• Home
  • Politics
  • Opinion
  • Culture
  • Sports
  • Economy
  • Interview
  • Reporting
  • Community
  • Vatra

Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Patriotët Varrmihës

August 17, 2018 by dgreca

1 Gjon Kacaj

Nga Gjon KAÇAJ/
Lodrat fëminore me flluskat janë të hershme, thjeshtë zbavitëse, ato pëlcasin njëra pas tjetrës ashtu siç shuhen jetët e lodraxhinjëve”patriotë” që sfidojnë flakët e ferrit për të fituar parajsën me patriotizmin e tyre pa kushte në të gjitha etapat .
Gusht
70 vite ma parë,1948-2018
30 vite ma parë,1988-2018
20 vite ma parë,1998-2018
Po Gushti edhe sot…..!
70 vite nga nata ma e dhimbshme e nanës malësore që sapo lindi në dhomën e mundimeve dy vajza binjake i sjellin dy kova ujë për të pastrua njollat e lindjes,e pa u mbushë me frymë dhe pa fshi djersët e ftohta të përziera me lotët e saj i turren si hutini zogjve, i fusin fëmijtë e posalindur në dy strajca ushqimesh dhe nanën e tërheqin rrëshjan deri sa e hjedhin si zhele ne makinën e gatshme së bashku me vajzat në strajca.
Binjaket dhe nanën i zbresin nga makina 4 km larg burgut të Koplikut në mes të pishave në zallin e Postopojës.
Sa zbarrdhi drita heshtjen e barinjeve e thyen kukatjet e nanës,mbi engjujtë pa jetë që i varrosen në heshtje, mbasi drejt burgut të Koplikut nën shoqërimin “ e patriotëve”në varg si korrilat shpejtonin të kërcnuar burra e gra që do të përjetonin vdekjen tragjike të dy meshtarëve po në atë burgun e Koplikut që ishte dhe do të mbetet i torturave ma çnjërzore në krejt Europen lindore mbas luftës së dytë Botërore.
Vetëm një memorje në mykun e harresës,si nga studiusit e ti lëmë historianët “ patriotë” që propagandojnë barazinë e viktimave me kriminelët e tyre.
Gusht 1948,i nxjerrin të lidhur me vargoj në pjesën e mbrapme të burgut,( ish mullini i Tom Zefit) dy meshtarët e Malësisë së Madhe,don Lek Sirdani 54 vjeç e dom Pjetër Çuni 34 vjeç.
“Patriotët entuziastë” në krye të turmës ishin gati ti shkyenin dhe djersinin kush ti shtynte i pari në gropën e ujnave të zeza.
Edhe vdekja në këtë mënyrë u dukej pak…!
Kush me sfurk hekuri e kush me gurë u zhyste kokën e kush për patriotizëm thërriste: ku e keni Krishtin tujë? A po ju shpëton?
Nga ky Gusht tek Gushti 1988


Havzi Nela ,martiri i fjalës së lirë,poeti puro Shqiptar i kushtrimeve të mëdha,mësuesi Kuksjan i arsimuem në Shkodër arratiset në Prishtinë.Ishte 33 vjeç. E riatdhesojnë. Vuan 20 vite në burgjet e diktaturës.E lirojnë me kusht pa të drejtë kthimi në vendlindje se mund të helmonte nxënësit ….!
E mbajnë të izoluar në vetmi nën presionin e operativit të zonës që i kërcnohej 3 herë në ditë si Zoti i qiellës e tokës,i veshur me armatim deri në dhamë.
Një duel i heshtur mori dheun?
Sulmon poeti me 3 fjalë: Edhe unë të vras!
Kishte sajue nga një dru të kalbun pistoletën…! E mbante dorën në brez.
Të alarmuem zbarkuen nga toka dhe ajri forcat speciale .
Drurin e bënë top .E prangosën në fushën e mejdanit.
I hoqën drurin nga brezi dhe i vendosën një pistoletë për të cilën i jepet dënimi maksimal me 8 vite heqje liriet nga prokurori i seances Fari Dani me motivacionin armëmbajtje pa leje dhe kanosje për vrasje me paramendim .
Me krenarinë e lindur poeti i burgosur ndihej si në shtëpinë e tij.Për ti rikthyer autoritetin operativit pas një jave e degradojnë pokurorin Farih Danin me detyrë komandant toge ne Pulaj të Velipojës dhe me ngut rigjykon poetin prokurori i gjykatës kushtetuese Fehmi Abdiu.Mbas varjes në litar e zbritën nga trekandshi ,kufomën e keqtrajtojnë mizorisht e varrosin në mes të një shkambi në një gropë të hapur me kompresor dhe ashtu pingul në kambë mbi kokë i fiksuen shtyllen e tensionit të lartë.
Respekte për bashkëvuejtsin Visar Zhiti mbasi pena e tijë çgjakos qindra martirë dhe konsiderohet e frikshme për ata që shkruen ndryshe letersinë e realizmit socialist për të maskue tumorin kanceroz komentojnë klasen e re të shkrimtarëve burgaxhinjë.
Zhiti duhet ndier mirë me Repishtin ,Biberaj,me Pjeter Pepaj e zonjën Dosti, me Atë Zef Pllumbin e atë Konoradin,me Arbnorin e Butkën…etj etj.
Do ti lutem mos i kushto aq shumë vëmendje skulptorit që realizojë bustin e Havzi Nelës….
Kush e solli vendimin në Kukës për emërtimin e gjimnazit të Kuksit “Havzi Nela” ? Kushe solli bustin, e kush e sponsorizoi? Kush e vendosi ne hyrjen e shkolles mbas 3 ditëve përplasje me bandat e majta.
Ishte shoqata “Havzi Nela” e shkrimtarëve kukesjanë në Gushtin 1998 që pushkën prej drurit e bëri top ndaj akuzës armbajte pa leje e kanosje për vrasje…!
Gusht 2018,me shumë respekt përshëndes vendimin e këshillit bashkiak Kukës për vendosjen e Memorialit Havzi Nela në qender të Kuksit ashtu siç ndiej keqarrdhje për dhanjen e titullit qytetar nderi i Tropojës ish deputetit Gafurr Mazrreku, atentatorit të Azen Hajdarit në parlament.
Mendoj se janë pak që e ndjejnë peshën e krimeve që sillte lufta e klasave dhe fikjen e shiprtave të dlirë.Ne një takim të 2018, këtu në Michigan, me prezencen e ambasadores Luli ,konsulit të nderit Ekrem Barrdha,avokatit Dedvukaj,klerikëve dhe të disa kamerave, Ministri i emigracionit të qeverisë Rama 2, Zoti Majko, ndër të tjera tha:Do të krijojmë degën e regjistrimit të emigrantëve.Të punësuerit duhen të jenë antarë të Partsë Socialiste dhe deomos do të bëjnë propagandë për Kryeminstrin Rama.
Edhe kjo na mungonte këtu në diasporë.
Asnjë lajm dhe asnjë koment nuk u dëgjua .Vetëm një interesim ishte ; sa ështe fondi dhe starti për punsim. A thua mos ëndërrojnë trekëndshin dhe litarin në fyt edhe këtu ne diasporë në SHBA? Pak ditë ma vonë në Këshillin e Vartrës, në New York, dëgjova një shprehje entuziaste : Qezarit t’i japim atë që i takon, dhe Ramës i lumtë që po sistemon rrënojat e gazermave të Italianve që janë përdorur për strehën e të internuarëve dhe ju kujtoj historianëve : fëmijët që lindën në Tepelenë nga nanat e ardhura shtatëzana lindën në natyrë, nën plepa, mbas ferrave; a mbeten të barabartë me fëmitë që linden në maternitete!
Ju kujtoj lenë Gjok Kokaj nga Bajza që edhe sot jeton në Bajzë dhe nanën Mria e Gjok Lucës prej Hotit në rolin e mamisë vullnetare tuj pritë lindjet e fëmijeve me boçet e tyre.

