apel – Dielli

APEL: NJË NUREMBERG PËR KOMUNIZMIN

May 11, 2020 by dgreca

NGA ELIDA BUÇPAPAJ/ VOAL/ Për një Nuremberg të komunizmit. Nuk është një provokim, por është një kërkesë e bërë nga Vladimir Bukovskij, për të paktën dy dekada më parë . Disidenti rus, i cili vdiq në 27 tetor të vitit të kaluar, foli për të për herë të parë për këtë në 1992, një ditë pas shpërbërjes së BRSS.Asnjëherë nuk ka pasur asnjë proces penal, por as historik dhe as kulturor për të kuptuar natyrën kriminale të komunizmit, një sistem që ka shkaktuar 100 milion vdekje në të gjithë botën, por që është kaluan me indiferentizëm nga historia.

Në Senatin italian në 7 nëntor 2019, në sallën e Të rënëve Nassirya, u zhvillua një konferencë për shtyp e thirrur nga senatori Adolfo Urso (Fratelli d’Italia), së bashku me senatorin Lucio Malan (Forza Italia) dhe deputetin Vito Comencini (Lega), ku u bë apel, me rastin e 102 vjetorit të Revolucionit të Tetorit (kapja e pushtetit nga bolshevikët në Rusi). Së bashku me politikanët e tre partive të qendrës së djathtë ishin edhe tre studiues të komunizmit, filozofi Renato Cristin (autori i apelit), historiani Roberto de Mattei dhe gazetari e pedagogu Dario Fertilio. Në mesin e nënshkruesve italianë është edhe Antonio Martino, Marcello Pera, Antonio Tajani, Giorgia Meloni, Lorenzo Fontana, Stefano Zecchi, Francesco Alberoni dhe Arturo Diaconale.

Ky Apel u bë edhe me rastin e 30 vjetorit të Rënies të Murit të Berlinit (9.11.1989) si një shans që i jepet historisë për t’i kontribuar kujtesës historike, por edhe për shtjellimin konkret të një kulture të gjerë anti-totalitare me sytë drejt së ardhmes, me qëllim të inicimit të një procesi që ka kuptimin dhe vlerën e një Nurenbergu të Komunizmit.

“Komunizmi nuk ra me Murin e Berlinit. Kjo ideologji është akoma e gjallë në botë, në shtetet dhe partitë që janë hapur komuniste dhe në mendimin politik dhe kulturor që minimizon dhe përpiqet të fshijë krimet e komunizmit, sikur të ishte një ide e mirë e cila vetëm ndodhi si një koinçidencë që përkonte me lindjen regjimimeve brutale njëri pas tjetrit përgjatë dekadave dhe kontinenteve… ”(nga Apeli).

Ky apel mbështetet nga Platforma e Kujtesës dhe Koshiencës Europiane ku vihet shenja e barazimit midis komunizmit dhe nazizmit.

https://nuremberg.vladimirbukovsky.com/

Teksti i plotë i Apelit në shqip dhe anglisht i paraqitur nga politikanët dhe studiuesit italianë:

“Tridhjetë vjetori i rënies së Murit të Berlinit na ofroi një mundësi të vlefshme. Ne jo vetëm që mund të japim një kontribut të nevojshëm në kujtesën historike, por gjithashtu të mund të zhvillojmë dhe mbështesim një kulturë anti-totalitare, me përmasa të gjera dhe largpamëse. Ne shfrytëzojmë këtë mundësi për të propozuar krijimin e një Nurembergu për Komunizmin.

Proceset gjyqsore mbajtur në Nurenberg, nga 1945 deri më 1946, gjykuan dhe dënuan krimet dhe udhëheqësit e Nacional Socializmit gjerman, duke i dhënë totalitarizmit një gjykim përfundimtar gjyqësor, moral dhe politik . Gjyqet i sqaruan botës se nazizmi ishte mizor dhe shkatërrues për qytetarët e vet dhe nuk do të pranohej më askund në botë. Komunizmi, i cili ka shkaktuar më shumë vdekje dhe vuajtje masive në të gjithë botën sesa nazizmi për shumë më gjatë, nuk është thirrur kurrë për të dhënë llogari në një gjykatë globale siç është Nurembergu.

