Kuvendi – Page 2 – Dielli

Kosovë-Kuvendi votoi Pakon e tre projektligjeve drejt Ushtrisë

October 18, 2018 by dgreca

-Pa asnjë votë kundër e asnjë abstenim u miratuan tre Projektligjet – për Ministrinë e Mbrojtjes, për Forcën e Sigurisë së Kosovës dhe për shërbim në Forcën e Sigurisë së Kosovës/

1 Kuvend Kos 1 FSK ok 1 FSK-ja marshon 1 parakalim-FSK-1 1 Pentago.JPG

-Sot, gjatë debatit, vetëm grupi parlamentar i Listës Serbe u shpreh kundër transformimit të FSK-së në Ushtri dhe lëshoi sallën e seancës plenare të Kuvendit të Kosovës, që po vijon/

-Forca e Sigurisë së Kosovës është aktivizuar nga janari 2009, kur u deaktivizuan Trupat Mbrojtëse të Kosovës, të cilat lindën nga transformimi i Ushtrisë Çlirimtare të Kosovës dhe lujtën rolin e tyre shumë të rëndësishëm në nëntë vitet e pasluftës/

4Haradinaj FSK

-KRYEMINISTRI HARADINAJ: FSK, NË MANDAT USHTARAK DHE MBROJTËS/

1 Behlul Kuvend

Gazeta DIELLI nga korrespondenti në Kosovë Behlul Jashari/

PRISHTINË, 18 Tetor 2018/ Projektligji për Ministrinë e Mbrojtjes u miratua pro me 101 vota pak më parë unanimisht nga të gjithë deputetët e pranishëm në sallën plenare të Kuvendit të Kosovës 120 anëtarësh. Poashtu, pa asnjë kundër e asnjë abstenim u miratua me 98 vota Projektligji për Forcën e Sigurisë së Kosovës, ndërsa me 96 vota Projektligji për Shërbim në Forcën e Sigurisë së Kosovës.

Pas votimit sot në parim, tre projektligjet shkojnë në shqyrtim të dytë, ku poashtu paralajmërohet votim pro.

Në Kuvendin e Kosovës, Pakoja e tre projektligjeve drejt Ushtrisë së Kosovës u shqyrtua e miratua nw parim sot në një seancë plenare me 46 pika në axhendën e përcaktuar në 15 Tetor në mbledhjen e Kryesisë me kryetarët e grupeve parlamentare.

Këto tre projektligje, që ishin pikat 10, 11 e 12, gjatë diskutimit të axhendës e votimit me shumicë kaluan në renditje 4, 5 e 6, me kërkesën e grupit më të madh parlamentar – të Lidhjes Demokratike të Kosovës, që është në opozitë.

Tre pikat e para ishin koha për deklarime jashtë rendit të ditës, koha për pyetje parlamentare dhe miratimi i procesverbalit nga seanca e mëparshme.

Gjatë debatit, grupi parlamentar i Listës Serbe u shpreh kundër transformimit të FSK-së në ushtri dhe lëshoi sallën e seancës plenare të Kuvendit të Kosovës, që po vijon.

Tre Projektligjet – për Ministrinë e Mbrojtjes, për Forcën e Sigurisë së Kosovës dhe për shërbim në Forcën e Sigurisë së Kosovës u diskutuan në shqyrtim të parë në seancë plenare, pasi në 3 Tetor u votuan me shumicë në Komisionin për Punë të Brendshme, Siguri dhe Mbikëqyrjen e Forcës së Sigurisë.

Komisioni përkrahu projektligjet dhe i rekomandoi seancës miratimin e tyre në parim. Deputetë të maxhorancës e opozitës paralajmëruan votën pro të grupeve të tyre parlamentare edhe në seanca plenare të Kuvendit të Kosovës, ndërsa kundër ishte vetëm përfaqësuesi i Listës Serbe.

Në 13 Shtator 2018, qeveria e Kosovës, bazuar në të drejtën e saj kushtetuese, ka miratuar pakon e projektligjeve që rregullojnë rolin, funksionin dhe shërbimin në Forcën e Sigurisë së Kosovës.

