• Home
  • Politics
  • Opinion
  • Culture
  • Sports
  • Economy
  • Interview
  • Reporting
  • Community
  • Vatra

Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Zgjedhjet në Kosovë-Partitë e mëdha dhe Partitë e Volga …

January 16, 2021 by dgreca

–Partitë e mëdha në Kosovë që në fillim të marrëveshjeve ia shuan identitetin politik partive të vogla/

Kosova në prag të zgjedhjeve është duke vluar politikisht,deri më, 14 shkurt 2021 shumë politikan të rinj e të vjetër shohin ëndrra me sy hapur dikush e sheh vetën deputet e dikush ministër, një tjetër kryeministër e tjëtri apo tjetra president e presidente.Mirë është që njerëzit jetojnë dhe ëndërrojnë, por më e keqja është se 14 shkurti 2021 do ti shuaj shumë ëndrra, ku do të kemi shumë pakënaqësi si çdo herë pas zgjedhjeve.

E mira është që në këto zgjedhje partitë e mëdha u treguan shumë të mençura politikisht dhe që në fillim i shuan identitetin politik partive të vogla duke bërë marrëveshje dhe duke i konsideruar pjestarët e partive të vogla vetëm si anëtar të partive të tyre politike dhe asesi si parti apo organizata të veçanta.Kështu në VV u shkrinë dhe u rishkrin iniciativa Guxo e Vjosa Osmanit dhe iniciativa Alternativa e Mimoza Kusarit,kjo u rishkri përsëri.E mençur u tregua edhe LDK që për herë të parë e shkriu AKR në një listë dhe Behgjet Pacolli dhe përkrahësit e ti do të garojnë me logon e LDK-së.Sa i përket PDK-së ajo  nuk arriti ta shkrijë Nismën e Fatmir Limajt së paku deri më tani në PDK, ku Nisma kërkoj një marrëveshje të përbashkët si dy parti politike dhe tash do ja rrezikoj vendin e dytë PDK-së nese nuk bëjnë ndonjë marrëveshje në minutat e fundit, duke garuar e vetme dhe duke marrë vota në terenet ku shtrihen votuesit e PDK-së.Të njëjtën rrugë e vazhdoi edhe AAK e cila arriti ta shkrijë një pjesë të PSHDK-së se Gjakovës që e udhëheq Zef Morina e Anton Shala,që  në fakt e kishte të shkrirë pasi që kishin një marrëveshje më herët në nivelin lokal dhe Zefi nuk ka shtrirje dhe nuk merr vota jashtë Gjakovës.Kurse PSHDK tjetër që udhëhiqet nga dr.Ukë Berisha si duket do të jetë pjesë e listës së LDK-së,e shkrirë po ashtu.Por e ndarë në këtë mënyrë as Uka e as Zefi nuk kanë shansa as minimale të zgjidhen deputet në Parlamentin e Kosovës.Kjo parti duhet të reformohet dhe të zgjedh një udhëheqje komplet te re. 

Ajo çka më së tepermi duhet te jetë brengosëse është fakti se çka pas 14 shkurtit 2021.Sa do të jenë në gjendje këto parti të ndërtojnë institucionet shtetërore ku së paku dy parti shqiptare duhet të bëhen bashkë për ta themeluar qeverinë kurse tri parti shqiptare duhet të bëhen bashkë për ta zgjedhur presidentin e Kosovës.Sa do të jenë të qëndrushme institucionet e reja dhe sa do të zgjasë qeveria e re e Kosovës?Sa do të arrijnë institucionet e reja të bëjnë projektet zhvillimore për Kosovën dhe sa do të përkrahen këto projekte nga Bashkimi Evropian dhe Shtetet e Bashkuara të Amerikës.Sa do të jetë në gjendje Qeveria e re e Kosovës të krijoj kushte për investitorët nga diaspora dhe jo vetëm të përmendët diaspora kur duhet ti marrin votat. Edhe shumë e shumë çështje tjera që rrin pezull tash e shumë vite.Të hysh në politik është e lehtë por të dalësh nga politika dhe të mbahësh mend për sukseset e kryera mbrenda mandatit qeverisës është shumë e rend.Uroj që Kosova pas këtyre zgjedhjeve të hyn në rrugën e ecjes përpara,e mos të përseritët ajo kënga popullore:”shkoj njani e erdh tjetri,gjithë ma i zi i riu se sa i vjetri”.

Filed Under: Analiza Tagged With: Nue Oroshi, Partite e Medha, Partite e Volga, zgjedhjet ne Kosove

Diaspora dhe Zgjedhjet në Kosovë

January 11, 2021 by dgreca

– Diaspora do të votojë nga 2 deri më 12 shkurt-

Shqiptarët e Kosovës jashtë vendit do të votojnë për herë të dytë në zgjedhjet në Kosovë. Për zgjedhjet e 14 shkurtit, votimi me postë prej tyre është parashikuar të bëhet nga 2 deri në 12 shkurt.

Ndërkohë regjistrimet për qytetarët e Kosovës jashtë vendit do të bëhen nga data 13 janar deri më orën 18.00 të 21 janarit.

Ushtruesja e detyrës së presidentit, Vjosa Osmani shpërndau legjislaturën e shtatë të Kuvendit të Kosovës dhe ka caktuar zgjedhjet parlamentare të parakohshme për më 14 shkurt.

Në mbledhjen e KQZ-së u bë e ditur se fushata zgjedhore fillon më 3 dhe përfundon më 12 shkurt 2021.