Që nga viti 1917, diktaturat komuniste ose socialiste në mbarë botën kanë shkaktuar më shumë se 100 milionë viktima. Jo vetëm që ata janë përgjegjës për shkeljen e gjerë të lirive individuale dhe nxitjen e urrejtjes së klasave, por edhe për genocidin dhe vrasjet masive të pashmangshme nën regjimet komuniste. Siç e dimë të gjithë, genocidet dhe masakrat njihen botërisht si krime kundër njerëzimit.

Sot, pas rezultateve katastrofike të të ashtuquajturit “socializëm i vërtetë” – “real socializëm” dhe të gjithë diktaturave të tjera të krijuara me kohë që kanë si themel ideologjinë komuniste (si sot në vende si Venezuela apo Kuba), si ngjarjet historike ashtu edhe ato aktuale lypin për një gjykim të ngjashëm përfundimtar – jo vetëm një aktgjykim për veprimet e individëve, por edhe një gjykim politik dhe moral mbi rezultatet e pashmangshme të kësaj ideologjie. Krimet e komunizmit kundër njerëzimit duhet të publikohen dhe të ndëshkohen.

Komunizmi nuk ra me Murin e Berlinit. Kjo ideologji është akoma e gjallë në botë, në shtetet dhe partitë që janë hapur komuniste dhe në mendimin politik dhe kulturor që minimizon dhe përpiqet të fshijë krimet e komunizmit, sikur të ishte një ide e mirë e cila ndodhi vetëm rastësisht e që përkoi me lindjen e regjimeve brutale njëri pas tjetrit nëpër dekada dhe kontinente.

Për të kundërshtuar influencat apologjike, ne kërkojmë krijimin e Gjyqeve të Nurenbergut për Komunizmin, një gjykim global që shqyrton krimet e kësaj ideologjie, cakton përgjegjësi politike dhe institucionale për ta, ndëshkon degjenerimin e tij moral dhe ua bën të qartë të gjithë se komunizmit ishte një regjim çnjerëzor dhe i papajtueshëm me shoqëritë e lira.

Ne jemi të vetëdijshëm që një projekt i tillë do të haste vështirësi praktike dhe kufizime ligjore. Por ne besojmë se barriera të tilla nuk do të jenë në gjendje të pengojnë apo ndalin rrugën e një procesi historik politik, etik dhe kulturor, të cilin ne e shohim si një detyrim ndaj njerëzimit që ne na e imponon ndërgjegjja historike.

Në emër të miliona të shfarosurve në të kaluarën dhe për të mbrojtur gjeneratat e ardhshme nga ripërsëritja, proceset e Nurembergut për komunizmin duhet të miratohen sa më shpejt që të jetë e mundur.”/Përgatiti dhe përktheu Elida Buçpapaj

Nënshkruaj edhe ti këtë Apel këtu: here.

Appeal for Nuremberg Trials for Communism

Press inquiries: info@vladimirbukovsky.com

The thirtieth anniversary of the fall of the Berlin Wall presents us with a valuable opportunity. We can not only make a desperately-needed contribution to historical memory, but also develop and support an anti-totalitarian culture, broad-ranging and forward-looking. We take this opportunity to propose the creation of Nuremberg Trials for Communism.

The Nuremberg Trials, held from 1945 to 1946, tried and condemned the crimes of National Socialism and its leaders, handing down a definitive judicial, moral, and political judgment on that instance of totalitarianism. The trials made clear to the world that Nazism was evil and destructive to its own people, and would not be accepted anywhere in the world again. Communism, which has caused more deaths and mass suffering worldwide than Nazism for much longer, has never been called to account in a global court such as Nuremberg.

Since 1917, communist or socialist dictatorships around the world have caused more than 100 million deaths. Not only are they responsible for widespread suppression of individual liberties and incitement of class hatred, but also for the genocide and mass killings inevitable under communist regimes. As we all know, genocides and massacres are universally recognized as crimes against humanity.

Today, after the catastrophic results of so-called “real socialism” and of all the other dictatorships over time rooted in communist ideology (as today in places like Venezuela or Cuba), both historic and current events beg for a similarly final judgment – not only a verdict on the actions of individuals, but also a political and moral judgment on the inevitable results of this ideology. Communism’s crimes against humanity must be broadcast and punished.

