TIRANE- Asambleja e Përgjithshme e Kombeve të Bashkuara e ka shpallur 5 shtatorin, ditën kur u shua e lumnuara Nënë Tereza, si Ditën Ndërkombëtare të Bamirësisë.
Ministria e Punëve të Jashtme e Republikes se shqiperise përmes një deklarate për mediat e ka përshëndetur këtë vendim, me te cilin, sipas saj, vendet anëtare të OKB-së, duke njohur e vlerësuar rolin e pazëvendësueshëm të akteve të bamirësisë në zbutjen e krizave humanitare dhe vuajtjeve njerëzore, i bëjnë një homazh të merituar aktivitetit e trashëgimisë së Nënë Terezës, e njohur ndërkombëtarisht dhe e vlerësuar botërisht për përkushtimin dhe punën e saj gjatë gjithë jetës në ndihmë të të sëmurëve, të varfërve e njerëzve në nevojë.
“Rezoluta, duke inkurajuar aktet e bamirësisë, bën thirrje që më 5 shtator, të gjitha shtetet anëtare të OKB-së, organizatat e Kombeve të Bashkuara, organizatat e tjera ndërkombëtare dhe rajonale, shoqëria civile, si dhe individët, të përkujtojnë Ditën Ndërkombëtare të Bamirësisë. Shqipëria ishte një nga vendet kryesore sponsorizues të kësaj rezolute dhe Misioni ynë në Kombet e Bashkuara pati një rol kyç në miratimin me konsensus të saj. Nëpërmjet një lobimi të fuqishëm, rezoluta arriti të marrë bashkësponsorizimin e më se 20 vendeve anëtare të Kombeve të Bashkuara”,- thuhet në deklaratën e MPJ-së.
SHOQATA “MALËSIA E MADHE” NË DETROIT MBAJTI KUVENDIN ZGJEDHOR
Nga Pjeter Jaku/
Me datën 16 Dhjetor 2012, nga ora 2:30 Pm deri afer orës 6:00 Pm, në një nga Sallat e Kishës së Shën Palit në Rochester Hills Michigan u bë takimi zgjedhor i Shoqatës “Malësia e Madhe.” Në këtë takim merrnin pjesë më shumë se 100 përfaqësues të kësaj Shoqate, që për kohën funksionuese ka bërë disa aksione të rëndësishme, të cilat i përmendi në raportin zgjedhor, Kryetari i kësaj Shoqate, Gjergj Ivezaj, raporti i të cilit po publikohet bashkë me këtë informacion.
Siç shihet nga numri i të pranishmëve, ineteresi për këto zgjedhje ishte më i madh se asnjëherë tjetër, që kur u krijua kjo shoqatë. Veç raportit që u ndëgjua me vëmëndje, të pranishmit i përshëndeti edhe Famullitari i kësaj Qendre, Don Fran Kola, i cili vuri në dukej rëndësinë dhe rolin që ka luajtur kjo shoqatë në ndihmat e vazhdueshme që ka dhënë, jo vetëm ëpr Malësinë, por edhe për Pavarësinë e Kosovës. “ Pa Malësi të bashkuar, – theksoi Don Frani, – nuk mund të ketë Shqipëri të bashkuar.”
Më pas u kalua direkt në rregullin e zgjedhjeve, ku më parë kryetari i deritashëm Gjergj Ivezaj, si drejtues i takimit, theksoi përcaktimin e numrit të kryesisë, ku u ra dakort të ishin 19 anëtarë dhe, më pas u kërkua të ndigjoheshin anëtarët e kryesisë se deritashme, nëse donin prapë të kandidonin. “Gjithë ata që duan të kandidojnë, ta kërkojnë publikisht dhe në mënyrë të hapur, – u tha nga drejtuesi i kësaj mbledhje.” Ish të zgjedhurit e mëparshëm Ruzhdi Gjokaj dhe Rush Dragu u tërhoqën, duke mos pranuar të kandidonin për një mandatë tjetër, ndërsa 27 tjerë u përcaktuan për kandidim, nga të cilët do të zgjidheshin me votë të fshehtë 17, pasi dy ishin të paracaktuar për pjesën e Malësisë që është në teritorin juridik të tanishëm të Shqipërisë.
Nga votimet rezultoi se:
Kryesia e re e shoqates me vota te fshehta per mandatin e ardhshem eshte:
1. Zef Gjonaj
2. Malot Ivezaj
3. Luke Juncaj
4. Marash Ulaj
5. Gjergj Ivezaj
6. Leke Gjonaj
7. Paloke Lulgjuraj
8. Gjergj Vulaj
9. Nreke Gjolaj
10. Tome Gjokaj
11. Prek Gjokaj
12. Nua Nikollaj
13.Pashko Gjokaj
14. Martin Ulaj
15. Viktor Camaj
16.Rrok Dedvukaj
17.Rrok Gjelaj
Mondi Rakaj dhe Ndue Gjekaj kalojne pa u votuar ne kryesi sipas nje rregulli te bere enkas per Malesine e Mbishkodres.Drejtuesit e Shoqatës do i zgjedh kryesia e sapozgjedhur Brenda 7 ditëve të ardhshme.
***
Fjala e Kryetari Gjergj Ivezaj me rastin e Kuvendit Zgjedhor te shoqates atdhetare “Malesia e Madhe” e mbajtur me 16 dhjetor 2012.
Te nderuar te prenishem. I nderuari famullitari i Kishes se Shen Palit Don Fran Kolaj, e nderuara kryesi e shoqates “Malesia e Madhe” mire se keni ardhe ne kete qender te madhe fetare dhe kombtare ku sot do te mbajme Kuvendin Zgjedhor te kesaj shoqate.
Prandaj me lejoni qe ne emer te kesaj shoqate t’iu pershendes te gjithve duke iu deshirue cdo te mire ne jeten Tuaj.
Sot do te mbajme zgjedhjet e pesta te shoqates tone ku besoj dhe deshiroj te plotsohemi me antar te ri ku do te sjellin fryme dhe energji te re qe kjo shoqate te vazhdoj me punen e saje per te mire te Malesise dhe me gjere.
Shoqata atdhetare “Malesia e Madhe” mision dhe qellim te vete ka: Te ndihmoj dhe te ndikoj ne permisimin dhe avancimin politik, ekonomik, dhe social kryesisht ne Malesi e mbetyr nen Male te Zi .Te ndihmoj njerzit ne nevoje, apo sic i kemi quajte skamnoret, te ndihmoj te semurit, studentet si dhe raste tjera ne nevoje.
Per fat te keq nevojat dhe kerkesat e Malesise nuk kane ndryshue shume prej atyre te para dhjete viteve kur ne jemi formue. Koha po verteton planin e kahmotshem te atye pushteteve sllave edhe pse munde te ndrrohen dhe te quhen edhe “demokratike” qe qellimi i tyre i vetem dhe kryesor ka qene dhe eshte moszhvillimi i trojeve tona te mbetura nen administrimin e shtetit malazez pa vullmetin tone, ndryshimi i struktures demografike, asimilimi i popullates shqiptare, shperngulja e tyre qe statistika tregon se dy pjese te popullates se saje gjinden jashte si pasoje e ketyre rrethanave, si dhe kolonizimin me popullate jo shqiptare sic po nodhe tash sa vite ne Malesi.