Qeveria ka deklaruar se, Projektligji për Forcën e Sigurisë së Kosovës përcakton kompetencat organizimin dhe funksionimin e Forcës së Sigurisë së Kosovës si forcë multietnike, profesionale, e armatosur dhe e autorizuar për të shërbyer në vend dhe jashtë vendit në pajtim me mandatin e dhënë kushtetues dhe ligjor, në mbrojtje të integritetit territorial, të qytetarëve, të pronës dhe interesave të Republikës së Kosovës dhe e cila i nënshtrohet kontrollit civil demokratik.
Projektligji për Shërbim në Forcën e Sigurisë së Kosovës, rregullon kushtet e përgjithshme të shërbimit në Forcën e Sigurisë së Kosovës, si një shërbim i ndërtuar mbi bazën e parimit të ligjshmërisë, profesionalizmit, komandës, disiplinës, respektit, nderit, ruajtjes së informacionit, komunikimit, josdiskriminimit dhe mundësive të barabarta, paanshmërisë politike, transparencës dhe llogaridhënies.
Projektligji për Ministrinë e Mbrojtjes, përcakton organizimin dhe kalimin e Ministrisë së Forcës së Sigurisë së Kosovës në Ministri të Mbrojtjes në kuadër të qeverisë së Republikës së Kosovës, me qëllim të mbikëqyrjes dhe kontrollit civil demokratik mbi Forcën e Sigurisë së Kosovës, me strukturën e saj organizative që siguron funksionalizimin e plotë dhe përmbushjen e përgjegjësive të saj.

Në seancën plenare të Kuvendit të nisur sot një nga pikat e axhendës është edhe shqyrtimi i parë i Projektligjit për mbrojtjen e vlerave të Luftës së Ushtrisë Çlirimtare të Kosovës.

Forca e Sigurisë së Kosovës është aktivizuar nga janari 2009, kur u deaktivizuan Trupat Mbrojtëse të Kosovës, të cilat lindën nga transformimi i Ushtrisë Çlirimtare të Kosovës dhe lujtën rolin e tyre shumë të rëndësishëm në nëntë vitet e pasluftës.

***

KRYEMINISTRI HARADINAJ: FSK, NË MANDAT USHTARAK DHE MBROJTËS

PRISHTINË, 18 Tetor 2018-Gazeta DIELLI/Kryeministri i Kosovës Ramush Haradinaj pas votimit sot në Kuvend të Pakos së tre projektligjeve drejt Ushtrisë së Kosovës shkruan:

Me të drejtë një prej ditëve më përcaktuese për vendin në konsolidim të shtetit dhe në rrugën drejt NATO-s. Me votimin në lexim të parë të pakos së ligjeve për FSK-në, deputetët e Kuvendit vulosën të drejtën e shtetit tonë sovran për tranzicionin e FSK-së në mandat ushtarak dhe mbrojtës, ofruese e sigurisë për të gjithë qytetarët dhe komunitetet, forcë multietnike e profesionale, sipas standardeve të NATO-s. Falënderoj secilin deputet veç e veç dhe të gjitha partitë politike nga pushteti dhe opozita, që për temat nacionale po dëshmojnë koncensus dhe unitet politik. Nga tranzicioni i FSK-së përfitojnë qytetarët e komunitetet në Kosovë, por edhe rajoni ynë dhe partnerët strategjikë. RH

Kosovë-Kuvendi mblidhet për marrëveshje ndërkombëtare

September 19, 2018 by dgreca

-Mblidhet Kryesia e Kuvendit për kërkesën e opozitës për seancë të jashtëzakonshme nesër – në 20 shtator 2018/

2 ok Kuvendi Kryesia

-Seanca u kërkua për ratifikimin e marrëveshjeve ndërkombëtare, për të cilat duhen dy të tretat e votave – të së paku 80 deputetëve të parlamentit 120 anëtarësh/

Gazeta DIELLI nga korrespondenti në Kosovë Behlul Jashari/

PRISHTINË, 19 Shtator 2018/ Kryesia e Kuvendit të Kosovës me kryetarët e grupeve parlamentare në një mbledhje të mbajtur sot rreth mesditës shqyrtoi kërkesën e opozitës për mbajtje të seancës së jashtëzakonshme nesër, 20 shtator 2018 në ora 14:00, për ratifikimin e marrëveshjeve ndërkombëtare, për të cilat duhen dy të tretat e votave – të së paku 80 deputetëve të parlamentit 120 anëtarësh.

