KUR FLET SOVRANI TE TJERËT HESHTIN!

November 10, 2016 by dgreca

MIRËNJOHJE PER BUSHËT DHE KLINTONËT, SUKSESE PRESIDENTIT DONALT TRUMP!/

I nderuar z President!

Sovrani me voten e lirë e dha verdiktin e tij. Ai i besoj fuqisë së fjalës tuaj uitmaniane per ndryshim , populli amerikan ju mandatoj si president i 45-tê i SHBA. Edhe liderët më të medhenj politik mund te gabojnë por kombet e lira janë të pagabueshem ne verdiktin e tyre.Ju premtuat solemnisht se do të jeni president i gjithë amerikanëve duke dhenë mesazhin e madh të bashkimit të kombit. Kjo u konfirmua dhe nga kanditatja Klinton dhe presidenti në detyrë Barak Obama. Ketu qendron sekreti i mrekullisë së demokracisë amerikane dhe i lidershqipit të saj politik.z President Amerika pati fatin te udhehiqet prej dy shekujsh e gjysëm nga burra mendjendritur e vizionarë si Uashingtoni, Xhefersoni, Frenklini, Linkolni, Uillsoni Ruzvelti e Kenedi ( mbreti Artur i kohërave moderne).

250 vjet me parë kur po hartohej deklerata e pavarsisë Xhefersoni,Medisoni e Hamiltoni shpreheshin: Jemi mbledhur nje ansambël gjysëm perendishë qe po projektojmë të ardhmen e Amerikës. Benxhamin Franklin na meson kush nuk lufton për lirinë nuk e meriton atë.Ne kulmin e krizës amerikane dhe botërore te viteve 30-të Ruzvelti ju drejtua bashkëkombasve te tij: Ajo qe duhet te kemi me tepër frikë eshtë vete frika Amerika e tejkalojë ketë krizë dhe u ba fitimtare e luftës dytë botërore dhe frymëzim për të gjitha kombet qe luftonin për liri dhe demokraci.Natyrshëm Franca, atdheu i lirisë toka ku lindën korifejtë botërorë si Karli i Madh, Luigji i 14-të, Napoleoni dhe Degoli, Rusoi,Volteri, Balzaku e Hygoi i dhuroj atdheut tuaj statujēn e lirise, Perendeshën mbrojtëse të Amerikës e cila do te mbajë perjetësisht të ndezur pishtarin e lirisë me moton e revolicionit francez; Liri, barazi , vllazëri.
I nderuar z President!
Xhorxh Uashingtoni lindi dhe u edukua me vlerat e larta të lirisë dhe drejtësisë nga një nanë shqiptare bija e Kosovës Marije Balaj. Testamenti i tij për të gjithë presidentët pasardhës permblidhet ne fjalët hyjnore : Amanet po ju le Shqipërinë , kombin e nanës time. Luftoni për lirinē dhe te drejtat e tij sepse eshtë kombi me fisnik i cili i dha njerëzimit 23 perandor, Konstadinin e Madh çertifikuesin e Krishtërimit, Justinianin arkitektin e te drejtës romake Shën Jereminin , Niketë Dardanin,Papa Klementin e 11-të Albani atletin e krishtërimit Gjergj Kastrioti.

I nderuar z. President

Zoti e deshi qe ju të kurorëzoheni ditën kur 6 shekuj me parë prelati katolik Pal Engjëlli shkruajti pë herë të parë ne shqip formulën e Pagëzimit: Unë ju pagëzoj në emer të Atit, te Birit, e të Shpirtit të shenjtë. Ne zjarrin e luftës e të betejave për jetë a vdekje me pushtuesit turq baballarët dhe nanat shqiptare i shqiptonin keto fjale femijëve te porsalindur që ata të mos vdisnin te paemër dhe të pa pagëzuar sipas traditës së lashtê shqiptare.

Zoti president ,

Shen Tereza, Mbretëresha e dashurisë njerzore i kerkoj presidentit Klinton :Beni diçka per çlirimin e Kosovës. Edhe ne vitet e terrorit komunist qe Shqiperia u dogj dhe u vranë mijra vetë te pafajshem nanë Tereza pak muaj para se të takohej me Zotin shkruante;

Lutem për vellezrit shqiptarë që aty te mbretërojë paqja dhe dashuria dhe Satanai te debohet nga Atdheu im.

Para 600 vjetēsh heroi legjëndar i shqiptarëve i cili mbrojti me armë mbreterinë e Napolit dhe Papatin i shkruante princit Orsini: Jam mik i vyrtytit dhe jo i fatit.
Ju fituat ne saje te virtytit, besimit te bashkëkombasve tuaj dhe vendosmërisë per te ndermarre reforma te mēdha për një Amerikē me te fortë, me tē bashkuar me besimin tek e nesermja.

Shkrimtari Viktor Hygo thotë : I lutem Zotit qe të me japē jetë sa te baj një vepër te dobishme ne sherbim të Atdheut.

I nderuar Zoti President!

Kombi im eshtë i coptuar barbarisht ne 5 shtete nga fuqitë e medha të shekullit 19-të. Shën Agostini , filozofi i madh thotē: Nje ligj qe nuk ka moral nuk edhte ligj. Amerika duke perçuar vlerat me te larta të lirisë nuk ra ne kete kurth.Presidenti Uillson ne vitin 1919 e mbrojti Shqipërinë nga coptimi.Presidenti Klinton mbrojti 2 miljon shqiptarë të Kosovës nga genocidi dhe spastrimi etnik i kasapit te Ballkanit Millosheviç.Presidenti Xhorxh Bush Junjor konfirmoj nga Tirana vendosmerinē pēr ta shpallë pavarsinē e Kosovēs.Keto janë arsyet që shqiptarët janë aleatët më besnikë të SHBA dhe ndajmē sëbashku fatin e të ardhmes dhe vlerat e mēdha të lirisë demokracisë dhe humanizmit.Në emër të ketyre vlerave ju kerkojmë te luftoni fort per të zgjidhur kauzën shqiptare ne respekt të kartës së Atlantikut ku theksohet se çdo komb vendos vetē për fatet e tij.