Communism did not fall with the Berlin Wall. This ideology is still alive in the world, in states and parties that are openly communist and in political and cultural thought that minimizes and tries to erase the crimes of communism, as if it were a good idea which only happened to coincide with the rise of one brutal regime after another across decades and continents.

To push back against these apologist influences, we urge the creation of Nuremberg Trials for Communism, a global trial that scrutinizes the very real crimes of this ideology, assigns political and institutional responsibility for them, punishes its moral degeneracy, and makes clear to all communism’s intrinsic inhumanity and incompatibility with free societies.

We are well aware that such a project would encounter practical difficulties and legal limitations. Even so, we believe that such barriers will not be able to stand in the way of a historic political, ethical, and cultural trial, which we see as a duty to humanity imposed upon us by historical conscience.

In the name of millions exterminated in the past, and to safeguard future generations from a recurrence, Nuremberg Trials for Communism must be enacted as soon as possible.

Add your signature here.

Apel: një Nuremberg për komunizmin

APEL I KLUBIT TE INTELEKTUALËVE RUGOVAS-KIRUG PER DEMARKACIONIN

May 3, 2017 by dgreca

Prishtinë, 03 Maj 2017/

Kryesia e Klubit të Intelektualëve Rugovas “ KIRUG”, në takimin e punës të mbajtur në datën 03 maj 2017, e përberë nga Prof dr Riza Smaka, Prof dr Mujë Rugova, Prof dr Zymer Neziri, Prof dr Ali B. Muriqi, Prof dr Shemsedin Dreshaj, Prof dr Hysen Lajqi, Prof dr Jeton Kelmendi, Prof dr Azem Lajqi, pas diskursit përkitazi me nismën aktuale të një grupit të deputetëve të Kuvendit të Republikës së Kosovës për ratifikimin me k u s h t të Marrëevshjes për Demarkacionin Kufitar ndërmjet Kosovës dhe Malit të Zi , njëzerit miratoi këtë:

APEL

Nisma e një grupit të deputetëve të Kuvendit të Republikës së Kosovës për ratifikimin e Marrëveshjes për Demarkacionin e Kufirit ndërmjet Kosovës dhe Malit të Zi ( Marrëveshja për Demarkacionin ) me k u s h t për tu rishikuar pas një një periudhe kohore , është:

e paprecedencë në praktikat e marrëveshjeve ndërkombëtare përkatësisht ndërshtetërore , në përgjithsi e, veçanërisht, në çështjet e delimitacioneve dhe demarkacioneve kufitare,

në kundershtim me parimet themelore të marrëveshjeve ndërkombëtare përkatësisht të marrëveshjeve ndërshtetërore të cilat , kurdoherë dhe medomos duhet të jenë të analoge dhe identike reciprokisht si dhe të të pakushtëzuara,

favorizuese dhe konformiste e qendrimit dhe synimit qeveritar pët ratifikimin makijavelist të Marrëveshjes për Demarkacionin , cila, nga shkaqet e theksuara në vijim, është e dëmshme, e pa drejtë dhe e paqendrueshme juridikisht dhe politikisht, ndaj, duhet të refuzohet si e pa sinçertë , spekulative dhe krejtësisht e pa bazë!

Arsyetimet:

Komisioni Shtetëror i Republikës së Kosovës për Demarkimin e Kufirit të Kosëvës me Malin e Zi ( Komisioni për Demarkacionin), gjatë negociatave me Komisionin për Demarkacionin e Malit të ZI, ka shkaktuar sëpakut këto gabime të kundershtimshme me Kushtetutën si dhe në dëmin e integritetit territorial të Republikës së Kosovës , nga se,

në vend të negocimit të mbeshtetur në vlerësimin e faktorëve esencialë dhe primarë natyrorë të determinuar nga faktorët primarë gjeografikë, gjeostrategjikë, historikë, etnikë të balansuar, ekonomikë, pronësor -Uti Possidetis , ka praktikuar dhe trajtuar vetëm kadastin ( sic) ,ndryshe, komponentë e karakterit sekondar si dhe,

