• Home
  • Politics
  • Opinion
  • Culture
  • Sports
  • Economy
  • Interview
  • Reporting
  • Community
  • Vatra

Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

100-VJETORI I VIKTIMAVE TË KOMUNIZMIT DO TË PËRKUJTOHET NË WAHINGTON

October 16, 2017 by dgreca

2-Frank-shkreli-2-300x183-1

Nga Frank Shkreli/Nëntori 2017 shënon 100-vjetorin e Revolucionit Bolshevik.  Historia tregon se një natë tëftohtë në Petrograd, 100-vjetë më parë, një grup i vogël Rojesh të Kuqe morën nën kontroll Pallatin Dimëror dhe instaluan qeverinë e parë komuniste në botë.   Revolucioni Bolshevik shënoi fillimin e një shekulli, gjatë të cilit mbështetësit e ideologjisë komuniste bënë disa prej krimeve më të tmershme që ka njohur historia e njerëzimit.Me rastin e këtij përvjetori, Fondacioni Amerikan për Kujtimin e Viktimave të Komunizmit me qëndër në Washington, me 7-9 të muajit që vjen, organizon në kryeqytetin e Shteteve të Bashkuara, ceremoni përkujtimore dhe konferenca akademike, ku do të marrin pjesë anëtarë të Kongresit të Shteteve të Bashkuara dhe një numër ekspertësh dhe historianësh të dalluar të kësaj fushe, të ardhur nga Evropa dhe nga Amerika.

1 Gjoni Viktim komuniz

Ne Foto:Dega e Vatres ne Washington, pjesmarrse e rregullt ne veprimtarite per krimet e komunizmit prane monumentit perkates ne Washington./

Në njoftimin për zhvillimin e punimeve, në shënim të 100-vjetorit të Revolucionit Bolshevik, Fondacioni në fjalë shprehet se me këtë rast, “Do të mblidhemi për të nderuar kujtimin e më shumë se 100-milionë viktimave të komunizmit, njëkohësisht, edhe për të festuar lirinë atje ku ka triumfuar tanimë, por edhe për të vazhduar përpjekjet tona, për një botë të lirë nga komunizmi.”

Sipas programit të njoftuar, përkujtimi i viktimave të komunizmit me rastin e 100-vjetorit të Revolucionit Bolshevik në Rusi, dita e parë e punimeve me 7 nëntor, do të fillojë me një konferencë për shtypin dhe me shfaqjen e filmit, “Gratë e Gulagut”, një film dokumentar ku pasqyrohen tregimet personale tragjike të 6-grave që kanë vuajtur si të burgosura politike në gulagun Stalinist sovjetik.Njoftohet se me 8 Nëntor, në njërën prej sallave të ligjvënsëve amerikanë të Bibliotekës së Kongresit, do të mbahen me këtë rast, ligjërata nga anëtarë të Kongresit, ndërsa panelistë të njohur në fushën e historisë së komunizmit, do të diskutojnë dhe do të shqyrtojnë lidhjet midis ideologjisë marksiste dhe praktikave politike, ekonomike, kulturore dhe të politikës së jashtme, të përdorura nga regjimi i ish-Bashkimit Sovjetik.   Në mënyrë më specifike, thekson programi, ekspertët do të diskutojnë se si idetë e Karl Marksit — në të vërtetë — u pasqyruan në përdorimin e praktikave revolucionare, në themelimin e regjimit komunist Bolshevik dhe të Bashkimit Sovjetik, si entitet politik e shtetëror.   Temat për diskutim, nga një listë e gjatë e disa prej ekspertëve më të njohur të kësaj fushe në Amerikë dhe në Evropë, sipas njoftimit të Fondacionit Amerikan për Kujtimin e Viktimave të Komunizmit, do të përfshijnë edhe luftën totalitare që sovjetikët kanë përdorur gjatë sundimit të tyre, kundër institucioneve vullnetare që përbënin shoqërinë civile, por do të preken edhe subjekte si imperializmi sovjetik, Kombet e Robëruara nga komunizmi dhe Lufta e Ftoftë, ndër të tjera.