Vendi po shkon në zgjedhje të jashtëzakonshme pasi më 21 dhjetor, Gjykata Kushtetuese e ka shpallur Qeverinë Hoti si antikushtetuese.

Kushtetuesja kishte konstatuar se Qeveria e zgjedhur më 3 qershor 2020, nuk ishte në pajtueshmëri me paragrafin 3 të nenit 95 (zgjedhja e qeverisë) të Kushtetutës sepse Qeveria nuk kishte marrë shumicën e votave të të gjithë deputetëve.(Kortezi-Gazeta Diaspora Shqiptare)

Filed Under: Kronike Tagged With: diaspora, zgjedhjet ne Kosove

REZULTAT I NGUSHTË NË PRISHTINË E PRIZREN, KQZ SHPALLË REZULTATE TË VOTIMEVE

November 19, 2017 by dgreca

1 Behluli voton okDalin rezultatet e para preliminare të balotazhit të zgjedhjeve lokale sot në 20 komuna të Kosovës.Sipas Komisionit Qendror të Zgjedhjeve, në Prishtinë Lëvizja Vetëvendosje me kandidatin Shpend Ahmeti udhëheqë me 50,19% të votave në garën me kandidatin e Lidhjes Demokratike të Kosovës Arban Abrashi, i cili ka marrë 49,81%.

Ky rezultat është nga 100% e vendvotimeve të procesura, që janë gjithësej 236.Rezultatet preliminare nuk përfshijnë votat me kusht, votat me postë edhe votat e personave me nevoja të veçanta, dhe këto mund ta ndryshojnë rezultatin e ngushtë dhe fituesin.

Në komunën e Prishtinës kanë votuar 44,39% e e 188.341 votues të regjistruar.

Edhe në disa komuna të tjera rezultati është i ngushtë.

Në Prizren, Mytaher Haskuka i Lëvizjes Vetëvendosje me 50,32% të votave udhëheqë në garën me kandidatin e Partisë Demokratike të Kosovës Shaqir Totaj  me 49,68% nga 100% e 219 vendvotimeve të procesuara. Në Prizren kanë votuar 30,56% e 168.884 votuesve të regjistruar.

Rezultatet po publikohen në vazhdimësi në faqen zyrtare të KQZ të Kosovës.

Filed Under: Kronike Tagged With: rezultatet e para, zgjedhjet ne Kosove

KOSOVË-ZGJEDHJET, MUNDËSI E SHKËLQYER PËR PJEKURI POLITIKE

June 3, 2017 by dgreca

-Shefi i Misionit nga Bashkimi Evropian: Zgjedhjet në Kosovë, mundësi e shkëlqyer për të treguar pjekuri demokratike/1 prishtina1

  -Rreth 100 vëzhgues nga vende të ndryshme të shteteve anëtare të BE-së si dhe nga Norvegjia dhe Zvicra/
2 Prishtina-Misioni i Vëzhgimit të Zgjedhjeve (EOM) u dërgua në Kosovë pas një ftese nga President/Korrespondenti-i Gazetes-DIELLI-Behlul-Jashari-ne-konfernce-per-shtyp-te Jens-Stoltenberg-NATO_Isa-Mustafa-Kosove-3shkurt2017-Prishtine
Ne Foto:Gazetari Behlul JASHARI, Korrespondenti i Diellit ne Kosove/
PRISHTINË, 2 Qershor 2017-Gazeta DIELLI-Behlul Jashari/ Shefi i Misionit për Vëzhgimin e Zgjedhjeve nga Bashkimi Evropian dhe anëtari i Parlamentit Evropian nga Sllovenia, Alojz Peterle, gjatë një konference për shtyp sot në Prishtinë, bëri thirrje për kampanjë paqësore dhe zgjedhje të besueshme.
 “I bëj thirrje të gjitha palëve që të luajnë rolin e tyre duke siguruar sjellje paqësore gjatë gjithë kampanjës, dhe të mos humbasin këtë mundësi për të siguruar zgjedhje të besueshme për të gjithë popullin e Kosovës”, tha ai.
 Gjatë vizitës së tij dy ditore në Kosovë, Peterle u takua me kryetaren e Komisionit Qendror të Zgjedhjeve, Valdete Daka, me kryeministrin në largim Isa Mustafa, ministrin në largim Enver Hoxhaj, si dhe me përfaqësues të subjekteve politike, shoqërisë civile dhe komunitetit ndërkombëtar.
 Duke pranuar që ka sfida në administrimin e zgjedhjeve për shkak të kohës së shkurtër prej 30 ditësh për zgjedhjet e parakohshme legjislative të 11 qershorit, Peterle tha se megjithatë ato përfaqësojnë “një mundësi të shkëlqyer për të treguar pjekuri demokratike”. 
Ai gjithashtu bëri thirrje që të gjithë akterët politikë të “përmbahen nga çdo gjuhë ose formë e presionit dhe frikësimit që mund të dëmtojë integritetin e procesit zgjedhor”. Kjo përfshin edhe lejimin e mediave që të ofrojnë platformë për subjektet politike pa ndërhyrje. 
Misioni i Vëzhgimit të Zgjedhjeve (EOM) u dërgua në Kosovë pas një ftese nga Presidenti i Kosovës. Një ekip bazë prej tetë analistësh arritën në Kosovë më 19 maj. Përveç 16 vëzhguesve afatgjatë të dërguar nëpër Kosovë, Misionit do t’i bashkangjiten edhe 32 vëzhgues afatshkurtër, një delegacion nga Parlamenti Evropian si dhe vëzhgues të rekrutuar individualisht nga përfaqësuesit diplomatikë në Kosovë të shteteve anëtare të BE-së. Gjithsej, Misioni do të përbëhet nga rreth 100 vëzhgues nga vende të ndryshme të shteteve anëtare të BE-së si dhe nga Norvegjia dhe Zvicra. 
Një deklaratë preliminare me të gjeturat e Misionit për Vëzhgimin e Zgjedhjeve do të prezentohet në një konferencë për shtyp në Prishtinë, 48 orë pas ditës së zgjedhjeve. Dy deri tre muaj pas përfundimit të procesit zgjedhor, Misioni për Vëzhgim të Zgjedhjeve do të publikojë raportin final, i cili do të përfshijë rekomandime për zgjedhjet në të ardhmen.