në vend të demarkacionit kufitar Kosovar- Malazez sipas delimitacionit të bërë në shkurtin e vitit 1945 , të pandryshuar asnjëherë , jashtë mandatit parlamentar të caktuar nga Kuvendi, ka praktikuar redilimitacion ,për të qenë edhe më keq, të dëmshëm për integritetin territorial të Republikës së Kosovës , nga se, territorin e Kosovës , panevojshem, padrejtësisht dhe arbitrarisht e ngushton për 82.3 km2! Sikundër dihet e me asgjë nuk mohohet, Komisioni për Demarkacionin nuk ka pasë autorizim për delimitacion kufitar të rinjë Kosovar- Malazez, por, përkundrazi , ka qenë i mandatuar nga Kuvendi i RK-së qe , në bazë delimitacionit egzistues, të sanksionuar juridikisht nga viti 1945 (asnjëherë të kontestau as të ndryshuar deri në aktualitet) të aplikojë demarkacionin në terren.

Kufinjët ndërmjet republikave dhe krahinave autonome ( Kosova dhe Vojvodina ishin krahina autonome me territore të sanksionuara sikundër edhe republikat – shtetet e YU II) nga viti 1945 – 92 ishin të karakterit administrativ e , rrjedhimisht , edhe sipas Komisionit Ndërkombëtar për Zgjidhjene Krizës Politike të YU II ,“ Komisionit të Badinterit”, linjat e tyre janë promovuar dhe sanksionuar në kufinjë shtetëror!

Në këtë kontekst , vlenë të apostrofohet fakti relevant se , sipas rendit juridik e sistemit kushtetutar të YU II-të , Sërbisë, Malit të Zi dhe të Kosovës, kufinjët administrativë kanë qenë të sanksionuar dhe ka qenë lejuar ndryshimi i tyre vetëm në saje të pelqimit të kuvendeve të republikave përkatësisht krahinave respektive. Kufiri administrativ përkatësisht politik kosovar – malazez, nga viti 1945 deri sot, asnjëherë ,jo që nuk është ndryshuar, por, as nuk ka qenë temë për diskutim!

Seandejmi , kufiri kufitar kosovar – malazez : Qafë e Çakorrit – Mokna – Hajlë – Kullë , i delimituar në vitin 1945, ishte dhe mbetët legjitim, meritorisht i delimituar përfundimisht, i cili, nuk mund të ndryshohet pa pelqimin e kuvendeve të Kosovës dhe Malit të Zi.

Komisioni për Demarkacionin , është dashtë që eksklusivisht , sipas mandatit imperativ nga Kuvendi që, të negociatojë me komisionin homolog malazez për precizimin, konkretizimin dhe materjalizimin e delimitacionit egzistent nga viti 1945 kurdoherë në përshtatje me faktorët esencialë të sipërtheksuar dhe në përfillje me rektifikacione përkatësisht koncesionime territoriale ekuivalente, por, kurrsesi të akceptojë zgjidhjen kadastrale sipa së cilës Kosova padrejtësisht e panevojshëm reduktohet për hiq më pak se 82.3 km2! Ndaj Marrëveshja e atillë për Demarkacionin Kosovar – Malazez ,edhe pse e parafuar edhe nga pala kosovare , gjithnje juridikisht e pa aplikueshme , sipas bindjes e qendrimit të KIRUG-ut sikundër edhe pjesës së konsideruar të botës akademike, shoqërisë civile, opozitës parlamentare dhe të mbi 200 000 qytetarëve peticionistë tok me qindra mia protestues publikë kurrsesi nuk duhet , jo të ratifikohet ,por ,as të prezantohet për ratifikim. Eventualisht, nëse Qeveria aktuale , e cila, çuditërisht është këmbëngulëse për ratifikimin e Marrëveshjes për Demarkacionin , nëpërmjet bashkëveprimit joparimor me Kryesinë e Kuvendit , të njëjtën do të prezantonte për ratifikim , KIRG-u , apelon në ndërgjegjën shtetërore e kombëtare të deputetëve të kësaj legjislature qe ,atë Marrëveshje, ta refuzojnë ,pa hesitime, me indinjatë !