The Victims of Communism Memorial Foundation

Dita e dytë e kujtimit të viktimave të komunizmit në Washington, me rastin e 100-vjetorit të Revolucionit Bolshevik, do të përfshijë gjithnjë komente nga anëtarë të Kongresit të Shteteve të Bashkuara si dhe diskutime nga ekspertë të ndryshëm dhe të njohur botërisht për ekspertizën e tyre historike të komunizmit gjatë shekullit të kaluar.   Ndër subjektet që pritet të diskutohen – sipas programit të njoftuar deri më tani – janë edhe lidhjet midis të Vërtetës, Kujtimit dhe Drejtësisë, me qëllim llogaridhënjen dhe përgjegjësinë për krimet e bëra, por edhe për të pranuar dhe për t’u përballur me të kaluarën e krimeve të regjimeve komuniste.   Përveç kësaj, një vend të posaçëm në diskutimet e ditës së fundit të përkujtimit të viktimave të komunizmit, do të zenë aktivitetet subversive sovjetike jashtë ish-Bashkimit Sovjetik, përmasat e krimeve të komunizmit mbrenda vendit, si dhe pengesat me të cilat përballen sot historianët në përpjekjet e tyre për të shkruar një histori të vertëtë të krimeve të regjimeve komuniste.   Specifikisht, me rastin e 100-vjetorit të Revolucionit Bolshevik dhe të viktimave të komunizmit, ekspertët e ftuar dhe ligjvensit amerikanë do të theksojnë sidomos edhe rëndësinë e kujtimit, të pajtimit dhe të drejtësisë për viktimat e komunizmit, por edhe rrezikun që paraqesin përpjekjet e tanishme për të treguar, ndryshe nga e vërteta, historinë e periudhës komuniste dhe nëse është e mundur të tejkalohet trashëgimia sovjeto-komuniste dhe nëse, si përfundim, populli rus më në fund, mund të jetojë në liri të vërtetë.

Fondacioni për Kujtimin e Viktimave të Komunizmit, që po organizon ceremonitë në nëntor, me rastin e 100-vjetorit të Revolucionit Bolshevik, ka ftuar gjithashtu që në këtë përkujtim të marrin pjesë edhe përfaqsues të shumë nga vendet ish-komuniste, ose ish-Kombet e Robëruara, siç njiheshin me fjalorin e Luftës së Ftohtë.   Njoftohet se nga Shqipëria është ftuar në Washington të marrë pjesë në këtë përkujtim të viktimave të komunizmit edhe Z. Simon Mirakaj — ish i përndjekur politik, familja e të cilit për dekada ka vuajtur internimet e tmershme të regjimit të Enver Hoxhës dhe aktualisht anëtar i Autoritetit për Informim i Dosjeve të Sigurimit të Shtetit nga 30 Nëntori 1944 deri në 2 korrik të vitit 1991, në Shqipëri.   Në një intervistë ditët e fundit me gazetën Telegraf në Tiranë, Z. Mirakaj, në kapacitetin e tij si anëtar i këtij Autoriteti për hapjen e dosjeve të ish-Sigurimit të Shtetit në Shqipëri, u shpreh se, “Diktatura komuniste duhet të shihet si një e keqe e përbashkët nga i gjithë spektri politik” shqiptar, duke shtuar se, “Ballafaqimi me të kaluarën komuniste dhe dënimi i saj është një domosdoshmëri për të pasur një të ardhme të sigurt drejtë Evropës së bashkuar.   Çdo nismë për të ndaluar simbolet e komunizmit, mendoj se i shërben të ardhmes, i shërben demokracisë”, përfundoi Z. Mirakaj.