EU EOM dhe Zyra e Bashkimit Evropian në Kosovë/Përfaqësuesi i Posaçëm i Bashkimit Evropian në Kosovë operojnë si të pavarur nën mandate specifike.

 ***
 
EU Chief Observer calls elections in Kosovo an opportunity to demonstrate democratic maturity
 
PRISTINA, 2 June 2017 – Chief Observer of the EU Election Observation Mission in Kosovo and Member of the European Parliament for Slovenia, Alojz Peterle, called today for a peaceful campaign and credible elections during a press conference in Pristina. 
“I call on all stakeholders to play their part in ensuring the peaceful conduct of the rest of the campaign, and not to miss this opportunity to ensure credible elections for all the people of Kosovo,” he said. 
During his two-day visit to Kosovo, Mr Peterle met with the head of the Central Election Commission Valdete Daka, acting Prime Minister Isa Mustafa, acting Foreign Minister Enver Hoxhaj as well as representatives of political entities, civil society and the international community.
While acknowledging the challenges posed to the election administration by the short timeframe of 30 days for the 11 June early legislative elections, Peterle said they nevertheless represented “an excellent opportunity to demonstrate democratic maturity.” 
He also urged all political actors to “refrain from any language or forms of pressure and intimidation that could undermine the integrity of the electoral process.” This includes allowing the media to offer a platform to political entities without interference. 
The EOM was deployed following an invitation from the President of Kosovo. A core team of eight analysts arrived in Kosovo on 19 May. In addition to 16 long-term observers deployed across, the Mission will be joined 32 short-term observers, a delegation from the European Parliament as well as locally recruited observers from the diplomatic representations of EU Member States in Kosovo. In total the EOM will comprise around 100 observers drawn from different EU Member States as well as Norway and Switzerland. 
A preliminary statement of the EOM’s findings will be presented at a press conference in Pristina within 48 hours of election day. Two to three months after the end of the election process the EOM will publish a final report, including recommendations for future elections.
The EU EOM and the EU Office/EU Special Representative in Kosovo operate independently under their specific mandates.

Filed Under: Politike Tagged With: Behlul Jashari, Shefi i Misionit te BE, zgjedhjet ne Kosove

ZGJEDHJET NE KOSOVE: Isa Mustafa ka shpalle fitoren e LDK-së në nivel vendi

November 3, 2013 by dgreca

Sipas mostrave të Demokracisë në Veprim, Isa Mustafa 43.6%, Shpend Ahmeti, 31.0, Agim Çeku 11%, Korab Sejdiu, 5.7%, Tahiri 4.5%., Visar Arifaj 1.4 %, Valon Murati 1.9 %.Në Gjilan 43 Lutfi Haziri, Qemajl Mustafa 27%; Pejë, Gazmend Muhaxheri, 41.1% Muhaxheri, AAK-ja 35.3 %; në Gjakovë Kusari 39 %, 38.3 % Pal Lekaj, në Prizren Muja 33.7%, 24.9 Kryeziu, BD-ja 14.7%. 

Sipas rezultatit online të KQZ-së janë këto të dhëna: Në Prishtinë Isa Mustafa udhëheq me 49.17 %, Vetëvendosje Shpend Ahmeti me 21.25%; Agim Çeku 1067%; AKR-ja 8.87 %; Aleanca për Ardhmërinë e Kosovës 5.46%; LB 2.78%, Visar Arifaj i Partisë së Fortë 0.78 %, i pavaruri Sali Salihu 0.68 %. Në Podujevë Agim Veliu prin me 49.35% ndaj kandidatit të PDK-së Naim Fetahut 31.45%; Në Fushë Kosovë Burim Berisha i LDK-së prin me 56 %, PDK-ja me Naser Graj[evci 23.7%; Në Pejë Gazmend Muhaxheri prin me 46.68%, Ali Berisha i AAK-së 34.3%; Në Gjilan Lutfi Haziri 37.14, PDK me Qemajl Mustafa 33.08 %; Në Gjakovë AAK Pal Lekaj 45.52 %, ndersa AKR me Mimoza Kusari Lilajn 35.98 %, Në Prizren Muja 33.7%, 24.9 Kryeziu, BD-ja 14.7%. Në Obiliq prin LDK 32.9 %, nga AAK-LDD Xhafer Gashi i dyti me 24.25 %, ndersa në garë për balotazh vahdon të jetë edhe Vehbi Sadiku i PDK-së me 22.6%; Në Suharekë prin Sali Asllani i LDK-së me 36.9%, ndërsa pasohet nga gara për balotazh ndërmjet AAK-së me Bali Muharremin me 29.68 % dhe Ramë Vatës së PDK-së me 29.1%: Në Ferizaj PDK me Agim Aliun prin me 41.14%, ndaj LDK-së me Muharrem Sfarqës me 32.31%; NË Malishevë prin Iniciativa e Fatmir Limajt me 40%; i dyti është Isni KIlaj i PDK-së, 27.79 %, i trei Sali Morina i LDK-së me 26.42 për qind; NË Prizren Ramadan Muja i PDK-së prin me 40.01%, ndërsa LDK me Eqrem Kryeziun 23.81% Në Kamenicë LDK -Shaip Surdulli prin me 34 %, Begzad Sinani me 31 %, AKR me Fatmir Matoshin 19 %; Në Dragash prin Salim Jenuzi i PDK-së me 38.57 % ndaj Fatmir Mehmetit të LDK-së me 32.57 %; Në Deçan Rasim Selmanaj prin me 59.7 %, LDK me 27 %;