Zoti President, shqiptarët janë të ndarë nga intrigat e diplomacisë e politikës së te medhenjëve. Para një shekulli ministri i jashtem i Austrohungarisë konti Bertolt e mbrojti me drejtesi e heroizëm çeshtjen shqiptare.

Ju kerkojmë zoti President qe ashtu si Aleksandri i Madh 2300 vjet me parē te prisni me shpatën e drejtësisē nyjen gordiane të diplomacisë dhe intrigave antishqiptare dhe ti bashkoni ata ne një shtet e njē flamur të vetëm sipas të drejtës hyjnore, historike dhe parimeve të kartës së Atlantikut.

Ne do te jemi me ju dhe kombin tuaj ne mijëvjeçarët e ardhshëm. Armiqtë e Amerikës dhe lirisë ,goliatët e lindjes përpara se te përballen me Amerikën do te kenë perpara davidët shqiptarë

Zoti e bekoftë Amerikën dhe Kombin Shqiptar.

AZGAN HAKLAJ

Mjeshter i Madh

ish deputet i rrethit te Tropojes ne Parlamentin e Shqiperise

President i Unionit Artistik te Kombit Shqiptar

Donald Trump wins US presidency

November 9, 2016 by dgreca

The world is in shock as results Republican nominee Donald Trump wins the White House. Financial markets plummeted amidst the back-and-forth of the tense election.After several hours of too-close-to-call exit polls, Hillary Clinton conceded defeat in the early hours of Wednesday morning local time. Donald Trump addressed his supporters shortly thereafter, vowing to be president to “all Americans.”

“It is time for us to come together as one united people,” he said. To those who didn’t vote for him, he said he was reaching out for guidance and help to lead the country.

“Ours was not a campaign but a movement, comprised of people from all backgrounds and religions. Working together we will work on the urgent task of rebuilding America,” Trump told his supporter.

No dream is too big, no challenge is too great,” he insisted, saying America would no longer settle for “anything less than the best.” He said his government would put America’s interests first, but make sure that everyone was fairly dealt with. Addressing the international community, he said “We will see common ground, not hostility, partnership, not conflict.”

Trump supporters cheer

Earlier, jubilation and chants of “lock her up” erupted at Republican Donald Trump’s election headquarters in Manhattan after it was announced that he had won the key state of Pennsylvania, making his victory almost certain after a suspenseful night in which some states were decided by a razor-thin margin.

Trump supporters cheer

The Clinton campaign had earlier refused to concede as the race remained tight, but during his speech, president-elect Donald Trump said his opponent had called and congratulated the Republicans on their victory.

Another decisive factor was the relatively high numbers for third-party candidates, Libertarian Gary Johnson and Green Jill Stein, siphoning votes away from the major parties. With over 3 million votes, Johnson became the most successful third-party candidate since 1996.French far-right National Front leader Marine Le Pen became one of the first international figures to congratulate Trump on his victory.”Congratulations to the new president of the United States Donald Trump and to the free American people!” she wrote on Twitter.The result came as a shock to many as Clinton had a steady lead in the weeks before the election. She lost significant momentum when FBI Director James Comey announced the Bureau was reopening an investigation into her use of a private e-mail server while Secretary of State, only to close it again a few days later.

Trump pledges to be president for all Americans

Donald Trump was elected president of the United States after an unprecedented battle with Hillary Clinton. Trump urged Americans to “come together as one united people” after a deeply divisive campaign.

Lipa, Rockfeller dhe kauza që kërkon vëmëndje

November 8, 2016 by dgreca

Programi që zgjati afërsisht 30 minuta mblodhi shumën monetare në vleftën $ 44.630, shumë që u nis menjëherë në Kosovë pranë Klinikës mjekësore në shërbim të nënave dhe fëmijëve. Pjesa tjetër e mbrëmjes vazhdoi me biseda, fotografime nën shoqërimn e mysafirëve dhe një koktej rasti.

Nga Mimoza Dajçi/

Lajmi se Dua Lipa dhe Valerie Rockfeller Wayne do ti bashkohen kauzës për të mbështetur nënat dhe fëmijët në Kosovë, u shpërnda menjëherë në rrjetet sociale. Mbi 130 persona u mblodhën mbrëmjen e 2 nëntorit 2016 në “Russian TeaRoom, Manhattan për të përkrahur këtë nismë të rëndësishme për ardhmërinë e Kosovës.

44.630 dollarë ishte shuma që arriti të mblidhej nga ky takim bamirës në New York. Përmes një komunikate për shtyp, ato deklaruan se do ti bashkohen kauzës që kërkon vëmendjen e duhur “Le të mbështesim nënat dhe fëmijët në Kosovë, për të ndihmuar në ndërtimin e marrëdhënieve të reja midis komunitetit filantropik të Kosovës dhe SHBA, ajo çfarë ishte e rëndësishme është se këto fonde do të ndihmojnë në uljen e nivelit të vdekshmërisë së nënave dhe fëmijëve në Kosovë.

