Prezantimi i një rezolute në Dhomën e Përfaqësuesve, në mbështetje të integrimit të Kosovës në NATO nga kongresistët amerikanë Keith Self, Ritchie Torres dhe Mike Lawler, ka rëndësi të veçantë për Republikën e Kosovës. Rezoluta vlerëson arritjet e Kosovës dhe argumenton se anëtarësimi i saj në NATO do të ndihmonte në stabilitetin e Ballkanit.

Aprovimi i kësaj rezolute në Kongres është një procedurë e caktuar. Pas kalimit në Dhomën e Përfaqësuesve, ajo duhet të prezantohet dhe të aprovohet edhe nga Senati amerikan, për t’u evidentuar si vendim i përbashkët i Kongresit amerikan.

Duhet pasur parasysh se rezoluta nuk është ligj detyrues, por ka efekt politik pozitiv, sepse tregon se në Amerikë ekziston mbështetje për Kosovën nga të dyja partitë kryesore. Ajo forcon pozicionin e Kosovës në arenën ndërkombëtare dhe rrit presionin diplomatik ndaj vendeve të NATO-s që ende nuk e kanë njohur pavarësinë e Kosovës, që ta bëjnë një gjë të tillë.

Njëkohësisht, ajo ndikon te Departamenti i Shtetit dhe administrata amerikane që politikën e tyre të jashtme ta orientojnë në favor të Kosovës, duke e vlerësuar atë si një interes strategjik amerikan.

Kjo rezolutë nuk e detyron NATO-n të ndërmarrë veprime konkrete në këtë drejtim, megjithatë ua bën të qartë vendeve anëtare, por edhe armiqve të Kosovës, interesin amerikan për Kosovën.

Anëtarësimi i Kosovës në NATO është një proces afatgjatë që kërkon plotësimin e shumë parakushteve, disa prej të cilave nuk varen nga Kosova. Megjithatë, Kosova duhet t’i kryejë detyrat e veta në këtë drejtim, ku faza e parë është inkuadrimi në Partneritetin për Paqe të NATO-s.

Kjo rezolutë tregon gjithashtu angazhimin e vazhdueshëm dhe të suksesshëm të individëve dhe organizatave të komunitetit shqiptaro-amerikan në interes të Kosovës dhe kombit shqiptar, posaçërisht të komunitetit në Dallas dhe në New York.

Kongresmeni Keith Self, bashkë me disa anëtarë të tjerë të Kongresit, po vazhdojnë rolin historik të paraardhësve të tyre në Kongresin Amerikan, si DioGuardi, Dole, Lantos, McCain, Biden, Engel, Gilman, Hyde e të tjerë.

Përpjekjet e regjimit të prapambetur serb për të vepruar në SHBA drejtpërdrejt dhe nëpërmjet komunitetit serbo-amerikan po dështojnë dita-ditës, pavarësisht investimit të miliona dollarëve. Arsyeja është e thjeshtë: çështja e tyre është e padrejtë, agresive, anti-perëndimore dhe anti-njerëzore.

Detyrë parësore ekzistenciale e qeverisjes së Kosovës, krahas zhvillimit demokratik dhe ekonomik të shtetit, është forcimi i sundimit të ligjit, profesionalizmi i ushtrisë dhe stabiliteti politik. Orientimi pro-amerikan i Kosovës nuk guxon të vihet në pikëpyetje asnjëherë, në asnjë mënyrë. Pa Amerikë nuk ka Kosovë.

Maskarada e vitit të kaluar e opozitës së Kosovës, me bllokimin e krijimit të institucioneve shtetërore pas zgjedhjeve demokratike, sidomos bojkotimi i fundit i zgjedhjes së Presidentit, po ndikon shumë negativisht në imazhin ndërkombëtar të Republikës së Kosovës.

Populli shumicë i Kosovës, edhe pse i lodhur dhe i dëshpëruar nga zgjedhjet e njëpasnjëshme të panevojshme, duhet të mobilizohet edhe njëherë dhe t’ua tregojë me votë vendin bllokuesve të shtetit, opozitës së Kosovës, e cila i ka vënë interesat personale dhe partiake përpara atyre shtetërore dhe kombëtare.

Agim Aliçkaj

Albanian Roots Parade, Saturday, June 20

Zef Pergega/

Mbrëmë në “Pallazo Grade” në Detroit ka qenë një biznesmen i fuqishëm amerikan, të cilin pata rastin ta takoj në takimin e presidentit Trump gjatë fushatës së tij për në Shtëpinë e Bardhë në Detroit, i cili deklaroi se emri i prokurorit shqiptaro-amerikan Robert Lulgjuraj është tani i vlerësuar shumë nga autoritete të larta amerikane në shtetin ku jeton, po aq më shumë nga Zyra Ovale dhe presidenti aktual i Amerikës, Trump.