(I plotësuar) – LDK ka fituar besimin më të madh në nivel vendi. Ai iu shprehu mirënjohjen më të thellë në nivel vendi, dhe ka falënderuar edhe komisionerët, edhe organizatat ndërkombëtare edhe mediat.
Ai e shprehu keqardhjen për incidentet në e rënda në veri.
Ai tregoi që partia e tij ka fituar pa balotazh në komunën e Podujevës, Istogut, Fushë Kosovës, por që pritet edhe Gjilani dhe Peja.
“Si parti e parë në balotazh edhe pse nuk kemi të dhëna të sakta jemi në komunat: Prishtinë, Kamenicë, Lipjan,Viti si dhe Suharekë”, tha Mustafa.
Kurse sa i përket Prishtinës, i pari i Lidhjes Demokratike të Kosovës u shpreh se edhe për kryeqytetin po pritet të sigurohen të dhënat.
Si parti e dytë sipas LDK-së, kjo parti shkon në komunën e Ferizajt, Dragashit, Junikut, Vushtrrisë si dhe Novobërda, ndërsa pritet edhe në Malishevë e Mitrovicë

LDK deklaron rikthimin si parti e parë në Kosovë

Në konferencën me gazetarët para pak çastesh, zëdhënësja e Shtabit Zgjedhor të LDK-së, Vjosa Osmani deklaroi se sipas përqindjes së deritashme të votave të numëruara del se LDK po rikthehet si partia e parë në Kosovë. Ajo tha se në 3 deri 5 komuna pritet që kryetarët nga radhët e kësaj partie të dalin fitues pa balotazh, në tetë të tjera kandidatë e saj momentalisht prijnë bindshëm, kurse në shtatë janë në garë afër fare ose të barabartë me kundërkandidatët e partive të tjera.

Rezultatet preliminare: Përmbysje në Gjilan, Pejë dhe Gjakovë

Sipas Demokracisë në Veprim, në bazë të votave të numëruara në rreth 50 për qind të vendvotimeve, në Prishtinë prin Isa Mustafa i LDK-së me 43.6 për qind të votave. Ai do të ballafaqohet në balotazh me Shpend Ahmetin e Vetëvendosjes, i cili deri tash ka fituar 30.8 për qind të votave. Për kandidatin e PDK-së, Agim Çeku, sipas të gjitha gjasave nuk ka shanse të hyjë na balotazh, pasi për të votuar kanë votuar vetëm rreth 10 për qind të qytetarëve të komunës së Prishtinës.
Në Prizren janë Ramadan Muja i PDK-së me 33.7 për qind të votave, para Eqrem Kryeziut të LDK-së, me 26.0 për qind.
Në Pejë ka befasi. Aty kandidati i LDK-së, Gazmend Muhaxhiri ka fituar 41.4 për qind, kurse Ali Berisha i koalicionit AAK-LDD ka marrë votën e 36.4 për qind të zgjedhësve të dalë në votime.
Duket sikur AAK-ja nuk e ka të sigurt fitoren as në Gjakovë, ku prin Mimoza Kusari-Lila me 41.4 për qind, e pasuar nga Pal Lekaj i AAK, me 36.5 për qind dhe është e sigurt se në balotazh për kryetar të ardhshëm të Gjakovës do të jenë këta dy kandidatë.
Në Gjilan po ndodh një përmbysje. Kryetari i kësaj komune në dy mandate, Qemajl Mustafa i PDK-së ka fituar vetëm 25.7 për qind të votave, kurse kundëkandidati i tij, Lutfi Haziri i LDK-së prin me 40.9 për qind të votave të fituara.
Në Ferisaj Agim Aliu i PDK-së prin me 40.1 për qind, kurse kandidati i LDK-së, Muharrem Svarça i LDK-së ka fituar 34 për qind të votave. Edhe këtu mbase këta dy kandidatë do të shkojnë në balotazh.
DnV: Në Prishtinë prin Mustafa, Ahmeti e Çeku e ndjekin
Prishtinë, 3 nëntor – Demokracia në Veprim bëri të ditur se nesër do të dalë me rezultatet preliminare të votimit të sotshëm, ndërkaq procesin zgjedhor e ka vlerësuar të rregullt, të qetë dhe demokratik. Sipas DnV-së incidentet që kanë ndodhur i ka cilësuar të vogla dhe që nuk i qesin hije vlerësimit të mirë të zgjedhjeve të sotshme.