Qeveria e Kosovës , në vend të shkeljes se nenit 70 të Kushtetutës nëpërmjuet “ bindjeve të deputetëve të caktuar të Kuvendit “ si dhe trillimit të “votimit pro ratifikacionit aktual me kusht për revidim të pastajmë” , edhe sipas funksioneve të përcaktuara me dispozitat e neneve 93 & 94 te Kushtetutës, do të duhej qe, përfundimsht dhe seriozisht të ndryshonte qendrimin e deritashëm për ratifikimin e pakusht të Marrëveshjes për Demarkacionin ,ashtu që , vendoshmërisht të përcaktohej për demarkacionin kufitar konform me delimitacionin legjitim dhe legal ndërmjet Kosovës dhe Malit të Zi cili , me dokumente politike – juridike kosovare dhe malazeze si dhe ndërkombëtare, është egzistent , pranuar dhe konfirmuar !

KIRUG-u thekson se , për të qenë me vlerë juridike ratifikimi me kusht i kufirit kosovar – malazez, Conditio Sine Qua Non ,do të kërkohej qe, kushti i njëjtë, të ishte i përfshirë edhe në tekstin e përbashkët të Marrëveshjes për Demarkacionin, i cili, nuk qendron nga fillimi, madje si i tillë, nuk egziston as në Marrëveshjen për Demarkacionin të ratifikuar nga Kuvendi i Malit të Zi! Marrëveshja për Demarkacionin është akt politik e juridik bilateral dhe ,palët respektive i obligon vetëm nëse do t’ishte analog e plotësisht identik dhe, si i tillë, i ratifikuar në procedurën e kërkuar. Në rastin konkret, kushti i tillë nuk qendron në tekstin e Marrëveshjes për Demarkacionin të nënshkruar nga përfaqësuesit e Kosovës dhe të Malit të Zi ,ndaj , përfshirja e kushtit në fjalë vetëm ne teksin e Marrëveshjes për Demarkacionin qe do ta ratifikohej nga Kuvendi i Kosovës ,do t’ishte arbitrar, juridikdiht i pa vlerë , politikisht i pamoralshëm, i kontrabanduar ilegalisht dhe papërgjegjshëm sikundër referuar palës malazeze ashtu edhe deputetëve përkatësisht qytetarëve të vendit tonë ,të cilët, eventualisht nga lajthimi “Culpa” do të mund të llogarisnin në mundësinë e revidimit të pastajm të asaj Marrëveshjeje. Për tu riproceduar Marrëveshja për Demarkacionin e cila do të ratifikohej edhe nga Kuvendi i Kosovës, Conditio Sine Qua Non do të kërkohej pelqimi edhe i Qeverisë përkatësisht Kuvendit të Maslit të Zi , i cili, praktikisht, tepër vështirë do të mund të sigurohej. Në këtë kontekst apostrofojme edhe njëherë faktin e pasinçeritetit qeveritar kur spekulon edhe me “ ratifikimin e kushtëzuar të Marrëveshjes për Demarkacionin për revidim të pastajmë të saj” i cili reflektohet haptas e qartë edhe nga insistimi i asaj Marrëveshje me synim të riprocedimit të shpejtë të saj!”

KIRUG-u edhe në këtë rast , duke e kundërshtuar fuqishëm “ Ratifikimin me kusht të Marrëveshjes për Demarkacionin “ prononcohet për demarkacion ndërkufitar të vendit tonë me Malin e Zi të bazuar në delimitacionin historik i cili si i tillë figuron edhe

në hartat zyrtare të Malit të Zi, të Sërbisë, të YU II, Kosovës ,
në tekstet shkollore, universitare e shkencore ,
në enciklopeditë bashkëkohore të shteteve në fjalë si dhe
në një numër jo të vogël të punimeve shkencore, teksteve universitare, teksteve shkollore, publikimeve dhe analizave kritike referuar po kësaj çësjtjeje.