Kosova martire e heroike, që shumë gjak e sakrifica derdhi për Pavarësinë që gëzon sot. Toka që lindi trima e trimëresha. Çdo ditë Kosovë e dashur bijtë e bijat e tu po promovojnë mbështetjen tënde kudo nëpër botë në të gjitha fushat e jetës. I ngrenë vlerat kombit që i rriti dhe edukoi qysh në djep me frymën e atdhedashurisë, patriotizmit, paqes dhe lirisë.

Si bijë humane e trashëgimtare e Shenjtores Nënë Tereza, po ecën edhe filantropja e re – këngëtarja me famë botërore dhe origjinë nga Kosova Dua Lipa. Kauza dhe Fondacioni i saj “Sunny Hill”, ka si objektiv dërgesën e ndihmave për fëmijët në Kosovë. Sa gjë e bukur të kujdesesh për vogëlushët, për pafajësinë, çiltërsinë e të ardhmen e vendit. Bijë e saj është edhe Janine Mehmeti me koleget e saj Mrika Aliu dhe stafin mjekësor që kujdeset e u shërbejnë nënave të reja, që nesër të sjellin në jetë fëmijë te shëndetshëm.

Fondacioni “Aksioni për nëna dhe fëmijē” në Prishtinë ku Janine është Koordinatore për Ngjarje dhe Fonde, aplikon programe të posaçme për gratë shtazana, zhvillojnë takime me ato, i trajnojnë për ti pregatitur për jetën e re për foshnjën e tyre. Eshtë një fondacion që i përkushtohet shpëtimit të jetës së fëmijëve dhe nënave në Kosovë. Zhvillon programe shëndetësore në klinikat gjinekollogjike, obsektrike, që përkujdesen për nënat, Njësitë e kujdesit intensiv, Neonatal që përkujedesen për foshnjat e lindura para kohe dhe Klinikat Pediatrike që kujdesen për fëmijët e sëmurë nga leukemia, sëmundja e zemrës, astma, dhe sëmundje të tjera në Republikën e Kosovës.

Kosova historikisht është djegur, malltrajtur, i janë zhdukur e vrarë mizorisht familje të tëra, sot ka nevojë për rimëkëmbje edhe me foshnjat e saj, ardhmërinë e pazëvëndësueshme. Nuk dua të ndalem sot këtu në atë çfarë u bë dhe po bëhet jo mirë në zhvillimin e demokracisë e paqes në Kosovë. Ashtu siç ka deklaruar edhe Ambasadori Donald Lu në bisedat e tij në Tiranë, se edhe në SHBA ka gjykatës e governatorë të korruptuar, por i nënshtrohen ligjit, dënohen për korrupsion siç ka edhe në Shqipëri. Por mund të ketë e ka edhe në Kosove e gjetkë, por dua të ndalem tek vlerat pozitive që shpalos brezi i ri tek atdheu i tyre, veçanerisht tek femrat – vajzat e reja dhe organizatat e tyre në dobi të popullsisë vendase.

Janine Mehmeti studente e vitit të tretë në fakultetin ekonomik të Prishtinës dhe fituese e programit TedxPrishtina të Bill Gates si Bursiste që “Mendon si inovatore” së bashku me Mrika Aliun, kolegët e tjerë të Fondacionit morën një inisiativë tepër të rëndësishme duke u marë me kujdesin e shendetit publik. Pikerisht ne perkrahje e fuqizimin e kesaj nisme bashkepunuan me filantropen Dua Lipa, Walerie Rockfeller Wayne nga “Rockfeller Brothers” Fund, e cila e ka përkrahur që në fillim Pavarësinë e Kosovës duke mbajtur edhe një konferencë atje për zhvillimin e qeverisë nën planin e Ahtisarit, veprimtaren e njohur në SHBA Znj. Vjosa Lukaj dhe bashkëshortin e saj Z. Richard Lukaj – i cili njihet njëherësh si filantropist e suportues në shumë nisma kyçe në Kosovë, Shqipëri, James C. Strickler, Michael Gold, Konsullata e Kosovës në New York si dhe Ambasada e Kosovës në SHBA, Bekim Ahmetaj, Haki Abazi, Fadil Berisha etj.

Dua Lipa në këtë event ishte shoqëruar nga prindërit e saj – Anisa dhe Dukagjin Lipa. Vepra e saj humane është për tu marë në konsideratë edhe nga artistë të tjerë, ndërkohë që prespektiva e saj si artiste është muzika, kënga me suksese të jashtëzakonshme dhe është një nga këngëtaret më të preferuara të kanalave televizove famoze Amerikane dhe botërore, si për performancën e saj të shkëlqyer dhe vokalin e veçantë. Ka bërë për vete mijra fansa në të gjithë botën shqiptare, por kryesisht edhe të huaj.

Falemidnerit Dua Lipa!

Faleminderit Janine e Mrika!

Këto të reja duhen admiruar e përkrahur për punën e mirë që po bëjnë dhe inisiativat e mrekullueshme që ndërmarin, ndërkohë që është për të ardhur keq që, një pjesë e rinisë shqiptare është çorientuar nga papunësia e kërkojnë si shpëtim largimin nga vendi, por nuk munden për faktorë të ndryshëm, zgjidhja e vetme mbetet droga, konsumimi dhe kontrabanda e saj.

Mbrëmja klas u moderua nga Janine Mehmeti, referuesit kryesorë ishin themeluesi i Fondacionit AMC – James C. Striker, Drejtoresha e Fondacionit AMC – Mrika Aliu, Dimitri Popov nga Fondacioni “American Cares”, Richard Lukaj, Valerie Rockfeller dhe Dua Lipa. Sipas diskutantëve klinika që meret me kujdesin e lindjes së fëmijëve nga interesimi intensiv për medikamente i këtij fondacioni ka ulur vdekshmërinë nga 30/100 -11/1000.