Filed Under: Analiza Tagged With: Gjon Kacaj, Patriotët Varrmihës

KUJTESE PER KRIMET E KOMUNIZMIT

August 23, 2017 by dgreca

NE DITEN E KUJTESES EUROPIANE TE KRIMEVE TE KOMUNIZMIT/

29 Gjon kacaj

NGA  GJON  KAÇAJ*/

29 Fam miraka2

Ne Foto:- Familja Mirakaj kaloi 45 vjet në kampet e internimit/

Të përndjekurit politik të Shqipërisë, kanë një etalon përfaqësimi, Simon Mirakën. Shëndetpakët energjik, i vuajtur, tolerant, por gjithmonë i vendosur dhe plot besim se do ta fitojë betejën me kuçedrën e kuqe, falë guximit, ndershmërisë, intelektit e traditës familjare të një breznie e një geni të pastër me moralin e fisnikrisë, që s’arritën ta manipulojnë kurrë zullumqarët partiakë. Djaloshi 15 vjeçar, më i vogli i familjes Mirakaj, në internim  i përgjigjej çdo 12 orë gardianit në apel: Këtu jam!Dhe kjo u përsërit për 45 vjet. Madje edhe në qershor të vitit 1989 atij ia përsëritën denimin edhe 5 vjecarin pasardhes-5 vite të tjera internim, packa se u mbeti vendimi në letër Komisionit të dëbim internimeve sepse u përmbys e theu qafën diktatura komuniste.

Po përse u dënua ky fëmijë, që u burrërua kampeve të internimit? Sepse dyshohej se 10 vite të shkuara, pra kur ishte  vetëm 5 vjeç, kishte propoganduar për prishjen e marrdhënieve Sovjeto -Shqiptare, ndërkohë, që ato marrdhënie kishte kohë që ishin çare dhe propaganda e kuqe, dhe vetë antarët e komitetit Qendror dhe të byrosë politike  i shanin botërisht.

Eh ! Ata “burrat” me pantallona të shkurtëra vuanin në kampet e internimeve në Gjazë, Plug, Çermë, Grabian, Savër, e Gradishtë të Lushnjes, dhe në mesin e tyre zgjidheshin e arrestoheshin, si të rrezikshëm, djemtë e nacionalizmit shqiptar.

Kur mendoj për ish të përndjekurit, ndalem dhe veçoj bashkvuejtsin Simon Mirakaj, gjithëmonë stabil e i pa manipulueshëm nga intrigantët politik që  s’arriten ta triblojnë  politikisht, mbase mund të shprehem lirshëm si ish koleg pune mbas viteve 1990 edhe si të vetem të pa infiltruar në drejtimin e institucioneve të përndjekurëve politik. Figura e tij më shëmbëllen si drangue në përballje me kulçedrën ashtu si e përshkruen Fishta në kangën e 16-të,Kulçedra.

Populli shqiptar duhet të mos harrojë, por të kujtojë krimet e komunizmit. Sa shqiptarë u vranë në kufi në kërkim të lirisë? Qeveria komuniste ngrinte edhe kurthe e mashtronte si Amnistia e vitit 1987, që gjoja u riktheu lirinë, por kjo ishte tjetër gënjeshtër mashtruse- kishin ngritë një kurth tjetër,-kishin prodhuar ne makinën e tyre të propogandës mashtruse një dekret special për ndalimin e vrasjeve në kufi duke e etikitue ikjen si kalim të paligjshëm të kufinit e jo tradhti Kombtare, duke parashikuar një dënim  deri me  5000 lekë! Sa u mashtruan nga ky dekret?!