Per te vertetue mos vullnetin politik te atije shteti karshi nesh si popull autokton ne trojet tona shekullore me se miri konstatohet me pamundesine e realizimit te kerkeses se Malesise per nje Komune si te gjitha Komunat tjera ne Male te Zi. Komune qe i plotson te gjitha kushtet me pare se shtate komuna tjera ne ate shtet.
Komune e plote per Malesi eshte kerkese minimale sepse kerkesa e drejte jo vetem e Malesise por e te gjithe popullit shqptar sot te shperndar ne 6 shtete eshte bashkimi i tyre ne nje shtet te lire etnik dhe demokratik qe i thone Shqiperi.
Prandaj duke marre per baze situaten atje, Malesia ende ka nevoje per ne, dhe ne qe e kemi leshue ate, nuk duhet te harrojme se prej kah kemi ardhe, nuk duhet te harrojme se jemi bijte e asaj Malesi dikur krenare dhe flamurtare.
Kurse sot, e perbuzur, e lodhur dhe e merzitur, ne rrezik per te ardhmen e saje si Malesi shqiptare. Qellimi i atij pushtetit eshte qe Malesia te jete multietnike qe do te thote e gjithkujte dhe e askujte, por jo Malesi shqiptare.
Pra e kemi obligim moral dhe kombetar qe ta ndihmojme Malesin per te drejta njerzore, humanitare, politike dhe kombetare qe i garantojne te drejtat nderkombtare por te neglizhuara dhe te mos realizuara nga qeveria malazeze dhe disa njerez tone te shitur ne kete pushtet.
Shoqata jone prej fillimit te veprimtarise e deri sot mbrenda kapaciteteve dhe mundesive te saj eshte mundue qe Malesise t’i vine ne ndihme me menyra te ndryshme si me protesta, peticione, shkresa, ankesa, takime dhe kerkesa nga institucinet dhe personalitete te ndryshme amerikane, europiane shqiptare dhe malazeze.
Sikurse edhe me pare gjate mandateve tjera edhe gjate ketij mandati kemi pase takime me personalitete te njohur te politikes amerikane qe jane edhe te njohur si miq te medhenje te popullit shqiptar si: Vllezrit Senator dhe Congresman Carl dhe Sander Levin, Congresmanet Eliot Angel Gary, Peters dhe te tjere, qe shoqata jone i ka perkrah edhe financiarishte ne fushata te tyre zgjedhore.
Si pergjegjeje te kerkesave tona keta politikan amerikan iu jane drejtue per shqetsime te tyre per situaten e shqiptarve nen Male te Zi institucioneve me te larta si Departmentit shtetror dhe sekretares Clinton, si dhe Kryeministrit te Malit te Zi Millo Gjukanoviq.
Gjithashtu nje delegacion ne emer te shoqatave tona ne Diaspore ne gusht 2010 ka pas takim me zyrtarin e larte te departmentit shtetror z. John Buzbi ku i jane paraqite kerkesat dhe te pa drejtat qe po u bahen shqiprave ne shtetin malazez.
Si dhe ky delegacion ka pas takime me ambasaden e shtetit shqiptare, shtetit te Kosoves dhe Malit te Zi ne Ëashington, ku po ashtu jane shtrue te gjitha kerkesat tona dhe iu eshte dorzue Elaborati i punuar prej experteve te ndryshem qe verteton se Malesia e meriton Komunen e Plote me pare se 7 Komuna tjera ne Male te Zi,
Shoqata jone me letra, deklarata dhe shkrime te ndryshme shume here ka kundershtue politiken e qeverise malazeze ku ne disa raste edhe jane pergjegje tue pergnjeshtrue gjoja akuzat tona te pa baza si me rastin e gazetes ne gjuhen shqipe Koha Javore.
Jemi deklarue se nuk perkrahim te ashtuquajturen“Shpija Malazeze”ne Neë York ku per fat te keq drejtues dhe kontributor jane edhe disa te pa ditur apo te shitur shqiptar.
Me shkrim iu jemi drejtue qarqeve shtetrore malazeze dhe opinionit te gjere ku ke mi kundershtue ligjin per ndarjen teritoriale ne Male te Zi ku Malesia parashihet pa Komune, si dhe te drejten per perdorimin e Simbolit kombetar Flamurin tone Kuq e zi ku ligji parasheh marrjes se lejes speciale nga organet kompetente per perdorimin e tije.
Me 24 Tetor 2009 ne qytetin Do Bois te Pensellvenise u zhvillue takimi i kater shoqatave dhe aktivisteve tjere te komuniteteve tona . Nga shoqatat pjesmarrse ishin: Shoqata “Malesia e Madhe”nga Detroiti, Levizja “Atdheu na Bashkon” “Shoqata Ded Gjin Luli” si dhe “Fondacioni Malesia” nga Neë Yorku.
Qellimi i ketije takimi ishte Uniteti i Diaspores tone per realizimin e kerkesave te drejta te Malesise si kerkesa per Komunes se Plote te saj e tjera. Si dhe ne vazhdimsi per intersa te perbashkta tonat dhe te Malesise te veprohet ne emer te ketyre shoqatave qe eshte quajte keshilli per Komunen e Plote te Malesise.
Ne emer te ketyre shoqatave dhe Diaspores tone jemi drejtue shume institucioneve nderkombtare per problemet dhe kerkesat tona, si dhe shtetit tone ame shqiptar dhe institucioneve me te larta te tije, ku kemi kerkue vlersim te larte shtetrore per heroin tone kombetar Ded Gjon Luli dhe Malesine e Tije.
Po paraqes nje paragraf qe ka te beje me kerkesen tone:
Citoj: I nderuari Kryeminister: “Ne kete kontekst, duke na kosideruar si pjese e kombit, ju lutemi pranoni propozimin tone qe krahas nderimit te shtyllave te shtetit shqiptar si I. Qemali, H. Prishtina, N. Kacori, I. Buletini, L. Gurakuqi e te tjere, te parashikoni edhe vleresimin me dinjitetin qe e meriton te prijesit te Malsise se Madhe, heroin e popullit Ded Gjo’ Lulin, i cili me 6 prill 1911 ngriti flamurin kombetar ne Bratile te Deciqit duke i paraprire keshtu ngjarjes me madhore ne historine e re te kombit tone, shpalljes se pavaresise. Gjykojme se do t’i bente ndere kombit neqofte se ne nje nder qytetet kryesore te Shqiprise, per 100 vjetorin e pavaresise, do te ngritej nje monument per Kryengritjen e Malesise dhe prijsin e saj Ded Gjo’ Luli”.
Gjthashtu nga shteti shqiptar kemi kerkue mirnjohje per z. Pjeter Ivezaj ku rasti i te cilit me 1986 me burgosjen ne burgjet Jugosllave dhe lirimin e tije te detyrueshem nga Shtetet e Bashkuara te Amerikej bani buje te madhe nderkombetare dhe kombetare ne ate kohe e sidomos per ceshtje e Kosoves.