Të ftuar në “Russian Tea” Room në Manhattan ishin njerëz nga politika, biznesi, kulutra, Ambasadoria e Republikës së Kosovës në New York Znj. Teuta Sahatqija – një nga mbështetëset kryesore të këtij eventi, përfaqësues të Konsullatës së Kosovës në New york, Konsulli Fatmir Zajmi, Albana Bylykbashi, etj. Disa prej mysafirëve ishin Assamblyman Mark Gjonaj, biznesmeni dhe aktivisti i njohur Harry Bajraktari, Avni Mustafaj, Martin Shkreli, Fadil Berisha, stari muzikës shqiptare – amerikane Albert Stanaj, mjekja Shpresa Xhakli me bashkëshortin, Bruno Selimi me bashkëshorten Kumrien.

Shfaqja e një dokumentari të shkurtër ku paraqitej puna e përditshme e Fondacionit “Aksioni për nënat dhe fëmijët” dhe Klinikës gjinekologjike në mbështetje të jetës së grave dhe fëmijëve në nevojë, la impaktin e vet pozitiv tek të gjithë pjesëmarrësit. Kjo gjë u duk qartë jo vetëm nga duartrokitjet e rastit, por edhe nga mesazhet dashamirëse që u thanë aty.

Pjesëmarrja ishte rreth 130 persona, dhe arsyeja që “Aksioni për nëna dhe fëmijë” nga Prishtina mbajti në SHBA këtë mbrëmje bamirësie, ishte se shumë shqiptarë të suksesshëm jetojnë prej vitesh në Amerikë dhe kanë ngritur sipërrmarje të fuqishme. Të gjitha paratë e mbledhura shkuan për shpëtimin e jetëve të fëmijëve dhe nënave në Kosovë, për tu siguruar atyre vizitat si dhe paketa për të ndjekur probleme të ndryshme mjekësore – deklaroi për median Koordinatorja Janine Mehmeti, e cila njëherësh shpreh mirënjohjen e saj të thellë për pritjen e përzemërt që AMC ka hasur në përpjekjet për të organizuar këtë event bamirës, që do të mbështesë programet shëndetësore në Kosovë. Mbështetja e entiteteve si lokali i mirënjohur “Russian Tea” Room, “Fondacioni Lukaj”, “Doro Group” Restorant e bënë të mundur realizimin e kësaj mbrëmje humane.

Mbështetën gjithashtu programin Agnesa Vuthaj, nga Prishtina me linjën e saj të çantave dhe bizhuterive elegante të paraqitura në një pavion të saj, organizata e gruas The Women’s Organization “Hope & Peace” me qendër në New York, artistë dhe veprimtarë të njohur të komunitetit shqiptar në SHBA, legjenda e muzikës shqiptare Gëzim NIka me bashkëshorten ballet maestro – Angjelian Nika, Arbërie Hadërgjonaj, Ismet Kurti , Organizata “Shokë klase përgjithmonë”, Lindita Hoxha, etj

SHBA: Presidencialet 20166 : Presidenti Clinton voton për Hillary Clinton dhe Susan Shkrelin

November 8, 2016 by dgreca

Nga Beqir SINA – New York/

Mbasi Barack Obama, i dha një përkrhaje në fushatën e saj Suzanna Shkrelit si pjesë e një shtytje për votimin e demokratëve, në zonënë elektorale numër 8-të, në Michigan është Presidenti Bill Clinton ai që jep votën sot për Susana Shkrelin, në Detroit/

LANSING MI- Ish-presidenti Bill Clinton, tërhoqi një turmë të madhe votuesish në një sallë të vogël në kantonin Lansing – Detroit, të dielën pas vizitës në kishën në Flint, duke bërë edhe një nga përpjekjet përfundimtare, dhe duke kërkuar votën Demokratike të martën, për të bërë Hillary Clinton, presidenten e parë grua në historinë e SHBA-së.

Mirëpo, në qendër të vëmendjes së mbështetjes së tij, kësaj rradhe në Michigan të dielën si një shtet që mund të jetë i rëndësishëm, për Presidenten Klinton, ai u kërkojë votueseve të votojnë edhe kandidaten demokrate Susane Shkreli , ku në takimin me Bill Klintonin – presidentin e 42-të i vendit në sallën e unionit të UAë Lokal 652, ishin më shumë se 600 votues, dhe ai kërkojë votën e tyre.

Bill Clinton, i cili foli për 30 minuta, për se duhet të votohen kandidatët demokrat, sot të martën e madhe, tha duke pasur parasysh përmirësimin në ekonomi gjatë udhëheqjes së kësaj administrate nga Presidenti Barak Obama, i cili mori detyrën në vitin 2009, dhe kështu “zgjedhjet e së martës në shumë mënyra nuk duhet të humben me votën që do të jepet për kandidatën demokrat përfshirë edhe kandidaten demokrate, shqiptaro amerikanen Susana Shkreli” tha Clinton.

Kurse, në satusin e saj zyrtar në rrjetin social facebook, vet kandidatja e parë shqiptare për në kongresin Amerikan, demokratja Suan Shkreli , shkruan sot të martën, kur sapo kan nisur votimet dhe ajo duket se ka pasur një nga ditët më të mëdhe të kësaj fushate.

“Ishte një ditë të madhe,” për mua shkruan ajo, teksa ka publikuar edhe një fotografi me mikun e madh të shqiptarëve Priesidentin Bill Klinton, i cili mbrëm kishte mbledhur në qëndrën e votimit UAW lokal 652 në Lansing, disa nga figurat politike më me ndikim në këtë shtetet, Guvernatorin Blanchard, senatori Debbie Stabenow, dhe Gretchen Whitmer, dhe rreth 600 mbështetës, të i japin edhe asaj një mbështetje të fundit për sot – me votën për Susan Shkrelin për kongresiste.