Té shumté ishin  ata qé u besuan edhe… e pësuen. Kush ka pasë fatin të lexoi librin: “Unë vi nga Shkodra” shkruar nga shkodrani Luigj Çekaj me banim në Nju-Jork do t’më kuptojë lehtësisht përse shkrova diçka për nënat shami zeza.Ne ate liber gjene shume tragjedi qe u ndodhen nga kalimet ne kufi. Ngushllime të gjithë nënave  që humbën djemët në kufi të tradhtuem  nga dekreti për ndalimin e vrasjeve në kufi të firmosur nga d.v. Ramiz Alia.

Mbas amnistisë  në vitin 1987,shtatë tiranës të liruem nga Spaçi e Qafë Bari udhtuen me tren nga Tirana në Elbasan dhe pastaj me autobusë në Prrenjas drejt kufinit në Rrajcë-Skenderbe me qëllim të kalonin kufirin nga piramida nr.40, të ndarë në dy grupe.

Kujtim Xhaja dhe Ilir Serjani të parët dhe pesë të tjerët mbasi do kalonin të parët,të cilin mbasi thyen klonin mbas mesnate duke u zvarris barkas e kame-dorë takuen pa dije telin ngjyrë bari të alarmit  që sinjalizonte grupet e gatshme kufitare.

Njësiti i parë me qenin e kufinit ndaluen në errsirë Ilir Serianin .

Sapo i vunë tyten e automatikut të skuqun nga të shtënat në ajër i dhanë dy mundësi.

Do vdiste nga plumbat apo donte të vdiste nga qeni.

-E due vdekjen nga qeni,- thirri Iliri,me qellim që shokët të fitonin kohë për të shpëtue.

Përzieria e copave të mishit me zhelet e shkyeme të njoma me gjak shtonin ulurima me nji tërbim të paimagjinuar arrinin deri në qiell.

Kujtim Xhaja, i strukun në errësirë, me nji thikë të vogël lëshohet me dhimbje në shpirt mbi qenin, që hakrrohej mbi shokune tij të shtrirë për vdekje.Edhe atë e coptuen breshëritë  pa i kursye plumbat.

Zëri i nënave ka mbetë i murosun në gjokset  e sejcilës.Ato kanë përjetuar tek shuhej për jetë shpresa, se nji ditë do të baheshin fatlume.

Nga 15 Gushti 1989 deri me 16 Shtator 1990  në Shkodër dhe në Malësinë e Madhe po luhej tragjedia makabre e instaluar nga profesionistë me përvojë 45 vjeçare të sigurimsave të diktatorit të maskuar Ramiz Alia.

Si në të gjitha zonat kufitare të Shqiperisë, në bregun e Bunës  ekzekutuen Dodë Franin 24 vjeç e Gjon Kumbullakun 26 Vjeç!

Kryefjala ishte çasti kur dy kufomat e coptuara u ekspozuen para materrnitetit në Shkodër sikur paralajmronin nënat se fëmijët që do lindni do të kenë këtë fat.

Tregojne se nga tmerri që u panë sytë, njëra nga nënat e humbi fëminë!

Ndue Narkaj 23 vjeç, mbasi kalon kufirin në Stare e qëllojnë me breshëri kufitarët,dhe mbasi e tërheqin kufomën nga andej kufinit e zhveshin dhe i heqin orën e dorës pastaj i vënë zjarrin pyllit duke djegë nje hektar dhe si humanistë, familjes i dorzojnë orën e dorës dhe xhaketë.

Mas dy vitesh nji km larg pyllit të djegur në mes dy shkëmbenjësh gjejnë të mbështjellë me plastikë gjysmën e kufomës së djegur, mbasi familjarët i kishin informue se djali i tyre jetonte në diasporë.

Po Pllumb Pllumbaj 19 vjeç i larguar nga internimi vritet në mes klonit dhe brezit të butë afër postës kufitare në Hot dhe mbahet tre ditë i lidhur me tela gjëmbash në nji pusete të hidrovori në ujë me urdhër të komandantit të postës kufitare,sot aktualisht shefi i emergjencave të Shqipërisë, ashtu si arriti në qeverisjen tjetër shefi i sigurisë në presidencë.

Sokol Veshti 21 vjeç mbasi e plagosin në tentativë për të kalu kufirin dorzohet, por e ekzekutojnë. Autori emërohet kryetar dege në vitin 2014! Sa pa Kujtesë jemi ne shqiptarët?!

Cili shtet i botës apo gjykatë mundë të barazojë viktimen me kriminelin.

Po në cilin shtet të botës krimineli lartësohet dhe viktima përçmohet?

Kjo nuk duhet të ndodhë në Shqipërin demokratike si aleate e Sh.B.A.-së,e inkuadruar në NATO,e me ngut për tu anëtarësue në Bashkimin Europian.

Jo, të paktën ndëgjoni zërin e poetit Havzi Nela. Nuke ndjeni rënkimin?:

Kur të mësoni se kam vdekë

Kurë të thoni”Ndjesë pasë,

A e dini se çfarë kam hjekë”

Unë poeti zemerzjarrtë…

 

…..Thoni, dritë ai kerkoi

E vetë dritë nuk pa me sy….

 

Ja çfarë përjetonte  zëvends prokurori F.D malësori trim kur i uruem emërimin z.v. Prokuror i pergjithshëm:-E pranova emërimin me dhimbje ashtu si përjetova degradimin si  k/ prokuror në Kukës,mbasi gjykuam dhe denuam me tetë vite heqje lirie poetin Havzi Nela.

Jam ndier i fyer kur i dhamë një denim të pa merituar, pa mbështetje ligjore.

Mbas analizës mujore më dhanë largimin dhe fletë emërimin zv/ komandant toge në postën kufitare në  Pulaj të  Velipojës.

S’më erdhi keq për zbritjen nga detyra, sa u indinjova  mbasi u rigjykua poeti.

Denimi vdekje me litarë i nxituar……..