Meqense per kete rast ne publikim per opinjon eshte be nje leshim-gabim pa fajin e publikuesit, ku thuhet se kerkesa jone per Pjeter Iveza ka qene “Nderi I Kombit” Per hire te vertetes ne kerkesen tone qe iu eshte dergue shtetit shqiptar nuk ka qene kerkesa “Nderi Kombit” por vetem dekorim nga shteti shqiptar.
Po citoj paragrafin qe sqaron thelbin e kerkeses:
“Dy shoqatat e lartepermendura vlersojne se me rastin e jubileut gjithekombetar-100 vjetorit te Pavarsise se Shqiperise te dekorohen per kontributin patriotik edhe shqiptaret e Amerikes. Ne kete kuader propozojme qe te dekorohet Z. Pjeter Ivezaj”.
Perpos perpjekjeve ne aspektin politik dhe kombetar per t’u ndihmue Malesia dhe me gjere shoqata jone per kete periudhe kohore ka zhvillue aktivitete te ndryshme edhe shoqrore, letrare dhe kulturore.
Kemi organizue nje pritje madhshtore per lirimin e dy burgosruve politik te rastit famekeq “Fluturimi i Shqiponje” nga burgjet malazeze Kole dhe Rrok Dedvukaj.
Kemi perkujtue burgosjen dhe lirimin e 25 vjetorit te Pjeter Ivezaj nga buegjet Jugosllave.
Kurse ne aspektin letrar kemi organizue promovime librash te ndryshem.
Kemi promovue romanin “Meshira e Pameshirshe” te Shkrimtarit Fran Camaj.
Romanin “Dosja e Tmerrit” poashtu te Fran Camaj.
Romani “Vdekja e Valeve” te autorit Anton Gjuravcaj
Kemi promovue librin “Pishtaret e Lirise” te autorit Gjylafer Avdiu.
Kemi kremtue Festat Kombtare kryesisht ne Bashkpunim me Qendren dhe Kishen e Shen Palit, si dhe me qendrat dhe soqatat tjera si per rastin e fundit te kremtimit te 100 vjetorit te Pavarsise se Shqiperise.
Kurse kryetari i shoqates une Gjergj Ivezaj ka marre pjese ne mbledhjen komemorative dhe ne vorrimin e Akademik dhe Gjeneral Tome Berisha ne Malesi ku pati edhe fjale rasti.
Per kete perjudhe kohore edhe pse jemi gjinde ne kohen e krizes ekonomike prap se prap shoqata jone kuptohet cdo here me ndihmen e perkrahesve tone dhe te Malesise kemi ndihmue njerez ne nevoje dhe projekte dhe aktivitete qe ne kemi mendue se jane ne interes te Malesise dhe ceshtjes tone Kombetare.
Megjithse nuk kemi pas mundesi t’u pergjigjemi te gjitha kerkesave qe na kane ardhe.
Megjithate prej vitit 2009 e deri sot shoqata jone ka dergue dhe shpernda ne Malesi dhe me gjere ndihmat ne vijim.
Ne vitin 2009 jane ndihmue njerzit te nevoje ne Malesi me $ 12,300
Shoqates “Kosove Malesi” Martin Dreshaj per punen e tyre ne interest e Malesise dhe me gjere $2,000
Shoqates Rapsha ne Malesi per mbajtjen e Festivalit kombetar ne Vitoje $1000
Shoqates Bashkimi Kombetar nga Neë Yorku per pjesemarrje ne Gjirokaster $ 500
TV Boin dhe Nikolle Nikprelaj per programin e Vitit te Ri $3500
Valltarve Prane kishes se Shen Palit ne Detroit per pjesmarrje ne Gjirokaster $1,500
Shoqates Gruda ne Malesi per pjesemarrje ne Gjirokaster $1,000
Shoqates Besa e Trieshit-Nikolle Nikprelaj per kremtimin e 28 Nentorit $1,000
TV Boin nen organizimin e antarit te kryesise Malot Ivezaj ne shtepi te tije $5,000
Per Elaborat i punuar nga nje grup expertesh qe verteton qendrueshmerine ekonomike per Komune te Plote te Malesise $2,500. Elaborat qe eshte shpernda Departmentit shtetror te SH B A, shume Senatorve dhe Congresmanve Amerikan, Institucioneve te Bashkimit Europian, si dhe institucioneve me te larta shtetrore te Shqiperis, Kosoves dhe Malit te Zi.
Do te vecoja ne menyre te vecante nje aktivitet te shoqates tone per te cilin te gjithe jemi ndije mire dhe te lumtur qe patem mundesi qe ne kohe te duhur ta realizojme.
Fjala eshte per nje familje te cilen ne ate kohe e kishin kaplue problemet jo vetem te shkaktuara nga varferia, por te shumefishuara nga diskriminimi, burgosjet dhe torturat e policies malazeze qe ne menyre cnjerzore trajtoj keta dhe disa tjere me rastin famekeq “Fluturimi i Shqiponje” ne vitin 2006.
Rasti eshte i njohur per te gjithe dhe fjala eshte per familjen Berishaj ku shoqata Malesia e Madhe ia ndertoj shtepine e re e cila kushtoj $64,300, shfrytzoj rastin qe edhe nje here ne emer te shoqate dhe te gjithe atyre qe ndihmuen per te t’u them e gezofshin.
Gjithashtu shfrytzoj rastin te faleminderoj Z. Palok Vulaj qe ne ate kohe gjindej ne Malesi, qe ne emer te shoqates “Malesia e Madhe” falas menaxhoj dhe ndertoj shtepin e vllezerve Berishaj.
Vazhdoj me ndihma per shoqaten “Ded Gjon Luli” ne Malesi per kremtimin e Kryengritjes se Malesise $500
Sokol Lulgjuraj per botimin e librit te tije $1000
Anton Sinishtaj i burgosur ne aksionin “Fluturimin e Shqiponjes” $2000
Viktor Sinishtaj i burgosur ne aksionin “Fluturimin e Shqiponjes” $1000
Fahrudin Orahovac ndihme humanitare $300
Per Kremtimin e 100 vjetorit te Kryengritjes se Malesise ne Malesi $5,000
Per mos extradimin e Gjon Lucaj ne burgjet malazeze nga shteti shqiptar i akuzuar ne Aksionin “Fluturimi I Shqiponjes” $7,500
Portalit Malesia.org- Robert Ivezaj $550
Muzeut Etnografik ne Lekaj Malesi me pronar Shtjefen Ivezaj $500
Shoqates Kosove-Malesi, Martin Dreshaj per Kremtimin e I00 vjetorit te Pavarsise se Shqiperise $500
Romeo Gurakuqit- historian i njohur nga Shkodra per botimin e librit te tije te ri qe kryesisht ka te beje me historin e Malesise $500
Shoqates Artistike Ded Gjon Lulu ne Malesi per pjesmarrje ne Vlore per 100 vjetorin e Pavarsise se Shqiperise $1000
Celebrimin me rastin e marrjes “Nderi I Kombit”per Malesi i ndare nga Presidendi I Shqiperise Bujar Nishani $2,200.