KIRG-u , nga shkaqe politike e pragmatike , duke e abstraktuar dimensionin e faktorin historik para vitit 1945, edhe në këtë rast angazhohet dhe thekson se:

kufiri Kosovar – Malazez Nolens Volens duhet të demarkohet në linjen Qafë e Çakorrit- Mokna – Hajlë – Kullë ,të fiksuar dhe të sanksionuar me delimitacionin e vitit 1945,
nuk njihet as nuk qendron në doktrinat as në praktikat e marrëveshjeve ndërshtetërore për demarkacione kufitare ratifikimi i kushtëzuar e aq më pak kushtëzimi unilateral i ratifikacionit kufitar ,
vetëm kufiri kosovar – malazez i demarkuar sipas delimitimit të vitit 1945 do të të fiksohej, sanksionohej dhe mbetej i pakontestuar dhe si i tillë i qendrueshëm i cili do të krijonte parakushte të volitshme për kultivim të marrëdhënieve shoqërore, socio – ekonomike, politike, kulturore, shkencore, sportive reciproke të dobishme ndërmjet Kosovës dhe Malit të Zi!

Kryetari i KIRUG-ut

Prof dr Riza SMAKA

Sekretari i KIRUG-ut

Prof dr Jeton Kelmendi

At Nikolla Marku në gjendje të rëndë shëndetësore, të afërmit apel për ndihmë

February 10, 2017 by dgreca

1 At Nikolla Marku Kreu i Kishës Ortodokse Shën Mëria në Elbasan, At Nikolla Marku ndodhet në një gjendje të vështirë shëndetësore. Mësohet se për kurimin e tij nevojiten të ardhura të shumta, të cilat familjarët e tij nuk i dipsonojnë.Ndaj dhe nëpërmjet një statusi në rrjetet sociale të afërm dhe miq të tij bëjnë apel për ta ndihmuar At Nikolla Markun.’Shqiptarë! At Nikolla Markut i nevojitet ndihma jonë. Mëkëmbja e shëndetit të rënduar do ia mundësonte At Nikollës që ai sërish të kryejë obligimet e tij baritore, shpirtërore dhe atdhetare ndaj trashëgimisë kulturore të autoqefalisë së Kishës Orthodokse Shqiptare. Prandaj sot, Ju bijtë dhe bijat besnike ndaj Flamurit të Skënderbeut, jeni të ftuar që mesa të keni mundësi të ndihmoni Mburojën e Kishës Orthodokse Shqiptare kundër invadimit greko-serb. Ndihmën tuaj mund ta drejtoni te: CREDINS bank, Elbasan, SËIFT i bankes Credins : CDISAL TRXXX AL 9121231076 0000 0000 0039 2601,’’ thuhet në njoftim. Shumë qytetarë dhe njerëz publikë i janë bashkuar thirrjes për të ndihmuar At Nikolla Markun, ndërsa shprehen se gëzojnë një respekt dhe vlerësim të madh për figurën e tij. ‘’Në gjithë këto kohë kam vëzhguar mjaft nga njerzit publikë që kemi në Shqipëri dhe sipas meje i vetmi që kam parë të elektrizojë dhe të marrë një simpati nga të gjithë në sallë, ka qenë At Nikolla Marku. Atë energji të mirë që krijon At Nikolla Marku nuk e krijonte as ish km.i fundit që kemi pasur për të cilin thoshin se “eksitonte edhe fetusin në bark”…. At Nikolla Marku nuk është mirë me shëndet, ka nevojë për ndihmën tonë! Do t’ju lutesha të bënim diçka për të…,’’ shkruan sociologia dhe pedagogia e njohur Entela Binjaku…