A thue prokurori në fjalë mbasi varja në litarë ishte publike dhe varrosja në nji shpatë mali i dhuroi kënaqsinë krytarit të gjykatës kushtetuese zotit Avdiu të firmosë çfuqizimin e ligjit për denime me vdekje ndonëse të detyruem nga nderkombtarët, a thue do tu rrëfen ndërkombtarëve gazetarët e gazetës “Koha Jonë” me të gjithë opozitarët që u bën thirrje të varfërve të djegin Shqiperinë për fajdet mbasi ata personalisht financuen të parët, duke tërheq mbas një muaj trefishi e shumës që kishin dorzu tek fajdet.

Ata sot janë të gjithë të pushtetshëm, kanë prona,gazeta, kanale televizivë etj….

Sot flitet për hapjen e dosjeve, të cilat dihet se janë manipuluar. Përse të hapen dosje të montueme fakirësh kur dosierët janë të montuar në pushtet.

*Autori është ish i bugosur politik, Ish Nënkryetar i të Burgosurve Politik të Shqipërisë,sot anëtar i degës së Vatrës në Detroit.

Filed Under: Analiza Tagged With: Gjon Kacaj, krimet e komunizmit, Kujtese, Simon Mirakaj

GJON KAÇAJ: DËSHMI PËR REVOLTAT SPAÇ & QAFË BARI

May 16, 2017 by dgreca

1 OK Revolta*KUJTESË- MOS HARRONI- Spaç 21-23 Maj  1973-Qafë Bari 20 Maj 1984/ 

 1 Gjon kacaj ok* Dëshmi edhe nga ish Gardiani i burgut gjatë revoltave Spaç 1973 dhe Qafë Bari 1984/

2 spac

FOTO: SPACI/

Unë në cilësinë e N/ kryetarit të Shoqatës së ish të Përnjekurve Politikë të Shqipërisë , së bashku me Eva Bllacin-shefe në departamentin ekonomik në Institutin e të Përndjekurve Politikë, morëm në dispozicion taksistin Gjon Hasani, në vajtje e kthim Tiranë – Titograd për nje takim pune me përfaqësuesit e ish të burgosurve rrefugjatë me banim në Belgjikë.Njohja në kthim me taksistin Vojvode nga Ulëza e Shkopetit me banim në Tiranë u ba shkak i intervistës sime mbas deklarimit nga ai se kishte qenë ish gardian i burgut gjatë revoltave Spaç 1973 dhe Qafë Bari 1984. Pyetja ime për Gjon Hasanin:

Çfarë dini ju më shumë se thuhet e shkruhet për dhunën e ushtrueme në revoltat Spaç e Qafë Barit?

Pergjigje:Asnjëherë nuk është  thënë as shkrue ajo që kemi përjetue ne konkretisht,gjoja në emër të sigurisë pa përmend ato që dihen publikisht,edhe sot mbaj peng një trishtim:-Arritën nga Tirana kamionë ushtarak mbular me mushama.Sollën gjenerator dhe kompresor.Xhenjerët special bënë instalimet dhe siguruen mbylljen hermetike të portave hyrse në tunelë,ku mbyllen brenda dy qenë.Ata bënë provën gjenerale,hoqën ajrin nga tuneli dhe pastaj hapën portën hyrëse.Qentë kishin ngordhë.Pastaj na udhzuen se si të vepronim mbasi të arrinte një urdhër i dytë nga Tirana dhe masat e sigurisë që do të zbatoheshin me pikëpermeri gjatë kohës që do të sillnim në tunel të burgosurit me dije për leximin e shtypit ditor…

burgu-i-qafe-barit

FOTO:QAFE-BARI/

Intervista ime me ish të burgosurin Imer Lanin nga Grizha Malësi e Madhe.

Mbasi kishte vuejt 29 vite në qeli,e gjeta në vitin  1993 në kaliben e dinamitit që e kishin përdorë para viteve nëntëdhjetë për hapje trashesë,bunkerëve,qendra zjarri e tuneleve etj.

Ajo ishte 3 me 3m ,gjërë e gjatë,kishte një derë  dhe një rrethim rrotull  sajë,katër m,në distancë me shtylla betoni dhe tel kloni me gjëmba.

Nga një qendër humanitare i solla një shtratë, dyshekun, batanie, veshmathje, ushqime dhe disa pompa për frymëmarrje mbasi vuante azmat,peshqesh nga burgu i Burrelit.

E pyeta:- A mundë t’ju marrë një intervistë?

-Për ty apo për mue,- mu pergjegj.

– Për ty edhe për mue,- i thashë.

Për ty më tha me dashamirësi.

Më lejon ta etikoi ………INTERVISTA  IME.

 

 

 

 

-Ju dridhen buzët,ju lagën mollëzat  e faqeve tek i rreshqisnin lotë dhimbje plotë krenari.Më puthi e më sfidoi:-Quhem Imer Lani,kam vuejt 29 vite në burgjet e kampet e përqendrimeve në Shqiperi.I vuejtun ;por jo i penduem.

Mbi nji dosje të bardhë eshtë  tri herë e  shkruar e njëjta dekleratë.

Unë nuk jam me Enver Hoxhën.

Mbasi vdiq ai unë ndihem i lumtur….

Pavllo Popaj- Kamicë, Malësi e Madhe dhe intervista ime.

Pothuajse moshatarë,por ai edhe pse i vuejtun për 25 vite në  burgun e Burrelit e Qafë Barit dukej i mbajtun,krenarë dhe qëndrestarë.

Erdhi në shtëpin tonë me motrat e tijë ardhë enkas nga Belgjika

Ardhë në një ditë mortore pas vdekjes së tim vllai.Na ngushlluen për vdekjen e parakohëshme dhe u prezetuen përmallshëm mbase kishin qenë edhe bashkëvuejtës, po ashtu edhe neve në shenjë respekti për vuejtjet e përbashkëta,si detyrim njerëzorë por njëherëshëm shprehi një obligim duke belbzue

“Kam ardhë për ti larë një borxh mbas vdekjes.- Isha 15 vjeç kur më denuen 25 vite dhe ashtu për leckash nga birucat më përplasën në dhomën e t’denuarëve.

