Sporti shqiptar në festë. Një fitore e jashtëzakonshme e boksierit shqiptar Jurgen Uldedaj në mbrojtje të titullit IBF International, kundër Edin Puhalo me 24 fitore dhe nr. 10 në WBA. Boksieri Uldedaj dhuroi mbrëmë emocione të jashtëzakonshme me përformancën e tij të lartë. Me këtë fitore spektakolare Jurgen Uldedaj është i rankuar në 15 më të mirët e 4 Federatave Kryesore të boksit profesionit WBA, WBO, WBC dhe IBF, duke u bërë shqiptari i parë me këtë rezultat në historin e boksit profesionist. Jurgen Uldedaj, ka lindur në qytetin e Lezhës më 26 gusht 1997. Gjatësia: 1.87 m dhe pesha aktuale: 92 kg. Deri më tani, Jurgeni ka dëshmuar veten si një kampion i madh, duke fituar tituj të rëndësishëm si:

1) Kampion i Europës në kategorinë WBO.

2) Kampion i Rinisë Botërore në WBC.

3) Kampion i Gjermanisë në boks profesionist.

Kjo fitore spektakolare e arritur në raundin e dytë kundër boksierit profesionist, Edin Puhalo, e çon Jurgenin drejt titullit IBF International.(P.Zefi).

BUKURESHT, 15 nëntor – Ndeshja e Ligës së Kombeve ndërmjet Rumanisë dhe Kosovës në Bukuresht u ndërpre pasi në shkallët e stadiumit u dëgjuan brohoritjet pro Serbisë nga tifozët vendas.

Takimi po shkonte drejt barazimit pa gola, në minutën e 93-të tifozët vendas brohoritën, “Serbia, Serbia “! Nërsa në fushën e lojës pati një “shkëmbim” të nxehtë mes kapitenit të Kosovës Amir Rrahmani dhe sulmuesit rumun Denis Alibec.

Ndeshja fillimisht u ndërpre, dhe më pas skuadra e Kosovës refuzoi të kthehej në fushë. UEFA tha se do të komunikojë “informacione të mëtejshme në kohën e duhur”.

“Kjo është shumë”, tha më vonë Rrahmani në një konferencë për media. “Të gjithë duhet ta dinë se Kosova është Kosovë, ose Kosova është Shqipëri. Kjo është Kjo. Këtu përfundon”. “

Kosova shpalli pavarësinë nga Serbia në vitin 2008 dhe është njohur nga më shumë se 100 vende, por jo nga Rumania, Spanja etj

Kjo nuk është hera e parë që Rumania dhe Kosova përplasen me njëra tjetrën.

Federata Rumune e Futbollit u gjobit nga UEFA vitin e kaluar për thirrjet pro Serbisë dhe vendosjen e një pankarte ku shkruhej “Kosova është Serbi” nga tifozët gjatë një ndeshjeje kualifikuese për Euro 2024 midis vendeve në të njëjtën Arenë Kombëtare.

Muajin e kaluar, Federata e Futbollit e Kosovës u gjobit me gjithsej 61,000 euro (64,000 dollarë) nga UEFA për incidentet gjatë ndeshjes së shtatorit të Ligës së Kombeve kundër Rumanisë në Prishtinë

Shoqata shqiptaro-amerikane “Skënderbej” Inc. zhvilloi për të tretin vit radhazi kampionatin e shahut. Ky kampionat, i kthyer tashmë në traditë për shoqatën shqiptaro-amerikane “Skënderbej” Inc., u zhvillua më datë 6 tetor 2024, në parkun më të madh të Nju Jorkut, që cilësohet edhe si mushkëria që furnizon me oksigjen këtë qytet kaq të madh, në Central Park, Manhattan. Anëtarë dhe dashamirës të shoqatës u mblodhën për të kaluar një ditë të bukur me ngjyrat e vjeshtës dhe për të mbështetur lojtarët që do të konkurronin me njëri-tjetrin në lojën e bukur të shahut, që përveç vëmendjes dhe zgjuarsisë, kërkon lëvizje të mirëmenduara për të dalë fitues. Kampionatin e deklaroi të hapur kryetari i shoqatës shqiptaro-amerikane “Skënderbej” Inc., z. Imer Lacaj, i cili, pasi falënderoi anëtarët për pjesëmarrjen në këtë kampionat, u uroi lojtarëve suksese në lojë. Z. Lacaj gjithashtu falënderoi edhe anëtaren më të re të shoqatës, znj. Lali Doci, e cila iu bashkua shoqatës në këtë ditë. Lojtarët u ndanë fillimisht në 6 grupe; ata ishin të grupmoshave të ndryshme, duke nisur që nga fëmijët, të cilët e kanë pasion këtë lojë, e deri te të rriturit e moshat e treta. Loja, e cila zgjati për plot 4 orë, sa vinte e bëhej më interesante kur lojtarët filluan të skualifikoheshin një e nga një për të arritur te dy finalistët e këtij kampionati, të cilët ishin ish-kampioni i kampionatit të kaluar, z. Gjovalin Marku, dhe z. Lekë Preci. Pas një loje të fortë dhe relativisht të gjatë, fitues i lojës së shahut dhe kampionatit të tretë u shpall z. Lekë Preci, i cili u duartrokit me entuziazëm nga të pranishmit. Z. Preci iu dha çmimi i parë, si dhe një çek simbolik, i cili ishte miratuar nga kryesia e shoqatës. Kryetari i shoqatës shqiptaro-amerikane “Skënderbej” Inc. i uroi suksese z. Lekë Preci dhe falënderoi të gjithë konkurrentët e tjerë për pjesëmarrjen, duke theksuar gjithashtu se aktivitete edhe më të rëndësishme do të vijojnë në muajt e ardhshëm.