APEL NGA SHBA PËR TË PËRNDJEKURIT POLITIKË

January 31, 2017 by dgreca

APEL DREJTUAR KRYETARËVE TË TË PËRNDJEKURVE POLITIKË LIDHUR ME PARTINE E RE ALEANCA POPULLORE PER DEMOKRACI/

NGA LORO STAJKA, SHBA/

Ne foto:Nga takimi i pare i Partise Aleanca Popullore Per Demokraci/

Quhem Loro Stajka , jam lind ne Shirokë të Shkodrës, por sot jetoj Virginia USA. Shkaku i largimit tim nga vendlindja ishte moslejimi dhe rreziku u burgimit nga shfaqja e mendimit te lire, që imponoi rregjimi sllavokomunist i Enver Hoxhës pas luftes se dyte Botnore. Kjo situatë, me luftë e përpjekje më detyroj të arratisem nga vendi im. Në vitin 1954, prona ime u konfiskua pasi konsiderohesha “armik i klasës” Ne Arkivin e Shtetit kam gjet te gjitha dokumentat e prones shtëpisë ku kam lind dhe baçes rreth saj që më grabiti diktatura. E keqja eshte se prej vitit 1993 që kam filluar procedurat për kthimin e pronës.akoma nuk kam perfundu gjyqet që shteti të më kthejë pronën time, veprim që mund të ishte ba menjëherë që në vitin 1991 apo 1992, por nuk ka asnji vështirësi që të bahet në çdo kohë edhe sot, por mungon deshira e politikanëve. Demokracia fillon tek prona private dhe në Shqipëri ka liri fjale dhe organizimi por akoma nuk ka demokraci. Besoj se vlerësmin për kthimin e pronës njëlloj si unë e kanë të gjithë të përndjekurit dhe i gjithë populli. Shteti ka gabuar me pronarët deklaroi në 2013 Sali Berisha por Edi Rama po vazhdon në rugën e gabuar.

Në gazetën Dielli dt 28 Janar 2017 lexova dhe më ngjalli interes të vaçantë shkrimi me titull “Kuvend kombëtar me të përndjekurit politikë- A DO TE DENOHET ENVER HOXHA? Shkrimi ishte deklaratë e tre subjekteve 1. Shoqata Antikomuniste e të Përndjekurve Politikë Demokratë të Shqipërisë 2. Unioni Mbarëkombëtar i Integrimit të Përndjekurve Politikë. 3. Shoqata e të Përndjekurve Politikë Shkodër.

Unë jetoj larg dhe nuk di në sa pjesë janë ndarë të përndjekurit sot. Dij të them se mbas rrëzimit të bustit të dikatorit erdha në Shqipëri, dhe me shokë e miq u përpoqëm të organizonim nje parti të djathtë. Shpenzuam mund, kohe dhe fonde por na sabotuan demokratet fallco që ishin spiunët që nxirrnin lloj lloj pengese dhe përfundimisht dështuam.

Në deklaratën e botuar në Dielli është e drejtë kur thuhet se: “Të përndjekurit politikë jo të gjithë kanë të njejtin ideal. Midis tyre ka të djathtë dhe të majtë, ka demokratë, republikanë, liberalë, ballistë, monarkistë, socialist, social-demokratë, madje edhe komunistë” po kjo është ma se e vërtetë,, por qoftë i majti apo i djathti, kthimin e pronës së grabitur tek i zoti nuk duhet ta kundështoje askush përveç atij që i pëlqen buka e vjedhur dhe hajnia. .

Dëshiroj ti drejtoj thirje kryetarëve të tre subjekteve që kanë shpreh shqetësim për këtë forcë politike:Ndoshta edhe me te drejte se partite kan bijt si fara e hithave, e shi per kete duhet kujdes nga përçarja qe eshte krijuar nga ish sigurimi. I drejtohem gjithashtu dhe të gjithë bashkëvujtesve dhe bashkëatdhetarë të mij kudo që jetojnë, me bindjen qe kjo Parti e re të mbështete jo vetëm nga të gjithë ju të përndjekurit që vazhdoni të ndarë e të përçarë në disa shoqata , por mbështetja duhet nga te gjithë shteresat që në këto 25 vjet u keqperdoren nga forcat politike qe krijoi Ramiz Alia. “United we stand, divided we fall”

