,anëtar i kryesisë së Lidhjes së Shkrimtareve,Artisteve dhe krijuesve shqiptarë në Gjermani,poet dhe veprimtar shumë vjeçar për Kosovën dhe humanitar me banim në Gjermani.
- « Previous Page
- 1
- …
- 572
- 573
- 574
- 575
- 576
- …
- 764
- Next Page »