Në axhendë ishte votimi i tre projektligjeve: Për Ratifikimin e Marrëveshjes Financiare për IPA 2017, pjesa e parë, ndërmjet Kosovës dhe Bashkimit Evropian; për Ratifikimin e Marrëveshjes ndërmjet Kosovës dhe Bashkimit Evropian mbi pjesëmarrjen e Kosovës në programin “Evropa për qytetarët”; për ratifikimin e Marrëveshjes ndërmjet Komisionit Evropian dhe Kosovës mbi pjesëmarrjen e Kosovës në “ERASMUS +” Programin e Unionit për Arsim, Trajnim, Rini dhe Sport.Duke pas parasysh mosfunksionimin normal të Kuvendit të Kosovës, opozita – grupet parlamentare të LDK-së, LVV-së e PSD-së dhe 2 deputetët e pavaruar të Alternativës në një deklaratë njoftuan se, “duke pasur gjithnjë për qëllim mirëqenien e qytetarëve të vendit të cilët do të përfitojnë nga ratifikimi i marrëveshjeve ndërkombëtare në mes të BE-së dhe Kosovës dhe duke respektuar partneritetin e Kosovës me BE-në, kanë dorëzuar dje kërkesën me të cilën kërkojnë thirrjen e seancës së jashtëzakonshme në të cilën kërkohet të ratifikohen këto marrëveshje ndërkombëtare”.“Gjithashtu duke ditur se asistencat e BE-së në procesin e integrimit evropian të Republikës së Kosovës e posaçërisht asistenca në përmbushjen e obligimeve të dala nga MSA-ja, siç janë asistencat që rrjedhin nga ratifikimi i Marrëveshjes së IPA-së që sjell 48 milionë euro për Kosovën, Programi “ Evropa për qytetarët” i cili mundëson Kosovës qasje në mëse 17 programe të BE-së, si dhe asistenca në platformat mbështetëse të IT dhe mbështetja në reformën e politikave për arsim dhe rini që parasheh Programi “ Erasmus +”, deputetët e nënshkruar vlersojnë se ratifikimi i tyre duhet të ndodh sa më parë. Seanca është kërkuar të mbahet me datë 20.09.2018 në ora 14.00”, thekson deklarata.

Në Kuvendin e Kosovës, në fillimin e sesionit vjeshtor, as maxhoranca as opozita nuk i kishin numrat për kuorum në dy seancat e jashtëzakonshme të ftuara lidhur me dialogun me Serbinë, njëra me kërkesë të qeverisë e tjetra me kërkesë të opozitës. Maxhoranca dhe opozita bojkotonin njëra-tjetrën, ndërsa deputetët e Listës Serbe i bojkotonin të dyjat.Kuvendi i Kosovës nisi sesionin vjeshtor pasi ishin ftuar dy seanca të jashtëzakonshme për t’u mbajtur brenda ditës së martë të 4 shtatorit, ku rikthehet debati për dialogun Prishtinë-Beograd në Bruksel, me të cilin u përmbyll sesioni vjeshtor me një seancë të papërfunduar në 30 korrik.

Gjatë ditës së hënë të 3 shtatorit, seancat e jashtëzakonshme për ditën e martë u ftuan në dy mbledhje të Kryesisë së Kuvendit me kryetarët e grupeve parlamentare, njëra e mbajtur pasdite pas një kërkese të javës paraprake nga opozita e tjetra në mbrëmje pas kërkesës së qeverisë që u mbledh pasditen e po të hënës.Jo sipas renditjes së kërkesave, fillimisht u ftua nga ora 9:00 të mbahet seanca e jashtëzakonshme me të vetmen pikë në axhëndë: “Shqyrtimi i Propozim-vendimit të qeverisë së Republikës së Kosovës për emërimin e Ekipit Negociator për Normalizimin e Marrdhënieve në mes të Republikës së Kosovës dhe Republikës së Serbisë”.

Ndërsa, për në orën 10:00, ishte ftuar seanca e jashtëzakonshme poashtu me vetëm një pikë në axhendë: “Debat parlamentar lidhur me angazhimet e Presidentit të Kosovës për përfshirjen e ‘shkëmbimit të territoreve’ apo ‘korrigjim të kufijve’ në dialogun në mes të Kosovës dhe Serbisë”.Por, seanca e jashtëzakonshme e kërkuar nga qeveria vetëm nisi dhe pas disa shtyrjeve nuk përfundoi në mungesë kuorumi. Kryetari i Kuvendit të Kosovës, Kadri Veseli paralajmëroi se seanca do të vazhdojë në momentin kur do të ketë numër të mjaftueshëm të deputetëve.