Ju që kryesoni shoqatat e të përndjekuve duhet ti sherbeni kompaktesimit dhe t’a shmangni përçarjen e të përndjekurve në disa shoqata. Të përndjekurit dhe pronarët nuk mund të rrinë nën sqetullën e partive te Katovices. Pa dyshim që 5 kërkesat që ju shtroni në deklaratën tuaj, por edhe të tjera kërkesa që përputhen me Kushtetutën dhe praktikat ndërkombëtare nuk mund të kundërshtohen nga asnnjë forcë politike që pretendon te punojë për çrrëjosjen e komunizmit. Menoj se kjo parti e re që ashtë shpallë me datën 28 Janar 2017, ka mangesi, por fakti se ju e keni parapri në po kete datë me këtë shkrim në gazete, nuk i sherben të përndjekurve dhe as shoqërisë shqiptare. Nëse këto pika nuk janë ato duhet të shtohen në program. Vetëm nëse programi nuk përmban pronën dhe të përndjekurit ose nuk asht e qartë për këto pika themelore ajo parti nuk duhet të mbeshtetet .Veglat e Ramiz Alise morren pushtetin në 1991 mashtruan me fjalë për demokraci por realizuan Katovicën. Kujdes, ju lutem mos te luajm me dhimjet dhe me plagët e popullit. Mos krijoni sherre e perçarnje, “United we stand divided we fall”boll ka vuajtur ai popull, mbas 54 vjet regjim komunist i krijuar dhe drejtuar nga agjentura serbe, dhe që po vazhdon me 25 korrupsion ku shqiptarët po vjedhin dhe përvetesojnë pronat e njani tjetrit. Nuk asht justifikim se ashtu i hartoi ligjet Ramiz Alia. Përgjegjesi historike kanë dhe të gjithë kryetarët e partive politike që kane qenë te përfaqesuara ne Kuvendin e Shqipërisë në këto 25 vjet

Kam bindje të plotë se ju që jeni kryetarë të shoqatave që e kundërshtoni kët Parti të re, nuk keni pengesa që të ndikoni në permirësimin e programit me verejtjet tuaja që kjo Parti te jetë sa ma e dobishme jo vetem per shtresen e të përndjekurve, por per te gjithe shqiptarët ?.Veç programit sugjeroj që ju dhe Partia e re të afroni rreth vetes intelektuale te paster te panjollosun qe femijet shqiptarë të rriten ne demokraci. Nëse kryetari apokushdo tjetër është I njollosur apo nuk është I afte me zbatu programin, propozoni ma te mirin.

Uroj që ne që jetojmë në emigracion dhe ju që jetoni në atdhe, te mos mbetemi te zhgenjyer si nga ju dhe as nga Partia e porsa formuar të cilës i uroj sukses.

25 VJEÇARI NGA VLORA, APEL PËR JETËN NGA LAS VEGAS

November 15, 2015 by dgreca

Është një i ri nga Vlora që kërkon ndihmën e shqiptarëve të Amerikës. Ai quhet Edison Malaj. Është 25 vjeç. Nga shkaku i një aksidenti automobilistik prej 5 vjetësh ka mbetur i paralizuar. Pas ndërhyrjeve kirurgjikale në Tiranë dhe Maltë, ndodhet nën mbikqyrjen e mjekut amerikan William Smith në Las Vegas, për një ndërhyrje tjetër.
Në një apel që ka mbërritë në redaksinë e Gazetës Dielli drejetuar bashkatdhetarëve Edisoni kërkon ndihmë për ta përballuar këtë ndërhyrje që kushton shumë.
Ja mesazhi i plotë i Edison Malaj: Jam Edison Malaj 25 vjeç nga Vlora. Pas një aksidenti automobilistik, 5 vite më parë, kam mbetur i paralizuar nga mesi e poshtë. Kam bërë dy ndërhyrje kirurgjikale, një në Tiranë dhe tjetrën në Qipro nga mjekët amerikanë. Këto ndërhyrje kanë kushtuar shumë,aq sa prindërit i kanë shitur të pronat, shtëpinë dhe gjithçka tjetër.
Tash bëhet fjalë për një tjetër ndërhyrje. Me kërkesën e mjekut amerikan William Smith në Las Vegas për të qenë nën kontrollin e tij për një ndërhyrje tjetër të shoqëruar më pas me fizikotherapi.
Ju lutem nëna e baballarë, motra dhe vëllezër shqiptarë, kush ka mundësi e dëshirë të më ndihmojë për ta fituar këtë betejë, për të cilën po luftoj kaq vite. Ah sikur të ngrihem dhe një herë në këmbë! Kushdo që kontribuon do t’i jem mirënjohës për të gjithë jetën.
Numri i Llogarisë bankare:
Routing # 322271627(Chase bank)
Acount# 3371721688
Me respekt
Edison Malaj
Zoti Ju bekoftë!