Përgatiti: Albano Kolonjari/

Ralph Hasenhuttl thotë se do t’u kërkojë pronarëve të Southampton të nënshkruajnë me Armando Broja.Armando Broja shënon dhe zgjidhet “Player of the match”.”Kjo nuk është një surprizë, ai është i shpejtë dhe ka një përfundim fantastik të aksioneve. Ai ka disa armë që sigurisht po na ndihmojnë. Lojtarët e rinj mund të marrin pak kohë për t’u përshtatur në Premier League dhe ne e dinim se do të ishte një fillim i vështirë, por nuk po përkeqësohemi, ne po përmirësohemi çdo ditë.” u shpreh Ralph Hasenhuttl, për formën e mirë të Armando Brojës. Sulmuesi kuqezi shënoi golin e tretë të takimit Southampton 4-1 Brentford. Pronari i ri i Saints serbi Dragan Solak ishte i paranishëm në ndeshjen e tij të parë si Presisent i Southampton dhe duartokiti të gjithë golat, duke përfshirë edhe atë të Brojës që festoi si gjithmonë duke bërë shqiponjën. Ralph Hasenhuttl thotë se do t’u kërkojë pronarëve të Southampton të nënshkruajnë me sulmuesin Armando Broja. “Për golin ka një meritë të jashtëzakonshme Romeu, që dha një asis prefekt dhe e falenderoj atë. Jam i ri dhe po përpiqem të bëj më të mirën duke qëndruar me këmbë në tokë”, u shpreh vetë Broja. Ky ishte goli i pestë për Brojën në 16-të ndeshje me bluzën e Southampton, ndërsa kartonin e tij e zotëron Chelsea.

Lazio dhe Sassuolo i kanë vënë syrin mesfushorit të Empolit, Nedim Bajrami, i cili ka qenë një nga yjet e deritanishëm të sezonit toskan.Mesfushori sulmues 22-vjeçar shqiptar Nedim Bajrami ka shënuar shtatë gola dhe ka dhënë katër asistime në 20 paraqitje në të gjitha garat, përfshirë golat kundër Milanit para Krishtlindjeve dhe Lazios para një jave. Siç raportohet nga Calciomercato.com, Biancocelesti dhe Sassuolo janë të interesuar për të blerë 22-vjeçarin Bajrami në merkaton e ardhshme të verës. Trajneri i Neroverdit, Alessio Dionisi e kujton mirë trequartistin shqiptar nga koha e tyre së bashkunimit sezonin e kaluar, ndërsa Lazio ka hapur bisedimet me klubin toskan pasi ata besojnë se ai do të ishte i përshtatshëm për sistemin 4-3-3 të trajnerit Maurizio Sarri. Bajrami është një mesfushor sulmues i shpejtë dhe kreativ, i rëndësishëm në lojën sulmuese të Empolit. Këtë sezon ai ka mesatarisht 4.99 veprime gjuajtëse për 90 minuta, dhe eshte i shtati më i mirë në Seria A duke lene përpara Lorenzo Insigne, Nicolo Barella dhe Federico Chiesa.