Nje grup biciklistesh qe nga Bratila e Deciqit cuen Flamurin ton kombetar ne Flore, dhe ky flamur rrugetoj prej Bratilet dhe simbolikishte u dorzue ne Vloren heroike $300
Te dashur bashkatdhetar,
Keto ishin aktivitetet kryesore te shoqates atdhetare “Malesia e Madhe” per keto kater vitet e fundit te veprimtarise se saje, megjithse ka pas edhe takime dhe aktiviteta tjera por per te gjitha kerkohet nje raport me konkret dhe analize me e gjere.
Prandaj ne emer te shoqates Malesia e Madhe ndiej obligim moral t’i beje disa faleminderime per perkrahje dhe ndihme qe iu dha kesaj shoqate, ndihme pa te cilen ne si shoqate kurr nuk do kishim pas mundesi te arrijme as minimumin e ketyre ndihmave dhe aktiviteteve qe ne i kemi zhvillue.
Se pari nje faleminderim i madh shkon per qendren tone te madhe Fetare dhe Fombetare Kisha e Shen Palit, dhe udheheqsve shpirtor dhe administrativ te saj Don Anton Kqira- tash ne pension dhe famullitarit te tanishen Don Fran Kolaj.
Perkrahja e tyre nuk ka mungue dhe nuk mungon as sot. Sa per ilustrim po ceki vetem per darkat vjetore qe shoqata jone i mban per mbledhjen e fondeve. Perpos ndihmes te rregullt personale materiale te tyre Kisha e Shen Palit na kan dhan falas sallen , ushqimet dhe pijet per darke qe eashte shtrue per kontributoret e shoqates tone, si vitin e kalur nga Don Frani, si vitin me pare nga Don Antoni, per cgje nga zemra i faleminderojme shume.
Gjithashtu faleminderim i posacem shkon te kontributoret tone te shumte qe gjate te gjithe ketyre viteve na perkranen moralisht dhe materialisht pa te cilet shoqata “Malesia e Madhe” nuk do te ishte kjo shoqate qe eshte.
Per shkak te listes se gjate te kontributorve ne kete raste nuk munde t’i permendi te gjithe dhe u kerkoj ndjese, por po vecoj vetem disa prej tyre si: Pjeter Stanaj, Konzullin e nderit te shtetit shqiptar Z. Ekrem Bardha, Zef Dedivanaj, Gjon Gojani, Pashko Gjolaj, Zef Vulaj,Palok Camaj, Marash Nucullaj, Malot Ivezaj, Nikoll Toma Lulgjuraj, Mark Kola Gojcaj,Martin Nikolla Berishaj, Gjoke Pjetri Gjolaj, Prele Dedvukaj, Gjon Lulgjuraj, Fran Pjetri Ivezaj e tjere qe ndihmuan me nje shume te konsiderueshme shoqaten tone per keto vite.
Faleminderoj televizionet shqiptare te Komunitetit dhe ëeb faqet tona ketu dhe ne Malesi qe per keto vite falas pasqyruen aktivitetet tona.
Faleminderoj shoqatat nga Neë Yorku: “Fondi Humanitar Malesia” shoqaten “Ded Gjon Luli” si dhe “Levizja Atdheu na Bashkon” per bashkpunimin e tyre per keto kater vite si dhe per ndihma materiale qe e ndihmuen shoqaten tone ne disa raste per aktivitete te saj.
Faleminderoj kengetarin e mirnjohur shqiptar Z. Nikolle Nikprelaj qe nga Malesia ne perkrahje te shoqates tone i dergoj 1000 Euro. Si dhe nje shoqate te komunitetit tone me emer Albanian Legasi apo Trashigimia Shqiptare me kryetar Muhamed Myftari per ndihme te shoqates “Malesia e Madhe” me $500.
Dhe se fundi nje faleminderim i sinqerte nga une si Kryetar i shoqates atdhetare“Malesia e Madhe” deri ne kete moment, shkone per antaret e Kryesine se kesaj shoqate, qe punuan pa u lodhur per keto kater vite edhe pse me sfida te ndryshme dhe jo te lehta gjate kesaj kohe. Por per fat tonin i perballuem.
Zoti ju bekofte juve ketu te prenishem, Zoti i bekofte shtetet e Bashkuara te Amerikes dhe Zoti i bekofte te gjithe shqiptaret me nje mirqenje, mirkuptim dhe bashkim kombetar.
Ju faleminderit.
Gjergj Ivezaj,
Kryetar i Shoqates “Malesia e Madhe
Detroit, 16 – Dhjetor -2012
DHIMBJE, LOT, PSHERETIMA, QIRINJ, LULE , MESHA NEPER KISHA, FLAMURI NE GJYSEM SHTIZE
Lista me emrat e viktimave. Obama pritet të takojë familjet e viktimave dhe të bisedojë me to. Kishat mesha të veçantë – flamuri në gjysmë stizhe, banorët e Newtown në zi për viktima…/
NEWTOWN CONNECTICUT : Presidenti i Shteteve të Bashkuara, Barack Obama, do të qëndrojë sot pranë shkollës në Konektikat, ku të premten Adam Lanza vrau 26 njerëz, në mesin e tyre 20 fëmijë. Obama pritet të takojë familjet e viktimave dhe të bisedojë me to.
Autoritetet në Konektikat kanë publikuar emrat e viktimave dhe moshën e tyre. Bëhet fjalë për dymbëdhjetë vajza dhe tetë djem të vrarë – të moshës 6 dhe 7 vjeç – si dhe për gjashtë pjesëtarë të stafit të shkollës, të gjitha femra…
Në SHBA ende janë të hutuar nga tragjedia në shkollën fillore “Sandy Hook” Newtown, në Konektikat dhe pyetja e madhe që rri pezull mbi shoqërinë amerikane, nuk mund të jetë tjetër përveç ‘Përse?’
Adami ishte grindur me 4 mesuese para masakres
Sipas raporteve, vetëm një ditë para masakrës, 20 vjeçari Adam Lanza duket se ka qenë në shkollë dhe ka patur një grindje me 4 mësuese, 3 nga të cilat vdiqën të premten, ndërsa e katërta nuk ishte në shkollë atë ditë. Ajo është marrë në pyetje nga hetuesit për të zbardhur sadopak arsyet që e shtynë 20 vjeçarin të bëjë një masakër të tillë. Lanza ka hyrë me forcë në shkollë ditën e premte dhe mësohet se e ka vrarë drejtoreshën në momentin kur ajo po lajmëronte nxënësit në interkom.