Ndërkohë procesi i numërimit të votave ka filluar dhe sipas rezultateve të deritashme (nuk ka të dhëna sa për qind e tyre është numëruar), në Prishtinë aktualisht po udhëheq Isa Mustafa me 43.6 për qind, ndërkaq pasohet nga Shpend Ahmeti me 31 % dhe Agim Çeku me 11.4 % të vota. Në Prizren ndërkaq po udhëheq Ramadan Muja me 33.7%, kurse kandidati i LDK-së, Eqrem Kryeziu e ndjek me 24.9%, në Gjakovë Mimoza Kusari-Lila e AKR-së po udhëheq me 39.4% të votave, ndërsa pasohet nga Pal Lekaj i AAK-së me 38.3%. Në Pejë, sipas votave deri tash të numëruara po udhëheq Gazmend Muhaxheri i LDK-së me 41.1 % dhe pasohet nga ai i AAK-së, Ali Berisha me 35.5 %, në Gjilan ndërkaq tash për tash po udhëheq Lutfi Haziri i LDK-së me 43 për qind të vota, kurse Qemajl Mustafa i PDK-së ka 27% të votave.

Përfundon votimi, pa veriun, votuan 45% e qytetarëve
“Kosova përmbylli një proces jo edhe aq të lehtë. Duke pas parasysh se u votua në gjithë Kosovën”.
Kështu u shpreh në konferencë për media, kryetarja e KQZ-së, Valdete Daka.
“Është me rëndësi të theksohet se komisioni ka pranuar vetëm disa vërejtje të cilat nuk mund të ndikojnë në rregullsinë e procesit zgjedhor” tha Daka.
Ajo foli edhe për incidentet në veri duke thënë se personat që ndërprenë votimet atje “kanë rrezikuar stafin vendor dhe ndërkombëtar”
“Ne kërkojmë nga përgjegjësit e sigurisë vendore që të mudnësojnë sjelljen kutive nga komunat e veriut, pasi vetëm atëherë mund ta dimë se si u votua atje” tha Daka.
“Materiali është duke u kthyer me përcjelljen e Policisë së Kosovës, EULEX-it dhe OSBE-së” shtoi Daka.
“Dalja e votuesve deri ne ora 19:00, duke mos e përfshi veriun është 45.79%” tha

* * * *
Përfundon votimi, mbyllen qendrat Procesi zgjedhor i cili duke përjashtuar veriun e vendit, duket të ketë kaluar pa probleme të mëdha, ka hyrë në një fazë të re.

Të gjitha qendrat e votimit duke filluar nga ora 19:00, janë mbyllur, dhe tani po shkohet djretë procesit të numërimit të votave. Shtabet e partive politike, pritet që shumë shpejtë të fillojnë të dalin me rezultate preliminare, ndërsa të tillat pak më vonë pritet të dalin edhe nga ana e KQZ-së.

Ndërsa në veri, situata ka qenë krejt ndryshe. Atje grupet ekstremiste kanë penguar gjatë tërë ditës pjesëmarrjen e bashkëqytetarëve të tyre në zgjedhje.

E në mbrëmje situata ka eskaluar edhe më tutje, ku persona të maskuar kanë futur në një qendër votimi në veri, duke demoluar tërë materialin zgjedhor.

Pas kësaj, si transmeton reporteri, përfaqësuesit e OSBE-së janë tërhjekur nga këto qendra votimi, dhe kanë kërkuar nga KQZ që ta ndërpresë procesin e votimit atje.

Pritet që zgjedhjet në veri të shpallen të pavlefshme, për shkak të pa mundësisë së organizimit të lirë të tyre.

Pjesëmarrja në zgjedhje deri në orën 15:00, mbi 33 për qind

Pjesëmarrja në zgjedhjet lokale në gjithë territorin e Kosovës, deri në orën 15:00, ka arritur në mbi 33 për qind, bëhet e ditur nga Komisioni Qendror i Zgjedhjeve.

Një vëmendje e posaçme po i kushtohet situatës në veri, prej nga raportohet për disa pengesa.

Deri në orën 15:00, votuan mbi 33 për qind e qytetarëve

Pjesëmarrja në zgjedhjet lokale në gjithë territorin e Kosovës, deri në orën 15:00, ka arritur në mbi 33 për qind, bëhet e ditur nga Komisioni Qendror i Zgjedhjeve.

Një vëmendje e posaçme po i kushtohet situatës në veri, prej nga raportohet për disa pengesa.

Kryetarja e Komisionit Qendror të Zgjedhjeve, Valdete Daka tha se disa grupe të caktuara në veri, “nuk janë duke lejuar qytetarët që lirshëm të shprehin vullnetin e tyre qytetar për të votuar”.

Daka tha se “para dhe gjatë fillimit të hapjes së vendvotimeve komisionarë janë penguar në punën e tyre”.

“Për këtë gjendje janë informuar edhe Policia e Kosovës edhe institucionet e tjera relevante. Mirëpo, do ta njoftojmë edhe Bashkimin Evropian, edhe misionin e OSBE-së, edhe pse OSBE-ja është e informuar, sepse është në pjesën veriore”, u shpreh ajo.

Daka tha se me gjithë ato reagime nga grupe të caktuara, komisionarët janë duke qënderuar në vendvotime.

“Ata janë aty në këshillat e vendvotimeve, janë brenda, janë duke punuar dhe do ta shohim më tutje situatën”, deklaroi Daka.

DnV: Deri në ora 12 pjesmarrja në votime 14% ,po rritet numri i parregullsive

Sipas Koalicionit të OJQ-ve, Demokracia në Veprim, deri në ora 12:00 kanë votuar mbi 14 për qind e qytetarëve të Kosovës. Ndërkohë, sipas tyre, vazhdon të rritet numri i parregullsive nëpër qendrat e votimit në nivel vendi. Përfaqësuesi Driton Selmanaj, tha se nga terreni janë raportuar më shumë se 100 raste të votimeve familjare.