Ky nuk është një optimizëm gazetaresk, por një realitet. Mbrëmë, ku ishin rreth 500 veta shqiptarë, por shumë më shumë amerikanë, biznesmenë edhe me origjinë nga Ballkani, sidomos nga Bosnja, që mbështesin kandidimin dhe udhën e suksesit të Robert Lulgjuraj. Mbrëmë folën edhe gjashtë personalitete që janë në garën për në Kongres dhe Senat nga partia republikane që mbështesin Robert Lulgjuraj. Ishin shumë të rinj e të reja, se ata si Roberti janë shpresa. Foli me superlativa edhe kandidati republikan për guvernator i Michiganit, z. Ralch Rebrandt. Interes nga mediat e Detroitit, sidomos “Detroit News”.

Fushata elektorale e Robertit udhëhiqet nga një staf profesional si Xheni Roe dhe i palodhuri aktivisti Mak Gjokaj.

Edhe pak hapa kanë mbetur për ta parë Robert Lulgjuraj në Shtëpinë e Bardhë si krenaria e kombit shqiptar. Do të jetë rasti i dytë në historinë katërqindvjeçare të shqiptarëve të Amerikës që, pas DioGuardit, një malësor shqiptar të na përfaqësojë me dinjitetin më të madh, falë përgatitjes së tij, elokuencës, dashnisë për njerëzit, sa tha: Zyra ime do të jetë zyra juaj.

Është një suport sa mahnitesh kur e përjeton këtë ngjarje, sa mbrëmë mu duk se është vulosur fitorja e tij. Urime Roberti me përzemërsi dhe jemi me ty në këtë rrugëtim të lumtur, të themi: Bac u krye!

Diçka për komunitetin shqiptar. Pak hapa kanë mbetur për t’u realizuar kjo ëndërr shqiptare. Ne kemi qenë të lumtur kur kemi pasur kujt me ia lënë fajin. Por tani përgjegjësia është e jona, e gjithsecilit. Kërkohet as më shumë dhe as më pak të shkojmë në votime masivisht dhe të tregojmë atdhedashuri e përfaqësim për Robertin, njeriun tonë. Të mendojmë njëherë për vete, se boll kemi sponsorizuar të tjerët. Përfaqësimi i Robertit në Olimpin e demokracisë amerikane është i merituar dhe e kemi shansin për të mbetur në histori.

Kandidimin e Robert Lulgjurajt e kanë mbështetur edhe autoritete në Malësi e në Lezhë, si kryetari i Bashkisë, Pjerin Ndreu, si dhe shumë intelektualë e gazetarë në Shqipëri, Mal të Zi, Bosnje e në Maqedoni. Ai do të jetë për të gjitha trojet shqiptare përfaqësuesi ynë. Qoftë e bekueme udha e tij, se është udha jonë e dinjitetit.

Është e turpshme që media apo patronazhistë, në rolin e gazetarit apo të analistit që i thonë vetes se janë shqiptarë, por që çirren në televizionet shqiptare duke mbrojtur Iranin dhe sharë deri në rrënjë e kockë Amerikën, të cilës i hanë bukën dhe ia përmbysin kupën, as nuk marrin pjesë në këto takime historike për të mirën e kombit shqiptar, por nuk e thonë asnjë fjalë. Vjen dita e gjithkujt, se një ditë u mbarohen dollarët dhe u mbetet portofoli thatë, siç e kanë shpirtin!

As we continue our mission to preserve Albanian heritage and support the well-being of the Albanian-American community in Massachusetts, these leaders bring the vision and dedication needed to drive our organization forward.

​Over the next two years, our focus remains steadfast: strengthening our cultural programs, expanding our community network, and working toward our long-term goal of a permanent sustainable community center.

​Congratulations to our new board members! We look forward to achieving great things together.

​

​Njoftim: Zgjedhja e Bordit Drejtues të MAASBESA

​Kemi kënaqësinë të njoftojmë zgjedhjen e Bordit Drejtues të MAASBESA-s për mandatin 2026-2028. MAASBESA vazhdon misionin për ruajtjen e trashëgimisë kulturore dhe mirëqenjen e komunitetit shqiptaro-amerikan në shtetin e Massachussetts. Këta udhëheqës sjellin vizionin dhe përkushtimin e duhur për të çuar organizatën tonë përpara.

​Gjatë dy viteve të ardhshme, fokusi ynë mbetet i palëkundur: forcimi i shkollave e programeve tona kulturore, zgjerimi i rrjetit tonë komunitar dhe puna drejt qëllimit tonë afatgjatë për një qendër komunitare të përhershme dhe të qëndrueshme.

​Urime anëtarëve tanë të rinj të bordit! Mezi presim të punojmë të gjithë së bashku e të arrijmë suksese të mëtejshme për komunitetin tonë.

We’ll be talking about the future of our state, affordability, opportunity, and why the next generation stepping up to lead matters now more than ever.

If you’re a student or young leader, come be part of the conversation. RSVP and join us.

#ny#nyc#ny14#bronx#queens#votefordiamant