Lista e viktimave
Charlotte Bacon, 6-vjece
Daniel Barden, 7-vjece
Rachel Davino, 29-vjece
Olivia Engel, 6-vjece
Josephine Gay, 7-vjece
Ana Marquez-Greene, 6-vjece
Dawn Hochsprung, 47 -vjece
Dylan Hockley, 6-vjec
Madeleine Hsu, 6-vjece
Catherine Hubbard, 6-vjece
Chase Kowalski, 7-vjece
Jesse Lewis, 6-vjece
James Mattioli, 6-vjec
Grace McDonnell, 7-vjece
Anne Marie Murphy, 52-vjece
Emilie Parker, 6-vjece
Jack Pinto, 6-vjec
Noah Pozner, 6-vjec
Caroline Previdi, 6-vjece
Jessica Rekos, 6-vjece
Avielle Richman, 6-vjece
Lauren Russo, 30-vjece
Mary Sherlach, 56-vjece
Victoria Soto, 27-vjece
Benjamin Wheeler, 6-vjec
Allison Wyatt, 6-vjece
Nena e vet e mesoi Adamin te qellonte
Më parë ai kishte vrarë edhe mamanë e tij, Nancy Lanza, por ishte kjo e fundit që i kishte futur të birit dëshirën për të përdorur armët. Një ditë ajo e kishte çuar në poligon dhe e kishte mësuar se si të qëllonte me armë zjarri. 52 vjeçarja Nancy Lanza ishte një koleksioniste armësh dhe kishte blerë 5 të tilla, të gjitha të regjistruara në Connecticut. Djali i saj e qëlloi me armë në fytyrë.
Mësueset e mbijetuara qe shpetuan femijet
Fati i bëri heronj të një tragjedie, që tronditi botën. Mësueset e shkollës fillore në Connecticut, shpëtuan dhjetëra nxënës duke i fshehur ata në dollape, madje disa prej mësueseve vdiqën nga plumbat e Adam Lanz, teksa mbrojtën me trupat e tyre nxënësit vegjël.
Meriroouz Kristopik, një nga mësueset e mbijetuara tregoi pas ngjarjes: “I futa fëmijët në një dollap dhe iu kërkova të mbajnë qetësi absolute. Iu thashë se një njeri i keq ka hyrë në shkollë”.
Kanë qenë edhe mësues të tjerë që bënë të njëjtën gjë. “Mendova se të gjithë do të vdesim”, me këto fjalë rrëfen hidhur një mësuese e re, e cila arriti të fshehë 15 nxënës në tualetet e shkollës. “Iu thashë atyre se i dua shumë të gjithë. Besova se kjo do të jetë gjëja e fundit që ata po dëgjonin, sepse të gjithë do të vdisnim”, tha Keitlingk Roigk, duke mbajtur lotët me vështirësi në një intervistë me ABC.
Sapo dëgjoi të shtënat e para, mësuesja e kuptoi se diçka shumë e keqe po ndodhte dhe arriti të fshehë 15 fëmijë, të moshës 6 dhe 7 vjeç në WC. Pastaj e shtyu një pjesë të mobiljeve prapa derës, e mbylli atë dhe fiku dritën. “Iu thashë fëmijëve të mbajnë heshtje absolute, nga frika se nëse i armatosuri na dëgjonte, do të na vriste të gjithëve. Iu thashë se kanë ardhur në shkollë njerëz të këqij. Disa fëmijë filluan të qajnë, por u përpoqa t’i qetësoj duke iu thënë se do të kalojë”. Një nga fëmijët kërkoi nënën e vet, por një tjetër i dha kurajo atij dhe mësueses: “Unë do bëj karate, do t’ju nxjerr jashtë”, tha fëmija.
Edhe kur të shtënat nuk u dëgjuan më, Roigk nuk i la fëmijët të dalin jashtë derisa të mbërrinte policia. Kur më në fund një polic trokiti në derë, ajo i kërkoi atij të vërtetonte se ishte polic, sepse ende nuk ishte e bindur. “Nëse jeni vërtet një oficer i policisë, ju keni një mënyrë për të gjetur çelës”, tha mësuesja. Policia më në fund arriti të hapë derën dhe të nxjerrë fëmijët në zonën e sigurisë, ku ishin mbledhur shokët dhe mësuesit e tyre.
Banorët e Newtown në zi për viktimat
Banorët e Newtown mbajnë zi për të vdekurit e tyre në kishën Katolike të zonës, turma ishte aq e madhe saqë shumë njerë qëndronin jashtë. “Ne hapëm dritaret dhe kështu ndoshta na dëgjojnë dhe ndjehen të përfshirë”, ka thënë prifti Robert Weisz, dhe duke iu referuar prindërve të fëmijëve të vegjël tha: “Ditët e ardhshme do të jenë më të vështira. Unë jam i sigurt se kur njerëzit zgjohen një mëngjes dhe të kuptojnë se një shtrat në shtëpinë e tyre është i zbrazët, atëherë do ta kuptojnë vërtet”…
Hetimi
Kryehetuesi i cili ka kryer autopsinë mbi trupat e viktimave, ka konfirmuar se të gjitha ishin qëlluar disa herë me një pushkë. “Të gjitha plagët që pashë ishin shkaktuar nga pushka,” tha Wayne Carver, duke shtuar se kjo ishte “ndoshta skena me e keqe e krimit”, që ai ka parë në 30 vitet e fundit. Në një konferencë për shtyp kryehetuesi tha se deri më tani ka shqyrtuar 7 kufoma. Të gjitha viktimat ishin qëlluar nga 3 deri në 11 herë.
Të gjithë fëmijët që vdiqën ishin të moshës 6 dhe 7 vjet. Nga 26 viktimat e Adam Lanza, 12 ishin vajza, 8 djem dhe 6 gra. 16 fëmijë ishin të moshës 6 vjeç dhe 4 të tjerë ishin 7 vjeç. Një nga vajzat festoi ditëlindjen e saj të shtatë, katër ditë para ngjarjes.
Presioni mbi presidentin amerikan Barack Obama për të marrë një vendim për kontrollin e armëve po rritet, pas tragjedisë së tmerrshme të së premtes.
Ryan Lanza, një 24 vjeçar, djali i njërës prej mësueseve në shkollën katërvjeçare fillore Sandy Hook në qytetin Newtown, është identifikuar si sulmuesi i cili ka hyrë në shkollë dhe ka vrarë 18 fëmijë, shtatë të rritur, kurse në fund edhe veten.
Sipas gazetës New York Times, ai së pari ka vrarë nënën e tij, mësueses në këtë shkollë, kurse pastaj 18 nxënës të klasës së saj dhe në fund edhe shtatë persona të rritur, para se të ekzekutojë edhe veten.
Sipas agjencisë Reuters, Lanza ka hapur zjarr në klasën ku punonte nëna e tij. Sipas mediumeve amerikane, supozohet se në fund ai ka vrarë veten, pas arritjes së policisë në vendin e ngjarjes.
Raportohet se policia ka arrestuar vëllanë e tij të vogël, për shkak të dyshimit se ka ndihmuar në sulm.
Pos viktimave në shkollë, edhe e dashura e vrasësit dhe një mik i saj nga New Jersey llogariten si të zhdukur dhe dyshohet të jenë vrarë.
Sulmi është kryer me pushkë automatike 57 mm, i tha agjencisë AP një burim në Washington.
Sipas rrjetit televiziv CNN, në mesin e viktimave janë edhe drejtori dhe psikologu i shkollës.