Mu errën sytë, më rrotullohej dhoma me të gjithë ata burra viganë,të qethur e mustakoçë,se merrja me mend se si do i shlyeja ato 25 vite,- një fëmi,-po s’arrija ,ata do të  më burgosnin vllezrit ose babain.Nji dy metrosh më thirri ……Kaçikë …..dhe më mërtheu për krahut.Sa je denue më tha.-25 ju përgjigja unë…

Ai më tha,unë i kam  kryer 30!!!!,edhe pesë më kanë mbetë.Do lirohem shëndosh e mirë,e pa më lëshue nga krahu  më uli te shtrati i tij prandaj i detyrohem për jeten që jetoj, e kam prej tij”.

Me Pavllon u vllazruem dhe nji ditë me humor të mirë arritem te intervista ime:

-Pavllo, më thuajë si e përjetove Revoltën e Spaçit 1973 dhe atë të Qafë-Barit 1984?-

Spaçi mbetet simbol i rezistencës anti-diktaturë prej burrash që nuk komprementuen, që vuajten me dinjitet.

21-23 Maji  1973  shpërtheu revolta.U ngjitëm mbi taracën e burgut.

Ngritëm flamurin e Skenderbeut. Jashtë rrethimit kishte më shumë tyta armësh se ishim të burgosun.

Përveç atyreve që s’due ti përsëris, katër i denuen me pushkatim….

Skender Daja,Pal Zefi,Dervish Bejko e Hajro Pashai,e tetë të tjerëve u shpallën ridenimin me nga 25 vite sejcilit.

Po Qafë Bari- intervista ime:

Edhe ajo në Maji të vitit 1984,mbi 500 të burgosur s’përbadhonim më shfrytzimin me tre turne  nën thellsin mbi 2000 metra.

Ish persekutorët nga përvoja e dhjetë viteve më parë e shtypën rrevoltën pa mëshirë, me zjarr e hekurë….Forcat ushtarake qëllonin ata të burgosun që guxonin të lëviznin nga vendi.

Sandër Sokolin që s’mbahej e paralizuen,pastaj vendosen kryqet e tijë mbi nji trung të rrumbullakët derisa e thyen në mesë duke përdorë forcën si kundërpeshë.

Tom  Ndonin e Sokol Sokolin i pushkatun.

Të ridenuemit që dëgjonin emrin nga autoperlanti i mbanin jashte te zhveshur lidhun kambë e duar.

Po e përmbyllë  me intervisten  e tim vellai,Luigj Kacaj:- Më arrestuan me akuzen armik i popullit sepse i kisha dhan bukë dy net tim eti ,ardhë nga arratia me qellim tërheqjen e familjes tonë. E pranova me dije se babai me kishte ushqyer 20 vite deri diten qe u arratis mbasi e kishin denur me pushkatim. Masi pranova akuzen u denova 15 vite burg. Më thirren për rigjykim të pranoja dhe deklaroja se im atë kishte vrare dy kufitare ne posten kufitare të Tunelit.Mbasi kisha kaluar 9 muaj hetusi speciale me lidhen kambe e duar ne banjon e burgut. 3 ditë me sollen ushqim të thatë. Unë kërkoja vetëm ujë për të pirë.Ditën e 4 hyri pastrusja dhe uli afer meje koven me ujë dhe u largua.Unë arrita të zvarritem e të pija gjithë ujtë e koves pa e kuptua se ishte i kryposur,mbas pak fillova të bërtas:- Plasa more… Ujë se plasa…! U alarmuan se kisha pirë ujin e pastrueses ,me lidhen kambë e duar në një pozicion që smund të lëvizja asnjë pjesë të trupit.Trupi im u mbush me krimba te bardhë me bisht…

Përpiqesha t’i largoja nga vrimat e hundëve ,veshve e syve me frymen time ,tuj tundë koken para e mbrapa, majtas e djathtas.

Përse sot ndergjigja e degraduar “humane”eshtë helmue, përse u besoni më teper sajimeve sesa të vërtetave që ju përjetuat me dhimbje.

Politikanet Shqiptarë ja kanë arritë qëllimit tuj përdorë çdo mjet të pandershëm pa e kthye një herë të vetme koken nga e shkuara, tuej eklipsue të sotmen e tuej vrarë shpresen e të ardhmen së breznive.

Disa nga të djeshmit e vuajtur me dije e kanë zhbehë vetëdijen duke pranue si mburojë skenarin elektoral, duke u shpifur me dinjitetin e tyre, besojnë se morrat e kuq po siellen si engjuj kujdestarë ,mbase edhe ata kanë pirë gjak për mbijetese.

Sa vdiqen të prangosun neper qeli,sa u gjemtuen,sa humben aftesitë mendore,sa e sa prej tyre i hodhen nga lartesitë e qelive falë qëndreses për të mos u bërë palë me papërgjegjëshmërinë e baballareve kriminelë që sot ju u nënshkrueni pinjollëve te tyre autorësinë si bashkëvuajtës e bashkëfajtorë duke lëpirë murtajen si Rilindje.

Prisni edhe 20 vite me nga një kest “virus”parazhgjedhorë.

A thua i harruet Baltovinat e Tërbufit,ato të Maliqit, kanalin në Beden të Kavajës,apo klerikët që ua sharruen kambë e duar me sharrë druri,ose ata të mbyturit  ne gropen e fekaleve në burgun e Koplikut, apo meshtarin që i mberrthyen gjuhen me thikë mbi tavolinë për së gjalli. Të pakten lexoni rrëfimin e Kardinalit Errnest Troshani para Papës në Tiranë….!