Suzanna Shkreli, është kandidate demokrate për zonën elektorale Qarku 8 i Kongresit në Michigan – e cila më 24 Tetor, ka fituar edhe një përkrahje nga partia demokrate, dhe njeriu më i fuqishm i saj aktualisht – Presidenti në detyrë Barack Obama.

Presidenti Obama, i cili është në fund të mandatit të tij, gjatë këtyre ditëve, ka bërë një “fushatë” për kandidatët demokrat, në të gjithë Amerikën, me ata kandidatë, që janë në në garë në të gjithë vendin, përfshirë këtu edhe kandidaten për presidente të SHBA, ose njeriun që do ta zvëndësojë atë në Shtëpin e Bardhë zonjën Hillary Rodham Clinton.

Obama, gjatë kësaj fushate dha një mbështetje për gati 60 kandidatë për në Kongresin e SHBA dhe 150 asambleist Shteti, dhe anëtarë të Senatit të shtetit, gjatëtë gjithë këtyre javëve, sipas gazetës së Uashingtonit – Politico.

Me këtë rast para largimit të tij, Presidenti Obama, thuhet se ka planifikuara që këto përpjekje për të përkrahur këta kandidat prej tij, janë të paparë për një president, dhe, janë një shenjë paralajmëruese, për prioritet e tij post-presidenciale, për të punuar në rindarjen reformave në nivel shtetëror, njoftoi Politico.

Obama, me këtë rast duke prëkrahur edhe Susana Shkrelin ka thënë se ajo ishte një “lidere e ashpër dhe e zgjuar”, që do të luftojë për familjet që punojnë Michigan.

Presidenti i Shteteve të Bashkuara të Amerikës Barack Obama, i cili ka shprehur hapur mbështetjen për shqiptaren Suzana Shkreli, e cila kandidon për kongresmene në zgjedhjet presidenciale, që po mbahen sot në të gjithë territorin e Shteteve të Bashkuara të Amerikës, e ka cilësuar Shkrelin, si një lidere të zgjuar dhe të fortë, që do të luftojë për të mbrojtur të drejtat e grave.

“Të gjitha familjet në Michigan mund të mbështeten tek Suzana Shkreli, ajo do të luftojë për to, Suzan Shkreli, është liderja që keni nevojë”, ka thënë Presidenti amerikan.

Obama, e ka profilizuar Shkrelin si një kandidate liberale që do të ndihmojë Hillary Clinton dhe demokratët e tjer, në Kongresin Amerikan për politikat që do të ndërmarrë Presidentja Clinton në rast se fiton zgjedhjet presidenciale.

Shqiptarja Suzana Shkreli u fut në lista për kandidate në Kongresin Amerikan pas largimit të aktores Melissa Gilbert për arsye shëndetësore.

“Në Kongres, unë e di se Shkreli do të qëndrojë deri fund për të luftuar për të mbrojtur sigurimet shoqërore dhe Medicare, për të mbrojtur të drejtën e gruas, dhe për të zgjedhur dhe për t’i dhënë fund asaj në barrën dërrmuese të borxhit të kredisë studentore”, ka thën Obama në një deklaratë të lëshuar nga fushata Shkreli .

Në të njëjtën deklaratë, Shkreli, tha se ajo ishte “jashtëzakonisht e nderuar ” që të ketë mbështetjen e Obamës, dhe do të punojë për të mbështetur prioritetet e deklaruara nga presidenti.

Shkreli, po kandidon kundër një kongresmeni të “fuqishëm” dhe në detyrë, Republikanin Mike Bishop, R-Rochester, i cili u zgjodh për herë të parë në vitin 2014 për të zëvendësuar ish Republikanin Mike Rogers.

Stu Sandler, zëdhënës për fushatën e Bishop, tha pas lajmit se në mbështje ka hyrë edhe miratimi i Obamës në këtë fushat, tha se “nuk është për t’u habitur, duke pasur parasysh atë se Shkreli është “ në dorë të Nancy Pelosit, dhe demokratëve të tjerë liberal në Kongres.”

“Liberal Demokratët, duan edhe një kandidate liberale e cila do të ndihmojë Hillary Clinton dhe demokratët në Kongres, që kalojë agjendën e tyre liberale të Obamacare, rritjen e taksave, kontrollin e armëve, amnistin për emigrantët e paligjshëm, dhe dobësit e ekospozuar kundër terrorizmit radikal islamik”, tha Sandler.

Ndërkaq, mbrëm Hillary Clinton, ka përdorur ditën e fundit të fushatës për të rritur mbështetjen e saj në shtetet kryesore në këtë “fushë beteje”, ndërsa Donald Trump, ishte duke i rënë kryq e tërthor SHBA në shpresën e fundit, për një një arritje në një fitore të papritur në ditën e zgjedhjeve.

Clinton qëndrojë në qytetet më të mëdha të Pensilvanisë – Pitsburg dhe Filadelfia – së bashku me disa ndalesa në Michigan, në mesnatë, u ndal në North Carolina State University me Lady Gaga.ndërsa, Tim Kaine, zëvendsi i saj ishte North Carolina dhe Virginia.Sot duke votuar në Nju Jork, kandiadtja potenciale për në Shtëpinë e Bradhë Hillary Rodham Clinton, tha se ju mund të votoni për një shpresë, gjithëpërfshirës, Amerikën madhe zemre. Dhe vlerat tona kryesore janë duke u testuar në këto zgjedhje. “

Dhe, unë e di që njerëzit janë të frustruar, shumë njerëz ndihen të lënë anash dhe të lënë prapa. Kan frikë, edhe zemërimë në vendin tonë. Por, unë kam për tju dhën gjithëcka dhe ndryshuar me një plan, me miqtë e mi “, tha Clinton, teksa po hidhte votën në një kuti në Nju Jork.