Hetimet do të tregojnë nëse në këtë sulm ka marrë pjesë aktive edhe dikush tjetër, pasi disa dëshmitarë pohuan se janë dëgjuar të shtëna të njëkohshme nga dy anë.
Të paktën 29 persona mbetën të vdekur, 22 prej te cileve femije te moshave 6-10 vjeç, pasi të paktën një person i armatosur hapi zjarr me breshëri në një shkollë fillorë në shtetin e Konektikatit, ne Shtetet e Bashkuara te Amerikes.
Sipas mediave amerikane, është konfirmuar edhe vdekja e disa mësuesve e drejtoreshes se shkolles, në “Sandy Hook Elementary School”, në Njutaun.
“Associated Press” lajmëroi se vrasesi, nje 24-vjeçar me emrin Ryan Lanza, mbeti i vrare ne vendgjarje, por nuk eshte ende e qarte nese ai kreu vetvrasje apo u vra nga forcat policore.
Fillimisht, raportimet kontradiktore folen per dy atentatore, por policia pergenjeshtroi lajmin. Nje zedhenes tha se ndersa nje person i dyte u arrestua ne shkolle dhe po merret ne pyetje, ai nuk konsiderohet zyrtarisht si nje i dushuar.
Shkollat në të gjithë rajonin u mbyllën me urdhër të autoriteteve, nga frika e një sulmi të koordinuar ndaj shkollave fillore.
Përveç të vdekurve, janë regjistruar edhe një numër i paqartë personash të plagosur, tre prej të cilëve raportohet në gjendje kritike nga “CNN”.
Sipas një dëshmitari të ndodhur pranë shkollës, të shtënat u dukën se erdhën nga korridori, ndërsa të paktën 100 plumba u qëlluan.
Burime të tjera thonë se të shtënat ndodhën brenda një klase.
Ndërkohë, guvernatori i shtetit, Danell Malloy, ka vendosur te takoje personalisht familjet e viktimave. Autoritetet amerikane nuk konfirmojne bilancin e vertete te tragjedise, deri ne momentin kur te gjitha familjet e perfshira do te jene lajmeruar per tragjedine.
Burime zyrtare konfirmuan se sulmi u krye me nje arme te kalibrit 223 milimetra. Gjithashtu, ne vendngjarje eshte gjetur edhe nje pistolete.
Ndonese incidentet e armatosura ne shkollat amerikane kane bere buje edhe me pare, kjo masaker eshte e krahasueshme me me te renden te ndodhur ndonjehere, ne nje universitet ne Virxhinia, ku 32 studente u ekzekutuan nga nje tjeter student, i cili ne fund te masakres vrau veten ne vitin 2007.
Ne dy ngjarje te tjera te ngjashme per nga natyra gjate 2012-s, nje agresor vrau 12 persona gjate premieres se filmit.( Raport i pergatitur nga Beqir Sina/Nju Jork)
PASTRAGJEDIA E SHKOLLES FILLORE NE NEWTOWN
Njëzet e një fëmijë dhe shtatë të rriturit u vranë në shkollën fillore të premten – flamuri në gjysmë shtize dhe mesha e lutje në gjithë Shtetet e Bashkuara/
Newtown – Connecticut : Të shtënat e djeshme me armë në një shkollë fillore në Kënektikat, e incidenti i dytë më i rëndë në historinë e Shteteve të Bashkuara, është më i fundit gjatë mandatit të parë të Presidentit Barak Obama.
Të shtënat në një qendër tregtare në Tuson të Arizonës në vitin 2011, të shtënat në një kinema në Aurora të Kolorados në korrik dhe tani të shtënat në një shkollë fillore në Newtown të Connecticut.
Pas secilës nga këto tragjedi, Presidenti Obama ka ngushëlluar familjet e të vrarëve dhe ka shkuar në qytetet përkatëse për t’u takuar me banorët dhe për të mbështetur të mbijetuarit.
Disa orë pasi mori lajmin për të shtënat në Shkollën Fillore në Newtown të Connecticut, Presidenti i Shteteve të Bashkuara Barck Obama shkoi në konferencën e shtypit të Shtëpisë së Bardhë për të bërë një deklaratë plot emocione. Mbi tre katër here Presidenti Obama u pa të fshijë nga dalë lotët në faqe, duke thënë se vendi ka “kaluar shumë tragjedi të këtij lloji”. Obam u ndal tre herë dhe dukej që nuk i mbante dotë lotët, por vazhdoi dhe theksoi se vendi duhet të gjejë patjetër një mënyrë për t’i dhënë fund akteve të tilla të dhunëshme.
“Si vend ne kemi kaluar shumë ngjarje të tilla, nëse është një shkollë fillore në Newtown,apo një qendër tregtare në Oregon, apo një tempull në Wiskonsin. Apo një kinema në Aurora, apo një rrugë në Çikago, këto lagje janë lagjet tona dhe këta fëmijë janë fëmijët tanë. Ne duhet të bashkohemi dhe të marrim masa të forta për të parandaluar tragjedi të tilla në të ardhmen, pavarësisht nga politikat”.
Që kur Presidenti Obama u zgjodh pesidenti në vitin 2008, kanë ndodhur të paktën 10 incidente të shtënash në masë, duke përfshirë edhe ato që i përmendi në fjalën e tij.Masakra në Kënektikat ishte e dyta më e rëndë në një shkollë pas incidentit ngjashëm në Virxhinia Tek në vitin 2007, ku u vranë 32 njerëz dhe u plagosën 17.
Lanza familje : Dy vëllezërit Adam dhe Rayen janë bijtë e Peter Lanza, 54 vjeç vjeç, dhe Nancy (Champion) Lanza 51 vjeç.
Policia thotë njeriu që la të vrarë 28 njerëz, përfshirë 20 fëmijë, në një shkollë të ciklit të ultë të Konektikatit i ka rrënjët e familjes në Haverhill në pjesën Jugore New Hampshire.
Policia e identifikoi vrasësin si Adam Lanza, 20 vjeç, i cili thanë ata është i vetmi person që ka hapur zjarrë duke marë jetën e 27 personave mes tyre 20 fëmijë në shkollën fillore në Sandy Hook Newtown, Connecticut, një komunitet vital me 27.000 njerëz i cili gjendet rreth 60 kilometra në verilindje të qytetit të Nju Jorkut. Disa raporte sugjerojnë se ai mund të ketë qenë vetë një ish-student i shkollës fillore në Sandy Hook Newtown, .
Të paktën një prej mësuesve të shkollës fillore në Sandy Hook Newtown, është prindi vrarësit i cili ka vrarë edhe nënën e tij Nancy Lanza, e cila sipas policisë ishte një mësues zëvendësues në shkollën ku dje ndodhi tragjedia. Por emri i saj nuk paraqitet në një listë të personelit të ditës. Dhe hetuesit thanë se nuk ishin në gjendje të krijojnë një lidhje deri tani në mes të saj dhe shkollës.