 

Filed Under: Histori Tagged With: DËSHMI PËR REVOLTAT SPAÇ, Gjon Kacaj, Qafe-Bari

Flamurtarët e shtetit Shqiptar viktimën e një ” bese” të përfolur….!

April 5, 2016 by dgreca

Nga Gjon Kaçaj/
Princi malësor që guxoi ti shpallin luftë nga bajraku i Hotit,perandorisë Osmane u ekzekutue në Orosh të Mirditës  me 20 Dhjetor  1915 . Sot mbas 104 vitesh të ekzistencës të shtetit Shqiptar përkujtojmë legjendarët flamurtarë.
Ded Gjon Lulin që arriti të kurorëzoi ngritjen e Flamurit kombëtar me 6 Prill 1911 në Bratilë , që entuziasmoi athdhetarët patriot në disa qytete e krahina të ngrejnë simbolin e kombit , njëri pas tjetrit duke i paraprirë ngritjes së flamurit ne Vlorë me 28 Nandor 1912 , saktësue me karten e shenjët të Pambvarsisë, të firmosur nga burrat flamurtarë shtetëformues shqiptarë.
Shteti qëndron por flamurtarët themltarë bien viktimë e një bese të përfolur .
Tre vite mbas eleminimit te Ded Gjon Lulit ne Janarë 1919 , në praninë e gazetarve ne Itali eleminohet përjetësisht , flamurtari dhe themelusi i shtetit Shqiptarë Ismail Qemali .
Thuhet se gjenite vdesin për te jetuar prandaj Ded Gjon Lulin e lartësojnë vlerat historike kombëtare edhe ma gjanë .
Meritat e Ded Gjon Lulit njerëzore të shkrira për kombin si flamurtarë, si tribunarë i lirise e pamvarsisë dyshohet si shkaku numer nji i ekzekutimit mafioz përta zbehur politikisht legjendarin Ded Gjon Lulin.
Ded Gjon Luli lindi ne vitin 1840 ne Barrdhaj të Traboinit .
Shkim e këndim i mësoi nga kleri Katolik , fliste mirë Shqipen , Latinishten dhe Nashken ,si gjuhëtare të talentuar e dërgunë ne Austri për shkollim me priroritet njohjen e artit ushtarak .
Pushtusit Turq nga njara anë dhe Shkijet e Cetinës , zaptuesit e krajlnisë të udhehequr nga Knjazi Malazez vrisnin , grabisnin e i dëbonin forcërisht Shqiptarët nga trojet etnike , duke shpallë zoter ne trojet e tyne Shkijet , si pronare autokton .
Nga ana tjetër pushtusit Anadollak patrullonin prapavijën e Krajlëve duke ngritë posta kufitare qe cenonin direkt interesar e vendorëve Shqiptarë.
Në vitin 1862 ne moshen 22 vjeçare , Ded Gjon Luli u prin trimave malësor për të mbrojtë depot e armatimit dhe arriti të paralizojë Knjazin me ushtri .
Ded Gjon Lulit si prijës e luftarë, Traboini i besoj detyrën e pleqërisë dhe Hoti detyren e zevens kryeplakut me të drejten e përfaqësisë në të gjitha kuvenet .
Me këtë mandat legjitim përfaqësoi Hotin si bajrak në lidhjen e Prizërenit nga ku fitoi mbéshtetjen e të gjitha maleve të cilat e emërun nënkryetarë i forcave të armatosura për malet e Malësisë.
Historia nuk është daulle as loder , ajo duhet të shkruhet qartë pa hatermbetje , të rreflektoi drejt pa paraqykime krahinore , fetare por me fakte cilësore .
Dua te pyes analistët , studiues , historian , intelektual apo politikan , e përse jo kryetarin e shoqatës Malësia , duke qenë i bindur se e kam plotësisht të drejten morale . Së pari nga gjyshi nipi i Dedit të Gjoni , pra nip Hotit .
Nga baba nip i Dajanajve , nip Hotit .
Nga vehtja nip Frangajsh , pra nipi i Pjetër Dadharit , sigurisht nip Hotit , edhe si njohës i mirë i kanunit te Lek Dukagjinit , të Skenderbeut , të Elbasanit , Beratit e Vlorës , si nënkryetarë i pajtimeve mbarëkombëtare mbas vitit 1990 dhe si nënkryetarë i shoqatës kombëtare të përsekutuarve politik të Shqipërise .
Pytja :
A ishte politike vrasja e Ded Gjon Lulit ?
Përse nuk u lejua pjesmarrja e vllazërisë në mortin e tij ?
Përse u varros jashtë varrezave ?
Kush i nxorri eshtërat e Ded Gjon Lulin në vitin 1967 nga varri dhe ku ndodhen ?
Kryengritja e Malesisë së Madhe ne vitin 1911 me Ded Gjon Lulin në krye mbetet kryengritja ma madhore e të gjitha kohërave  qe nga organizimi  dhe deri tek finalizimi me ngritjen e flamurit ne Deçiq .
Së pari :
U realizua falja e gjakmarrjeve .
U sterviten për dy vite 1500 luftarë.
U krijua shtabi i luftes prej shtatë vetësh .
U krijua shtabi i flamurit prej shtatë vetësh.
Hoti si bajrak ne emer të maleve i shpalli zyrtarisht luften perandorisë Osmane dhe realizoi momerandumin e Greçjes me dymdhjetë pika të hartuara nga intelektualë e patriot , përfaqësues nga të gjitha trevat e Shqipërise amë! Si Buletini , Hasan Prishtina , Siliqi , Gurakuqi ,Hil Mosi etj.
Kryekrushku Ded Gjon Luli me trimat flamurtarë arriti në Vlorë me 28 Nanorë 1912 me flamurin kombëtar që u shpalosh në  vitin 1911 në Qafë-kishë , duke ija dorëzue shtabit te flamurit .
Flamurin e prerë dhe të qendisur nga Gjon Gjo Kola dhe Rrok Pulti .
Lavdia e Malësisë së Madhe është besimi tek Zoti , thjeshtësia dhe afësia për tu vetëmbrojtur , prandaj krenohemi me Papa Kelementin , me Ded Gjon Lulin e Prek Calin , me filozofët si Pater Nargaj e artistë si Lukë Kaçaj  , pse jo me Noren e Kelmenit , Tring Smajlen , Shote Galicen , Tone Bikaj , Roza Patin e Jozefina Topallin e të gjitha nanat malësore.