Vëzhguesit kanë informuar se ka pasur edhe fotografim të votës, ka pasur prezencë të personave të paautorizuar, duke bërë presion mbi votuesit në disa qendra, ndërsa disa persona kanë tentuar të votojnë më shumë se një herë.

KQZ: Pjesëmarrja deri në orën 11, është mbi 12 %
Komisioni Qendror i Zgjedhjeve ka zbuluar përqindjen e qytetarëve të cilët kanë votuar deri në orën 11:00.
Është mësuar se votimi ka qenë me përqindje më të ulët se në peridhen kohore të zgjedhjeve të fundit (2009). Deri në ora 11 kanë votuar 12.03% apo 214.129 votues.

Thaçi: këto zgjedhje janë test për Republikën e Kosovës

Kryeministri i Republikës së Kosovës, Hashim Thaçi ka votuar në qendrën e votimit në shkollën fillore Faik Konica në Prishtinë.

Me këtë rast ai ka thënë se këto zgjedhje janë shumë të rëndësishme pasi po mbahen një vit pas përmbylljes së mbikëqyrjes së Pavarësisë së Kosovës.

“Këto janë zgjedhjet e para të lira që organizohen në gjithë territorin e Kosovës dhe historike për shtetin tonë të ri që kaluam një vit të mbikëqyrjes së pavarësisë me sukses të plotë , që kemi hapu tani rrugën e sigurt për Integrime Evropiane dhe procesit të stabilizim-asociimit , procesin e liberalizmit të vizave”, tha ai.

Thaçi tha se këto zgjedhje janë një test për Kosovën drejt integrimeve evropiane , ndërsa falënderoj qytetarët dhe partitë politike për një fushatë të qetë korrekte.
“Këto zgjedhje janë test evropian për Republikën e Kosovës . Unë edhe njëherë sot dëshiroj t`i falënderoj të gjithë qytetarët e Republikës së Kosovës për pjesëmarrjen e tyre në fushatë , falënderoj gjithë spektrin politik për një fushatë korrekte të qetë të konkurrencës së lirë, edhe sot kam besim të plotë se shteti ynë Kosova dhe qytetarët e Kosovës do t`a kalojnë testin evropian për të ardhmen e tyre, pra për të dëshmuar rendin demokratik, për të dëshmuar zhvillim aktiv të demokracisë dhe perspektivë të sigurt evropiane , pra sot do të jemi të gjithë të angazhuar për Kosovën Evropiane”, theksoi kryeministri Thaçi.

Mustafa u bën thirrje të gjithë qytetarëve të dalin në votime

Lideri i Lidhjes Demokratike të Kosovës, njëherit edhe kryetari i komunës së Prishtinës, Isa Mustafa ka votuar sot gjatë orës 10.00, në shkollën fillore Emin Duraku.

Mustafa në një deklaratë për media, tha se ky proces zgjedhor deri më tani është i rregullt, dhe që i bën thirrje të gjithë qytetarëve të dalin në votime.

“Mendoj që është një proces shumë i mirë, deri më tani shumë i rregullt, na gëzon fakti që qytetarët po dalin në votime dhe ajo që unë kërkoj nga qytetarët dhe i ftoj është që ata të gjithë të votojnë, të votojnë të gjithë sipas vullnetit të tyre , të votojnë për Kosovën, të votojnë për integrimet tona evropiane dhe të tregojnë se ne jemi një shtet demokratik”, tha kryetari i LDK-së, Isa Mustafa.

Mustafa tha po ashtu se rezultatet e votimeve janë ato që legjitimojnë votën e lirë të qytetarëve.

Kreu i LDK-së, Isa Mustafa, po rikandidon për postin e kryetarit të Komunës së Prishtinës.

​Voton Haradinaj, fton qytetarët për dalje në zgjedhje

Lideri i Aleancës për Ardhmërinë e Kosovës, Ramush Haradinaj, ka votuar në shkollën e mjekësisë në kryeqytet.

Haradinaj, u ka bërë thirrje qytetarëve që të shfrytëzojnë të drejtën e tyre për të votuar.

“E shfrytëzova të drejtën e qytetarit. Votova. I ftoi qytetarët e Prishtinës, qytetarët e Kosovës që të votojnë”, pohoi Haradinaj.

Sot, në ora 9:00, Kryetari i Lëvizjes VETËVENDOSJE!, Albin Kurti, votoi në Qendrën e Votimit 1913E, në Fakultetin Juridik në Prishtinë. Me këtë rast Albin Kurti tha se sot jo vetëm që është ditë e rëndësishme për qytetarët dhe komunat e Kosovës, jo vetëm për lirinë e demokracinë, por edhe për shtetndërtimin në Kosovë. Ai uroi që zgjedhjet të jenë të lira dhe të ndershme, që në mandatin e ardhshëm të qeverisemi nga njerëz të lire dhe të ndershëm, që kanë legjitimitet demokratik.

Nënkryetari i Lëvizjes VETËVENDOSJE! dhe Kandidati për Kryetar të Prishtinës, Shpend Ahmeti, votoi në ora 10:00, në Qendrën e Votimit 1903E, në Shkollën Fillore, “Faik Konica” në Prishtinë. Në prononcimin e tij para medieve, Shpend Ahmeti tha se kjo ditë është një ndër ditët e pakta, kur të gjithë në shtetin tone janë të barabartë, andaj ai ftoi qytetarët ta shfrytëzojnë ketë barazi për të mirën e tyre, duke qenë i sigurt se po vjen era ndryshim në Prishtinë.