Pas kësaj, po ashtu, për shkak të mungesës së kuorumit, edhe pas shtyrjeve as nuk ka nisur seanca e jashtëzakonshme e Kuvendit të Kosovës, e kërkuar nga opozita.Në seancën e 13 shtatorit me 40 pika në axhendë po që nuk përfundoi përsëri shkaku i mungesave të kuorumit, opozita duke u larguar nga salla plenare ka paralajmëruar se nuk do marrë pjesë në seancat e Kuvendit derisa të mbahet seanca e jashtëzakonshme që e ka kërkuar. Në 29 gusht 2018 Grupi Parlamentar i Lidhjes Demokratike të Kosovës, e mbështetur edhe nga dy partitë tjera opozitare, Lëvizja Vetëvendosje dhe Partia Socialdemokrate, dorëzoi kërkesën për seancë të jashtëzakonshme të Kuvendit të Kosovës, siç theksoi, për të shprehur qëndrimin institucional kundër cenimit të territorit të Republikës së Kosovës.“Në këtë seancë do të propozohet për miratim rezoluta me vetëm një pikë, ku konfirmohet se territori i Kosovës është një dhe i pa ndashëm dhe se askush nuk ka mandat të negociojë për territorin e Kosovës. Pazare me shtetin e Kosovës nuk mund të bëjë askush”, ka theksuar opozita duke paralajmëruar “seancë të jashtëzakonshme të Kuvendit para datës 7 shtator 2018”.

Qeveria e Kosovës, në mbledhjen e pasditës së 3 shtatorit ka emëruar ekipin negociator në kuadër të dialogut për normalizimin e marrëdhënieve në mes të Republikës së Kosovës dhe Republikës së Serbisë.Në këtë dialog, qeveria e Republikës së Kosovës do të përfaqësohet me këtë ekip negociator: Zëvendëskryeministrat Fatmir Limaj, kryetar i Nismës Socialdemokrate – kryesues, Enver Hoxhaj, nënkryetar i Partisë Demokratike të Kosovës – zëvendëskryesues, Behxhet Pacolli, kryetar i Aleancës Kosova e Re – anëtar, Dardan Gashi (nuk përfaqëson ndonjë parti) – anëtar, si dhe dy anëtarë të tjerë- ministri i Administratës Publike Mahir Yagcilar, kryetar i Partisë Demokratike Turke të Kosovës, dhe Avni Arifi – shef i kabinetit të kryeministrit, i cili në mbledhjen e qeverisë në 12 janar 2018 u emërua shef i delegacionit kosovar në bisedimet teknike Kosovë-Serbi në Bruksel.Qeveria e Kosovës në komunikatën nga mbledhja për emërimin e ekipit negociator theksonte edhe se, po ashtu në këtë ekip rezervohen vendet për përfaqësuesit e opozitës: Lidhjes Demokratike të Kosovës, Lëvizjes Vetëvendosje, Partisë Socialdemokrate, si dhe për ekspertë nga shoqëria civile.Kryeministri Ramush Haradinaj ka vlerësuar se ky është një ekip përfaqësues politik i koalicionit qeverisës, por edhe një ekip që do të prezantojë përgjegjësitë qeveritare.Ai paralajmëroi se, ky vendim i qeverisë do të dërgohet në Kuvendin e Republikën e Kosovës për aprovim. Në lidhje me këtë kryeministri tha se do të kërkojë nga Kuvendi një seancë urgjente për diskutimin dhe aprovimin e ekipit dhe platformës së negociatave të Kosovës në dialogun për normalizimin e marrëdhënieve me Serbinë.

Në 30 korrik 2018 Kuvendi i Kosovës njoftoi mbylljen e sesionit pranveror pa përfunduar seancën plenare të debatit parlamentar për dialogun me Serbinë, ndërkohë që kishte edhe një propozim rezolute të paharmonizuar mes grupeve parlamentare, rreth së cilës kishte pikëpamje të ndryshme dhe replika.Propozuesi, që është një nga partitë opozitare – PSD, shprehu gatishmëri për takim me grupet parlamentare që ta diskutojnë dhe ta plotësojnë propozimrezolutën para se ajo të hidhet në votim në fillimin e sesionit vjeshtor.Në dialogun Kosovë-Serbi në Beuksel një takim tjetër i nivelit të lartë presidencial ishte paralajmëruar për të premtën e 7 shtatorit, por sipas deklaratave nga delegacioni i Beogradit, presidenti i Serbisë, Aleksanadar Vuçiç nuk ka pranuar të takojë presidentin e Kosovës, Hashim Thaçi. Përfaqësuesja e Lartë e BE-së Federica Mogherini ka takuar ndaras presidentët, të cilët i kishte ftuar për të vazhduar dialogun drejt normalizimit të marrëdhënieve. Në këtë proces të dialogut Kosovë-Serbi, që ka hyrë në fazën finale, Prishtina angazhohet për një marrëveshje përfundimtare që do përfshinte edhe njohjen nga vendi i vetëm fqinj që ende nuk e ka njohur pavarësinë e shpallur para më shumë se 10 viteve, në 17 shkurt 2008.Në Bruksel, kryesuar nga Bashkimi Evropian, bisedimet Kosovë-Serbi në nivel të lartë, fillimisht kryeministror në 30 ruande nga