Besoj se gjatë vizitës së tij në kryeqytetin amerikan për të marrë pjesë në ceremonitë që do të shënojnë 100-vjetorin e Revolucionit Bolshevik, Z. Mirakaj do të gjejë mbështetje të fortë në Washington për qëndrimin e tij se edhe Shqipëria, pas 27 vjetë post-komunizëm, duhet që, më në fund, të përballet seriozisht me të kaluarën e saj komuniste – në këtë 100-vjetor të Revolucionit Bolshevik – duke iu bashkuar pjesës tjetër ish-komuniste të Evropës, për të kujtuar viktimat e shumta të regjimit komunist të Enver Hoxhës, me qëllim dhe shpresë që e kaluara të mos përsëritet më dhe që të ketë gjithashtu një distancim serioz dhe zyrtar nga trashëgimia e atij regjimi, trashëgimi që fatkeqsisht edhe sot pas më shumë se një çerek shekulli, vihet re kudo në jetën politike dhe shoqërore shqiptare –shpeshëherë me aprovimin zyrtar ose dukuria publike e kësaj trashëgimije trajtohet në heshtje nga ana e e autoriteteve.   Tirana zyrtare e ka për detyrë që, të pakën aq sa Washingtoni, që nuk ka vuajtur kurrë nga komunizmi, të tregojë më në fund gatishmërinë dhe seriozitetin e saj që duhet t’i kushtojë rëndësisë së kujtimit të krimeve të komunizmit, të pajtimit kombëtar dhe të drejtësisë për viktimat e e atij regjimi — të gjallë e të vdekur në Shqipëri — ashtu siç kanë bërë shumica e vendeve ish-komuniste të Evropës Lindore dhe Qendrore, e të cilat sot janë anëtare të plota të organizmave euro-atlantike.   Ky duhet të jetë një obligim solemn dhe angazhim serioz dhe i pa hile i autoriteteve qeveritare dhe shtetërore të Shqipërisë, nëqoftse vendi dëshiron të shkojë përpara.

 https://centennial.victimsofcommunism.org/index/schedule

Filed Under: Politike Tagged With: 100 vjetori, Frank shkreli, i viktimave, të komunizmit, Washington

WASHINGTON, NDERIM VIKTIMAVE TE KOMUNIZMIT

July 11, 2017 by dgreca

1 viktimat

Vizite dhe takim  ne Uashington DC per te perkujtuar viktimat e komunizmit/

1 Cezar merita Viktim Komuniz

Me ftese te fondacionit perkujtimor per Viktimat e Komunizmit  me qender ne Ushington DC. SHBA dhe shoqeruar nga shqiptaro-amerikani I mirenjohur ne komunitet, Z.Cezar Ndreu, Z. Beniamin Bakalli , kryetar i deges se Partise  Levizja e Legalitetit  per degen e  Tiranes u takua me Z. Marion Smith , drejtori egzekutiv I Fondacionit  dhe me Dr. Murray Besset  nga departamenti i edukimit  te fondacionit.

Ne takim, I cili zgjati per me shume se  nentedhjete minuta,  Z. Smith shprehu simpatine e tij per Shqiperine, per vuajtjet e kombit nga komunizmi,  tregoi per punen qe bejne si fondacion dhe ftoi miqte te ndanin eksperiencat dhe njohurite e tyre nga jeta nen komunizem ne Shqiperi.

Z.Bakalli  pasi falenderoi zoterinjte mikprites per takimin dhe per punen e tyre shume domethenese , foli ne vecanti per historine e familjes se tij gjate periudhes se komunizmit, tregoi se familjaret e tij mbajne mbi supe 120 vite burgim ne burgjet famekeqe te Spacit, Burrelit e Spacit  per aktivitetin dhe perpjekjet e tij per zbardhjen e se vertetes  kombetare shqiptare dhe ndau me zoterinjte amerikane disa nga punet e tij permes faqeve te tij informuese Gjenocidi Shqiptar dhe Krimet e Komunizmit si dhe epr leksionet qe ai ben ne institucionet edukuese ne Shqiperi ne menyre qe brezi i ri te mesoje te verteten.