Ka votuar Presidenti i AKR-së, z.Behgjet Pacolli

Sot rreth ores 10:00, në shkollën fillore të Hajvalisë, ka votuar i pari i AKR-së, zotëri Behgjet Pacolli.

Ai ju ka bërë thirrje qytetarëve që të dalin në zgjedhje, duke shpresuar që këto zgjedhje të kalojnë pa probleme.

“Shpresoj shumë që këto zgjedhje do të kalojnë në frymën demokratike, të jenë fer dhe qytetari do të ketë privilegjin që votën e tij ta hedh aty ku mendon ai dhe që mendon që është më i miri.

Shpresoj që këto zgjedhje të kalojnë pa as një incident dhe në mënyrën më demokratike. Gjithashtu shpresoj që në çdo cep të Kosovës të votohet në mënyrën më të rregullt dhe më demokratike”, ka thënë Pacolli në mesazhin e tij.

​Voton Presidentja. Apel për pjesëmarrje masive

Presidentja e Republikës së Kosovës, Atifete Jahjaga ka votuar në sallën ‘1 tetori’. Ajo bëri thirrje për dalje sa më masive të votuesve në këto zgjedhje, duke i quajtur këto zgjedhje si test të pjekurisë politike dhe të demokracisë së brendshme.

“Kryeva obligimin tim si qytetare e Kosovës. Bëj apel te qytetarët të zgjedhin përfaqësuesit e tyre duke dalur masovisht. Këto zgjedhje janë test i pjekurisë sonë politike, test i demokracisë, dhe dëshmia e një shteti gjithëpoërfshirës që po e krijojmë. Është përkujtimi për sakrificën nëpër të cilën ka kaluar shoqëria jonë”, tha Presidentja e Republikës së Kosovës, Atifete Jahjaga.

DV: Disa paregullsi të vogla në votime

Koalicioni i Organizatave Joqeveritare “Demokracia në Veprim”, që monitoron procesin zgjedhor me rreth 1, 600 vëzhgues në të gjithë territorin e Kosovës, deri më tash ka vërejtur disa parregullsi të vogla.

“Hapja e vendvotimeve kryesisht ka ndodhur me kohë; ka pasur probleme të vogla teknike. Në disa raste mungojnë disa nga komisionet; ka raste ku shiriti i sigurisë nuk është lidhur siç duhet. Ka raste ku në disa vendvotime ka më pak fletëvotime sesa numri i regjistruar i votuesve. Pastaj, një rast apo dy të tilla që është fotografuar vota”, ka thënë koordinatorja e “Demokracia në Veprim” për Prishtinën, Shqipe Pantina.

Policia: Në veri ka thirrje për bojkot

Zëvendëskomandanti i Policisë së Kosovës në veri, Besim Hoti, tha se gjendja e sigurisë në veri është kryesisht e qetë. Megjithatë, ai bëri të ditur se në tri lokacione në afërsi të qendrave të votimit, disa qytetarë janë duke bërë thirrje për të bojkotuar procesin e votimit.

“Së paku në tri lokacione të ndryshme të qendrave të votimit kemi grupe të qytetarëve, të cilët thërrasin për bojkotim të këtyre zgjedhjeve. Këta persona po qëndrojnë në një distancë më të largët nga qendrat e votimit dhe nuk kemi të bëjmë me bllokim të hyrjeve drejtpërdrejt me qendrat e votimit, por vetëm me shprehje të pakënaqësisë së tyre me këtë aspekt të votimit. Thjesht, ata thërrasin njerëzit për bojkotim të këtyre zgjedhjeve”, tha Hoti.

KQZ: Janë hapur të gjitha qendrat e votimit, përveq një vendvotimi në veri

Komisioni Zgjedhor ka mbajtur konferencë për shtyp në të cilën Kryetarja Valdete Daka deklaroi se të gjitha qendrat e votimeve janë hapur përveç një vendvotimi në veri të Mitrovicës.
“Të gjitha qendrat e votimit janë hapur, vetëm një vendvotim në pjesën veriore nuk është hapur për shkaqe teknike”, tha Daka.
Sipas Dakes në atë vendvotim nuk është shpërndarë materiali për këtë arsye nuk ka arritur të hapet. Ajo tha se nuk ka nuk ka raportim për ndonjë incident ose parregullsi.

Voton Valdete Daka: Le të fitojë Kosova

Megjithëse kishte arritur 20 minuta më herët, Kryetarja e Komisionit Qendror Zgjedhor (KQZ), Valdete Daka, ka pritur orën 7:00, për të hapur edhe zyrtarisht qendrën e votimit në Fakultetin Teknik në Prishtinë.

Daka, e cila ishte votuesja e parë, në këtë qendër të votimit tha se shpreson që qytetarët do të dalin për të votuar dhe për t’i zgjedhur përfaqësuesit e tyre.

“Sot besoj se është një ditë e mbarë për Kosovën. Ju e patë se qendra e votimit është hapur dhe unë votova. Shpresoj se me këtë votën time do të fitoi më i miri. Natyrisht shpresoj se të gjithë qytetarët e Kosovës do të dalin në votim dhe me votën e tyre, do ti zgjedhin përfaqësuesit e tyre, për të cilët mendojnë se janë më të mirët. I uroj sukses të gjithë qytetarëve të Kosovës, iu dëshiroj një ditë të mbarë dhe le të fitoi Kosova”, tha ajo.