19 tetori 2012, pastaj me pjesëmarrje të presidentëve e kryeministrave në dy raunde në 24 janar e 1 shkurt 2017, e më pas në pesë raunde me takime të presidentëve – në 3 korrik e 31 gusht 2017 dhe 23 mars, 24 qershor e 18 korrik 2018, kanë pasuar dialogun teknik, të filluar në 8 mars 2011.

KOSOVË-KUVENDI ASNJËRËN SEANCË…

September 6, 2018 by dgreca

-Kuvendi i Kosovës dy seanca të jashtëzakonshme për dialogun me Serbinë, as maxhoranca as opozita nuk e kanë kuorumin\-Seanca e kërkuar nga qeveria pas nisjes shtyrje pas shtyrjes në dy ditët e kaluara dhe s’dihet kur do vijojë, seanca e kërkuar nga opozita mbrëmë pa kuorum e u paralajmërua për sot në orën 10:00, po nuk filloi përsëri pa kuorum/

1 Kuvendi 4 shtator

Gazeta DIELLI nga korrespondenti në Kosovë Behlul Jashari/

1 Kuvend Opoz PRISHTINË, 6 Shtator 2018/ Në Kuvendin e Kosovës as maxhoranca as opozita nuk i kanë numrat për kuorum në dy seancat e jashtëzakonshme të ftuara lidhur me dialogun me Serbinë, njëra me kërkesë të qeverisë e tjetra me kërkesë të opozitës. Maxhoranca dhe opozita bojkotojnë njëra-tjetrën, ndërsa deputetët e Listës Serbe i bojkotojnë të dyjat.

Pas fillimit paraditën e të martës, pushimit të dhënë për 15 minuta e që zgjati me orë dhe tre shtyrjeve të vijimit, seanca e jashtëzakonshme e Kuvendit për shqyrtimin e Propozim-vendimit të qeverisë së Republikës së Kosovës për emërimin e Ekipit negociator për normalizimin e marrëdhënieve në mes të Republikës së Kosovës dhe Republikës së Serbisë, e planifikuar të vazhdojë të mërkurën në orën 14:00, nuk është mbajtur, në mungesë të kuorumit edhe pas pritjes së gjatë.

Kryetari i Kuvendit të Kosovës, Kadri Veseli paralajmëroi se seanca do të vazhdojë në momentin kur do të ketë numër të mjaftueshëm të deputetëve.

Pas kësaj, seanca e jashtëzakonshme e Kuvendit të Kosovës, e paralajmëruar për të mërkurën në orën 19:30, për debatuar lidhur me angazhimet e Presidentit të Kosovës për përfshirjen e “shkëmbimit të territoreve” apo “korrigjim të kufijve” në dialogun në mes të Kosovës dhe Serbisë, po ashtu, për shkak të mungesës së kuorumit, nuk është mbajtur. Kjo seancë e ftuar me nënshkrimet e 51 deputetëve të opozitës është shtyrë të mbahet këtë të enjte në orën 10:00, nëse do jenë të pranishëm së paku 61 deputetë të Kuvendit 120 anëtarësh, ndërsa në mbrëmjen e të mërkurës ishin 58. As sot nuk kishte kuorum dhe nuk filloi në orën e paraparë, pasi pas 40 minuta pritje kryeparlamentari Kadri Veseli konstatoi se në sallë ishin vetëm 57 deputetë, duke përfshirë edhe atë. Në këtë situatë ai nuk filloi seancën dhe ftoi mbledhje të përbashkët të Kryesisë me shefat e gupeve parlamentare për sot në orën 14:00.

Kuvendi i Kosovës nisi sesionin vjeshtor pasi ishin ftuar dy seanca të jashtëzakonshme për t’u mbajtur brenda ditës së martë të 4 shtatorit, ku rikthehet debati për dialogun Prishtinë-Beograd në Bruksel, me të cilin u përmbyll sesioni vjeshtor me një seancë të papërfunduar në 30 korrik.