  1. Ndreu gjithashtu perzemersisht falenderoi mikpritesit dhe i pergezoi ata per punen e madhe edukative dhe fruthdhenese lidhur me te vertetat e komunizmit dhe frutet famekeqe te kesaj ideologjie dhe pastaj   ndau disa episode nga  historia e familjes se tij  por edhe beri nje pasqyre te  pergjithshme te historise se kombit shqiptar  gjate periudhes se eger te komunizmit.
  2. Smith , tregoi interest e vecante per rrefimet ngjethese qe u paraqiten dhe ftoi gjithe ata persona, permes ketyrve vizitoreve, qe kane deshmi personale ti ndajne me kete organizate.  Z. Smith theksoi se punet e fondacionit jane te fokusuara ne edukimin e brezit te ri, tregimin e se vertetes lidhur me ideologjine skllaveruese e shkaterruese sic eshte komunizmi qe ehste perjetuar ne vendet e lindjes dhe sidomos ne Shqiperi  dhe premtoi se do vazhdoje komunikimin me shqiptaret dhe shprehu mirenjohje e falenderime per viziten.

Ne takim merrte pjese edhe Merita B. McCormack , autore dhe aktiviste shqiptaro –amerikane  ne  zonen e Uashingtonit si dhe Mariza Smajlaj asistante egzekutive e Fondacionit. Keto dy zonja kane mundesuar koordinimin per takimin.

Cezar Ndreu dhe Merita McCormack, qe te dy Vatrane te vjeter dhe anetare te keshillit Drejtues te Vatres e ftuan z. Smith  dhe  te tjeret prezente te njihen me federaten dhe te bashkepunojne ne te ardhmen ,pasi eshte jo vetem organizata me e vjeter ne Amerike por edhe me eksperience ne qendresen kunder komunizmit dhe ne ndihmen e i ka dhene shtetit amerikane nder vite per te ndihmuar Shqiperine e kombin shqiptar

Korrespondenti i Diellit

 

Filed Under: Featured Tagged With: Bakalli, ÇEZAR NDREU!, Merita B McCormack, viktimat e Komunizmit, Washington

Washingtoni sot e ka fjalën për shqiptarët në Ballkan

May 16, 2017 by dgreca

Joe

Ne Foto: Sot, para deshmise: znj.Shirley Cloyes, z.Joe DioGuardi, Dr.Arben Taravari, z.Vullnet Dervishi dhe Ilir Zenku e National Republican Club of Capitol Hill)