Clinton edhe sot është duke u përqendruar me argumentet e saj mbyllëse në promovimin e një mesazhi shumë optimist në lidhje me një Amerikë, si thotë ajo gjithëpërfshirëse dhe me mundësi për të gjithë.

Kurse kundërkandidati i saj Donald Trump, i cili edhe ai ka votuar sot në Nju Jork, ka vazhduar të përqëndrohet më të madhe ende tek mesazhi i tij kundrejt kundërshtarit të tij dhe polemikat e Hillary Clintonit me e – mailet.

160822-vote-polls-election-2012-1839_fc224a44f045db6847c9425782b25267.nbcnews-fp-1200-800.jpg

Screen-Shot-2016-11-08-at-4.00.04-AM.png

th (1).jpeg

Për kë do të votojnë shqiptarët e Amerikës?

November 6, 2016 by dgreca

Dhe një digresion për Suzanna Shkrelin/

Nga Rafael Floqi/

Kjo është një pyetje e ligjshme në këto momente kur pak na ndan nga data e zgjedhjeve. Si në çdo komunitet emigrantësh ka një farë dyzimi për vetë faktin e të qenit si komunitete të lidhur si me jetën në Amerikë në atdheun e dytë ashtu edhe me ndikimin amerikan për vendin e lindjes Shqipërinë e Kosovën. Por kësaj here dilema e shqiptaro amerikanëve është edhe ajo mes vetë amerikaneve, midis ndryshimit dhe vazhdimësisë të politikave: midis të panjohurës dhe të njohurës, por edhe mes bindjeve të tyre si qenie politike si nënshtetas amerikanë me interesa dhe nevoja të përmirësimit të jetës së përditshme e sidomos të klasës së mesme.Në këto ditë prag zgjedhjesh në mungesë të një sondazhi të mirëfilltë mes shqiptarësh, bëra një sondazh të thjeshtë mes miqve të mi me të cilët ndodhesha së bashku në një veprimtari të fondacionit studentor të bursave “Skënderbeu”. Miqtë e mi në fjalë ishin intelektualë dhe aktivistë të çështjes kombëtare nga të gjitha trojet shqiptare. Nuk po i përmend emrat, pasi ndonjëri prej tyre mund të ndërroj mendim, deri në ditën e zgjedhjeve, por mendoj se mjaft nga përcaktimet e tyre rezonojnë qëndrimet e shqiptaro- amerikanëve.

Miqtë e mi do ti përcaktoja si të tillë: demokrati besnik, patrioti demokrat, republikani i zhgënjyer nga Trump, republikani besnik, dhe një person pa të drejtë vote.

Sot ndër shumë shqiptarë në SHBA ende kanë një “pëlqim sentimental” për Hillary Clinton, për shkak të rolit të presidentit Clinton pati për ndërhyrjen e SHBA në Kosovë, por megjithatë shqiptarët janë gjithashtu të ndarë në preferencat e tyre, pasi në to peshojnë çështjet e rëndësishme individuale dhe lokale dhe interesa jetikë.

Shqiptarët si dhe amerikanët janë të ndarë mes republikanëve dhe demokratëve. Duke e njohur komunitetin do të ishte naive të besonim se të gjithë do të votonin të gjithë për një kandidat apo për një tjetër. Votuesit shqiptarë gjenden në të dyja kampet – të organizuar në qytetet e tyre – për dyshen Trump-Pence dhe për Clinton-Kaine mjafton të shohësh tabelat e vendosura në oborret e tyre apo në makina.

We own Clintons.

“ Po ne i detyrohemi Clintonëve”. Një djalosh i ri i sapo diplomuar si farmacist i pranishëm në tryezë, kur ra fjala për zgjedhjet, tha një shprehje në anglisht, që ndoshta është proverbiale për qëndrimin e shumicës së shqiptarëve në këto zgjedhje. “We own Clintons”. Që përkthyer lirshëm do të thotë Clintonët janë tanët. Nuk besoj të ketë një statujë për Hillary Clintonin diku por në Sarandë gjendet.

“Shqiptarët i kanë mbështetur gjithnjë Clintonët dhe kanë arsye të mirë për ta bërë këtë,” tha ai. Simpatia e tyre lidhet me veprimin e Bill Clinton për të mbrojtur shqiptarët e Kosovës nga represioni i ashpër i Serbisë nën sundimin e Sllobodan Millosheviçit në vitin 1999, kur shqiptarët në Kosovë kërkonin pavarësi. Shumë shqiptarë besojnë se Hillary e ka çuar përpara trashëgiminë e mbështetjes së Kosovës gjatë mandatit të saj si Sekretare e Shtetit në administratën e Barack Obamës.

I vetëdijshëm për këtë mbështetje, Bill Clinton, i shoqëruar nga kongresmeni i Nju Jorkut Eliot Engel, një mbështetës i çështjeve shqiptare dhe Mark Gjonaj, një politikan shqiptaro-amerikan në Asamblenë e Shtetit të Nju Jorkut, zhvilluan në Nju Jork në prill për të bërë fushatë te shqiptarët për zgjedhjen e “Hillary për Presidente”. Në tetor 2015, Clintonët mbajtën dy evente për mbledhje fondesh në Nju Jork dhe Connectikat të organizuara nga filantropët dhe biznesmenët shqiptarë.