Gjatë ditës së hënë të kësaj jave, seancat e jashtëzakonshme për ditën e martë u ftuan në dy mbledhje të Kryesisë së Kuvendit me kryetarët e grupeve parlamentare, njëra e mbajtur pasdite pas një kërkese javën e kaluar nga opozita e tjetra në mbrëmje pas kërkesës së qeverisë që u mbledh pasdite.

Jo sipas renditjes së kërkesave, fillimisht u ftua nga ora 9:00 të mbahet seanca e jashtëzakonshme me të vetmen pikë në axhëndë: “Shqyrtimi i Propozim-vendimit të qeverisë së Republikës së Kosovës për emërimin e Ekipit Negociator për Normalizimin e Marrdhënieve në mes të Republikës së Kosovës dhe Republikës së Serbisë”.

Në 29 gusht 2018 Grupi Parlamentar i Lidhjes Demokratike të Kosovës, e mbështetur edhe nga dy partitë tjera opozitare, Lëvizja Vetëvendosje dhe Partia Socialdemokrate, dorëzoi kërkesën për seancë të jashtëzakonshme të Kuvendit të Kosovës, siç theksoi, për të shprehur qëndrimin institucional kundër cenimit të territorit të Republikës së Kosovës.

“Në këtë seancë do të propozohet për miratim rezoluta me vetëm një pikë, ku konfirmohet se territori i Kosovës është një dhe i pa ndashëm dhe se askush nuk ka mandat të negociojë për territorin e Kosovës. Pazare me shtetin e Kosovës nuk mund të bëjë askush”, ka theksuar opozita duke paralajmëruar që të hënën e javës së klauar “seancë të jashtëzakonshme të Kuvendit para datës 7 shtator 2018”.

Në këtë dialog, qeveria e Republikës së Kosovës do të përfaqësohet me këtë ekip negociator: Zëvendëskryeministrat Fatmir Limaj, kryetar i Nismës Socialdemokrate – kryesues, Enver Hoxhaj, nënkryetar i Partisë Demokratike të Kosovës – zëvendëskryesues, Behxhet Pacolli, kryetar i Aleancës Kosova e Re – anëtar, Dardan Gashi (nuk përfaqëson ndonjë parti) – anëtar, si dhe dy anëtarë të tjerë- ministri i Administratës Publike Mahir Yagcilar, kryetar i Partisë Demokratike Turke të Kosovës, dhe Avni Arifi – shef i kabinetit të kryeministrit, i cili në mbledhjen e qeverisë në 12 janar 2018 u emërua shef i delegacionit kosovar në bisedimet teknike Kosovë-Serbi në Bruksel.

Qeveria e Kosovës në komunikatën nga mbledhja për emërimin e ekipit negociator theksonte edhe se, po ashtu në këtë ekip rezervohen vendet për përfaqësuesit e opozitës: Lidhjes Demokratike të Kosovës, Lëvizjes Vetëvendosje, Partisë Socialdemokrate, si dhe për ekspertë nga shoqëria civile.

Kryeministri Ramush Haradinaj ka vlerësuar se ky është një ekip përfaqësues politik i koalicionit qeverisës, por edhe një ekip që do të prezantojë përgjegjësitë qeveritare.

Ai paralajmëroi se, ky vendim i qeverisë do të dërgohet në Kuvendin e Republikën e Kosovës për aprovim. Në lidhje me këtë kryeministri tha se do të kërkojë nga Kuvendi një seancë urgjente për diskutimin dhe aprovimin e ekipit dhe platformës së negociatave të Kosovës në dialogun për normalizimin e marrëdhënieve me Serbinë.

Propozuesi, që është një nga partitë opozitare – PSD, shprehu gatishmëri për takim me grupet parlamentare që ta diskutojnë dhe ta plotësojnë propozimrezolutën para se ajo të hidhet në votim në fillimin e sesionit vjeshtor.

Në dialogun Kosovë-Serbi në Beuksel një takim tjetër i nivelit të lartë presidencial është paralajmëruar për të premtën e kësaj jave – 7 shtator.

Kosova, lehtësira kufitare për mërgimtarët

July 7, 2018 by dgreca

-Kuvendi i Kosovës, rezolutë që lehtëson procedurat e kontrollit të mërgimtarëve në vendkalimet kufitare të vendit/

-Zgjedhen tre gjyqtarë të Gjykatës Kushtetuese të Republikës së Kosovës/

Gazeta DIELLI nga korrespondenti në Kosovë Behlul Jashari /

PRISHTINË, 6 Korrik 2018/ Kuvendi i Kosovës miratoi sot një rezolutë që lehtëson procedurat e kontrollit të mërgimtarëve në vendkalimet kufitare të vendit.