Washingtoni sot do të flasë për çështjen e (pa)zgjidhur shqiptare në Maqedoni/

1 Capitol
Nga Skënder Karaçica/LQSHA-Joe DioGuardi përsëri para shtetit amerikan në Washington do të shpalosë kronikën historike të shqiptarëve etnik në Maqedoni,që me ligjet kushtetuese tash e një shekull kanë mbetur në margjinat e kohës në pozitën e pakicës e jo shtetformues.Në këtë rrjedhë ata janë diskrimuar në pozitën shumëpalëshe dhe kjo gjendje është parë me sytë e botës demokratike dhe të shtetit amerikan në Washington,kur bandat kriminele të ish kryeministrit Nikolla Gruevski dhe të presidentit Gjorgje Ivanov
e përgjakën parlamentin në Shkup,duke rrahur për vdekje deputetin shqiptar (LR-PDSH)Ziadin Sela që konsiderohet se është rrahur i tërë populli shqiptar në hapësirën e vet etnike në Maqedoni.Washingtoni zyretar e ka parë nga afër këto pamje të shëmtuara nacionaliste dhe me vijat e trasha antishqiptare të kurdisura mirë në nëntokën politike maqedonase në Shkup,të dirigjuara nga qarqet e jashtme Ruso-Serbe.
LQSHA-Joe DioGuardi,ish kongresisti dhe me prejardhje shqiptare(me gjak arbëreshi)nuk e ndalë udhën e tij kombëtare shqiptare,që të qëndroj sa më afër popullit të tij shqiptar në trojet e veta etnike në Kosovë,Shqipëri
Maqedoni,Mal të Zi,Çamëri dhe në Luginën e Preshevës.Arbëreshi me miqtë amerikanë në Shtëpinë e Bardhë në Washington(Tom Lantos dhe Bob Dole)arritën që çështja e Kosovës të kaloj përmes Kongresit dhe Senatit,përmes miratimit të dëshmive,raporteve zyrtare nga terreni,të
shkrimeve analitike,të
fotografive për ngjarjet e dhunës serbe ndaj shqiptarëve në Kosovë,u bë e mundur miratimi i Rezolutës historike në Kongresin Amerikan që i përcaktoj qartë projektin e lirisë dhe të pavarësisë së Kosovës.Amerika ishte vendi i parë në botë që e njohu pavarësinë e shtetit të ri të Kosovës,këtu ishte programi kombëtar i LQSHA-Joe DioGuardi,që i hapi udhën presidentit Bush për të dhënë bekimin
për Kosovën shtet i pavarur.Dhe,koha nuk ka të ndalur për kauzën e madhe kombëtare shqiptare në Ballkan.Kjo pjesë e Evropës nuk do të ketë qetësi përderisa shqiptarët në Maqedoni ende e kanë statusin e pakicës dhe ligjet kushtetuese të pushetit maqedonas në Shkup,ende po sillën me metodën e vjetër të orëve komuniste se ,,Maqedonia është shtet (vetëm) i maqedonasve,,
dhe duke i lënë popullin shqiptar në rendin e dytë si pakicë kombëtare që ndaj tij me të gjitha metodat e anashkalimit në botën,,shkencore,historike
dhe akademike,,në Shkup përmes ,,Enciklopedisë,,
është fyer e denigruar aq shumë populli shqiptar saqë është thënë edhe kjo se ata,,paskëshin ardhur nga malet,për të zënë tokën e maqedonasve,,(sic!).Deri këtu ka mbërri gjendja me ligjet e këtij shteti,që pa barazinë e shqiptarëve nuk mund të ekzistojë as një ditë.
Washington sot do të flasë për çështjen e (pa)zgjidhur shqiptare në Maqedoni.Do të dëgjohet fjala dhe argumentet që nuk kush që mund të shembë për tokë,përderisa Amerika është në krah të popujve për të drejtat dhe liritë njerëzore në botë dhe projektuese për liri,demokraci,barazi të shqiptarëve në Maqedoni që ata me ligjet kushtetuese do të bëhen zot të vetvetes,për të sotmen dhe të ardhmen e tyre kombëtare shtetfformues dhe jo pakicë kombëtare.Me këto tipare të njohura të vlerave universale të demokracisë,Maqedonia mund të bëhet pjesë e botës së lirë,që edhe vetë kur këto vlera i participojnë bashkërisht dy bashkësitë e të dy popujve shumicë maqedane dhe shqiptare,atëherë për këtë vend multietnik mund të hapën dyert për integrim në BE dhe NATO dhe në një miqësi më të mirë më Amerikën.
LQSHA-Joe DioGuardi bëri që Amerika të shpëtoj Kosovën dhe tashti ky vend mik i përjetshëm do të jetë në krah të zgjidhjes së çështjes shqiptare në Maqedoni dhe shqiptarët do të jenë faktorë të paqes dhe të integrimeve me popujt në BE dhe NATO.
Washingtoni sot do të flasë për shqiptarët në Maqedoni,pushteti aktual duhet të ecë nëpër tokë dhe të mendoj me mirë se pa barazinë kombëtare të shqiptarëve përmes ligjeve kushtetuese nuk ka mund të ekzistojë.Çdo vonesë dhe mbyllja e syve para problemit aktual do të sjellë në tovolinë opcionin e federalizimit ose të ndarjes së vendit sipas hartës etnike të vitit 1913.
Padrejtësitë historike të shqiptarëve tashti janë vënë në tovolinë të Kongresit dhe të Senatit Amerikan në Washington,atëherë sot përsëri një zë vjen nga LQSHA-Joe DioGuardi se pa zgjidhjen e drejtë të çështjes shqiptare në Maqedoni dhe në pjesët tjera etnike,nuk do të jetë e qetë Evropa.
Washingtoni sot e ka fjalën për shqiptarët në Ballkan.
Skënder Karaçica
 Executive Director
Albanian-American Association

of Intellectuals Businessmen and Activists

Filed Under: Analiza Tagged With: Joe DioGuardi, LIGA QYTETARE, Washington

Washington, Yee: Kosova duhet t’i kryej të gjitha obligimet si shtet

February 2, 2017 by dgreca

1 Veseli Washington

-Kryeparlamentari Veseli takoi Zëvendës Ndihmës Sekretarin amerikan, Hoyt Brian Yee/