Saimir Z. Kadiu/

Nje kafe pas shume vitesh me shokun tim te femijerise Sulejman Demollarin… ” El Platini del proletariado” siç do ta konsideronte nje reviste sportive spanjolle… Me fat qe e kemi ndjekur “live” yllin e shndritshem te futbollit shqiptar…Talenti i tij i jashtezakonshem, vizioni i lojes, teknika e rafinuar dhe shenimi i golave e bejne Demollarin lojtarin me te madh shqiptar te viteve 80-90’. Ndoshta mund te jete edhe me i madhi i te gjitha koherave. Por kjo e fundit eshte pak e veshtire te pranohet nga tifozeria kryeqytetase e Partizanit apo e Tirones…Po te ishte lojtar i Tirones… do te kishte monument ne qender te Tiranes…E kam ndjekur talentin e tij te dukshem qe kur ishim femije, kur luante me klasat sportive.Kemi qene me pas shoke ne gjimnazin “Qemal Stafa” ne Tirane. Kam patur fatin qe edhe kam luajtur si amator me Demollarin ne vitet e gjimnazit. Nje njeri model, shume i thjeshte dhe shume modest megjithese ishte nje yll futbolli qe ne moshen 15 vjecare.Vite me pare, ne Ministrine e Shendetesise kisha zyren perballe nje keshilltari te OBSH qe ishte rumun. Dr. Havriluk, nje personalitet ne Rumani, ishte njeri shume i gjalle dhe me shume interesa edhe jashte mjekesise. Bisedonim shpesh per letersine, kinemane rumune apo edhe per “karikaturat” e politikes rumune te kohes se Causheskut qe ai i tregonte me shume art…Me permendte emra rumunesh te medhenj me origjine shqiptare si Dora D’Istrian dhe familjen e saj shume te famshme Gjika, historianin e madh rumun Nikolla Jorga, aktorin e madh Jon Karamitru (qe u be minister I Kultures ne vitet 1996-2000) apo Viktor Eftimiun, dramaturgun e madh rumun, te lindur ne Boboshtice te Korces…por vinte veton kur e “ngacmoja” per origjinen e Emineskut.Kuptohet edhe futbolli kishte vendin e vet ne bisedat tona. Nje dite pasi ishte kthyer nga Rumania, gjate kafes se mengjesit me foli per Demollarin… Kishte pare nje ndeshje derbi midis Dinamo Bukuresht –Steaau ne prill 1993. “Eternul derbi” kishte perfunduar ne barazim… “Demollari po eklipson Dumitraken” ( lojtarin me te madh te historise se Dinamos se Bukureshtit) me thote. “Eshte nje fenomen, po te ishte pak me i ri patjeter do te ishte ne ligat me te mira evropiane.”Me solli edhe nje gazete rumune sportive ku ishte fotoja e Sules sone duke shenuar kunder Steaua ne tetor 1991 ne fitoren e Dinamos 1-0, si dhe parrullat e tifozerise se Dinamos: “Demollari omoara militarii” (“Demollari mbyti ushtaret”). Ate sezon (1991-1992) Demollari ishte shenuesi i dyte me i mire i Kampionatit rumun me 18 gola, pas shokut te tij te skuadres Gábor Gerstenmájer ( rumun me origjine etnike gjermane si ish portieri Helmuth Dukadam).“Nuk kam pare lojtar te tille mesfushor ne kampionatin rumun, shprehej dr. Havriluk… Eshte me i mire se Nikolae Dobrin, me i mire se Ilie Balaci… Vetem Hagi eshte me i madh se Demollari… por e dua shume Demollarin… ai eshte Viktor Eftimiu i futbollit rumun…”

Përgatiti: Albano Kolonjari

Tenistit numër një në botë, Novak Gjokovic, i është refuzuar hyrja në Australi sepse nuk është i vaksinuar dhe nuk ka të dhëna të mjaftueshme shëndetësore që të justifikojnë faktin që ai nuk mund të vaksinohet. Lojtari mbërriti në Melburn të mërkurën ku autoritetet vunë re një gabim me aplikimin e tij. Gjokoviç duhej të luante në Australian Open, por ai duhet te pranonte rregullat e vaksinimit ose të justifikonte pamundësinë e vaksinimit nga ana mjeksore. Atij i është thënë se do të dëbohet, por avokatët e tij kanë thënë se do ta kundërshtojnë vendimin, raportojnë mediat australiane. Ylli i tenisit ishte pyetur në një dhomë në aeroportin e Melburnit për kater orë të tëra, ndërsa statusi i tij për vizë dhe përjashtim po hetohej. Ekipi i tij nuk kishte kërkuar një vizë që lejon përjashtime mjekësore për të qenë të pavaksinuar. Nuk është e qartë nëse ai do të qëndrojë në Australi ndërsa avokatët e tij përpiqen të anulojnë vendimin.Gjokoviç nuk ka folur për statusin e tij të vaksinimit, por vitin e kaluar ai tha se ishte “kundër vaksinimit”. Në një deklaratë, Forca Kufitare Australiane tha se Gjokoviç “dështoi të sigurojë provat e duhura për të përmbushur kërkesat e hyrjes në Australi dhe viza e tij më pas është anuluar. “Jo-shtetasit që nuk kanë një vizë të vlefshme në hyrje ose të cilëve u është anuluar viza do të ndalohen dhe largohen nga Australia”, thanë autoritetet kufitare. Trajtimi i tij ka shkaktuar zemërim në Serbinë e tij të lindjes. Babai i Gjokoviç, Srdjan Gjokovic tha se djali i tij ishte në një dhomë të ruajtur nga policia. “Kjo nuk është vetëm një luftë për Novakun, por një luftë për të gjithë botën”. tha ai në një deklaratë të lëshuar për media. Presidenti Aleksander Vuçiq tha se ylli ishte viktimë e “ngacmimit” dhe se “e gjithë Serbia” e mbështeti atë. Më herët, kryeministri i Australisë Scott Morrison tha se Gjokoviqit do t’i refuzohej hyrja në vend nëse nuk jepte prova se nuk mund të vaksinohej për arsye mjekësore. Australia po sheh dhjetëra mijëra raste të Covid-19 për herë të parë pasi duroi disa nga kufizimet më të rrepta në botë. Më shumë se 90% e popullsisë mbi 16 vjeç të Australisë është plotësisht e vaksinuar, por disa njerëz ende nuk mund të udhëtojnë ndërshtetëror ose globalisht për shkak të masave aktuale. Australian Open fillon më 17 janar në Melburn.

