Nga Ismet KURTI*/Me interes të veçantë e përcjell fushatën zgjedhore  në Ulqin, në vendlindjen time të shenjt. Mundohem në çdo mënyrë të shtijë vetën në mesin e votuesit shqiptar duke e shikuar dhe analizuar prej këndvështrimeve  të ndryshëme. Nuk është e lehtë, unë ashtu si shumë nga gjenerata të kohës time emigruam për shkaqe të ndryshme duke marrur  rrugët e botës për të kërkuar një jetë më të mirë dhe duke u larguar nga një sistem totalitar që vetëm ngjallte jo barazi dhe pa siguri për popullin e veçanërisht për ne, shqiptarët që me shekuj jetojmë në këto treva stërgjyshore.

Për një periudhe të gjatë ky sistem vazhdoj me avazin e ti të vjetër duke ushqyer apetitin e tyre që e kishin strategji të përsosur se si ti pastronin këto treva nga trashëgimtarët  e tyre shekullor.Më vonë, mbas lëvizjeve kombëtare në Kosovë ndodhi edhe ajo që unë,  dhe ne shqiptaret e atyre trevave as që e paramendonim, ne nuk e paramendonim se sistemi e kishte bërë punën e vetë duke u fikur shpresën për barazi dhe siguri të gjthë shqiptarëve autokton.

Në Kosovë vizionaret e kohës nuk e lejuan sistemin që të ju shuan  shpresën dhe aspiratat e rilindësve tanë. Këta të rinjë dhe te reja te asaj kohe ndezën flaken që shkëndijat e se cilës i zgjojë nga gjumi shqiptaret  në Plavë Guci, Malësi dhe Ulqin me rrethina.

Ishte kjo një periudhe që premtonte shumë për shqiptaret. Ata që u kyçen në politiken a asaj kohe u konsoliduan si faktor I fort politikë si një trup i vetëm dhe i unifikuar . Edhe armiku e shihte shume qarte këtë qendrim stoik dhe të vendosur dhe të papritur dhe parashikuar  nga aparati shtetëror serb, se nuk ishte pjesë e strategjisë që ata po aplikonin kundrejt shqiptarëve.

Megjithë se kjo periudhe e shkurt premtonte shumë shqiptaret përfituan shumë pak. Politika Malazeze me në krye me Krajl Gjukanin shumë shpejt e kuptoj se vetëm duke ju “premtuar” shqiptarëve do të arrinte qëllimet e tija, kështu me premtime dhe gjithnjë me ndihmën e shqiptarëve vazhdoj dhe mbijetoj sfida të mëdha deri te pavarësia nga Serbia.

Gjate dy dekadave të fundit Krajl Gjukani vazhdoj duke e përsosur edhe më tutje strategjitë e ti për shkatërrimin dhe grimcimin  e faktorit politik shqiptar, dhe kështu edhe  një herë të shuaj shpresën e popullit  për një jetë të barabartë  me ndihmën tash të “partnereve satelit” të tijë politike.

Amerika dhe Unioni Europian duke shikuar interesin regjional dhe at global po investonin në këtë “Project shtet” dhe inkurajonin investime të huaja duke e fuqizuar edhe më shumë kralevinen malaziase dhe i mundësojë që të krijoj një pasuri të marramendëse  për Të dhe të afërmit e tijë duke investuar për interesat personale në lami të ndryshme të shoqërisë.

Këto investime të ndërkombëtarëve u ndanë me strategjinë e tyre të vjetër duke mos investuar në trevat me popullsi shqiptare por përkundrazi, në shumë raste duke i shkatërruar edhe ato gjë që ekonomikishte i siguronin ekzistencën popullit nga këto treva.

Për shqiptaret si investim ekonomik ai pra Krajl Gjukani implementoj strategji  te veçantë për tregun tonë“parti politike shqiptare me bollëk” një strategji që sot ka sjell  në pozitë shumë të pa lakmueshme votën dhe votuesin shqiptar.