Ndërsa e pyetur se kur priten rezultatet preliminare, ajo tha se KQZ është e përgatitur dhe se shpreson ato të do të bëhen të ditura, së paku dy tri orë pas mbylljes së vendvotimeve. Në zgjedhjet për Kuvende Komunale, votuesi voton për një subjekt politik të certifikuar dhe mund të votojë për një kandidat nga lista e kandidatëve të këtij subjekti politik.
Sot, votohet për zgjedhjet lokale
Rreth 1.8 milionë qytetarë të Kosovës me të drejtë vote, sot do të kenë mundësi që të zgjedhin përfaqësuesit e tyre për një mandat katërvjeçar, në tridhjetë e tetë komuna të Kosovës . Për të votuar janë 2366 qendra të vendvotimit.

Numri i qytetarëve të Kosovës, që tashmë kanë shprehur dëshirën për të votuar e që gjenden jashtë vendit është 8383, e të cilët mund të votojnë përmes postës.

Në garë për kryetar komune e asambleistë janë 103 subjekte politike, me gjithsej 7.932 kandidatë.

Në bazë të Ligjit për Zgjedhje Lokale, elektorati do të zgjedhë anëtarët e kuvendeve komunale dhe kryetarët e komunave në tërë komunat e Kosovës.

Sipas Ligjit për Zgjedhjet, Kreu II, neni 7, pika 7.1, secila komunë do të jetë zonë zgjedhore e veçantë.

Njëkohësisht, do të mbahet kuota gjinore prej 30% për deputetët e kuvendeve komunale.

Sivjet, për herë të parë pas luftës, në zgjedhje marrin pjesë edhe serbët e veriut, të cilët janë përkrahur edhe nga Beogradi zyrtar.

Për zgjedhjet e së dielës do të përdoren Listat e Hapura. Në zgjedhjet për Kuvende Komunale, votuesi voton për një subjekt politik të certifikuar dhe mund të votojë për një kandidat nga lista e kandidatëve të këtij subjekti politik.

Nëse në fletëvotim janë shënuar më shumë se një (1) kandidat, vetëm vota për subjektin politik llogaritet.

Për zgjedhjet e 3 nëntorit, lider vendorë e ndërkombëtarë kanë bërë thirrje që procesi zgjedhor të jetë transparent duke sqaruar që secili që manipulon me votat ose keqpërdor ato do të ndëshkohet rreptë sipas ligjeve në fuqi në Kosovë.(Kortezi: BOTA SOT)

 

Filed Under: Politike Tagged With: fitoren e LDK-se, Isa mustafa ka shpalle, zgjedhjet ne Kosove

  • « Previous Page
  • 1
  • 2
  • 3
  • Next Page »

Artikujt e fundit

  • NË VEND TË NJË KARTOLINE, SOT NË DITËLINDJEN E TIJ
  • ASOCIACIONI I PROPOZUAR E SHNDËRRON KOSOVËN NË FUÇI BARUTI 
  • GJASHTË KUSHTET E KRYEMINISTRIT KURTI JANË TË ARSYESHME
  • VACE ZELA ( 7 prill 1939 – 6 SHKURT 2014)
  • NJË BIBLIOTEKË PËR QYTETIN E ALFABETIT SHQIP
  • Hapja e shkollave të para shqipe në vitet 1941 – 1944, ngjarje e rëndësishme, kyçe në historinë e Kosovës
  • Ekspozita “Gjergj Kastrioti Skënderbeu-kalorësi i lirisë së shqiptarëve”
  • TECHNOLOGY REVIEW (1981) / ÇFARË ËSHTË NJË FOTOGRAFI? — PËRGJIGJJA E FOTOGRAFIT SHQIPTAR ME FAMË BOTËRORE GJON MILI DHE NJË KOMENT PËR LIBRIN E TIJ “FOTOGRAFI DHE KUJTIME”
  • Rreth rëndësisë së përkthimit në gjuhën angleze të librit “Koja në rrjedhën e kohëve” të autorit Fran Gjeloshaj
  • Kryeministri Kurti priti në takim ambasadorët e akredituar në Kosovë
  • THE SIX CONDITIONS OF PRIME MINISTER KURTI ARE REASONABLE
  • Momenti që drejtësia në Shqipëri që të tregojë se sa është e pavarur
  • MISIONI I VATRAVE SHQIPTARE NË SHBA. NË VEND TË NJË URIMI…
  • Pentagoni godet dhe rrëzon balonën ‘spiune’ kineze. Po tani ?
  • Tërmeti në Turqi, Vatra shpreh solidaritet dhe lutet për viktimat e të plagosurit

Kategoritë

Arkiv

Tags

alfons Grishaj Anton Cefa arben llalla asllan Bushati Astrit Lulushi Aurenc Bebja Behlul Jashari Beqir Sina dalip greca Elida Buçpapaj Elmi Berisha Enver Bytyci Ermira Babamusta Eugjen Merlika Fahri Xharra Frank shkreli Fritz radovani Gezim Llojdia Hazir Mehmeti Ilir Levonja Interviste Keze Kozeta Zylo Kolec Traboini kosova Kosove Marjana Bulku Murat Gecaj nderroi jete ne Kosove Nene Tereza presidenti Nishani Rafaela Prifti Rafael Floqi Raimonda Moisiu Ramiz Lushaj reshat kripa Sadik Elshani SHBA Shefqet Kercelli shqiperia shqiptaret Sokol Paja Thaci Vatra Visar Zhiti

Log in

This website uses cookies to improve your experience. We'll assume you're ok with this, but you can opt-out if you wish. Cookie settingsACCEPT
Privacy & Cookies Policy

Privacy Overview

This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary
Always Enabled
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Non-necessary
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
SAVE & ACCEPT