Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

KQZ nis procedurat për aplikimin e të drejtës së votës së Diasporës

by

Komisioni Qendror i Zgjedhjeve ka nisur punën për realizimin e votimit të shtetasve shqiptarë të cilët banojnë jashtë Shqipërisë. Ditën e sotme KQZ i ka nisur dy institucioneve kryesore të përfshira drejtpërdrejt në realizmin e këtij procesi Ministrisë së Brendshme, (Drejtorisë së Përgjithshme të Gjendjes Civile) dhe AKSH-it, (Agjencisë Kombëtare të Shoqërisë së Informacionit) një kërkesë zyrtare për nisjen e bashkëpunimit.

Në letrën dërguar AKSH-it, KQZ nënvizon rëndësinë e gjetjes së një modeli i cili do të garantojë sigurinë e këtij procesi.

“Mbështetja për realizimin e zgjedhjeve në Republikën e Shqipërisë edhe për shtetasit që jetojnë jashtë vendit kërkon aplikimin e platformave tuaja, mbi modele funksionale dhe të provuara në vende të tjera për të garantuar verifikimin e kërkesës së zgjedhësve jashtë vendit si dhe elementët e sigurisë që do të ketë procesi i votimit” shkruhet ndër të tjera në kërkesë.

Ndërsa në letrën zyrtare dërguar Drejtorisë së Përgjithshme të Gjendjes Civile, KQZ kërkon bashkëpunim për dërgimin e informacionit për numrin e zgjedhësve  të cilët kanë të regjistruar në RKGJC (regjistrin kombëtar të gjendjes civile) adresën e vendbanimit të përhershëm jashtë territorit të Shqipërisë

Gjithashtu KQZ ka kërkuar bashkëpunimin e kësaj drejtorie edhe për praktikën e ndjekur për regjistrimin e adresave të shtetasve shqiptare që jetojnë jashtë vendit.

Bashkëpunimi këtyre dy institucione me KQZ është një moment rëndësishëm për realizimin e  procesit të votimit të shtetasve shqiptarë që jetojnë jashtë vendit, pasi do të realizojnë procesin e regjistrimit të adresave të shtetasve shqiptarë që jetojnë jashtë dhe regjistrimin e shtetasve shqiptarë që jetojnë jashtë vendit të cilët do të shprehin dëshirën për të marrë pjesë në zgjedhjet në Shqipëri.

Me ndryshimet e fundit në Kodin Zgjedhor, Komisioni Qendror i Zgjedhjeve do të jetë fuqiplotë për të nxjerrë aktet e mënyrës së regjistrimit dhe votimit të shtetasve jashtë vendit.

Kërkesat e plota mund ti lexoni :

Kërkesa e KQZ dërguar AKSH-it (Agjencisë Kombëtare të Shoqërisë së Informacionit)

Kërkesa e KQZ dërguar  Drejtorisë së Përgjithshme të Gjendjes Civile

(Kortezi-Diaspora Shqiptare)

Bushati: Shqiptarët e Diasporës do të votojnë elekronikisht në vitin 2021

by

Ministri për Europën dhe Punët e Jashtme Ditmir Bushati ka zhvilluar  një bashkëbisedim me përfaqësues të Diasporës Shqiptare në SHBA./

*Federata Panshqiptare e Amerikes “VATRA” dhe Organizatat e Diaspores ne SHBA nuk kane pase asnje njoftim zyrtar per t’u bere pjese e ketij takimi. Takimi eshte bere selektiv e me ftesa./1 Bushati

I ndodhur atje për Sesionin e 72 –të të Asamblesë së Përgjithshme të OKB-së, së bashku edhe me Ministri i Punëve të Jashtme i Republikës së Kosovës, Behgjet Pacolli shprehën vlerësimin maksimal për bashkatdhetarët tanë në Shtetet e Bashkuara, jo vetëm për kontributin e tyre ndaj atdheut por edhe nivelin e lartë të integrimit në shoqërinë amerikane, ndërsa ri konfirmoi angazhimin e tij të plotë në thellimin e bashkëpunimit me diasporën, si dhe përmirësimin e cilësisë së shërbimeve ndaj tyre.

Ai vuri në dukje nismat e Qeverisë shqiptare për jetësimin e një marrëdhënie të re me shqiptarët jashtë atdheut, angazhimin e tyre në zhvillimet e vendit, si dhe të Ministrisë që ai drejton në veçanti.

Këtu mund të theksohet zhvillimi i suksesshëm i Samitit të Parë të Diasporës në Tiranë më 18-20 nëntor 2016, ku një numër shumë i madh i shqiptarëve nga SHBA-të morën pjesë aktivisht në punimet e Samitit, si dhe lançimi i suksesshëm i shërbimeve konsullore online, të cilat ofrojnë shërbime më të shpejta, të lira dhe transparente për të gjithë shqiptarët.

Ai gjithashtu vuri në dukjen angazhimin për regjistrimin e shqiptarëve jashtë atdheut dhe mundësimin e tyre për të votuar nga kudo ku jetojnë që nga zgjedhjet e ardhshme parlamentare të vitit 2021.

Në këtë kuadër, ai vuri në dukje dhe ngritjen e Ministrisë së Shtetit për Diasporën në qeverinë e re, e cila do të mbartë peshën e madhe të përgjegjësisë për ri-vitalizimin e marrëdhënieve me diasporën dhe angazhimin e saj aktiv në zhvillimet ekonomike dhe sociale të vendit.(Express)

Shenim i Diellit:Federata Panshqiptare e Amerikes “VATRA” dhe Organizatat e Diaspores ne SHBA nuk kane pase asnje njoftim zyrtar per t’u bere pjese e ketij takimi. Takimi eshte bere selektiv e me ftesa.

DIASPORA VOTON-UDHEZUES

by

Cilat janë kushtet që diaspora duhet të plotësojë për të votuar në zgjedhjet lokale?/

Vota e Diasporës 2017

Në kuadër të përgatitjeve nga ana e Komisionit Qendror të Zgjedhjet për organizimin e zgjedhjeve lokale 2017, mërgimtarët e Kosovës të cilët jetojnë jashtë vendit mund ta  shfrytëzojnë të drejtën e tyre për të votuar për kryetarë të komunave dhe për asamble komunale.
Që diaspora të votojë në këto zgjedhje, janë disa kushte që duhet plotësuar dhe duhet respektuar afati kohor për aplikim. Komisioni Qendror i Zgjedhjeve ka njoftuar se Periudha e Aplikimit për Regjistrim për Votim jashtë Kosovës ka filluar më 18 korrik dhe përfundon më 23 gusht.
Deri në mbylljen e afatit për aplikim për regjistrim, pjesëtarët nga diaspora duhet të dërgojnë dokumentet e nevojshme dhe formularin për regjistrim. Në infografikën e mëposhtme, e përgatitur nga OJQ Germin, shfaqen të dhënat e detajuara se si mund të votojë një pjesëtar nga diaspora për zgjedhjet lokale 2017.

www.diasporaflet.org | www.germin.org | www.kosovodiaspora.org