Përgatiti: Albano Kolonjari/

Bednarek:”Broja, është një lojtar i madh. Strakosha në listën e portierëve më të vlefshëm të Serisë A. Vedat Muriqi nuk është i vetmi që do të largohet nga Lacio në Janar. Bednarek:”Broja, Ai është një lojtar i madh, ai po mëson shumë shpejt”. Mbrojtësi i Southampton, Jan Bednarek beson se i huazuari i Chelseat, Armando Broja, po “bëhet gjithnjë e më i mirë” gjatë periudhës së huazimit te Saints. Sulmuesi i Bluve ka bërë përshtypje që kur u transferua në bregun jugor dhe tani mendohet të ketë një të ardhme të ndritur.Bednarek tha për Daily Echo: “Ai është një lojtar i madh, ai po mëson shumë shpejt. Ai pati një fillim të vështirë të sezonit ku iu desh të përshtatej dhe të përshtatej me Premier League, është një intensitet tjetër.“Por ai e bëri shumë mirë dhe ne mund të shohim me çdo ndeshje që ai po bëhet më i mirë dhe më i mirë dhe është një e ardhme e ndritur para tij”.Foto: Strakosha e Lazios përfshihet në listën e portierëve më të vlefshëm të Serisë A. Thomas Strakosha i Lazios është përfshirë në listën e portierëve më të vlefshëm në Serie A. Siç shihet në një postim në faqen e Instagramit të Transfermarkt dje, portieri shqiptar 26-vjeçar ka një vlerë të përllogaritur në treg prej rreth 7 milionë euro, duke e bërë atë portierin e 9-të më të vlefshëm në ligën më të mirë italiane.Vedat Muriqi nuk eshte i vetmi qe do te largohet ne Janar. Vedat Muriqi duket se është i destinuar të largohet nga Lacio këtë janar. Por cilat mund të jenë destinacionet e tij?Vedat Muriqi është një nga lojtarët që mund të largohet nga Lacio tashmë në merkaton e janarit. Kosovari vazhdon të mos gjejë hapësirë ​​dhe të mos bindë dhe për këtë arsye shitja e tij duket thuajse e pashmangshme.Sipas asaj që raportohet nga Il Corriere dello Sport, një hipotezë gjithmonë e mundshme mund të jetë ajo e një rikthimi në Fenerbahce. Megjithatë, ditët e fundit po merr formë një pistë që do të çonte në Hull City. Në fakt, Acun Ilicali, një sipërmarrës televiziv turk, po mbyll blerjen e klubit Hull City dhe një nga afrimet e tij të para mund të jetë Muriqi. Por nga Lacio do te largohen edhe Gonzalo Escalante, mesfushori argjentinas i ardhur një vit e gjysmë më parë si transferim i lirë nga Eibar. Ai do të kthehet në Spanjë, në Alaves. Jordan Lukaku është shumë afër për t’i dhënë fund lamtumirës Lacios. Vëllai i Romelu, i cili u kthye nga huazimi i tij në verën e kaluar, ishte jashtë skuadrës, për shkak të dëmtimeve që shënuan vitet e fundit të karrierës së tij. Kontrata e tij skadon në qershor, do të përfundojë me Lazion dhe do të lidhet me Vicenza. Kështu karriera e tij do të rifillojë nga Seria B.

Pergatiti: Albano Kolonjari

Lionel Messi është një nga katër lojtarët e Paris Saint-Germain (PSG) që ka rezultuar pozitiv me Covid-19, tha klubi në një deklaratë të dielën. Tre lojtarët e tjerë janë Juan Bernat, Sergio Rico dhe Nathan Bitumazala.Të gjithë lojtarët janë “në izolim dhe po i nënshtrohen protokollit të duhur shëndetësor”, tha zevendesi i klubit francez.PSG do të përballet me Vannes në raundin e 32-të të Kupës së Francës të hënën.Franca regjistroi 232,200 raste të reja me Covid-19 të premten, numri më i lartë ditor i regjistruar në të gjithë Evropën që nga fillimi i pandemisë, sipas të dhënave nga Ministria e Shëndetësisë e vendit. Që kur iu bashkua PSG-së nga Barcelona në gusht, Messi ka shënuar vetëm një gol të Ligës, megjithëse ai ka shënuar pesë në pesë ndeshje të Ligës së Kampionëve.Në nëntor, Messi fitoi titullin e shtatë të Topit të Artë.Ishte një fitore rekord për Messin, i cili tani ka dy tituj më shumë se rivali i tij i përhershëm, Cristiano Ronaldo.Megjithëse mund të konsiderohet relativisht një vit i dobët në nivel klubesh për Messin, 34-vjeçari argjentinas luajti një rol jetik në ndihmën e Argjentinës për të fituar titullin e Copa América në fillim të këtij viti.Ai gjithashtu përfundoi si golashënuesi më i mirë i ligës spanjolle dhe shënoi dy gola kur Barça fitoi Kupën e Mbretit.Messi më parë ka fituar Topin e Artë në 2009, 2010, 2011, 2012, 2015, 2019 dhe 2021.