WASHINGTON, 2 Shkurt 2017-Gazeta DIELLI/ Kryetari i Kuvendit të Republikës së Kosovës, Kadri Veseli, në vazhdën e takimeve me personalitete të larta amerikane, sot në Washington ka takuar Zëvendës Ndihmës Sekretarin për çështjet evropiane dhe euro-aziatike, Hoyt Brian Yee.Njoftimi i dërguar thekson se, temë qëndrore e takimit ishin marrëdhëniet e afërta midis Shteteve të Bashkuara të Amerikës dhe Kosovës, si dy vende mike, me raporte të veçanta bashkëpunimi.Zyrtari i lartë amerikan, Yee, ka thënë se Kosova duhet t’i kryej të gjitha obligimet e saj si shtet, pasiqë, siç ka thënë ai, detyrimet e përmbushura e forcojnë shtetësinë e saj.Kryeparlamentari Veseli u zotua se Republika e Kosovës do t’i kryejë të gjitha obligimet dhe të vazhdojë konsolidimin e shtetësisë./b.j/

Filed Under: Komente Tagged With: Hoyt Brian Yee, Veseli, Washington, zv.Sekretarin amerikan

“DRITA E ARBËRISË” NË LYNNWOOD, WASHINGTON

December 5, 2016 by dgreca

dea2016-5“DRITA E ARBËRISË” ME 335 PJESEMARRËS FESTOI DITEN E FLAMURIT NË LYNNWOOD, WASHINGTON/

dea2016-3

Nëntori, tashmë, është muaji që i mbledh shqiptarët në Washington “rreth Flamurit të përbashkuar më një dëshirë e një qëllim.” Kështu ndodhi mbrëmjen e së dielës, më 20 nëntor 2016. Në Lynnwood Convention Center u mblodhën 335 vetë për të kremtuar 104-vjetorin e Shpalljës së pavarësisë së Shqipërisë—DITËN E FLAMURIT.

dea2016-4

Organizuar nga Shoqata Shqiptare Amerikane “Drita e Arbërisë—DEA”, në një ambient të bukur, të stolisur më shije e hijeshi me shenja e simbole kombetare, qe ishte shndërruar në një simfoni të ngjyrave kuq e zi, me Flamurin shqiptar dhe atë amerikan, që shkëlqenin, bashkë me fytyrat e njerëzve të gëzuar, në një harmoni të mrekullueshme.

dea2016-2

Kremtimi u hap nga zonja Migena Kocaj dhe z. Kujtim Markokaj, të cilët u shprehën mirëseardhjen bashkatdhetarëve të dashur, miqve e të ftuarve, si dhe të gjithë shqiptarëve kudo që ndodhen: Gëzuar Ditën e Flamurit!

Migena: “Sa mire kur jemi të gjithë bashkë! Sa gjëra të bukura mund të bëhën. Tashmë kjo festë po kthehet në një traditë të bukur për komunitetin tone, për të festuar e gëzuar së bashku.”

Kujtimi: “Mirënjohje të gjithëve për pjesëmarrjen dhe përkushtimin në çdo mënyrë, talent e kontribut në organizimin e përvitshëm të këtij aktiviteti që na mbledh në një identitet, në një gjak, në një këngë e në një valle.”

U bë pastaj nderimi i hymneve të SHBA dhe të Shqipërisë si dhe kujtimi e nderimi i dëshmorëve të kombit që flijuan jetën e tyre për Shqipërinë e lirë e të pavarur!

dea2016-1

Ndërkaq,  Ferhat Ymeraga, kryetar i shoqatës DEA, si dhe zonja Sava Simbe, antare e kryesisë së shoqatës, mbajtën fjalën e rastit në shqip dhe anglisht, respektivisht. Midis të tjerash, ata thane:

“ Njëqind e katër vjet më pare, më 28 Nëntor 1912, baballarët e kombit në krye me Ismail Qemalin, shpallën Pavarësinë e Shqipërisë. Kështu, përfundoi nata e gjatë e pushtimit Otoman dhe Shqipëria doli në dritë. U rilind! U rilind bashkë me Flamurin e Gjergj Kastriotit-Skenderbeut.