Duke u arsyetuar në gjendjen e keqe ekonomike liderët politik shqiptare pa një vizion largpamës ranë në grackat e kësaj strategjie dhe e humben plotësisht fuqinë e tyre politike duke bërë garë në mes veti se kush më shpejte do të ja ofroj votën shqiptare partisë në pushtet.

Kjo strategji nga pushteti malazias dhe mungesa e një vizioni kombëtar nga partitë shqiptare për një të ardhme më të mirë për votuesin shqiptare por duke u përqendruar vetëm se si te qëndrojnë ne pushtet dhe afër Krajl Gjukanit, e ka shtyre një pjesë të mirë të shqiptarëve që votën e tyre për përfitime shume të vogla ashtu si liderët shqiptare ta çojnë drejtpërdrejt te partia ne pushtet.

E unë si shqiptar I kësaj treve më të drejt votimi duke shikuar rrjedhat e cekura me lart nuk kam se si të votoj dhe kah të orientohem në këtë amulli të kurdisur.

Duke qenë I sigurt se për partin në pushtet nuk jamë banor i barabartë, atë e dëshmojnë me shekuj megjithëse edhe përkundër faktit se në partin e tyre i kane disa “shqiptare” që sytë ua ka verbuar pasuria dhe uria për pushtet i bënë të mohojnë  edhe gjakun e tyre.

Është edhe me e rrezikshme kur ata apelojnë për përkrahje politike për partine në pushtet. Me këtë përkrahje ne vazhdojmë të ju mundësojmë atyre që ne të zhbëhemi si shqiptar. Ne si komb kemi një histori të vrazhdë  ne këtë aspekt, andaj unë, kurrë nuk do të bëhem pjesë që të ndihmojë në asnjë mënyrë asimilimin e vëllezërve të mi por përkundrazi, apeloj të ata qëe ti hapin sytë  dhe të gjejnë rrugën që  kanë  humbur.

Si të votoj për parti shqiptare deri sa ato  bëjnë fushate kaq të përçarë pa anjëz strategji largpamëse për te mirën e popullit.  Si te dhuroj votën unë  kur kam dyshime se vetëm do ta çojnë votën  aty ku edhe me par pa kurrfarë kushteve të mirëfillta po vazhdojnë të ja sigurojnë ekzistencën atyre qe votën time do ta keqpërdorin ne vazhdimësi.

Megjithëse bëjnë fushata si kinse parti nacionale por në fakt vazhdojnë të përkrahin një qeveri që vazhdon të asimiloj dhe të shpërngulë shqiptaret nga trevat e tyre me çdo kusht.

Unë si bire I këtyre trevave dhe bashkëvendas i Juaji ne mërgim nuk mendoj se kërkoj shumë nga ju që populli ju dhuron besimin të na përfaqësoni.

Nuk kërkojmë të na shëroni plagën shekullore dhe të na bashkoni me shtetin amë, e di që nuk keni mundësi edhe po deshët. ( ketë e presim nga shteti amë)

Nuk presim nga ju as të çelni pika kufitare që do të zhvilloj ekonomin dhe përmirësoj gjendjen e shumicës që jetojnë  rreth këtyre pikave, e di qe nuk keni mundësi edhe po deshët.

Nuk kërkojmë nga ju as që të filloni procesin që Ulqinit ti kthehet Shqipërisë simbas marrëveshjes 100 vjeçare, e di që nuk keni mundësi edhe po deshët.

Përdorni këtë besim jo vetëm për përfitime personale dhe partiake.Kërkojmë të respektoni votën dhe besimin e dhënë. Të na përfaqësoni me dinjitet duke mos lejuar me çdo kusht që të nënçmohen të drejtat elementare të një populli autokton duke i mbrojtur ato me kushtetutë dhe ligje ndërkombëtare.

Vetëm sikur ju në fushate të dilni me moton: Zgjohu Ulqin Me Zemër Përpara Të Mbrojmë të Ardhmen sa lehtë do të ju kisha dhanë votën.

NY 01/25/18

*E sergio per Diellin:Esad Gjonbalaj