Filed Under: Opinion Tagged With: " bese" të përfolur....!, DEDË GJON LULI, e shtetit Shqiptar, Flamurtarët, Gjon Kacaj, viktimën e një

Ne promovimin e librit “Fal por mos harro” te autorit Gjon Kacaj

December 10, 2014 by dgreca

Promovimi i librit “ Fal por mos harro!” te autorit Gjon Kaçaj u be diten e diele me 01 nentor 2014, ne Sallen “ At’Gjergj Fishta” te Qerndres se Shen Palit, ne kuadrin e Dites se librit, pictures dhe fotografise, qe kete vit u be per te paren here nga Revista “ Kuvendi”. Me poshte po publikojme parathenjen e keti libri, realizuar nga Valentin Lumaj, i cili edhe referoi ne kete aktivitet/
Nga Valentin Lumaj/
Ndrek Pjetri, personazhi eksluziv i ketij libri letraro historik, vjen para lexuesit si nje shembull tipik i shtreses me te persekutuar nga klani komunist. Ndreka eshte i prejardhur nga nje familje e thjeshte nga fshati Temal i Dukagjinit, por i rritur dhe edukuar nen ombrellen e Kishes katoloke, te ciles i sherbeu ne rini, duke shtuar ketu dhe pervojen e padiskutueshme qe ai mori nga freterit, udheheqes te Kishes Shenjte dhe te komunitetit, si Don Zef Shestani, Don ikel Koliqi, At Gjergj Fishta, Mjeda e Zadeja, te cilet perbenin ajken e e shoqerise shqiptare te asokohe. Ne ndryshim nga keta, te cilet u viktimizuan per hir te besimit, patriotizmit dhe lirise, Ndreka i mbijetoi regjimit, dhe ne fillimet e para te demokracise iu perkushtua me devocion, sherimit te nje plage shume shekullore shqiptare, ate te gjakmarrjes.
Jeta e tij dhe ngjarjet e pershkruara ne kete libër-dëshmi nga autori Gjon Kacaj, jane aq shumë llahtarisëse, përvojë e zezë, absurde, tragjike, duke nxjerre nga thellësitë e ferrit, mbi detin e gjakut dhe të lotëve, një pjesë krejt të vogël të viktimave të diktaturës komuniste shqiptare. Ata nuk ishin viktima spontane te nje lufte civile. Ata ishin krenaria shqiptare e perzgjedhur ekzaktesisht dhe me perpikmeri. Ata ishin nderi i kombit i vrare pas shpine, nderi i pushkatuar pa gjyq, nderi i qelluar ne lule te ballit. Ne historine mijra vjecare shqiptare, asnje pushtues mizor e i pashpirt, s’e beri kete; asnje armik historik fqinj apo me larg, nuk tentoi te zhduke ajken e kombit tone. Shembelltyra Staliniane polli diktaturen enveriste, kete fare hibride, shkaterrimtare te vleres dhe se mires, si shembullin me te keq te komunizmit ne Shqiperi, duke u katandisur ne lengaten me te zese se historise tone.
Gjon Kacaj, nepermjet personazhit te tij, zbulon as me pak as më tepër se “majen e ajsbergut”, në gjithë këtë histori horror, që ende rri pezull, e fshehur, ndër gropa e varre masive e ndër dosje të errëta te mbyllura të ish-Sigurimit të Shtetit. Ky libër zbulon shumë episode ngjarjesh makabre, per torturat më çnjerëzore, që komunistet dhe delitantet e tyre, lavire te pushtetit, te ashtuquajtur , “te plotfuqishem te vdekjes”, kanë perdorur ndaj bashkombasve te vet, nganjehere, anetare te fisit apo edhe vete familjes se tyre, fatin e të cilëve e kishin vendosur ata vetë: pa gjyq. Rruga drejt vdekjes ishte e projektuar tashmë për të gjithë ata, qindra e qindra klerikë, intelektualë, dhe gjithkush tjetër që u cilësua “Armik i pushtetit popullor”. Por, deri në momentin që dhanë shpirt, shumë prej tyre provuan torturat më të tmerrshme, produkt i mendjeve te shthurura e monstruoze.
“Une nuk jam Andrea Temali”, -eshte pergjigja e vetme e djaloshit te ri, ku permes torturave, dhimbjeve, frikes, dyshimit e ankthit, prevalon karakteri i forte, besa e dhene, fjala e mbajtur, liria e munguar. I bindur se nepermjet mohimit te vetvetes, varej jeta e dhjetra bashkepunetoreve te tij te ngushte, patriote, meshtare, antikomuniste e liridashes. I ushqyer nga keto vlera te larta njerezore dhe shpirtit qendrestar, Ndrek Pjetri, i mbijeton sistemit famekeq 50-vjecar komunist dhe mberrin pranveren e demokracise me”faqe te bardhe”.
“Pajtimi i gjaqeve” eshte misioni i tij ne “Eren e re”. Ne nje kohe kur gjakmarrja perbente njekohesisht per shqiptaret, vetvrasje, vellavrasje si dhe vrasja e tjetrit, mencuria dhe fjalet e arta, dhunti prej Zotit, kthehen ne mehlem per shpirtrat e trazuar te qindra familjeve. Me Ungjill ne dore dhe ne emer te jetes dhe Ringjalljes, hakmarrjen e kthen ne falje, marrjen e gjakut e kthen ne dhenjen e beses e te pajtimit.
A ka më madhështi dhe më burrëri që të kthesh zemrat e vuajtura e të dhimbsura në dashuri dhe vellazëri. Këtë mundi të bënte vetëm magjia e fjalës së lirisë dhe dashurise per njeri-tjetrin, e paqesorit Ndrek Pjetri, i cili natyrshem e vendos veten ne nivelin e njerezve te medhenj te pajtimit, si Anton Ceta, Don Lush Gjergji etj. Keta, qe une do ti quaja te “Te plotefuqishem te Paqes”, në momentet më delikate dëshmuan virtytet madhështore, si figura markante te kombit. Ata pasqyruan përjetësisht, çiltërsinë, mençurinë dhe atdhedashurinë, që shëruan zemrat e dhjetërave mijërave njerëzve, por mbi të gjitha shëruan një plagë të madhe të kombit.
Çdo komb i gëzohet heronjve të mëdhenj, të cilët dinë të percojne drite në momente të veçanta dhe delikate. Ne ndjeshmerine dhe delikatesen e gjakmarrjes, veprimtaria e pajtimit, tash e përgjithmonë mbetet akt i rrallë, civil dhe qytetar, vlera njerezore per te cilat kemi nevoje te gjithe.
Librin, jam munduar t’a pershtas ne dialektin Gege, per tri arsye:
– Eshte gjuha origjinale e autorit Gjon Kacaj,
-Ishte gjuha e qindra e mijera meshtareve, patrioteve dhe te persekutuarve te Shkodres, Malesise she Shqiperise se veriut, viktima te sistemit komunist, te cilet zene vendin kryesor dhe permenden me se shumti ne liber.
-Ky liber, ne pjesen me te madhe te tij, per nga natyra e ngjarjeve, ngjan ne miniature me vepres se madhe te At Zef Pllumbit, “Rrno vetem per me tregue”, e shkruar ne te njejtin dialekt.
Te gjitha materialet, faktet dhe pershkrimi i ngjarjeve, ne kete liber, jane e drejta dhe merita ekskluzive e autorit.
Ky liber u perpunua nga nje doreshkrim i autorit. Duke mos pretenduar persosmeri ne pershtatjen elektronike e dialektore, si dhe redaktimin e tij, ju para-kerkoj falje per ndonje gabim apo harrese, qe gjithsesi nuk ja zbusin vleren librit ne pergjithesi.
Ky tekst eshte parathenia e librit “ Fal por mos harro!” shkruar nga Valentin Lumaj