Vëllai i tij më i madh, Ryan Lanza, është marrë në paraburgim në New Jersey për t’u marrë në pyetje. Më parë, një burim i policisë e patë identifikuar gabimisht Ryan si vrasës. Ryan Lanza kishte qenë jashtëzakonisht bashkëpunues me policinë, dhe nuk ishte nën arrest, ose në arrest, por hetuesit janë ende në kërkim të matreialeve në kompjuterat e tij dhe të dhënat e telefonit. Ryan Lanza tha hetuesit rezulton se ai nuk kishte qenë në kontakt me vëllain e tij prej për vitit 2010.
Dy vëllezërit janë bijtë e Peter Lanza, 54 vjeç vjeç, dhe Nancy (Champion) Lanza 51 vjeç. Prindërit u martuan në Kingston, New Hampshire, në vitin 1981, sipas regjitrit themelor të qytetit. Adam Lanza lindi në Kingston në vitin 1992.
Megjithëse Peter Lanza jetonte në Amesbury, kur ai u martua me gruan e tij – fëmijët jetonin në Kingston. Deri sa në vitin 2008 ata u divorcuan dhe Peter Lanza që dikur jetonte në Haverhill kaloi në Connecticut.
Peter dhe Nancy Lanza kishin paraqitur kërkesën për divorc në vitin 2008, sipas të dhënave të gjykatës. Peter Lanza, aktualisht jetonte në Stamford, Connecticut, dhe ai thuhet se punon si një drejtor taksave për kompaninë General Electric.
Nancy Lanza është motra e një zyrtari të lartë të Policisë në Kingston Policisë James Champion. Natën e kaluar, ka pasur raporte që FBI ishte duke i verefikuar nëse në Kingston dikush ka folur me James Champion, por kjo nuk është konfirmuar.
Mirëpo, policia thotë se “Nuk është e qartë kur Nency Lanzas dhe dy djemtë e saj u shpërngulën në Connecticut, edhe pse të dhënat tregojnë se at pronën e tyre në New Hampshire e shitën në vitin 1998.
Adam Lanza është përshkruar nga familja dhe shokët e tij si një student i nderi, i cili jetonte në një lagje pasanikësh me nënën e tij,
Policia është duke examinuar një raport mjekësor ku thuhet se 20-vjeçari mund të ketë vuajtur nga një çrregullim të personalitetit, tha një nga zyrtarët e zbatimit të ligjit. Por, duhet pranuar se të paktën deri më tani, autoritetet nuk kanë folur publikisht për ndonjë motiv të mundshme.
Një gjyshja e të dyshuarit – i cili është edhe nëna e Nancy Lanza – ishte shumë i shqetësuar për të folur, kur ploicia ka arritur të kontaktojë me telefon në shtëpinë e saj në Brooksville, Florida
“Unë thjesht nuk e di, dhe unë nuk mund të bëjë një koment të drejtë tani,” tha Dorothy Hanson, 78 vjeç, me një zë të dridhur teksa ajo filloi të qajë. Ajo tha se ajo nuk kishte dëgjuar asgjë zyrtare në lidhje me vajzën e saj dhe nipat. Ajo nuk pranoi të komentojë më tej dhe e mbylli telefonin.
Policia thotë se Adami Lanza sipas hetimeve ka shkuar vetë në shkollë këtë mëngjes memakinën e nënës së tij, kur hyri në shkollë dhe vrau 20 fëmijë dhe shtatë të rriturit, mes tyre tre mësues para se të kryente vetëvrasje. Nëna e tij Nancy Lanza 51 vjeçe u gjet i vdekur në shtëpi në Konektikat, duke e çuar në 28 numrin e të vrarëve nga kjo tragjedi.
Në 31 vjet 61 vrasje masive nga të shtënat me armë zjarri
Megjithëse , dje policia tha se dyshonte që ishin dy persona hetimet tregojnë se ai ka qenë një person i armatosur, i cili hapi zjarr të pakuptimtë në një varg vrasjesh në mesin e nxënësve dhe mësuesve të një Shkolle Fillore në Connecticut të premten, ku 27 njerëz, shumica e tyre fëmijë gjetën vdekjen si pasojë e palgëve të marra bga armët.Tragjedia e së premtes së zezë, dje në mëngjes në Connecticut nga të shtënat me armë zjarrin është e gjashtë ku i merr jetën një numëri të madh njerëzish në Shtetet e Bashkuara sipas të dhënave nga instituti Mother Jones.
Dhe këto janë regjistruar vetëm në 30 vitet e fundit, 61 ka qenë numëri i tragjedive nga të shtënat masive me armë zjarri në të gjithë vendin, në të cilin të paktën mbi 200 njerëz njerëz janë vrarë. Njëmbëdhjetë e prej këtyreincidenteve, sipas të Mother Jones, në SHBA kan ndodhur në shkolla.
Tragjedia e së premtes në Shkollën Fillore Sandy Hook është i dyta për nga numëri të vrarëve në një shkollë në Shtetet e Bashkuara, kur të shtënat vdekjeprurëse në shkollë në historinë e vendit, pas asaj që ndodhi pesë vjet më parë në Virginia Tech në të cilin 32 njerëz u vranë nga një person i armatosur në vitin 2007, sipas Mother Jones.
Deklaratë nga Sekretarja amerikane e Arsimit Arne Duncan:
“Vrasjet në Shkolla nga të shtënat me armë zjarri janë gjithmonë të pakuptueshme dhe tragjedi të tmerrshme. Por fjalët nuk gjenden për të përshkruar sulmin shpirtcopëtues dhe të egër në shkollën fillore Sandy Hook – Connecticut. Si prind i fëmijëve të mi në shkollë fillore, unë nuk mund të imagjinojë ankthin dhe humbjet e pësuara sot nga komuniteti Newtown.
“Zemrat dhe lutjet tona shkojnë shumë larg nesh për çdo prind, fëmijë, mësues, anëtar i stafit, dhe administrator në shkollën fillore Sandy Hook dhe të komunitetit përreth. Dhe në sajë lutjeve tona për çdo prindë, a mësues, anëtar i personelit, janë ngushëllimet tona të sinqerta, për fëmijët tanë për t’i mbrojtura nga e keqja, shpesh në rrezik për veten e tyre. Ne do të bëjmë gjithçka me Zotin përpra për të ndihmuar dhe mbështetur nëshërimin e të lënduarve dhe në shërimin e e zemrave të anëtarve të famijeve që pësuan tragjedinë në Newtown. ”
Mësueset u vranë duke mbrojtur fëmijët
Tre mësuese u vranë në shkollën fillore të Sandy Hook, duke u përpjekur të shpëtoni fëmijët nga vrasësi i cili ishte dhe djali i një prej kolegeve të tyre, mësuese në kopsht.
Autoritetet kanë identifikuar 8 të rriturit që mbetën të vdekur të premten, Dawn Hochsprung-drejtoreshë e shkollës, 47 vjeçe, psikologen e shkollës Mary Sherlach 56 vjeçe dhe 27 vjeçaren Victoria Soto-mësuese.