Trump dhe Shesheli

Mbështetës i votimit kundër Trump ishte një miku im aktivist i lëvizjes për të drejtat e shqiptarëve më Mal të Zi. Faktet që mbështetës të Sheshelit dalin në rrugë në favor të Trump edhe me gjithë përgënjeshtrimin e fushatës së tij ai i mbetej besnik qëndrimit jo të pabazuar që përmendte dhe analisti Veton Surroj në koment të fundit për këtë temë.

“Çështja se a do të zgjidhet presidenti (Trump) apo presidentja (Clinton) kësaj here ka të bëjë edhe më shumë me jetët tona se zakonisht, sepse përzgjedhja që do të bëhet nuk është mes dy kundërshtarëve tradicionalë ideologjikë, njëri pak në të majtë të qendrës tradicionale, tjetri pak në të djathtë të qendrës tradicionale. Kësaj here, përzgjedhja është mes një kandidateje të traditës politike amerikane dhe të një kandidati që i përket një tradite tjetër. Atë traditë nuk do kërkuar në Amerikë, është lehtë e identifikueshme në fqinjësinë e afërt të shqiptareve. Ajo traditë quhet Vojislav Sheshel.” . Këtu ka dhe spekulime bazuar në stilin populist, por krahasimi përtej konspiracionit qëndron.

Miku im më theksoi edhe reagimin e një sërë shoqatash shqiptare nga komuniteti që kërkuan që fushata e Trump të distancohej nga mitingjet e Sheshelit në Serbi. Ai ishte e mendimit që duhej të mbështetej Clinton për të ruajtjen e së njëjtës platformë dhe qëndrimi të mirënjohur në favor të shqiptarëve.

“Para luftës në Kosovë të gjithë ne e dimë se Jugosllavia ishte shteti më i afërt nga Lindja për SHBA, kush më garanton mua se me Trump nuk ndryshon qëndrimi”. Në fakt këto dyshime janë theksuar edhe nga teori konspirative të pranisë të këshilltarëve serbë të Trumpit. “Donald Trump nuk ka pasur nevojë të investojë shumë mund intelektual për të gjetur platformën e tij politike Ai sillet sikur ta kishte lexuar dr. Sheshelin, pohoi miku im.

Për hir të Shqipërisë do të votoj për Clintonin

Ai është një mësues shqiptar historie nga Tirana i konvertuar në protestant dhe ai ende mendon se parimet morale të republikanëve duhet të mbeten. Ai është kundër martesave gay dhe disa qëndrimeve të demokratëve.

“Unë jam për një parti republikane e fortë dhe për një líder si tipi i Reganit. Ai e njeh mirë sistemin elektoral amerikan. Që kur isha në moshë të re në Shqipëri dhe ndiqja TV italian, RAI , shpjegon ai mbaj mend fjalimin e Reganit “Z Gorbacov shembe këtë mur, dhe mendoja dhe pse isha i ri se ai do t’ia arrinte të rrëzonte komunizmin dhe ia arriti”. Ai në zgjedhjet parake republikane mbështeste Kasich si një konservator ekonomik, me politika liberale në ekonomi, por profili dhe sjellja e Trumpit binte ndesh me imazhin e tij për moralin dhe për liderin dhe parimet e tij morale.

Tani ai thotë se po zgjedh të keqen më të vogël po voton për Clinton, me gjithë gafat e mëdha qe ka bërë dhe skandalet e emaileve. Ai nuk beson që Tump është aq i përgjegjshëm sa të ketë butonat e armëve bërthamore në dorë .

“Nuk më mbetet gjë tjetër, veç të votoj për Clintonit”, shpjegon ai qëndrimin e tij. Pasi ajo është zgjidhja më pro Shqipërisë”.

Me gjithë qëndrimet e ndryshme të gjithë janë patriotë. Dhe është pikërisht ky republikan i zhgënjyer një nga organizatorët e një mbledhje fondesh në një restorant shqiptar për kandidaten demokrate Suzanna Shkreli ku shqiptaro amerikanët mblodhën gati 30 mijë dollarë.

“E kam të vështirë ta kuptoj guximin e saj , por ajo na pohoi se është e moderuar dhe se do t’i kundërshtonte dyja partitë për të luftuar për një agjendë që do të bënte që familjet e Miçiganit të ecnin përpara. “Unë kaloj ditë pas dite në gjykatë duke luftuar për të drejtat e fëmijëve dhe grave dhe ti e kupton se duhet të marrësh guximin për të mbrojtur njerëzit në zonën tënde elektorale. Unë e di se njerëzit dhe votuesit janë te lodhur nga fryma partiake, janë te lodhur nga një kongres i rrënuar janë të lodhur nga përfaqësuesi i tyre qe luftoi për interesat e veçanta te lobeve te caktuara dhe duan dikë si unë që të luftojë për interesat tyre”, më citoi ai platformën elektorale të Suzanës duke shtuar se ajo

i dukej se përputhej dhe me mendimet e tij.

Dilemat e një republikani besnik dhe dëshira për ndryshim

“Unë nuk e mbështeta Trumpin në zgjedhjet parake thotë një aktivist i njohur shqiptaro- amerikan i çështjes kombëtare, isha për Cruz, por në moshën time është vonë të ndryshosh. Amerika ka nevojë për ndryshim, Clinton në këtë rast është statuskuoja. Natyrisht politika e jashtme amerikane nuk mund të lidhet vetëm me emrin e një personi, shton ai. A nuk ishte Bush që shpalli pavarësinë e Kosovës” argumentoi, duke se më thënë në konfidencë se ai nuk mund të ndërronte kahet ai i mbetej besnik zgjidhjeve të tij :”Unë kam qenë dhe mbetem me LDK-në me PD në Shqipëri dhe me republikanët në Amerikë”.