Jemi mbledhur sonte këtu që të kujtojmë e nderojmë bijat e bijtë më të shtrenjtë të Atdheut që dhanë jetën e tyre që Shqipëria të jetojë! Ata dhe ato ranë fli në altarin e lirisë, më besimin dhe vizionin se:

Nga Tivari në Manastir, nga Presheva në Prevezë,

Nga Shkodra në Janinë, nga Kosova në Çamëri

Është Shqipëri! Është Atdhe! Është Arbëri!

Flamuri Kombëtar është Formula e Pagëzimit e idealeve të Lirisë e Bashkimit!

Le ta pagzojmë të gjithë së bashku këtë Ditë të Shenjtë të rilindjes së Shqipërisë, të lirisë e të Flamurit shqiptar që Atdheu të jetojë i bashkuar, i lumtur dhe i përparuar brez pas brezave.

Zoti ju bekoftë juve dhe Shqipërinë!

Zoti i bekoftë Shtetet e Bashkuara t’Amerikës dhe botën!”

 

Programi muzikor – argëtues filloi me “O këngë e valle o ka sot Shqipnia, përgatitur nga Monda Malaj Markokaj,valle e cila, pasuar nga grupi muzikor – folklorik i burrave, shërbeu si prelud para prezantimit të këngëtares së adhuruar, Irma Libohova, përcjellë në sintesajzer nga Genti Cekorja.

Irma Libohova, me zërin e saj të bukur, me repertorin e pasur të këngëve dhe më gjallërinë e interpretimit të saj artistik, e ndezi atmosferën në sallë. I madh e i vogël u ngritën të vallëzonin në simfoninë e gëzueshme të ngjyrave (ku dominonin ato kuq e zi), dhe nën magjinë dehëse të këngëve shqipe dhe melosit të admirueshëm shqiptar. Nuk kishte mure. Nuk kishte kufij. Nu kishte ndasi. Vetëm një Atdhe! Vetëm një Shqipëri! Një Shqipëri që mblodhi në gjirin e saj jo vetem bashkatdhetarë e miq amerikanë, po dhe miq të tjerë të rracave të ndryshme të rruzullit, që merrnin pjesë në kujtimin e nderimin e ngjarjes qendrore të historisë moderne shqiptare të shekullit të XX.

Që nga viti 1999, qëkur festohet rregullisht Dita e Flamurit në Seattle, ishte ky manifestimi më masiv. Nuk e dimë me saktësi numrin e shqiptarëve në shtetin Washington, por përafërsisht një e katërta e popullatës shqiptaroamerikane ishte e pranishme në Festën Kombëtare. Patëm dhe bashkatdhetarë nga Oregoni, Vancouver-i i Kanadasë dhe  nga Nevada.

Ky festim i lumtur ishte fryt i përpjekjeve të përbashkëta të komunitetit, të udhëhequra nga Këshilli Drejtues i Shoqatës “Drita e Arbërisë”, të cilët punuan me vetmohim e përkushtim (Kujtim Markokaj, Ilir Çerekja, Panajot Dhima, Sava Simbe dhe Ferhat Ymeraga.)

Fatmir Spahia e stolisi sallën me shije estetike spikatëse. Shumë sponzorë dhanë me zemërgjerësi donacione (një donator anonym, Ferhat Ymeraga, Monda Markokaj, Reald Markokaj, Tofe Xhurri, Alo Hoxhaj, Sava Hruska, Familja Sokoli, Arben e Lela Kullojka, Ben e Migena Kocaj, Valentina e Panajot Dhima, Desi e Ilir Çerekja, Gert Hajnaj, një donator anonim nga Korça, Bushat Ajdini, Klodi Gjoka, Edward Vogli dhe Viola Hoxha).

Kleon Tona e solli fotografin Emerson Carrillo, i cili fotografoi tërë mbrëmjen, duke kapur çaste të veçanta të haresë e gëzimit. Një pjesë e tyre mund të shihen në Facebook. Janë disa fotose që vërtet vlejnë më shumë se një mijë fjalë, dhe që shprehin bukurinë e magjishme të bashkimit kombëtar!