Me rezolutën e harmonizuar mes grupeve parlamentare kërkohet që heqja e procedurave të rregullta të aplikohet nga 15 korriku deri më 15 shtator 2018 dhe gjatë kësaj kohe të dyfishohen kapacitetet e punës në të gjitha pikat kufitare.

Gjatë punimeve sot, Kuvendi i Kosovës zgjodhi me votim të fshehtë tre gjyqtarë të Gjykatës Kushtetuese të Republikës së Kosovës, Remzie Istrefin-Pecin, Safet Hoxhën dhe Nexhmi Rexhepin, të cilët ia propozoi presidentit për emërim.

“Kjo merr rëndësi të veçantë, nga fakti se, nga sot, Gjykata Kushtetues e Kosovës është një institucion tërësisht i kosovarizuar, meqë më nuk do të ketë anëtarë ndërkombëtarë në përbërjen e saj”, është shprehur kryetari i Kuvendit, Kadri Veseli.

Kuvendi i Kosovës në fillimin e punimeve sot shtyu votimin e një rezolute, në pritje të harmonizimit mes grupeve parlamentare, pas interpelancës së zhvilluar dje të kryeministrit Ramush Haradinaj, sipas kërkesës nga opozita, VV-së e LDK-së, në lidhje me vendimin e qeverisë për pagesën e 53 milionë eurove shtesë për kompaninë Bechtel&Enka në Kontratën për ndërtimin e Autostradës Prishtinë-Hani i Elezit.

Më pas, që në fillim seanca shkoi në pushim 15 minutësh, zgjati më shumë, pasi në një votim pjesëmarrja ishte më pak se gjysma dhe nuk mund të kalonte mocioni nga maxhoranca që si pikë e parë sot të renditet ajo që ishte e 14-ta – Propozimi i kandidatëve për gjyqtarë të Gjykatës Kushtetuese të Republikës së Kosovës. Mocioni kaloi pas pushumit në një votim të përsëritur.

Kuvendi i Kosovëa miratoi një rezolutën për kontrollin e mërgimtarëve në kufi, që lehtëson procedurat, e harmonizuar në mes të grupeve parlamentare.

Me këtë rezolutë kërkohet heqja e procedurave të rregullta të aplikohet nga 15 korriku 2018 deri më 15 shtator dhe gjatë kësaj kohe të dyfishohen kapacitetet e punës në të gjitha pikat kufitare.

Kuvendi i Kosovës u rimblodh sot në seancën plenare të nisur dje me 20 pika në axhendë, mes të cilave shqyrtimi i Projektligjit për ratifikimin e Marrëveshjes me Bashkimin Evropian mbi pjesëmarrjen e Kosovës në Programin e Unionit “Konkurrenca e Ndërmarrjeve të vogla dhe të mesme (COSME) 2014-2020”.

“Me këtë ligj hapet rruga që Kosova dhe bizneset në Kosovë të përfitojnë nga ky program zhvillimor i Bashkimit Evropian”, ka theksuar qeveria në mbledhjen e miratimit në 29 maj 2018.

Në axhendë janë edhe 8 projektligje: Për efiçiencë të energjisë; për mbrojtjen e të dhënave personale; për shqyrtimin dhe vërtetimin e pasurisë së pajustifikueshme; për ndryshimin dhe plotësimin e Ligjit për Automjete; për shërbime postare; për masat mbrojtëse në importe; për trajtimin e ndërtimeve pa leje; për Këshillin e Pavarur Mbikëqyrës për Shërbimin Civil të Kosovës.

Seanca e Kuvendit vijon me shqyrtimin e raportve për vitin 2017 të Këshillit të Pavarur Mbikëqyrës për Shërbimin Civil të Kosovës dhe të Komisionit të Pavarur për miniera dhe minerale.

Një pikë tjetër e axhendës, është shqyrtimi i kërkesave të Komisionit Hetimor Parlamentar në lidhje me shpenzimet për lobim nga ana e Presidencës dhe qeverisë së Republikës së Kosovës për miratimin e buxhetit, si dhe për zgjatjen e mandatit (afatit) të këtij Komisioni.

Zgjedhja e një anëtari të Komisionit të Pavarur për Media dhe formimi i Komisionit Ad-hoc për përzgjedhjen e kandidatëve për anëtarë të Bordit të Radiotelevizionit të Kosovës, janë poashtu në axhendën e seancës së sotme të Kuvendit, që përfundon me propozimin e grupit parlamentar të AAK-së për zëvendësimin e anëtarëve në komisionet parlamentare.