Saimir Kadiu/

Ka ndërruar jetë në moshën 71 vjeçare futbollisti i madh Sefedin Braho…”shigjeta” gjirokastrite….

Mbi 15 vjet në fushën e blertë duke luajtur për Luftëtarin, Partizanin dhe ekipin përfaqësues (9 ndeshje; 1 gol)

Me fat që e kam parë këtë talent të madh të futbollit shqiptar.

Në vitet 70′ në futbollin shqiptar luani tre ” shtata” të mëdha:

Pernaska – Braho – Dibra

Të tre të jashtëzakonshëm…Pernaska më i madhi, Dibra më i shpejti dhe më aristokrati, kurse Braho padyshim më spektakolari…një mikro Garincha shqiptar.

Kur shikoj Mo Salah ne Premiere League gjthmone mendoj per Sefedin Brahon… per me teper mendoj qe Braho ishte me spektakular.

Ne se do te pranonte oferten milioneshe te Celtic ne vitin 1979… krahasimi me Salah nuk do te ishte me hipotetik…

Braho, padyshim talenti me i madh i Jugut te Shqiperise, do te kujtohet per elegancen, driblimin, shpejtesine ne fushe…

Nuk mund te harrohet trinomi BRAHO-KALLUCI-SEITI

Sulmuesi fisnik ishte me i “sulmuari” nga nderhyrjet brutale ne fushen e lojes. Por asnjehere nuk u tremb apo u terhoq…

Do te ishte ne nderin e Bashkise Gjirokaster qe stadiumi i qytetit te mbaje emrin SEFEDIN BRAHO.

Emri aktual nuk ka asnje lidhje me futbollin.

Lamtumire Sefedin Braho!

Sokol Paja/

Kombëtarja shqiptare e Futbollit filloi në mënyrë të shkëlqyer ndeshjet në kompeticionin e futbollit “Liga e Kombeve” duke mundur me rezultatin 2-1 Ukrainën. Një Shqipëri që zhvilloi një lojë të bukur, një ekip që tregoi rritje, pjekuri, siguri dhe mirëadministrim. Freski nga krahët, cilësi individuale, siguri në qendër e pasime, garanci të shtuar në çdo repart janë tregues që ekipi ka arritur një nivel shumë të lartë.

Një ndeshje e luftuar dhe e fituar tekniko-taktikisht, solli emocion dhe shpresë për të vazhduar serinë e rezultateve pozitive. Një ndeshje ku në pjesën e parë Shqipëria u mbrojt dhe nuk rrezikoi, në pjesën e dytë Shqipëria luajti gjithçka për gjithçka sidomos pas golit të disavantazhit të ukrainasve.

Shqipëria ishte e fuqishme dhe fituese në dyluftimet në ajër, topat e gjatë, pasat e shkurtra, dublimet dhe triblimet ndaj kundërshtarëve.

Ardjan Ismajli dhe Jasir Asani shpërblyen me tri pikë përpjekjet e kuqezinjve në një ndeshje ndaj një rivali shumë të vështirë, zgjojnë oreksin për ndeshjen e 10 shtatorit në “Air Albania” kundër Gjeorgjisë. “Magjistari” Silvinho i ka dhënë ekipit një mentalitet fantastik fituesish ku lojtarët luajnë pa frikë, të barabartë dhe ndërlidhja e fenomenale e reparteve janë garanci për lojën ekipore. Shqipëria u bë kohë që luan bukur e ëmbël, jo vetëm që fiton, prodhon lojë, por mbi të gjitha emocione të forta. Kombëtarja e futbollit është shndërruar në një kombëtare të kombit dhe përkrahja e tifozëve është një mbështetje e jashtëzakonshme sidomos në ndeshjet në transfertë. E bekuar qofsh Kombëtarja jonë, krenarë për ju çuna kuq e zi.