Filed Under: Komunitet, Kulture Tagged With: Gjon Kacaj, Ne promovimin e librit “Fal por mos harro”, te autorit, Valentin Lumaj

Artikujt e fundit

  • Kosova para 32 viteve: Serbia ua ndaloi shqiptarëve edhe gazetën e vetme të përditshme Rilindja
  • FRANCE-SOIR (1949) / “NJË PLEBISHIT DUHET TË VENDOSË PËR FATIN E SHQIPËRISË…”— DEKLARATA E MBRETIT ZOG NË KAJRO
  • A DO TË KETË LUFTË NË PAQËSORIN AZIATIK?
  • Praga, bota e Kafkës
  • Biblioteka e Familjes Vlora
  • BIJTË E PROMETEUT e të tjerë…
  • Përpjekjet sovraniste të Kosovës më tepër përputhen me Washingtonin se sa me Brukselin
  • PËR HERË TË PARË NË SHQIPËRI FILLON PUNËN NJË SHKOLLË VERORE PËR DESHIFRIMIN E SHKRIMIT LATIN. PALEOGRAFIA LATINE, SI TË ZBULOSH SEKRETET E MESJETËS!
  • MARRVESHJA ABAZOVIÇ-PORFIRIJE — NJË KRIM NDAJ IDENTITETIT KOMBËTAR TË SHQIPTARËVE — JO VETËM NË MAL TË ZI
  • ZBULOHET VULA E IPESHKVIT TË SAPËS PJETËR ZAHARISË NGA VITI 1422 NË HVAR TË KROACISË
  • LOGU I BJESHKËVE, TRADITË KULTURORE E HISTORIKE-SHEKULLORE E  KELMENDIT… 
  • ANTON MARKU, POETI I MBURRJES SONË LETRARE NË AUSTRI 
  • David Phillips, Analisti amerikan: Kosova të përgatitet, Serbia e ndikuar nga Rusia mund të provokojë me konflikt të armatosur
  • With the Opening of a Photo Exhibit at the Museum, Worcester Albanians Make History and More Discoveries
  • Dua Lipa Ambasadore Nderi e Republikës së Kosovës

Kategoritë

Arkiv

Tags

albano kolonjari Albin Kurti alfons Grishaj Anton Cefa arben llalla Astrit Lulushi Aurenc Bebja Behlul Jashari Beqir Sina dalip greca Elida Buçpapaj Enver Bytyci Ermira Babamusta Eugjen Merlika Fadil Lushi Fahri Xharra Frank shkreli Fritz radovani Gezim Llojdia Hazir Mehmeti Ilir Levonja Interviste Kolec Traboini kosova Kosove Marjana Bulku Murat Gecaj nderroi jete ne Kosove Nene Tereza presidenti Nishani Rafaela Prifti Rafael Floqi Raimonda Moisiu Ramiz Lushaj reshat kripa Sadik Elshani SHBA Shefqet Kercelli shqiperia shqiptaret Sokol Paja Thaci Vatra Visar Zhiti

Log in

This website uses cookies to improve your experience. We'll assume you're ok with this, but you can opt-out if you wish. Cookie settingsACCEPT
Privacy & Cookies Policy

Privacy Overview

This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary
Always Enabled
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Non-necessary
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
SAVE & ACCEPT