Kuvendi ende në terr informativ rreth deportimit të shtetasve turq

April 13, 2018 by dgreca

Deportimi i gjashtë shtetasve turq nga Kosova, ngjarje kjo e datës 29 mars, vazhdon të mbetet një zhvillim me shumë të panjohura, jo vetëm për opinionin publik, por edhe për krerët e shtetit dhe institucionet më të larta të Kosovës.

Agjencia e Kosovës për Inteligjencë (AKI) ende nuk ua ka dorëzuar raportin rreth këtij rasti institucioneve më të larta vendore.Përveç një raporti informues, të cilin deri më tani e ka prezantuar vetëm presidenti i Kosovës, Hashim Thaçi, institucionet tjera vazhdojnë të pohojnë se nuk kanë asnjë informacion zyrtar rreth asaj se si ndodhi që Kosova deportoi gjashtë shtetasit turq, të cilët deri në ditën e dëbimit, kishin leje valide qëndrimi në Kosovë.

Të premten, pritej që zëvendësshefi i Agjencisë së Inteligjencës, Latif Merovci të raportojë para Komisionit parlamentar për mbikëqyrje të AKI-së, por ky raportim nuk ndodhi. Ishte hera e katër që ky Komision kishte kërkuar këtë raportim.

Kryetarja e Komisionit, deputetja nga radhët e Partisë Demokratike të Kosovës, Ganimete Musliu tha se po bëhet e pamundur të ketë një kontroll ligjor demokratik mbi Agjencinë e Inteligjencës.

“Komisioni unanimisht konstaton që nuk jemi duke mundur ta zhvillojmë kontrollin demokratik apo anën ligjore të kontrollit demokratik mbi AKI-në. Ne do të mundohemi që në bazë të kompetencave që i kemi, bashkërisht të gjejmë rrugë për të funksionuar si komision dhe për të marrë përgjigje nga institucionet përgjegjëse”, tha deputetja Musliu.

Në ditën e deportimit të gjashtë shtetasve turq nga Kosova për në Turqi, si një aksion i koordinuar ndërmjet shërbimeve të inteligjencës nga Turqia dhe Kosova, jo vetëm deputetët, por edhe presidenti, kryeministri dhe kryetari i Kuvendit kishin deklaruar se nuk kishin njohuri rreth këtij rasti.

Si kundërreagim, kryeministri Ramush Haradinaj më pas pati liruar nga detyra ministrin e Brendshëm Flamur Sefaj dhe shefin e AKI-së, Driton Gashi.

Në bazë të një rezolutë të miratuar nga Kuvendi, pas një seance të jashtëzakonshme, është iniciuar edhe formimi i një komisioni hetimor parlamentar për t’i ndriçuar rrethanat e dëbimit të gjashtë shtetasve turq.

Deputeti Ilir Deda, nga Alternativa ka thënë për Radion Evropa e Lirë se shpreson që përmes këtij Komisioni, do të dalin para drejtësisë personat që sipas tij kanë shkelur Kushtetutën e Republikës së Kosovës.

Të gjashtë shtetasit turq u arrestuan dhe u dëbuan me një aeroplan të Shërbimit të Inteligjencës Turke më datë 29 mars vetëm pak orë pasi u arrestuan nga Policia e Kosovës në bashkëpunim me Agjencinë Kosovare të Inteligjencës (AKI).

Pesë prej personave të dëbuar nga Kosova ishin punonjës të shkollës “Mehmet Akif” në Kosovë, pronë e klerikut turk Fethullah Gulen, ndërkaq personi i gjashtë ishte një mjek turk.

Ankaraja i ngarkon ata me dyshimin se janë anëtarë të organizatës Hizmet të udhëheqësit fetar turk, Fetullah Gulen dhe e fajëson këtë të fundit se qëndron pas një tentim puçi në korrik të vitit 2016.Dëbimi i shtetasve turq me leje qëndrimi në Kosovë kishte nxitur edhe reagimin e Bashkimit Evropian.“Arrestimi dhe deportimi i gjashtë shtetasve që kanë jetuar ligjërisht në Kosovë, ngrit pyetje për respektimin e procesit të rregullt gjyqësor”, thuhet në qëndrimet e BE-së.

Nga Brukseli, Kosovës i ëshët bërë me dije se sundimi i ligjit është parim themelor i Bashkimit Evropian.

Po ashtu, BE kishte rikujtuar institucionet e Kosovës se procedurat arbitrare lidhur me arrestimin, ndalimin apo azilin janë kundër këtyre parimeve evropiane.