“Ti nuk mund ta dish seç është ndryshimi nëse nuk ke rriskuar për ta provuar atë ka thënë Ajnshtanji, shton ai që është një lexues i mirë librash. Trump është për ndryshim. Mua nga na tjetër nuk më pëlqejnë dinastitë, dhe shton, jam takuar dhe kam darkuar me dy presidentët Bush, George W Bush mund të ishte një njeri i mirë për të pirë një birrë , por jo për të sjellë ndryshime për Amerikën”, bën ai krahasimin me Hillary-n.

Por nga ana tjetër ne si lobistë shqiptaro amerikanë kemi patur sukses po të kemi lobimin për Kosovën me të dy krahët në kongres dhe senat, të njëjtën rrugë pat ndjekur edhe Joseph Dioguardi me Ligën Shqiptaro-Amerikane se duhet mbështetur dy krahët e politikës, dhe pse Kongresi nga një herë është më i rëndësishëm sesa vetë Presidenti, duhet ruajtur tradita. Ne jemi mbështetur dhe nga John McKain dhe nga Joe Biden, duhet lobuar në të dy krahët.

Dhe natyrisht dhe ai përmend si fakt mjaft pozitiv kandidatin e Suzanna Shkrelit dhe pse demokrate në distriktin tetë, këtu në Miçigan . “ Për mua fakti që një shqiptaro amerikane në moshë të re merr përsipër këtë kanditim është mjaft domethënës dhe i guximshëm, Kjo edhe në mos fitoftë është një shembull se ne shqiptarët mund të arrijmë gjithçka”.

“Dhe nuk më pëlqejnë ato reklamat negative të kundërshtarit të saj republikan që e akuzon atë për politika tejet liberale. A mund të jetë liberale kjo deklaratë e saj se ne duhet të ruajmë vendet e punës, duke votuar kundër marrëveshjeve që mbyllin vendet e punës vendet e Mike Bishop kundërshtari i saj votoi për Fast Track Act që do ta dëmtonte sektorin e manifakturës këtu ne Miçigan ne nuk mund te jemi ne anën humbëse këtyre marrëveshjeve tregtare”. A nuk del ajo këtu kundër vendimit të Obamës. Dhe qëndrimet e saj liberale janë më shumë sociale. Unë marr shume pyetje nga njerëzit se duan një përfaqësues të mbrojë Social Security dhe Medicare, unë do ta bëj këtë do të luftoj çdo përpjekje për të mos lejuar privatizimin e social security apo kthimin e saj një voucher sistem, këto i thotë dhe Trump.

Diskutimet për zgjedhjet kalojmë pastaj tek problemet e emigracionit dhe natyrisht një miku i unë që ende nuk rregulluar statusin e tij, i cili s’ka mundësi të votojë, ai natyrisht mbështet Clintonin për perspektivën e rregullimit të statusit të tij. Ai s’voton dot por i druhet deportimeve që mund të fillojnë Trump sapo të marrë pushtetin. Në fakt ai është personi më i interesuar për rezultatin e zgjedhjeve. Po të kishte mundësi ai do të votonte që sot.

“Që nё 100 ditët e para në detyrë, Hillary do të prezantojë njё reformë gjithëpërfshirëse qё u hap rrugë emigrantëve drejt shtetësisë së plotë . Ajo do të trajtojë çdo njeri me dinjitet, duke rregulluar vizat e vonuara tё familjeve, mbështetur nё respektimin e ligjit, mbrojtjen e kufijve tanë dhe sigurinë kombëtare, duke i sjellë miliona punëtorë ekonomisë amerikane. Do t’i japë fund ligjit t ndalimit 10 vjeçar pёr ri-hyrjen nё SHBA qё i detyron familjet, sidomos ato anëtarët e së cilës kanë shtetësi amerikane, të jetojnë tё ndara pёr njё kohё tё gjatё”, dhe ai na nxit të gjithëve të votojmë për të.

Natyrisht dhe shqiptarët nuk janë ndryshe nga fqinjët e mi që i kanë mbushur oborret e tyre me pankarta pro Clinton apo pro Trump, por si komunitet ne kemi një të metë ne flasim shumë por nuk votojmë. Duhet që shqiptarët më 8 Nëntor të dalin më shumë në votime të votojnë dhe të bëhen faktor me votën e tyre që politikanët të mos i kërkojnë ata, vetën për mbështetje financiare, por të jenë faktor edhe me vota që edhe të zgjedhurit e tyre, ta kuptojnë se vota e tyre nga një herë vlen më shumë se dollarët e tyre, dhe ta ushqejnë brezin e ri që të angazhohet në politikë ashtu si prokurorja “e rreptë” dhe e re, Susanna Shkreli.

Sfida është e madhe kësaj radhe dilemat më të mëdha. Në një sondazh të fundit Clinton prin me vetëm 2 %, dhe votuesit e Trumpit duken më entuziastë se ata të Clintonit nga votuesit e Clinton 25 votojnë pro saj dhe të tjerët pse janë kundër Trump ndërsa ndër ata të Trump 48 janë pro tij dhe të tjerët kundër Clintonit. Natyrisht këto zgjedhje janë më të përfolurat, sa thuhet se nuk votohet pro kandidatëve, por kundër kandidatëve kundërshtarë. Shqiptaro amerikanët dihet se nga do të anojnë… Pavarësisht dilemave një është e sigurte se demokracia amerikane është dhe mbetet e konsoliduar, dhe nuk ka vend për teori konspiracioni pas 8 Nëntorit.