Dailymail tregon se Soto sakrifikoi veten e saj duke u vendosur përballë fëmijëve, për ti mbrojtur nga plumbat
Mirë po të gjithë ndoshta e keni parë fotografinë që ka bërë xhiron e botës. Ajo është e Diane Day e cila shkoi e para tek shkolla për të mësuar aftin e motrës së saj që kishte mbetur e vrarë teksa vuri trupin e saj përpra plumbave për të shpëtuar fëmijët treguan nxnësit e saj mbas tragjedisë .
Si i gjithë shtypi amerikan dhe ai botërorë edhe gazeta kombëtare Bota sot, vazhdonë të shpalosi detaje në lidhje me të shtënatpremten në mëngjes e në masë në Shkollën Sandy Hook fillore në Newtown, Connecticut, tregime që lidhen edhe për stafin e shkollës dhe mësuesit të cilët u vranë për të mbrojtur me trupin e tyre heroikisht nxënësit.
Një mësues thuhet se ka ndihmuar dy fëmijë të shmangej plumbave duke tërhequr ata në një klasë, gazeta njujorkeze Wall Street Journal ka zbuluar një histori të shquar nga mësueseja e vrarë e orës së terapisë në shkollën Sandy Hook .
Pasi ajo mbylli derën me çelës, mësuesia e shkollës vendosi trupin e saj mbrapa derës për të mbajtur atë të mbyllur, thanë hetuesit. Më pas rezulton se mësuesia është e qëllua nga dra ashtu si dy koleget e tjera të saj në këmbë dhe në krah.”Ato ishinheroinat e kësaj tragjedie shkruan ,” WSJ.
Të gjitha Kishat shërbime fetare për njëzet e një fëmijë dhe shtatë të rriturit u vranë në shkollën fillore të premten.
Ndërsa tragjedia ndodhi, Mark Moore, rektori i Kishës Episkopale Shën Gjonit hapi dyert e tij për njerëzit në orë pas të shtënave dhe Peshkopi i Dioqezës Kishës Episkopale të Connecticut u kërkoi të gjitha kishave të saj për të bërë të njëjtën gjë, të mbajnë mesha dhe lutje për viktimat.
“Ne do të mbajmë meshë dhe lutje për viktimat, familjet e tyre dhe tërë ata që janë të prekur nga të shtënat në mendimet dhe lutjet tona për shërim dhe forcën,” shkruan në një letër të përbashkët të tre peshkopët, Rev Ian Douglas, Laura Ahrens, dhe James Curry. “Ne lutemi që ata që kanë vdekur do të qendrojnë në krahët e Perëndisë tonë të dashur dhe ata të cilit janë tani me zemracoptuar me dhimbje për ata që nuk janë më në mesin tonë nga kjo tragjedi.”
Manifestime të veçanata heshtura në shwenjë nderimi u mbajtën në Katedarel Shën Rose dhe në Kishën e Bashkuar Metodiste në Newtown, i cili është gjithashtu shumë afër nga shkolla. Një meshë e madhe është planifikuar për nesrë në Adath Izraelit .
Brian Wallace, një zëdhënës i Dioqezës Katolike të Bridgeport, tha se Kisha Saint Rose ka dërguar priftërinjët e saj në shtëpitë e atyre që janë prindërit e fëmijëve të vrarë për të përpjekur të bërë atë që ata mund të bëjnë dheimbjen e lehtësuar për njerëzit zemërcoptuar. Dhe kjo do të prekë jetën e shumë qytetarëve në Newtown, tha ai, dhe Famullisë së Kishës Shën Rose, e cila ka 3.000 anëtarë.
Ai tha se hapja e kishave është një mënyrë për të ndihmuar.Një lutje e komunitetit me shërbim fetar është planifikuar për sot në mbrëmje në orën 07:00 në Kishën e Parë në Stratford.
Dhe të dielën,Komuniteti do të mblidhet në Kishën Jeta Botërore në Shelton ku do të mbahet një roje në orën 10:30 para orës 11 kur do të nisi shërbimin e saj për paraditen.(kortezi Bota-Beqir Sina)
TRAGJEDIA NE SHKOLLEN FILLORE” SANDY HOOK”
PRESIDENTI Obama: Zemrat e popullit janë thyer/
Presidenti i Shteteve të Bashkuara, Barack Obama, u ka bërë thirrje amerikanëve që të bashkohen, pas tragjedisë që ka goditur një shkollë në Konektikat, ku një person i armatosur ka vrarë 27 persona, në mesin e tyre 20 fëmijë.
Në një fjalim televiziv, ai ka thënë se “zemrat e popullit janë thyer”.
“Shumica e atyre që kanë vdekur ishin fëmijë – fëmijë të vegjël dhe të bukur nga mosha 5 deri në 10 vjeç. Ata kanë pasur gjithë jetën para tyre: ditëlindjet, diplomimet, martesat, fëmijët e tyre. Në mesin e të vrarëve ka edhe mësues, burra dhe gra që u kanë kushtuar jetën fëmijëve tanë për të përmbushur ëndrrat e tyre. Andaj, zemrat tona sot janë thyer”, ka thënë presidenti Obama.
Shkolla Fillore “Sandy Hook” ka fëmijë nga kopshti deri në klasën e katërt.
Duke folur para gazetarëve, një banor i Njutaunit ka përshkruar atë që ka ndodhur:
“Ishte një njeri, i maskuar, i cili filloi të qëllonte. Nuk e di se si ka hyrë brenda, sepse kushdo që vjen duhet t’i bie ziles dhe ata ju shohin nga brenda dhe e dinë kush jeni”.
Sulmi në Shkollën Fillore “Sandy Hook” është i fundit në valën e disa sulmeve të ngjashme që kanë ndodhur këtë vit në SHBA dhe njëri nga incidentet e tilla më të rënda.
Obama ka thënë se Shtetet e Bashkuara kanë pësuar shumë sulme.
“Si vend, ne kemi kaluar nëpër këtë shumë herë – në shkollën fillore në Njutaun, në qendrën tregtare në Oregon, në tempullin në Uiskonsin, në kinemanë në Aurora apo në një cep të rrugës në Çikago. Këto lagje janë lagjet tona dhe këta fëmijë janë fëmijët tanë. Ne duhet të bashkohemi dhe të ndërmarrim masa kuptimplota për të parandaluar tragjeditë e tjera si kjo, pavarësisht nga politika”, ka thënë Obama.
Këtë vit, një person i armatosur ka vrarë 12 njerëz në një teatër të Kolorados, ndërsa një tjetër i armatosur ka vrarë gjashtë persona përpara se të vriste veten në Tempullin Sikh të Uiskonsonit.
Policia ka thënë se autori i dyshuar i tragjedisë në “Sandy Hook” është Adam Lanza, 20 vjeç, nëna e të cilit ka punuar në shkollë.
Ai ka vrarë së pari nënën e tij në shtëpi, për të kryer pastaj vrasjet në shkollë, përpara se në fund të vetëvritej.
Kryeministri britanik, David Cameron, Mbretëresha e Britanisë, Elizabeth, dhe presidenti i Francës, Francois Hollande, janë në mesin e liderëve botërorë që kanë shprehur pikëllimin e tyre për ngjarjen
- « Previous Page
- 1
- …
- 588
- 589
- 590
- 591
- 592
- …
- 603
- Next Page »