Një ndër pikat më të shkëlqyera të programit, ishte recitimi i poezisë “Gjuha shqipe” e At Gjergj Fishtës nga Kujtim Markokaj. që përçoi bukurinë e ambël të gjuhës shqipe të mishëruar në artin e papërsëritshëm poetik fishtjan.

Një mbrëmje e paharruar me ngjyra, zëra, melodi, ritëm, shije e aromë mahnitëse Shqipërie të përhershme! Një identitet që duhet ta ruajmë e celebrojmë sot e mot, sa t’jetë jeta në Tokë!

 

Për Shoqatën Shqiptare Amerikane  DRITA E ARBËRISË – DEA në shtetin Washington

Ferhat Ymeraga

E hënë, 28 nëntor 2016

Kent/Seattle, Washington State

Filed Under: Featured Tagged With: “DRITA E ARBËRISË” NË LYNNWOOD, Ferhat Ymeraga, Washington

  • « Previous Page
  • 1
  • 2
  • 3
  • 4
  • Next Page »

Artikujt e fundit

  • Cikel poetik: Atdheu gjithmonë ka një strehëz…
  • ME RASTIN E 15-VJETORIT TË VIZITËS SË PRESIDENTIT GEORGE BUSH NË TIRANË – NË KUADËR TË 100-VJETORIT TË VENDOSJES SË MARRËDHËNIEVE AMERIKANO-SHQIPTARE*
  • Remarks by Ambassador Ferit Hoxha at the UN Security Council meeting on Ukraine
  • Martin Camaj nëpërmjet një letërkëmbimi
  • AT KARLO  SERREQI O.F.M.
  • Eight IRA Mistakes That Can Cost You a Fortune
  • Mbi veprën e Musine Kokalarit: “Dasmë… Sa u tunt jeta”
  • 6 MUAJ PA PATRIOTIN MEHMET MUJAJ
  • Dalip GRECA, -Ti shkrove për të gjithë…ike… dhe na le ne në borxh…
  • SHTETI PËRBALLË KRIZAVE; SHQIPËRIA NGA SHEMBJA E KOMUNIZMIT DERI TE LUFTA E KOSOVËS
  • NË VILËN E DIKTATORIT RUMUN DHE POEZIA IME PER POETIN UKRAINAS DMYTRO CHYSTIAK…
  • Celebrating 100-year anniversary of Albania – US diplomatic relations
  • “ROLI I MËRGATËS SHQIPTARE NË BOTË DHE NË MËNYRË TË VEÇANTË I MËRGATËS TONË KOMBËTARE NË SH.B.A”
  • SHQIPËRIA, LUFTA DHE KRIZA E ÇMIMEVE, SI DO NDRYSHOJNË EKUILIBRAT
  • NË BE ME STANDARDE TË PLOTËSUARA DHE JO ME RETORIKË SARKASTIKE

Kategoritë

Arkiv

Tags

albano kolonjari Albin Kurti alfons Grishaj Anton Cefa arben llalla Astrit Lulushi Aurenc Bebja Behlul Jashari Beqir Sina dalip greca Elida Buçpapaj Enver Bytyci Ermira Babamusta Eugjen Merlika Fadil Lushi Fahri Xharra Frank shkreli Fritz radovani Gezim Llojdia Hazir Mehmeti Ilir Levonja Interviste Kolec Traboini kosova Kosove Marjana Bulku Murat Gecaj nderroi jete ne Kosove Nene Tereza presidenti Nishani Rafaela Prifti Rafael Floqi Raimonda Moisiu Ramiz Lushaj reshat kripa Sadik Elshani SHBA Shefqet Kercelli shqiperia shqiptaret Sokol Paja Thaci Vatra Visar Zhiti

Log in

This website uses cookies to improve your experience. We'll assume you're ok with this, but you can opt-out if you wish. Cookie settingsACCEPT
Privacy & Cookies Policy

Privacy Overview

This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary
Always Enabled
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Non-necessary
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
SAVE & ACCEPT